योगिजीमहाराजवन्दनाष्टकम् Shri Yogijimaharaja Vandana Ashtakam

(शार्दूलविक्रीडितम्)श्रीजीश्रीपदपङ्कजेन पुनिता सौराष्ट्रदेशस्थ भूःयस्यां प्रादुरभूत् स्वयं मुनिगुणातीतश्च मुक्ताः क्षितौ ।तस्मिन् धारिपुरे त्वजायत यतिर्वैराग्यमूर्तिः स्वयंतं श्रीज्ञानजियोगिनं गुरुवरं वन्दे सदा भक्तितः ॥ १॥

(śārdūlavikrīḍitam)śrījīśrīpadapaṅkajena punitā saurāṣṭradeśastha bhūḥyasyāṃ prādurabhūt svayaṃ muniguṇātītaśca muktāḥ kṣitau |tasmin dhāripure tvajāyata yatirvairāgyamūrtiḥ svayaṃtaṃ śrījñānajiyoginaṃ guruvaraṃ vande sadā bhaktitaḥ || 1||

रत्वा बाल्यवयः प्रियं स्वसदनं त्यक्तं त्वयैकादशेसम्मृग्यातिशुचं गुरुं प्रमुदतः श्रीजीर्णदुर्गेऽवसत् ।दीक्षां भागवतीं प्रधाय विमलां स्वस्थानमध्ये स्थितस्तं श्रीज्ञानजियोगिनं गुरुवरं वन्दे त्वहो सर्वदा ॥ २॥

ratvā bālyavayaḥ priyaṃ svasadanaṃ tyaktaṃ tvayaikādaśesammṛgyātiśucaṃ guruṃ pramudataḥ śrījīrṇadurge'vasat |dīkṣāṃ bhāgavatīṃ pradhāya vimalāṃ svasthānamadhye sthitastaṃ śrījñānajiyoginaṃ guruvaraṃ vande tvaho sarvadā || 2||

आकर्षन्ति सुलोहकान्तमणयो लोहं यथागत्य वैस्थानं शाश्वतमाप्य सन् स्थिरतमः कृत्वाच वृत्तिं स्थिराम् ।ध्येयं श्रीगुरुराजयज्ञपुरुषस्यासेवनं धार्यतेतं श्रीज्ञानजियोगिनं गुरुवरं वन्दे सदा भावतः ॥ ३॥

ākarṣanti sulohakāntamaṇayo lohaṃ yathāgatya vaisthānaṃ śāśvatamāpya san sthiratamaḥ kṛtvāca vṛttiṃ sthirām |dhyeyaṃ śrīgururājayajñapuruṣasyāsevanaṃ dhāryatetaṃ śrījñānajiyoginaṃ guruvaraṃ vande sadā bhāvataḥ || 3||

धर्मे प्रेम धरन् हरेस्सुवचने श्रद्धां चरन् शाश्वतंप्रज्ञानेन च पूर्णजीवितमपि प्रकृष्टनिर्मानिता ।वैराग्ये रतिरस्य तीव्रसबला त्यागं सदा शोभितुंतं श्रीज्ञानजियोगिनं गुरुवरं भावेन वन्दे सदा ॥ ४॥

dharme prema dharan haressuvacane śraddhāṃ caran śāśvataṃprajñānena ca pūrṇajīvitamapi prakṛṣṭanirmānitā |vairāgye ratirasya tīvrasabalā tyāgaṃ sadā śobhituṃtaṃ śrījñānajiyoginaṃ guruvaraṃ bhāvena vande sadā || 4||

स्वामिश्रीहरिभक्तिमेव नवधा प्रेम्णा विधत्ते सदामिष्टान्नं परिवेषयन्वदति यः स्वामिन् हरे खादतात् ।भोज्यं शीतजलं ददाति समये सेवां करोत्यादरात्तं श्रीज्ञानजियोगिनं गुरुवरं वन्देऽनिशं भावतः ॥ ५॥

svāmiśrīharibhaktimeva navadhā premṇā vidhatte sadāmiṣṭānnaṃ pariveṣayanvadati yaḥ svāmin hare khādatāt |bhojyaṃ śītajalaṃ dadāti samaye sevāṃ karotyādarāttaṃ śrījñānajiyoginaṃ guruvaraṃ vande'niśaṃ bhāvataḥ || 5||

वाणी दिव्यसुधाभर मधुसमा सञ्जीवनी संक्षितौद्रष्टावस्ति सुदिव्यता हरिजनान् द्रष्टुं च दिव्यं समान् ।स्नेहो मातृसमः प्रियश्च हृदये हास्यं मुखे राजतेतं श्रीज्ञानजियोगिनं गुरुवरं भावेन वन्दे सदा ॥ ६॥

vāṇī divyasudhābhara madhusamā sañjīvanī saṃkṣitaudraṣṭāvasti sudivyatā harijanān draṣṭuṃ ca divyaṃ samān |sneho mātṛsamaḥ priyaśca hṛdaye hāsyaṃ mukhe rājatetaṃ śrījñānajiyoginaṃ guruvaraṃ bhāvena vande sadā || 6||

लब्ध्वा ब्रह्मपदं दधाति सततं वृत्तिं द्रढां श्रीहरौध्याने मत्त इहात्मनि प्ररमते भावेन मत्तेन यः ।धत्ते श्रीहरिकृष्णमेव हृदये दासत्वभावेन वैतं श्रीज्ञानजियोगिनं गुरुवरं वन्दे सदा भावतः ॥ ७॥

labdhvā brahmapadaṃ dadhāti satataṃ vṛttiṃ draḍhāṃ śrīharaudhyāne matta ihātmani praramate bhāvena mattena yaḥ |dhatte śrīharikṛṣṇameva hṛdaye dāsatvabhāvena vaitaṃ śrījñānajiyoginaṃ guruvaraṃ vande sadā bhāvataḥ || 7||

साक्षादक्षरमन्दिरे प्रतिदिनं धत्ते महापूजनंप्रेम्णा गायति सद्यशो भगवतः प्रत्यक्षमूर्तेर्मुदा ।भावं योऽभिनवं दधत् स्वहृदये गुर्विन्द्रसेवाकृतेतं श्रीज्ञानजियोगिनं गुरुवरं भक्त्या भगो वन्दते ॥ ८॥

sākṣādakṣaramandire pratidinaṃ dhatte mahāpūjanaṃpremṇā gāyati sadyaśo bhagavataḥ pratyakṣamūrtermudā |bhāvaṃ yo'bhinavaṃ dadhat svahṛdaye gurvindrasevākṛtetaṃ śrījñānajiyoginaṃ guruvaraṃ bhaktyā bhago vandate || 8||

भावेन नत्वा गुरुयोगिराजंशृणोति गात्यष्टकमेकचेताः ।धर्मप्रभृतीन् चतुरो गुणान् द्राक्ब्राह्मीं स्थितिं प्रैति जनः स नूनम् ॥ ९॥

bhāvena natvā guruyogirājaṃśṛṇoti gātyaṣṭakamekacetāḥ |dharmaprabhṛtīn caturo guṇān drākbrāhmīṃ sthitiṃ praiti janaḥ sa nūnam || 9||

इति श्रीविवेकसागरस्वामिविरचितं श्रीयोगिजीमहाराजवन्दनाष्टकं सम्पूर्नम् ।श्री भगवतीप्रसाद पण्ड्या (अमदावाद) (वसन्ततिलका)तालिप्रदानरणितैर्गमितान्धकारंस्निग्धप्रसन्नवचनैर्मुदितान्तरालम् ।दिव्यं प्रसन्नविभवं च विशालभालंयोगीश्वरं प्रणुत हे मनुजाः सतालम् ॥ १॥

iti śrīvivekasāgarasvāmiviracitaṃ śrīyogijīmahārājavandanāṣṭakaṃ sampūrnam |śrī bhagavatīprasāda paṇḍyā (amadāvāda) (vasantatilakā)tālipradānaraṇitairgamitāndhakāraṃsnigdhaprasannavacanairmuditāntarālam |divyaṃ prasannavibhavaṃ ca viśālabhālaṃyogīśvaraṃ praṇuta he manujāḥ satālam || 1||

योऽसावमान्यपि ददाति परस्य मानंतापं सहिष्णुरपि हन्ति जनस्य तापम् ।लोकान् नमन्नपि समुन्नमयन् स लोकान्स्वीयैर्गुणैरचकितश्चकितान् करोति ॥ २॥

yo'sāvamānyapi dadāti parasya mānaṃtāpaṃ sahiṣṇurapi hanti janasya tāpam |lokān namannapi samunnamayan sa lokānsvīyairguṇairacakitaścakitān karoti || 2||

(उपजातिवृत्तम्)पर्याप्तकामोऽपि विधूतकामो, विशालचित्तोऽपि निरुद्धचित्तः ।सन्न्यस्तकर्मापिच कर्मयोगी, योगी परं मोहतमोवियोगी ॥ ३॥

(upajātivṛttam)paryāptakāmo'pi vidhūtakāmo, viśālacitto'pi niruddhacittaḥ |sannyastakarmāpica karmayogī, yogī paraṃ mohatamoviyogī || 3||

(शार्दूलविक्रीडितम्)पूज्य काशिकानन्दजी महाराज (मुम्बई) (शार्दूलविक्रीडितम्)दृष्टिर्यस्य शिशोरिवातिसरला वाणी पुनर्निश्छलाभावोऽगाधतलः परात्मनि परा भक्तिः सदा निर्मला ।निष्ठा चाविकला सतां पथि तथा कीर्तिः शुभानाविलाशीलः संयमिनां वरः स विदितो योगी गुणैरुज्ज्वलः ।भक्तिज्ञानविरागधर्मनिलयं, स्मेराननं शान्तिदंश्रीमद्यज्ञपुरुषकुष्णजिप्रियं, पूजारतं श्रीहरौ ।श्रीजीवाक्यगरिष्ठस्वामिवचनै,र्भक्तार्तिबन्धापहंयोगेन्दुं ननु ज्ञानजीवनमुनिं, वन्दे मनोज्ञं मुदा ॥

(śārdūlavikrīḍitam)pūjya kāśikānandajī mahārāja (mumbaī) (śārdūlavikrīḍitam)dṛṣṭiryasya śiśorivātisaralā vāṇī punarniśchalābhāvo'gādhatalaḥ parātmani parā bhaktiḥ sadā nirmalā |niṣṭhā cāvikalā satāṃ pathi tathā kīrtiḥ śubhānāvilāśīlaḥ saṃyamināṃ varaḥ sa vidito yogī guṇairujjvalaḥ |bhaktijñānavirāgadharmanilayaṃ, smerānanaṃ śāntidaṃśrīmadyajñapuruṣakuṣṇajipriyaṃ, pūjārataṃ śrīharau |śrījīvākyagariṣṭhasvāmivacanai,rbhaktārtibandhāpahaṃyogenduṃ nanu jñānajīvanamuniṃ, vande manojñaṃ mudā ||