हनुमदष्टोत्तरशतनामस्तोत्रम् ०४ Shri Hanumadashtottarashatanama Stotram 4

(श्रीरघुप्रवीरयतिकृतम्)यस्य संस्मरणादेव पुरुषार्थचतुष्टयम् ।लभ्यते श्रीहनुमते नमस्तस्मै महात्मने ॥ १॥

(śrīraghupravīrayatikṛtam)yasya saṃsmaraṇādeva puruṣārthacatuṣṭayam |labhyate śrīhanumate namastasmai mahātmane || 1||

ॐ हनूमान् वायुतनयः केसरीप्रियनन्दनः ।अञ्जनानन्दनः श्रीमान् पिङ्गाक्षोऽमितविक्रमः ॥ २॥

oṃ hanūmān vāyutanayaḥ kesarīpriyanandanaḥ |añjanānandanaḥ śrīmān piṅgākṣo'mitavikramaḥ || 2||

सर्वलक्षणसम्पन्नः कल्याणगुणवारिधिः ।स्वर्णवर्णो महाकायो महावीर्यो महाद्युतिः ॥ ३॥

sarvalakṣaṇasampannaḥ kalyāṇaguṇavāridhiḥ |svarṇavarṇo mahākāyo mahāvīryo mahādyutiḥ || 3||

महाबलो महौदार्यः सुग्रीवाभीष्टदायकः ।रामदासाग्रणीर्भक्तमनोरथसुरद्रुमः ॥ ४॥

mahābalo mahaudāryaḥ sugrīvābhīṣṭadāyakaḥ |rāmadāsāgraṇīrbhaktamanorathasuradrumaḥ || 4||

अरिष्टध्वान्ततरणिः सर्वदोषविवर्जितः ।गोष्पदीकृतवाराशिः सीतादर्शनलालसः ॥ ५॥

ariṣṭadhvāntataraṇiḥ sarvadoṣavivarjitaḥ |goṣpadīkṛtavārāśiḥ sītādarśanalālasaḥ || 5||

देवर्षिसंस्तुतश्चित्रकर्मा जितखगेश्वरः ।मनोजवो वायुजवो भगवान् प्लवगर्षभः ॥ ६॥

devarṣisaṃstutaścitrakarmā jitakhageśvaraḥ |manojavo vāyujavo bhagavān plavagarṣabhaḥ || 6||

सुरप्रसूनाभिवृष्टः सिद्धगन्धर्वसेवितः ।दशयोजनविस्तीर्णकायवानम्बराश्रयः ॥महायोगी महोत्साहो महाबाहुः प्रतापवान् ।रामद्वेषिजनासह्यः सज्जनप्रियदर्शनः ॥ ८॥

suraprasūnābhivṛṣṭaḥ siddhagandharvasevitaḥ |daśayojanavistīrṇakāyavānambarāśrayaḥ ||mahāyogī mahotsāho mahābāhuḥ pratāpavān |rāmadveṣijanāsahyaḥ sajjanapriyadarśanaḥ || 8||

रामाङ्गुलीयवान् सर्वश्रमहीनो जगत्पतिः ।मैनाकविप्रियः सिन्धुसंस्तुतः कद्रुरक्षकः ॥ ९॥

rāmāṅgulīyavān sarvaśramahīno jagatpatiḥ |mainākavipriyaḥ sindhusaṃstutaḥ kadrurakṣakaḥ || 9||

देवमानप्रदः साधुः सिंहिकावधपण्डितः ।लङ्किण्यभयदाता च सीताशोकविनाशनः ॥ १०॥

devamānapradaḥ sādhuḥ siṃhikāvadhapaṇḍitaḥ |laṅkiṇyabhayadātā ca sītāśokavināśanaḥ || 10||

जानकीप्रियसल्लापश्चूडामणिधरः कपिः ।दशाननवरच्छेत्ता मशकीकृतराक्षसः ॥ ११॥

jānakīpriyasallāpaścūḍāmaṇidharaḥ kapiḥ |daśānanavaracchettā maśakīkṛtarākṣasaḥ || 11||

लङ्काभयङ्करः सप्तमन्त्रिपुत्रविनाशनः ।दुर्धर्षप्राणहर्ता च यूपाक्षवधकारकः ॥ १२॥

laṅkābhayaṅkaraḥ saptamantriputravināśanaḥ |durdharṣaprāṇahartā ca yūpākṣavadhakārakaḥ || 12||

विरूपाक्षान्तकारी च भासकर्णशिरोहरः ।प्रभासप्राणहर्ता च तृतीयांशविनाशनः ॥ १३॥

virūpākṣāntakārī ca bhāsakarṇaśiroharaḥ |prabhāsaprāṇahartā ca tṛtīyāṃśavināśanaḥ || 13||

अक्षराक्षससंहारी तृणीकृतदशाननः ।स्वपुच्छगाग्निनिर्दग्धलङ्कापुरवरोऽव्ययः ॥ १४॥

akṣarākṣasasaṃhārī tṛṇīkṛtadaśānanaḥ |svapucchagāgninirdagdhalaṅkāpuravaro'vyayaḥ || 14||

आनन्दवारिधिर्धन्यो मेघगम्भीरनिःस्वनः ।कपिप्रवीरसम्पूज्यो मधुभक्षणतत्परः ॥ १५॥

ānandavāridhirdhanyo meghagambhīraniḥsvanaḥ |kapipravīrasampūjyo madhubhakṣaṇatatparaḥ || 15||

रामबाहुसमाश्लिष्टो भविष्यच्चतुराननः ।सत्यलोकेश्वरः प्राणो विभीषणवरप्रदः ॥ १६॥

rāmabāhusamāśliṣṭo bhaviṣyaccaturānanaḥ |satyalokeśvaraḥ prāṇo vibhīṣaṇavarapradaḥ || 16||

धूम्राक्षप्राणहर्ता च कपिसैन्यविवर्धनः ।त्रिशीर्षान्तकरो मत्तनाशनोऽकम्पनान्तकः ॥देवान्तकान्तकः शूरो युद्धोन्मत्तविनाशकः ।निकुम्भान्तकरः शत्रुसूदनः सुरवीक्षितः ॥ १८॥

dhūmrākṣaprāṇahartā ca kapisainyavivardhanaḥ |triśīrṣāntakaro mattanāśano'kampanāntakaḥ ||devāntakāntakaḥ śūro yuddhonmattavināśakaḥ |nikumbhāntakaraḥ śatrusūdanaḥ suravīkṣitaḥ || 18||

दशास्यगर्वहर्ता च लक्ष्मणप्राणदायकः ।कुम्भकर्णजयी शक्रशत्रुगर्वापहारकः ॥ १९॥

daśāsyagarvahartā ca lakṣmaṇaprāṇadāyakaḥ |kumbhakarṇajayī śakraśatrugarvāpahārakaḥ || 19||

सञ्जीवनाचलानेता मृगवानरजीवनः ।जाम्बवत्प्रियकृद्वीरः सुग्रीवाङ्गदसेवितः ॥ २०॥

sañjīvanācalānetā mṛgavānarajīvanaḥ |jāmbavatpriyakṛdvīraḥ sugrīvāṅgadasevitaḥ || 20||

भरतप्रियसल्लापः सीताहारविराजितः ।रामेष्टः फल्गुनसखः शरण्यत्राणतत्परः ॥ २१॥

bharatapriyasallāpaḥ sītāhāravirājitaḥ |rāmeṣṭaḥ phalgunasakhaḥ śaraṇyatrāṇatatparaḥ || 21||

उत्पत्तिस्थितिसंहारकर्ता किम्पुरुषालयः ।वेदवेदाङ्गतत्त्वज्ञो भवरोगस्य भेषजम् ॥ २२॥

utpattisthitisaṃhārakartā kimpuruṣālayaḥ |vedavedāṅgatattvajño bhavarogasya bheṣajam || 22||

इत्थं हनुमतः पुण्यं शतमष्टोत्तरं पठन् ।विद्यार्थी लभते विद्यां धनार्थी लभते धनम् ॥ २३॥

itthaṃ hanumataḥ puṇyaṃ śatamaṣṭottaraṃ paṭhan |vidyārthī labhate vidyāṃ dhanārthī labhate dhanam || 23||

कन्यार्थी लभते कन्यां सुतार्थी लभते सुतम् ।कीर्त्यर्थी लभते कीर्तिं मोक्षार्थी मोक्षमाप्नुयात् ॥ २४॥

kanyārthī labhate kanyāṃ sutārthī labhate sutam |kīrtyarthī labhate kīrtiṃ mokṣārthī mokṣamāpnuyāt || 24||

रोगार्तो मुच्यते रोगाद्बद्धो मुच्येत बन्धनात् ।इदमायुष्करं धन्यं सर्वोपद्रवनाशनम् ॥ २५॥

rogārto mucyate rogādbaddho mucyeta bandhanāt |idamāyuṣkaraṃ dhanyaṃ sarvopadravanāśanam || 25||

सर्वशत्रुक्षयकरं सर्वपापप्रणाशनम् ।समस्तयज्ञफलदं सर्वतीर्थफलप्रदम् ॥ २६॥

sarvaśatrukṣayakaraṃ sarvapāpapraṇāśanam |samastayajñaphaladaṃ sarvatīrthaphalapradam || 26||

समस्तवेदफलदं सर्वदानफलप्रदम् ।पठनीयं महत्पुण्यं सर्वसम्पत्समृद्धिदम् ॥ २७॥

samastavedaphaladaṃ sarvadānaphalapradam |paṭhanīyaṃ mahatpuṇyaṃ sarvasampatsamṛddhidam || 27||

एवमष्टोत्तरशतं नामनं हनूमतो यतिः ।रघुप्रवीराभिधानः कृतवान् वाञ्छितार्थदम् ॥ २८॥

evamaṣṭottaraśataṃ nāmanaṃ hanūmato yatiḥ |raghupravīrābhidhānaḥ kṛtavān vāñchitārthadam || 28||

इति श्रीरघुप्रवीरयतिकृतं श्रीहनुमदष्टोत्तरशतनामस्तोत्रं सम्पूर्णम् ।

iti śrīraghupravīrayatikṛtaṃ śrīhanumadaṣṭottaraśatanāmastotraṃ sampūrṇam |