श्रीपञ्चमुखिहनुमत्पञ्चरत्नम् Shripanchamukhihanumatpancharatnam

श्रीरामपादसरसीरुहभृङ्गराजसंसारवार्धिपतितोद्धरणावतार ।दोःसाध्यराज्यधनयोषिददभ्रबुद्धेपञ्चाननेश मम देहि करावलम्बम् ॥ १॥

śrīrāmapādasarasīruhabhṛṅgarājasaṃsāravārdhipatitoddharaṇāvatāra |doḥsādhyarājyadhanayoṣidadabhrabuddhepañcānaneśa mama dehi karāvalambam || 1||

आप्रातरात्रिशकुनाथनिकेतनालिसञ्चारकृत्य पटुपादयुगस्य नित्यम् ।मानाथसेविजनसङ्गमनिष्कृतं नःपञ्चाननेश मम देहि करावलम्बम् ॥ २॥

āprātarātriśakunāthaniketanālisañcārakṛtya paṭupādayugasya nityam |mānāthasevijanasaṅgamaniṣkṛtaṃ naḥpañcānaneśa mama dehi karāvalambam || 2||

षड्वर्गवैरिसुखकृद्भवदुर्गुहायामज्ञानगाढतिमिरातिभयप्रदायाम् ।कर्मानिलेन विनिवेशितदेहधर्तुःपञ्चाननेश मम देहि करावलम्बम् ॥ ३॥

ṣaḍvargavairisukhakṛdbhavadurguhāyāmajñānagāḍhatimirātibhayapradāyām |karmānilena viniveśitadehadhartuḥpañcānaneśa mama dehi karāvalambam || 3||

सच्छास्त्रवार्धिपरिमज्जनशुद्धचित्तास्त्वत्पादपद्मपरिचिन्तनमोदसान्द्राः ।पश्यन्ति नो विषयदूषितमानसं मांपञ्चाननेश मम देहि करावलम्बम् ॥ ४॥

sacchāstravārdhiparimajjanaśuddhacittāstvatpādapadmaparicintanamodasāndrāḥ |paśyanti no viṣayadūṣitamānasaṃ māṃpañcānaneśa mama dehi karāvalambam || 4||

पञ्चेन्द्रियार्जितमहाखिलपापकर्माशक्तो न भोक्तुमिव दीनजनो दयालो ।अत्यन्तदुष्टमनसो दृढनष्टदृष्टेःपञ्चाननेश मम देहि करावलम्बम् ॥ ५॥

pañcendriyārjitamahākhilapāpakarmāśakto na bhoktumiva dīnajano dayālo |atyantaduṣṭamanaso dṛḍhanaṣṭadṛṣṭeḥpañcānaneśa mama dehi karāvalambam || 5||

इत्थं शुभं भजकवेङ्कटपण्डितेनपञ्चाननस्य रचितं खलु पञ्चरत्नम् ।यः पापठीति सततं परिशुद्धभक्त्यासन्तुष्टिमेति भगवानखिलेष्टदायी ॥ ६॥

itthaṃ śubhaṃ bhajakaveṅkaṭapaṇḍitenapañcānanasya racitaṃ khalu pañcaratnam |yaḥ pāpaṭhīti satataṃ pariśuddhabhaktyāsantuṣṭimeti bhagavānakhileṣṭadāyī || 6||

इति श्रीवेङ्कटार्यकृतं श्रीपञ्चमुखिहनुमत्पञ्चरत्नं सम्पूर्णम् ।

iti śrīveṅkaṭāryakṛtaṃ śrīpañcamukhihanumatpañcaratnaṃ sampūrṇam |