श्रीकृष्णस्तोत्रम् (देवैः कृतं हरिवंशान्तर्गतम् ते च देवाः समुनयो हते कंसे दुरात्मनि) Devaih Kritam Shri Krishna Stotram

ते च देवाः समुनयो हते कंसे दुरात्मनि ।नमस्कृत्य जगन्नाथं स्वं स्वं जग्मुर्यथाऽऽलयम् ॥ १॥

te ca devāḥ samunayo hate kaṃse durātmani |namaskṛtya jagannāthaṃ svaṃ svaṃ jagmuryathā''layam || 1||

तुष्टुवुः पुण्डरीकाक्षं कृष्णं विजयिनं विभुम् ।हत्वा पूतानिकां विभज्य शकटं बङ्क्त्वार्जुनौ दानवान् ॥ २॥

tuṣṭuvuḥ puṇḍarīkākṣaṃ kṛṣṇaṃ vijayinaṃ vibhum |hatvā pūtānikāṃ vibhajya śakaṭaṃ baṅktvārjunau dānavān || 2||

सप्ताहत्य विनाश्य कालियविषं निष्पीड्य रिष्टेतरम् ।हत्वा केशिनमुन्मदं विषतरुं चोद्धृत्य गोवर्धनं ॥ ३॥

saptāhatya vināśya kāliyaviṣaṃ niṣpīḍya riṣṭetaram |hatvā keśinamunmadaṃ viṣataruṃ coddhṛtya govardhanaṃ || 3||

यः कंसं सगजेन्द्रमल्लमवधीत्तस्मै नमो विष्णवे ।प्रलम्बधेनुकप्राणहारिणे मुष्टिकद्विषे ।सुनामोन्माथिने नित्यं धीमते हलिने नमः ॥ ४॥

yaḥ kaṃsaṃ sagajendramallamavadhīttasmai namo viṣṇave |pralambadhenukaprāṇahāriṇe muṣṭikadviṣe |sunāmonmāthine nityaṃ dhīmate haline namaḥ || 4||

इति हरिवंशान्तर्गतं देवैः कृतं श्रीकृष्णस्तोत्रं सम्पूर्णम् ।हरिवंश । अध्याय ७६\।४६॥हरिवंश । अध्याय ७६।४६॥

iti harivaṃśāntargataṃ devaiḥ kṛtaṃ śrīkṛṣṇastotraṃ sampūrṇam |harivaṃśa | adhyāya 76\|46||harivaṃśa | adhyāya 76|46||