आञ्जनेयाष्टोत्तरशतनामस्तोत्रम् हनुमदष्टोत्तरशतनामस्तोत्रम् Shrimad Anjaneya Ashtottarashatanamastotram

श्रीगणेशाय नमः ॥ॐ मनोजवं मारुततुल्यवेगंजितेन्द्रियं बुद्धिमतां वरिष्ठम् ।वातात्मजं वानरयूथमुख्यंश्रीरामदूतं शिरसा नमामि ॥ॐ आञ्जनेयो महावीरो हनुमान्मारुतात्मजः ।तत्त्वज्ञानप्रदः सीतादेवीमुद्राप्रदायकः ॥ १॥

śrīgaṇeśāya namaḥ ||oṃ manojavaṃ mārutatulyavegaṃjitendriyaṃ buddhimatāṃ variṣṭham |vātātmajaṃ vānarayūthamukhyaṃśrīrāmadūtaṃ śirasā namāmi ||oṃ āñjaneyo mahāvīro hanumānmārutātmajaḥ |tattvajñānapradaḥ sītādevīmudrāpradāyakaḥ || 1||

अशोकवनिकाच्छेत्ता सर्वमायाविभञ्जनः ।सर्वबन्धविमोक्ता च रक्षोविध्वंसकारकः ॥ २॥

aśokavanikācchettā sarvamāyāvibhañjanaḥ |sarvabandhavimoktā ca rakṣovidhvaṃsakārakaḥ || 2||

परविद्यापरीहारः परशौर्यविनाशनः ।परमन्त्रनिराकर्ता परयन्त्रप्रभेदकः ॥ ३॥

paravidyāparīhāraḥ paraśauryavināśanaḥ |paramantranirākartā parayantraprabhedakaḥ || 3||

सर्वग्रहविनाशी च भीमसेनसहायकृत् ।सर्वदुःखहरः सर्वलोकचारी मनोजवः ॥ ४॥

sarvagrahavināśī ca bhīmasenasahāyakṛt |sarvaduḥkhaharaḥ sarvalokacārī manojavaḥ || 4||

पारिजातद्रुमूलस्थः सर्वमन्त्रस्वरूपवान् ।सर्वतन्त्रस्वरूपी च सर्वयन्त्रात्मकस्तथा ॥ ५॥

pārijātadrumūlasthaḥ sarvamantrasvarūpavān |sarvatantrasvarūpī ca sarvayantrātmakastathā || 5||

कपीश्वरो महाकायः सर्वरोगहरः प्रभुः ।बलसिद्धिकरः सर्वविद्यासम्पत्प्रदायकः ॥ ६॥

kapīśvaro mahākāyaḥ sarvarogaharaḥ prabhuḥ |balasiddhikaraḥ sarvavidyāsampatpradāyakaḥ || 6||

कपिसेनानायकश्च भविष्यच्चतुराननः ।कुमारब्रह्मचारी च रत्नकुण्डलदीप्तिमान् ॥ ७॥

kapisenānāyakaśca bhaviṣyaccaturānanaḥ |kumārabrahmacārī ca ratnakuṇḍaladīptimān || 7||

सञ्चलद्वालसन्नद्धलम्बमानशिखोज्ज्वलः ।गन्धर्वविद्यातत्त्वज्ञो महाबलपराक्रमः ॥ ८॥

sañcaladvālasannaddhalambamānaśikhojjvalaḥ |gandharvavidyātattvajño mahābalaparākramaḥ || 8||

कारागृहविमोक्ता च शृङ्खलाबन्धमोचकः ।सागरोत्तारकः प्राज्ञो रामदूतः प्रतापवान् ॥ ९॥

kārāgṛhavimoktā ca śṛṅkhalābandhamocakaḥ |sāgarottārakaḥ prājño rāmadūtaḥ pratāpavān || 9||

वानरः केसरिसुतः सीताशोकनिवारकः ।अञ्जनागर्भसम्भूतो बालार्कसदृशाननः ॥ १०॥

vānaraḥ kesarisutaḥ sītāśokanivārakaḥ |añjanāgarbhasambhūto bālārkasadṛśānanaḥ || 10||

विभीषणप्रियकरो दशग्रीवकुलान्तकः ।लक्ष्मणप्राणदाता च वज्रकायो महाद्युतिः ॥ ११॥

vibhīṣaṇapriyakaro daśagrīvakulāntakaḥ |lakṣmaṇaprāṇadātā ca vajrakāyo mahādyutiḥ || 11||

चिरञ्जीवी रामभक्तो दैत्यकार्यविघातकः ।अक्षहन्ता काञ्चनाभः पञ्चवक्त्रो महातपाः ॥ १२॥

cirañjīvī rāmabhakto daityakāryavighātakaḥ |akṣahantā kāñcanābhaḥ pañcavaktro mahātapāḥ || 12||

लङ्किणीभञ्जनः श्रीमान् सिंहिकाप्राणभञ्जनः ।गन्धमादनशैलस्थो लङ्कापुरविदाहकः ॥ १३॥

laṅkiṇībhañjanaḥ śrīmān siṃhikāprāṇabhañjanaḥ |gandhamādanaśailastho laṅkāpuravidāhakaḥ || 13||

सुग्रीवसचिवो धीरः शूरो दैत्यकुलान्तकः ।सुरार्चितो महातेजा रामचूडामणिप्रदः ॥ १४॥

sugrīvasacivo dhīraḥ śūro daityakulāntakaḥ |surārcito mahātejā rāmacūḍāmaṇipradaḥ || 14||

कामरूपी पिङ्गलाक्षो वार्धिमैनाकपूजितः ।कबलीकृतमार्तण्डमण्डलो विजितेन्द्रियः ॥ १५॥

kāmarūpī piṅgalākṣo vārdhimainākapūjitaḥ |kabalīkṛtamārtaṇḍamaṇḍalo vijitendriyaḥ || 15||

रामसुग्रीवसन्धाता महारावणमर्दनः ।स्फटिकाभो वागधीशो नवव्याकृतिपण्डितः ॥ १६॥

rāmasugrīvasandhātā mahārāvaṇamardanaḥ |sphaṭikābho vāgadhīśo navavyākṛtipaṇḍitaḥ || 16||

चतुर्बाहुर्दीनबन्धुर्महात्मा भक्तवत्सलः ।सञ्जीवननगाहर्ता शुचिर्वाग्मी दृढव्रतः ॥ १७॥

caturbāhurdīnabandhurmahātmā bhaktavatsalaḥ |sañjīvananagāhartā śucirvāgmī dṛḍhavrataḥ || 17||

कालनेमिप्रमथनो हरिमर्कटमर्कटः ।दान्तः शान्तः प्रसन्नात्मा शतकण्ठमदापहृत् ॥ १८॥

kālanemipramathano harimarkaṭamarkaṭaḥ |dāntaḥ śāntaḥ prasannātmā śatakaṇṭhamadāpahṛt || 18||

योगी रामकथालोलः सीतान्वेषणपण्डितः ।वज्रदंष्ट्रो वज्रनखो रुद्रवीर्यसमुद्भवः ॥ १९॥

yogī rāmakathālolaḥ sītānveṣaṇapaṇḍitaḥ |vajradaṃṣṭro vajranakho rudravīryasamudbhavaḥ || 19||

इन्द्रजित्प्रहितामोघब्रह्मास्त्रविनिवारकः ।पार्थध्वजाग्रसंवासी शरपञ्जरभेदकः ॥ २०॥

indrajitprahitāmoghabrahmāstravinivārakaḥ |pārthadhvajāgrasaṃvāsī śarapañjarabhedakaḥ || 20||

दशबाहुलोर्कपूज्यो जाम्बवत्प्रीति वर्धनः ।सीतासमेत श्रीरामभद्रपूजाधुरन्धरः ॥ २१॥

daśabāhulorkapūjyo jāmbavatprīti vardhanaḥ |sītāsameta śrīrāmabhadrapūjādhurandharaḥ || 21||

इत्येवं श्रीहनुमतो नाम्नामष्टोत्तरं शतम् ॥यः पठेच्छृणुयान्नित्यं सर्वान्कामानवाप्नुयात् ॥ २२॥

ityevaṃ śrīhanumato nāmnāmaṣṭottaraṃ śatam ||yaḥ paṭhecchṛṇuyānnityaṃ sarvānkāmānavāpnuyāt || 22||

॥ इति श्रीमदाञ्जनेयाष्टोत्तरशतनामस्तोत्रं सम्पूर्णम् ॥

|| iti śrīmadāñjaneyāṣṭottaraśatanāmastotraṃ sampūrṇam ||