हनुमदष्टोत्तरशतनामस्तोत्रम् ०८ Shri Hanumadashtottarashatanama Stotram 8

श्रीपराशरःस्तोत्रान्तरं प्रवक्ष्यामि शृणु मैत्रेय तत्त्वतः ।अष्टोत्तरशतं नाम्नां हनुमत्प्रतिपादकम् ॥आयुरारोग्यफलदं पुत्रपौत्रप्रवर्धनम् ।गुह्याद्गुह्यतमं स्तोत्रं सर्वपापहरं नृणाम् ॥अस्य श्रीहनुमदष्टोत्तरशतदिव्यनामस्तोत्रमन्त्रस्य विभीषण ऋषिः ।पङ्क्ती छन्दः । श्रीहनुमान् परमात्मा देवता ।मारुतात्मज इति बीजम् । अञ्जनासूनुरिति शक्तिः ।वायुपुत्र इति कीलकम् ।मम श्रीहनुमत्प्रसादसिद्।ह्ध्यर्थे जपे विनियोगः ॥श्री अभूतपूर्वडिम्भ श्री अञ्जनागर्भ सम्भवः ।नभस्वद्वरसम्प्राप्तो दीप्तकालाग्निसम्भवः ॥ १॥

śrīparāśaraḥstotrāntaraṃ pravakṣyāmi śṛṇu maitreya tattvataḥ |aṣṭottaraśataṃ nāmnāṃ hanumatpratipādakam ||āyurārogyaphaladaṃ putrapautrapravardhanam |guhyādguhyatamaṃ stotraṃ sarvapāpaharaṃ nṛṇām ||asya śrīhanumadaṣṭottaraśatadivyanāmastotramantrasya vibhīṣaṇa ṛṣiḥ |paṅktī chandaḥ | śrīhanumān paramātmā devatā |mārutātmaja iti bījam | añjanāsūnuriti śaktiḥ |vāyuputra iti kīlakam |mama śrīhanumatprasādasid|hdhyarthe jape viniyogaḥ ||śrī abhūtapūrvaḍimbha śrī añjanāgarbha sambhavaḥ |nabhasvadvarasamprāpto dīptakālāgnisambhavaḥ || 1||

भूनभोऽन्तरभिन्नादस्फुरद्गिरिगुहामुखः ।भानुबिम्बफलोत्साहो पलायितविधुन्तुदः ॥ २॥

bhūnabho'ntarabhinnādasphuradgiriguhāmukhaḥ |bhānubimbaphalotsāho palāyitavidhuntudaḥ || 2||

ऐरावतग्रहाव्यग्रो कुलिशग्रसनोन्मुखः ।सुरासुरायुधाभेद्यो विद्यावेद्यवरोदयः ॥ ३॥

airāvatagrahāvyagro kuliśagrasanonmukhaḥ |surāsurāyudhābhedyo vidyāvedyavarodayaḥ || 3||

हनुमानिति विख्यातो प्रख्यातबलपौरुषः ।शिखावान् रत्नमञ्जीरो स्वर्णकृष्णोत्तरच्छदः ॥ ४॥

hanumāniti vikhyāto prakhyātabalapauruṣaḥ |śikhāvān ratnamañjīro svarṇakṛṣṇottaracchadaḥ || 4||

विद्युद्वलययज्ञोपवीतद्युमणिमण्डनः ।हेममौञ्जीसमाबद्धशुद्धजाम्बूनदप्रभः ॥ ५॥

vidyudvalayayajñopavītadyumaṇimaṇḍanaḥ |hemamauñjīsamābaddhaśuddhajāmbūnadaprabhaḥ || 5||

कनत्कनककौपीनो वटुर्वटुशिखामणिः ।सिंहसंहननाकारो तरुणार्कनिभाननः ॥ ६॥

kanatkanakakaupīno vaṭurvaṭuśikhāmaṇiḥ |siṃhasaṃhananākāro taruṇārkanibhānanaḥ || 6||

वशंवदीकृतमनास्तप्तचामीकरेक्षणः ।वज्रदेहो वज्रनखः वज्रस्पर्शोग्रवालजः ॥ ७॥

vaśaṃvadīkṛtamanāstaptacāmīkarekṣaṇaḥ |vajradeho vajranakhaḥ vajrasparśogravālajaḥ || 7||

अव्याहतमनोवेगो हरिर्दाशरथानुगः ।सारग्रहणचातुर्यश्शब्दब्रह्मैकपारगः ॥ ८॥

avyāhatamanovego harirdāśarathānugaḥ |sāragrahaṇacāturyaśśabdabrahmaikapāragaḥ || 8||

पम्पानदीचरो वाग्मी रामसुग्रीवसख्यकृत् ।स्वामिमुद्राङ्कितकरो क्षितिजान्वेषणोद्यमः ॥ ९॥

pampānadīcaro vāgmī rāmasugrīvasakhyakṛt |svāmimudrāṅkitakaro kṣitijānveṣaṇodyamaḥ || 9||

स्वयम्प्रभासमालोको बिलमार्गविनिर्गमः ।आम्बोधिदर्शनोद्विग्नमानसोङ्गदधैर्यदः ॥ १०॥

svayamprabhāsamāloko bilamārgavinirgamaḥ |āmbodhidarśanodvignamānasoṅgadadhairyadaḥ || 10||

प्रायोपदिष्टप्लवगप्राणत्रातपरायणः ।अदेवदानवगतिः अप्रतिद्वन्द्वसाहसः ॥ ११॥

prāyopadiṣṭaplavagaprāṇatrātaparāyaṇaḥ |adevadānavagatiḥ apratidvandvasāhasaḥ || 11||

स्वदेहसम्भवज्जङ्घामेरुद्रोणीकृतार्णव । मेरुसागरश्रुतवृत्तान्तमैनाककृतपूजनः ॥ १२॥

svadehasambhavajjaṅghāmerudroṇīkṛtārṇava | merusāgaraśrutavṛttāntamainākakṛtapūjanaḥ || 12||

अणोरणीयान्महतो महीयान् सुरसाऽर्थितः ।त्रिंशद्योजनपर्यन्तच्छायाछायाग्रहान्तकः ॥ १३॥

aṇoraṇīyānmahato mahīyān surasā'rthitaḥ |triṃśadyojanaparyantacchāyāchāyāgrahāntakaḥ || 13||

लङ्काहङ्कारशमनश्शङ्काटङ्कविवर्जितः ।हस्तामलकवदृष्टराक्षसान्तः पुराखिलः ॥ १४॥

laṅkāhaṅkāraśamanaśśaṅkāṭaṅkavivarjitaḥ |hastāmalakavadṛṣṭarākṣasāntaḥ purākhilaḥ || 14||

चितादुरन्तवैदेहीसम्पादनफलश्रमः ।मैथिलीदत्तमाणिक्यो भिन्नाशोकवनद्रुमः ॥ १५॥

citādurantavaidehīsampādanaphalaśramaḥ |maithilīdattamāṇikyo bhinnāśokavanadrumaḥ || 15||

बलैकदेशक्षपणः कुमाराक्षनिषूदनः ।घोषितस्वामिविजयस्तोरणारोहणोच्छ्रियः ॥ १६॥

balaikadeśakṣapaṇaḥ kumārākṣaniṣūdanaḥ |ghoṣitasvāmivijayastoraṇārohaṇocchriyaḥ || 16||

रणरङ्गसमुत्साहो रघुवंशजयध्वजः ।इन्द्रजिद्युद्धनिर्भीतो ब्रह्मास्त्रपरिवर्तनः ॥ १७॥

raṇaraṅgasamutsāho raghuvaṃśajayadhvajaḥ |indrajidyuddhanirbhīto brahmāstraparivartanaḥ || 17||

प्रभाषितदशग्रीवो भस्मसात्कृतपट्टणः ।वार्धिनाशान्तवालर्चिः कृतकृत्योत्तमोत्तमः ॥ १८॥

prabhāṣitadaśagrīvo bhasmasātkṛtapaṭṭaṇaḥ |vārdhināśāntavālarciḥ kṛtakṛtyottamottamaḥ || 18||

कल्लोलास्फालवेलान्तपारावारोपरिप्लवः ।स्वर्गमाकाङ्क्षकीशौघद्दृक्चकोरेन्दुमण्डलः ॥ १९॥ ??

kallolāsphālavelāntapārāvāropariplavaḥ |svargamākāṅkṣakīśaughaddṛkcakorendumaṇḍalaḥ || 19|| ??

मधुकाननसर्वस्वसन्तर्पितवलीमुखः ।दृष्टा सीतेति वचनात्कोसलेन्द्राभिनन्दितः ॥ २०॥

madhukānanasarvasvasantarpitavalīmukhaḥ |dṛṣṭā sīteti vacanātkosalendrābhinanditaḥ || 20||

स्कन्धस्थकोदण्डधरः कल्पान्तघननिस्वनः ।सिन्धुबन्धनसन्नाहस्सुवेलारोहसम्भ्रमः ॥ २१॥

skandhasthakodaṇḍadharaḥ kalpāntaghananisvanaḥ |sindhubandhanasannāhassuvelārohasambhramaḥ || 21||

अक्षाख्यबलसंरुद्धलङ्काप्राकारभञ्जनः ।युध्यद्वानरदैतेयजयापजयसाधनः ॥ २२॥

akṣākhyabalasaṃruddhalaṅkāprākārabhañjanaḥ |yudhyadvānaradaiteyajayāpajayasādhanaḥ || 22||

रामरावणशस्त्रास्त्रज्वालाजालनिरीक्षणः ।मुष्टिनिर्भिन्नदैत्येन्द्रो मुहुर्नुतनभश्चरः ॥ २३॥

rāmarāvaṇaśastrāstrajvālājālanirīkṣaṇaḥ |muṣṭinirbhinnadaityendro muhurnutanabhaścaraḥ || 23||

जाम्बवन्नुतिसंहृष्टो समाक्रान्तनभश्चरः ।गन्धर्वगर्वविध्वंसी वश्यद्दिव्यौषधीनगः ॥ २४॥

jāmbavannutisaṃhṛṣṭo samākrāntanabhaścaraḥ |gandharvagarvavidhvaṃsī vaśyaddivyauṣadhīnagaḥ || 24||

सौमित्रिमूर्छाशान्त्यर्थे प्रत्यूषस्तुष्टवानरः ।रामास्त्रध्वंसितेन्द्रारिसैन्यविन्यस्तविक्रमः ॥ २५॥

saumitrimūrchāśāntyarthe pratyūṣastuṣṭavānaraḥ |rāmāstradhvaṃsitendrārisainyavinyastavikramaḥ || 25||

हर्षविस्मितभूपुत्रीजयवृत्तान्तसूचकः ।राघवीराघवारूढपुष्पकारोहकौतुकः ॥ २६॥

harṣavismitabhūputrījayavṛttāntasūcakaḥ |rāghavīrāghavārūḍhapuṣpakārohakautukaḥ || 26||

प्रियवाक्तोषितगुहो भरतानन्ददायकः ।श्रीसीतारामपट्टाभिषेकसम्भारसम्भ्रमः ॥ २७॥

priyavāktoṣitaguho bharatānandadāyakaḥ |śrīsītārāmapaṭṭābhiṣekasambhārasambhramaḥ || 27||

काकुत्स्थदयितादत्तमुक्ताहारविराजितः ।रामायणसुधास्वादरसिको रामकिङ्करः ॥ २८॥

kākutsthadayitādattamuktāhāravirājitaḥ |rāmāyaṇasudhāsvādarasiko rāmakiṅkaraḥ || 28||

अमोघमन्त्रयन्त्रौघस्मृतिनिर्घूतकल्मषःभजत्किम्पुरुषद्वीपो भविष्यत्पद्मसम्भवः ।आपदुद्धारकः श्रीमान् सर्वाभीष्टफलप्रदः ॥ २९॥

amoghamantrayantraughasmṛtinirghūtakalmaṣaḥbhajatkimpuruṣadvīpo bhaviṣyatpadmasambhavaḥ |āpaduddhārakaḥ śrīmān sarvābhīṣṭaphalapradaḥ || 29||

नामानीमानि यः कश्चिदनन्यगतिकः पठेत् ।मृत्योर्मुखे राजमुखे निपतन्नावसीदति ॥ ३०॥

nāmānīmāni yaḥ kaścidananyagatikaḥ paṭhet |mṛtyormukhe rājamukhe nipatannāvasīdati || 30||

विश्वाकर्षणविद्वेषस्तम्भनोच्चाटनादयः ।सिध्यन्ति पठनादेव नात्र शङ्का कुरु क्वचित् ॥ ३१॥

viśvākarṣaṇavidveṣastambhanoccāṭanādayaḥ |sidhyanti paṭhanādeva nātra śaṅkā kuru kvacit || 31||

नामसङ्ख्याप्यपूपानि योदत्ते मन्दवासरे ।छायेव तस्य सततं सहायो मारुतिर्भवेत् ॥ ३२॥

nāmasaṅkhyāpyapūpāni yodatte mandavāsare |chāyeva tasya satataṃ sahāyo mārutirbhavet || 32||

॥ इति श्रीहनुमदष्टोत्तरशतनामस्तोत्रं सम्पूर्णम् ॥

|| iti śrīhanumadaṣṭottaraśatanāmastotraṃ sampūrṇam ||