श्रीधरपञ्चकस्तोत्रम् १ Shridhara Panchaka Stotram

अज्ञानध्वंसकं नित्यं मनोबुद्।ह्ध्याद्यगोचरम् ।छित्वाऽविद्यामहाग्रन्न्थिं भजेहं श्रीधरं गुरुम् ॥ १॥

ajñānadhvaṃsakaṃ nityaṃ manobud|hdhyādyagocaram |chitvā'vidyāmahāgrannthiṃ bhajehaṃ śrīdharaṃ gurum || 1||

अखण्डमानन्दमनाद्मनन्तंपरं प्रशान्तं भवरोगवैद्यम् ।जीवेशमायाकलनादिवर्जितंश्रीश्रीधरं स्वात्मपदं भजे शिवम् ॥ २॥

akhaṇḍamānandamanādmanantaṃparaṃ praśāntaṃ bhavarogavaidyam |jīveśamāyākalanādivarjitaṃśrīśrīdharaṃ svātmapadaṃ bhaje śivam || 2||

परात्परं पूर्णमनामयं विभुमहंस्वरूपेण सदा विराजितम् ।प्रत्यक्परानन्दघनप्रकाशकंश्रीश्रीधरं स्वात्मपदं भजे शिवम् ॥ ३॥

parātparaṃ pūrṇamanāmayaṃ vibhumahaṃsvarūpeṇa sadā virājitam |pratyakparānandaghanaprakāśakaṃśrīśrīdharaṃ svātmapadaṃ bhaje śivam || 3||

भवभयहरमीशं नित्यमोक्षस्वरूपंनिरतिशयसुशान्तं निर्मलं नित्यतृप्तम् ।प्रगलितजगदिशाज्ञानजीवात्मभावंनिरुपमसुखसिन्धुं श्रीधरं तं नमामि ॥ ४॥

bhavabhayaharamīśaṃ nityamokṣasvarūpaṃniratiśayasuśāntaṃ nirmalaṃ nityatṛptam |pragalitajagadiśājñānajīvātmabhāvaṃnirupamasukhasindhuṃ śrīdharaṃ taṃ namāmi || 4||

करचरणविहीनं कल्पनातोतमेकंनिरवधिनिजबोधं शुद्धचिन्मात्ररूपम् ।अनलतरणिचन्दैःसर्वदानैव भान्तंनिरुपमसुखसिन्धुं श्रीधरं तं नमामि ॥ ५॥

karacaraṇavihīnaṃ kalpanātotamekaṃniravadhinijabodhaṃ śuddhacinmātrarūpam |analataraṇicandaiḥsarvadānaiva bhāntaṃnirupamasukhasindhuṃ śrīdharaṃ taṃ namāmi || 5||

ईश्वरप्रेरितं स्तोत्रं शुभं श्रीधरपञ्चकम् ।ये पठन्ति मुदा भक्त्या ते प्रयान्ति परं पदम् ॥इति ब्र\। सौ\। सावित्री भागवतद्वारा प्रवर्तितःश्रीधरपञ्चकस्तोत्रं सम्पूर्णम् ।

īśvarapreritaṃ stotraṃ śubhaṃ śrīdharapañcakam |ye paṭhanti mudā bhaktyā te prayānti paraṃ padam ||iti bra\| sau\| sāvitrī bhāgavatadvārā pravartitaḥśrīdharapañcakastotraṃ sampūrṇam |