आञ्जनेयसुप्रभातम् Shrimadanjaneyasuprabhatam

श्रीसीतारामाभ्यां नमः । श्रीमदाञ्जनेयाय नमः ।अमलकनकवर्णं प्रज्वलत्पावकाक्षं सरसिजनिभवक्त्रं सर्वदा सुप्रसन्नम्रणरचनसुगात्रं कुण्डलालङ्कृताङ्गं परजयकरवालं रामदूतं नमामि ॥श्रीरामचन्द्रचरणाम्बुजमत्तभृङ्ग श्रीराममन्त्रजपशील भवाब्धिपोत।श्रीजानकीहृदयतापनिवारमूर्ते श्रीवीर धीर हनुमन् तव सुप्रभातम् ॥ १॥

śrīsītārāmābhyāṃ namaḥ | śrīmadāñjaneyāya namaḥ |amalakanakavarṇaṃ prajvalatpāvakākṣaṃ sarasijanibhavaktraṃ sarvadā suprasannamraṇaracanasugātraṃ kuṇḍalālaṅkṛtāṅgaṃ parajayakaravālaṃ rāmadūtaṃ namāmi ||śrīrāmacandracaraṇāmbujamattabhṛṅga śrīrāmamantrajapaśīla bhavābdhipota|śrījānakīhṛdayatāpanivāramūrte śrīvīra dhīra hanuman tava suprabhātam || 1||

श्रीरामदिव्यचरितामृतास्वादलोल श्रीरामकिङ्कर गुणाकर दीनबन्धो ।श्रीरामभक्त जगदेकमहोग्रशौर्य श्रीवीर धीर हनुमन् तव सुप्रभातम् ॥ २॥

śrīrāmadivyacaritāmṛtāsvādalola śrīrāmakiṅkara guṇākara dīnabandho |śrīrāmabhakta jagadekamahograśaurya śrīvīra dhīra hanuman tava suprabhātam || 2||

सुग्रीवमित्र कपिशेखर पुण्यमूर्ते सुग्रीवराघवसमागमदिव्यकीर्ते ।सुग्रीवमन्त्रिवर शूरकुलाग्रगण्य श्रीवीर धीर हनुमन् तव सुप्रभातम् ॥ ३॥

sugrīvamitra kapiśekhara puṇyamūrte sugrīvarāghavasamāgamadivyakīrte |sugrīvamantrivara śūrakulāgragaṇya śrīvīra dhīra hanuman tava suprabhātam || 3||

भक्तार्तिभञ्जन दयाकर योगिवन्द्य श्रीकेसरीप्रियतनूज सुवर्णदेह ।श्रीभास्करात्मजमनोऽम्बुजचञ्चरीक श्रीवीर धीर हनुमन् तव सुप्रभातम्॥ ४॥

bhaktārtibhañjana dayākara yogivandya śrīkesarīpriyatanūja suvarṇadeha |śrībhāskarātmajamano'mbujacañcarīka śrīvīra dhīra hanuman tava suprabhātam|| 4||

श्रीमारुतप्रियतनूज महाबलाढ्य मैनाकवन्दितपदाम्बुज दण्डितारिन् ।श्री उष्ट्रवाहन सुलक्षणलक्षिताङ्ग श्रीवीर धीर हनुमन् तव सुप्रभातम्॥ ५॥

śrīmārutapriyatanūja mahābalāḍhya mainākavanditapadāmbuja daṇḍitārin |śrī uṣṭravāhana sulakṣaṇalakṣitāṅga śrīvīra dhīra hanuman tava suprabhātam|| 5||

पञ्चाननस्य भवभीतिहरस्य रामपादाब्जसेवनपरस्य परात्परस्य ।श्री अञ्जनाप्रियसुतस्य सुविग्रहस्य श्रीवीर धीर हनुमन् तव सुप्रभातम्॥ ६॥

pañcānanasya bhavabhītiharasya rāmapādābjasevanaparasya parātparasya |śrī añjanāpriyasutasya suvigrahasya śrīvīra dhīra hanuman tava suprabhātam|| 6||

गन्धर्वयक्षभुजगाधिपकिन्नराश्च आदित्यविश्ववसुरुद्रसुरर्षिसङ्घाः ।सङ्कीर्तयन्ति तव दिव्यसुनामपङ्क्तिं श्रीवीर धीर हनुमन् तव सुप्रभातम् ॥ ७॥

gandharvayakṣabhujagādhipakinnarāśca ādityaviśvavasurudrasurarṣisaṅghāḥ |saṅkīrtayanti tava divyasunāmapaṅktiṃ śrīvīra dhīra hanuman tava suprabhātam || 7||

श्रीगौतमच्यवनतुम्बुरुनारदात्रिमैत्रेयव्यासजनकादिमहर्षिसङ्घाः ।गायन्ति हर्षभरितास्तव दिव्यकीर्तिं श्रीवीर धीर हनुमन् तव सुप्रभातम् ॥ ८॥

śrīgautamacyavanatumburunāradātrimaitreyavyāsajanakādimaharṣisaṅghāḥ |gāyanti harṣabharitāstava divyakīrtiṃ śrīvīra dhīra hanuman tava suprabhātam || 8||

भृङ्गावली च मकरन्दरसं पिबेद्यं कूजन्त्युदारमधुरं चरणायुधाश्च ।देवालये घनगभीरसुशङ्खघोषः श्रीवीर धीर हनुमन् तव सुप्रभातम् ॥ ९॥

bhṛṅgāvalī ca makarandarasaṃ pibedyaṃ kūjantyudāramadhuraṃ caraṇāyudhāśca |devālaye ghanagabhīrasuśaṅkhaghoṣaḥ śrīvīra dhīra hanuman tava suprabhātam || 9||

पम्पासरोवरसुपुण्यपवित्रतीर्थमादाय हेमकलशैश्च महर्षिसङ्घाः ।तिष्ठन्ति त्वच्चरणपङ्कजसेवनार्थं श्रीवीर धीर हनुमन् तव सुप्रभातम् ॥ १०॥

pampāsarovarasupuṇyapavitratīrthamādāya hemakalaśaiśca maharṣisaṅghāḥ |tiṣṭhanti tvaccaraṇapaṅkajasevanārthaṃ śrīvīra dhīra hanuman tava suprabhātam || 10||

श्रीसूर्यपुत्रप्रिय नाथ मनोज्ञमूर्ते वातात्मजात कपिवीर सुपिङ्गलाक्ष ।सञ्जीवनाय रघुवीरसुभक्तवर्य श्रीवीर धीर हनुमन् तव सुप्रभातम् ॥ ११॥

śrīsūryaputrapriya nātha manojñamūrte vātātmajāta kapivīra supiṅgalākṣa |sañjīvanāya raghuvīrasubhaktavarya śrīvīra dhīra hanuman tava suprabhātam || 11||