श्रीधरकवचस्तोत्रम् Shridhara Kavacha Stotram

अथातः सम्प्रवक्षामि कवचं श्रीधरं गुरुम् ।यस्य स्मरणमात्रेण मुच्यते पातकैर्नराः ॥ १॥

athātaḥ sampravakṣāmi kavacaṃ śrīdharaṃ gurum |yasya smaraṇamātreṇa mucyate pātakairnarāḥ || 1||

श्रीगुरुश्रीधरकवचस्तोत्रमन्त्रस्य परमात्मा ऋषिः ।अनुष्टुप् छन्दः । श्रीगुरु श्रीधरो देवता । गुं बीजम् ।रुं शक्तिः । श्रीधरेति कीलकम् ।अथ करन्यासःश्रीं अगुष्ठाभ्यां नमः । धं तर्जनीभ्यां नमः ।रं मध्यमाभ्यां नमः । श्रीं अनामिकाभ्यां नमः ।धं कनिष्ठिकाभ्यां नमः । रं करतलकरपृष्ठाभ्यां नमः ।(एवं हृदयादि न्यासः) भूर्भुवस्सुवरोमिति दिग्बन्धः ॥अथ ध्यानंध्यायेद् ब्रह्मसनातनं गुरुवरं मोक्षश्रियाधारिणंब्रह्मानन्दरसार्णवं सुखधनं भक्तेष्टकल्पद्रुमम् ।अज्ञानान्धनिवारणं गुणनिधिं भक्तप्रियं सुन्दरंजीवानां तरणार्थमेव सततं ज्ञानप्रदं श्रीधरम् ॥इति ध्यानम् ।श्रीधरः पातु मूर्धानं सहस्रारेण शोभितः ।भालं पातु गुरुर्देवः चन्द्रमण्डलमण्डितम् ॥ १॥

śrīguruśrīdharakavacastotramantrasya paramātmā ṛṣiḥ |anuṣṭup chandaḥ | śrīguru śrīdharo devatā | guṃ bījam |ruṃ śaktiḥ | śrīdhareti kīlakam |atha karanyāsaḥśrīṃ aguṣṭhābhyāṃ namaḥ | dhaṃ tarjanībhyāṃ namaḥ |raṃ madhyamābhyāṃ namaḥ | śrīṃ anāmikābhyāṃ namaḥ |dhaṃ kaniṣṭhikābhyāṃ namaḥ | raṃ karatalakarapṛṣṭhābhyāṃ namaḥ |(evaṃ hṛdayādi nyāsaḥ) bhūrbhuvassuvaromiti digbandhaḥ ||atha dhyānaṃdhyāyed brahmasanātanaṃ guruvaraṃ mokṣaśriyādhāriṇaṃbrahmānandarasārṇavaṃ sukhadhanaṃ bhakteṣṭakalpadrumam |ajñānāndhanivāraṇaṃ guṇanidhiṃ bhaktapriyaṃ sundaraṃjīvānāṃ taraṇārthameva satataṃ jñānapradaṃ śrīdharam ||iti dhyānam |śrīdharaḥ pātu mūrdhānaṃ sahasrāreṇa śobhitaḥ |bhālaṃ pātu gururdevaḥ candramaṇḍalamaṇḍitam || 1||

अक्षौपात्वक्षयः श्रीमान् अच्युतानन्तरूपकः ।भूमध्यं पातु सर्वज्ञः मोक्षानन्दस्वरूपिणः ॥ २॥

akṣaupātvakṣayaḥ śrīmān acyutānantarūpakaḥ |bhūmadhyaṃ pātu sarvajñaḥ mokṣānandasvarūpiṇaḥ || 2||

ओङ्कारात्मश्रुतिः पातु श्रुतिसिद्धान्तगोचरः ।नासिकां पातु विश्वात्मा विश्वातीतः परात्मनः ॥ ३॥

oṅkārātmaśrutiḥ pātu śrutisiddhāntagocaraḥ |nāsikāṃ pātu viśvātmā viśvātītaḥ parātmanaḥ || 3||

मुखं मुक्तिकरः पातु भक्तकैरवचन्द्रमाः ।चिबुक चिन्मयः पातु चिदानन्दस्वयंप्रभः ॥ ४॥

mukhaṃ muktikaraḥ pātu bhaktakairavacandramāḥ |cibuka cinmayaḥ pātu cidānandasvayaṃprabhaḥ || 4||

जिव्हां वेदनिधिः पातु वेदवेदान्तगोचरः ।दन्तान्पातु दानवारि धर्मरक्षणदक्षकः ॥ ५॥

jivhāṃ vedanidhiḥ pātu vedavedāntagocaraḥ |dantānpātu dānavāri dharmarakṣaṇadakṣakaḥ || 5||

ओष्ठं पातु परिव्राजः वैराग्यज्ञानसागरः ।कपोलं श्रीकरः पातु कमलाम्बातनोभवः ॥ ६॥

oṣṭhaṃ pātu parivrājaḥ vairāgyajñānasāgaraḥ |kapolaṃ śrīkaraḥ pātu kamalāmbātanobhavaḥ || 6||

कण्ठं दण्डधरः पातु ज्ञानदण्डसुशोभित ॥स्कन्धौ चन्द्राननः पातु चन्द्रकोटिप्रकाशकः ॥ ७॥

kaṇṭhaṃ daṇḍadharaḥ pātu jñānadaṇḍasuśobhita ||skandhau candrānanaḥ pātu candrakoṭiprakāśakaḥ || 7||

भूमानन्दर्भुजौ पातु ब्रह्मानन्दप्रदायकः ।करो कारुणिकः पातु कमण्डलुधरः प्रभुः ॥ ८॥

bhūmānandarbhujau pātu brahmānandapradāyakaḥ |karo kāruṇikaḥ pātu kamaṇḍaludharaḥ prabhuḥ || 8||

वक्षस्थलं हरिः पातु सर्वपापप्रणाशनः ।हृदयं श्रीगुरुः पातु मोक्षश्रीधारणादीपः ॥ ९॥

vakṣasthalaṃ hariḥ pātu sarvapāpapraṇāśanaḥ |hṛdayaṃ śrīguruḥ pātu mokṣaśrīdhāraṇādīpaḥ || 9||

उदरं वरदः पातु ब्रह्माण्डोदरव्यापकः ।नाभिं पातु नराकारो नामरूपविवर्जितः ॥ १०॥

udaraṃ varadaḥ pātu brahmāṇḍodaravyāpakaḥ |nābhiṃ pātu narākāro nāmarūpavivarjitaḥ || 10||

गुह्यं पातु गुह्यरूपः हृदयाब्जनिवासिनः ।ऊरू गुरुवरः पातु ऊहापोषविवर्जितः ॥ ११॥

guhyaṃ pātu guhyarūpaḥ hṛdayābjanivāsinaḥ |ūrū guruvaraḥ pātu ūhāpoṣavivarjitaḥ || 11||

जङ्घे ज्ञाननिधिः पातु ज्ञानमात्रैकनिर्मलः ।मूलाधारं गुरुः पातु मायाऽविद्याविनाशकः ॥ १२॥

jaṅghe jñānanidhiḥ pātu jñānamātraikanirmalaḥ |mūlādhāraṃ guruḥ pātu māyā'vidyāvināśakaḥ || 12||

पादौ पातु पूज्यपादः पापविध्वंसरूपकः ।चर्म चर्माम्बरः पातु चारुकाषायभूषणः ॥ १३॥

pādau pātu pūjyapādaḥ pāpavidhvaṃsarūpakaḥ |carma carmāmbaraḥ pātu cārukāṣāyabhūṣaṇaḥ || 13||

अङ्गुलीन्देशिकः पातु मोक्षपाणि गुरोत्तमः ।रक्तं भक्तप्रियः पातु भक्तानुग्रहशीलकः ॥ १४मांसं मीमांसकः पातु मातृवत्सलवत्सितः ।मज्जान्तु अजरः पातु जन्मकर्मनिवर्तकः ॥ १५॥

aṅgulīndeśikaḥ pātu mokṣapāṇi gurottamaḥ |raktaṃ bhaktapriyaḥ pātu bhaktānugrahaśīlakaḥ || 14māṃsaṃ mīmāṃsakaḥ pātu mātṛvatsalavatsitaḥ |majjāntu ajaraḥ pātu janmakarmanivartakaḥ || 15||

अस्थीनि स्थिरधीः पातु कूटस्थमचलध्रुवः ।मेदो वेदान्तिनः पातु मेधाबुद्धिप्रदीपकः ॥ १६॥

asthīni sthiradhīḥ pātu kūṭasthamacaladhruvaḥ |medo vedāntinaḥ pātu medhābuddhipradīpakaḥ || 16||

शुक्र सुखकरः पातु सुखशान्तिप्रचोदकः ।मनो बुद्धिमहङ्कारं रक्षयेदन्तरात्मनः ॥ १७॥

śukra sukhakaraḥ pātu sukhaśāntipracodakaḥ |mano buddhimahaṅkāraṃ rakṣayedantarātmanaḥ || 17||

कर्मेन्द्रियाणि पात्वीशः कैवल्यसुखदेश्वरः ।ज्ञानेन्द्रियाण्यजः पातु अव्याजकरुणाकरः ॥ १८॥

karmendriyāṇi pātvīśaḥ kaivalyasukhadeśvaraḥ |jñānendriyāṇyajaḥ pātu avyājakaruṇākaraḥ || 18||

प्राणान्पातु प्रधानज्ञो पुराणपुरुषोत्तमः ।सवाङ्गं पातु सर्वात्मा सच्चिदानन्दविग्रहः ॥ १९॥

prāṇānpātu pradhānajño purāṇapuruṣottamaḥ |savāṅgaṃ pātu sarvātmā saccidānandavigrahaḥ || 19||

गृहारामधनक्षेत्रपुत्रादीन् रक्ष मे द्विभुः ।भूम्यादीन् पातु धर्मज्ञः धर्मोद्धारावतारकः ॥ २०॥

gṛhārāmadhanakṣetraputrādīn rakṣa me dvibhuḥ |bhūmyādīn pātu dharmajñaḥ dharmoddhārāvatārakaḥ || 20||

आत्मानन्दः सुखं पातु स्वानन्दामृततृप्तकः ।दुःखापातु निजानन्दः ब्रह्मानन्दस्वरूपकः ॥ १२॥

ātmānandaḥ sukhaṃ pātu svānandāmṛtatṛptakaḥ |duḥkhāpātu nijānandaḥ brahmānandasvarūpakaḥ || 12||

प्राच्यां पातु परब्रह्म पात्वाग्नेयां परात्मनः ।याम्यां धर्मात्मकः पातु नैरृत्यां पातु विश्वजित् ॥ २२॥

prācyāṃ pātu parabrahma pātvāgneyāṃ parātmanaḥ |yāmyāṃ dharmātmakaḥ pātu nairṛtyāṃ pātu viśvajit || 22||

प्रतीच्यां पुरुषः पातु वायव्यां पातु प्राणदः ।कौबेर्यां भगवान्पातु पात्वेशान्यां सदाशिवः ॥। ५३॥

pratīcyāṃ puruṣaḥ pātu vāyavyāṃ pātu prāṇadaḥ |kauberyāṃ bhagavānpātu pātveśānyāṃ sadāśivaḥ ||| 53||

ऊर्ध्वाधोदेशकः पातु त्रिमूर्तिस्वस्वरूपकः ।पञ्चभूतात्मकः पातु पञ्चभूतानि भीतितः ॥ २४॥

ūrdhvādhodeśakaḥ pātu trimūrtisvasvarūpakaḥ |pañcabhūtātmakaḥ pātu pañcabhūtāni bhītitaḥ || 24||

दिवा चिदम्बरः पातु रात्रौ चन्द्रनिभाननः ।यक्षराक्षसभूताद्यात् पातु मां श्रीधरेश्वरः ॥ २५॥

divā cidambaraḥ pātu rātrau candranibhānanaḥ |yakṣarākṣasabhūtādyāt pātu māṃ śrīdhareśvaraḥ || 25||

सर्वज्ञः पातु सर्वत्र सर्वमङ्गलदायकः ।षड्भावविकृतिं पातु षडूर्मिरहितः परः ॥ २६॥

sarvajñaḥ pātu sarvatra sarvamaṅgaladāyakaḥ |ṣaḍbhāvavikṛtiṃ pātu ṣaḍūrmirahitaḥ paraḥ || 26||

षण्णामरीणां वर्गं च पातु ज्ञानेश्वरः पुमान् ।रोगान्निरामयः पातु नित्यशुद्धनिरञ्जनः ॥ २७॥

ṣaṇṇāmarīṇāṃ vargaṃ ca pātu jñāneśvaraḥ pumān |rogānnirāmayaḥ pātu nityaśuddhanirañjanaḥ || 27||

द्वन्द्वदुःखाद्विभुः पातु द्वन्द्वातीत्येकमद्वयः ।व्याघ्रचोरादिभीतीश्च पातु मां सर्वरूपकः ॥ २८॥

dvandvaduḥkhādvibhuḥ pātu dvandvātītyekamadvayaḥ |vyāghracorādibhītīśca pātu māṃ sarvarūpakaḥ || 28||

श्रीधरानुग्रहादुक्तं मया कवचमुत्तमम् ।संसारामयतप्तानां शाश्वतं मोक्षदं शुभम् ॥ २९॥

śrīdharānugrahāduktaṃ mayā kavacamuttamam |saṃsārāmayataptānāṃ śāśvataṃ mokṣadaṃ śubham || 29||

यः सदा धारयेत् भक्त्या स्तोत्रं कवचमुत्तमम् ।न तस्य जायते क्वापि अशुभं गुर्वनुग्रहात् ॥ ३०॥

yaḥ sadā dhārayet bhaktyā stotraṃ kavacamuttamam |na tasya jāyate kvāpi aśubhaṃ gurvanugrahāt || 30||

धर्मार्थकाममोक्षाणां इदमेवपरायणम् ।पुत्रमित्रकलत्रादि सर्वसन्तोषसाधकम् ॥ ३१॥

dharmārthakāmamokṣāṇāṃ idamevaparāyaṇam |putramitrakalatrādi sarvasantoṣasādhakam || 31||

त्रिसन्ध्यां पठतीयस्तु श्रद्धाभक्त्यामतन्द्रितः ।सर्वरोगाः प्रणश्यन्ति सर्वाबाधाविनश्यति ॥ ३२॥

trisandhyāṃ paṭhatīyastu śraddhābhaktyāmatandritaḥ |sarvarogāḥ praṇaśyanti sarvābādhāvinaśyati || 32||

बहुना किमिहोक्तेन यद्यन्मनसिवर्तते ।श्रीगुरोनुग्रहादेव तत्तत्सर्वं भवेदिह ॥ ३३॥

bahunā kimihoktena yadyanmanasivartate |śrīguronugrahādeva tattatsarvaṃ bhavediha || 33||

इति श्रीमत् परमहंस परव्राजकाचार्य श्रीसच्चिदानन्दस्वामिनाविरचितं भगवान् सद्गुरु श्री श्रीधरकवचस्तोत्रं सम्पूर्णम् ॥श्रीधर सन्देश

iti śrīmat paramahaṃsa paravrājakācārya śrīsaccidānandasvāmināviracitaṃ bhagavān sadguru śrī śrīdharakavacastotraṃ sampūrṇam ||śrīdhara sandeśa