सूरीन्द्रतीर्थस्तुत्यष्टकम् Shri Surindratirtha Stutyashtakam

(अर्थालङ्कारभूयिष्ठा)रूपकालङ्कारःश्रीसूरीन्द्रगुरुः सुराहितसरुः सूरीढ्यशास्त्रम्भरुःदुस्सूराग्र्यतमोऽप (सा)हारसुचरुः सूराभसूरन्धरुः ।सीरोत्कर्षणजातजानिमजनिं संसारनिस्सारकंसंसृत्याश्रितसूरसारसुगुणान् संसेवकान्वपात्वलम् ॥ १॥

(arthālaṅkārabhūyiṣṭhā)rūpakālaṅkāraḥśrīsūrīndraguruḥ surāhitasaruḥ sūrīḍhyaśāstrambharuḥdussūrāgryatamo'pa (sā)hārasucaruḥ sūrābhasūrandharuḥ |sīrotkarṣaṇajātajānimajaniṃ saṃsāranissārakaṃsaṃsṛtyāśritasūrasārasuguṇān saṃsevakānvapātvalam || 1||

उत्प्रेक्षालङ्कारःश्रीसूरीन्द्रगुरोः सुकीर्तिसरितः स्तोतोऽतिशेते परंत्रिःस्रोता नु बिभेति सीदनमलं तस्याश्चसन्तोलने ।निःस्यन्दः सुयशोधुनीवहगतो व्याप्नोति भुमण्डलंगाङ्गौघो नियतं भुवं प्रसरतीत्याहो परं विस्मयम् ॥ २॥

utprekṣālaṅkāraḥśrīsūrīndraguroḥ sukīrtisaritaḥ stoto'tiśete paraṃtriḥsrotā nu bibheti sīdanamalaṃ tasyāścasantolane |niḥsyandaḥ suyaśodhunīvahagato vyāpnoti bhumaṇḍalaṃgāṅgaugho niyataṃ bhuvaṃ prasaratītyāho paraṃ vismayam || 2||

अतिशयोक्त्यलङ्कारःगौतम्यो वरराघवेन्द्रमुनिपो मान्त्रीं ऋषीणां वशांगामामोचयदेव मृत्युमुखतो गोसन्ततेः पोषणात् ।वेदान्तोपनिषत्प्रमेयविसरं संसाधयन्नित्यशःवेदव्यासपदं समाहितवतः भक्तप्रशिष्यो मुनिः ॥ ३॥

atiśayoktyalaṅkāraḥgautamyo vararāghavendramunipo māntrīṃ ṛṣīṇāṃ vaśāṃgāmāmocayadeva mṛtyumukhato gosantateḥ poṣaṇāt |vedāntopaniṣatprameyavisaraṃ saṃsādhayannityaśaḥvedavyāsapadaṃ samāhitavataḥ bhaktapraśiṣyo muniḥ || 3||

विरोधभासालङ्कारःस्वर्गेशस्य सभासुकान्तिनिकरं निर्जित्य विद्यासभाश्रीसूरीन्द्रगुरोस्तु भूमिविबुधैः सम्पादिता शोभते ।स्वर्गीयैस्तु सुधासुपानविततेः संसाध्यते नैर्जरंमुक्तिर्वैतु फलं विचारमथने विद्वत्सभासाधिते ॥ ४॥

virodhabhāsālaṅkāraḥsvargeśasya sabhāsukāntinikaraṃ nirjitya vidyāsabhāśrīsūrīndragurostu bhūmivibudhaiḥ sampāditā śobhate |svargīyaistu sudhāsupānavitateḥ saṃsādhyate nairjaraṃmuktirvaitu phalaṃ vicāramathane vidvatsabhāsādhite || 4||

तुल्ययोतितालङ्कारःकल्पद्रुः स्वकबीजवाहनविधामाश्रित्य जान्यं द्रुवंसम्पाद्यात्मपरम्परां नु जनयेदित्येव मान्या गतिः ।श्रीसूरीन्द्रगुरुश्च कल्पतरुरित्याव्यानमान्यं गुरुंस्वीयं प्रेष्ठगुरुं प्रपद्य रुचिरं ह्याप्नोच्चसारूपताम् ॥ ५॥

tulyayotitālaṅkāraḥkalpadruḥ svakabījavāhanavidhāmāśritya jānyaṃ druvaṃsampādyātmaparamparāṃ nu janayedityeva mānyā gatiḥ |śrīsūrīndraguruśca kalpatarurityāvyānamānyaṃ guruṃsvīyaṃ preṣṭhaguruṃ prapadya ruciraṃ hyāpnoccasārūpatām || 5||

व्यतिरेकालङ्कारःश्रीसूरीन्द्रगुरुः सुरेन्द्रविभवश्चाध्यात्मसम्पद्भरुःऐन्द्री वैभवराशिरल्पसमया जाध्यात्मभूतिः परम् ।शश्वत् सौख्यपरा सुसाधनफला सुज्ञानयज्ञैर्दृढासच्छ्रीराघवपादसेवनफला सद्राघवेन्द्राश्रया ॥ ६॥

vyatirekālaṅkāraḥśrīsūrīndraguruḥ surendravibhavaścādhyātmasampadbharuḥaindrī vaibhavarāśiralpasamayā jādhyātmabhūtiḥ param |śaśvat saukhyaparā susādhanaphalā sujñānayajñairdṛḍhāsacchrīrāghavapādasevanaphalā sadrāghavendrāśrayā || 6||

हेतुमालालङ्कारःश्रीसूरीन्द्रगुरो कृपा जनयिता सद्राघवेंर्दे रतिंसा भद्रं जनयेद्रतिं वरगुरोः सच्छास्त्रपारायणे ।ज्ञानाड्ये सति साधके भगवतः सत्प्रीतिमाप्येत हिप्रीत्या तोषततिं सुसाधितवतो धन्यत्वमाशस्यते ॥ ७॥

hetumālālaṅkāraḥśrīsūrīndraguro kṛpā janayitā sadrāghaveṃrde ratiṃsā bhadraṃ janayedratiṃ varaguroḥ sacchāstrapārāyaṇe |jñānāḍye sati sādhake bhagavataḥ satprītimāpyeta hiprītyā toṣatatiṃ susādhitavato dhanyatvamāśasyate || 7||

विरोधाभासालङ्कारःश्रीसूरीन्द्रगुरुः सुराधिपनुतः सत्कल्पवृक्षाश्रयःसूरीणां रुचिरं मनोभिमतमाढ्यं ह्याशु चाश्राणयेत् ।सद्याञ्चामनुसृत्य वर्धयति कामं चैव कल्पद्रुमःमौनीन्द्रश्चहृदि स्थितं दिशति सद्भिर्वै सदा शंसितः ॥ ८॥

virodhābhāsālaṅkāraḥśrīsūrīndraguruḥ surādhipanutaḥ satkalpavṛkṣāśrayaḥsūrīṇāṃ ruciraṃ manobhimatamāḍhyaṃ hyāśu cāśrāṇayet |sadyāñcāmanusṛtya vardhayati kāmaṃ caiva kalpadrumaḥmaunīndraścahṛdi sthitaṃ diśati sadbhirvai sadā śaṃsitaḥ || 8||

पञ्चमुख्यभिधाभाजा राघवेन्द्रार्यसूनुनावादिवाजेन रचिता श्रीसूरीन्द्रुगुरुस्तुतिः ॥ ९॥

pañcamukhyabhidhābhājā rāghavendrāryasūnunāvādivājena racitā śrīsūrīndrugurustutiḥ || 9||

इति श्रीसूरीन्द्रतीर्थस्तुत्यष्टकं सम्पूर्णम् ।रचयिता ः वाचस्पति। डाॅ वादिराजाचार्य। रा\। पञ्चमुखि कुलपति,श्रीगुरुसार्वभौम संस्कृतविद्यापीठ, मन्त्रालय

iti śrīsūrīndratīrthastutyaṣṭakaṃ sampūrṇam |racayitā ḥ vācaspati| ḍāe vādirājācārya| rā\| pañcamukhi kulapati,śrīgurusārvabhauma saṃskṛtavidyāpīṭha, mantrālaya