परिज्ञानाश्रमत्रयोदशी Shri Parijnanashrama Trayodashi

आनन्दाश्रमशिष्याग्र्यं स्वानन्दाम्बुधिमज्जितम् ।आनन्दाश्रमिणं वन्दे परिज्ञानाश्रमं गुरुम् ॥ १॥

ānandāśramaśiṣyāgryaṃ svānandāmbudhimajjitam |ānandāśramiṇaṃ vande parijñānāśramaṃ gurum || 1||

श्रीविद्योपासनोद्याने मायूरं विभ्रमं सदा ।यश्चक्रे तं नमो नित्यं परिज्ञानाश्रमं गुरुम् ॥ २॥

śrīvidyopāsanodyāne māyūraṃ vibhramaṃ sadā |yaścakre taṃ namo nityaṃ parijñānāśramaṃ gurum || 2||

बाल्ये दीपनमस्कारे यस्य वैराग्यधीशिखा ।जज्वाल तं सदा वन्दे परिज्ञानाश्रमं गुरुम् ॥ ३॥

bālye dīpanamaskāre yasya vairāgyadhīśikhā |jajvāla taṃ sadā vande parijñānāśramaṃ gurum || 3||

शिष्यान्तश्शोधने यद्वत्तद्वद्यन्त्रालिशोधने ।कौतुकं यस्य तं वन्दे परिज्ञानाश्रमं गुरुम् ॥ ४॥

śiṣyāntaśśodhane yadvattadvadyantrāliśodhane |kautukaṃ yasya taṃ vande parijñānāśramaṃ gurum || 4||

भवरोगहरो योऽभूच्छिवयोगपरोऽनिशम् ।त वन्दे सिद्धिसम्पन्नं परिज्ञानाश्रमं गुरुम् ॥ ५॥

bhavarogaharo yo'bhūcchivayogaparo'niśam |ta vande siddhisampannaṃ parijñānāśramaṃ gurum || 5||

शुनि चैव समदृष्टा ज्ञानीत्यागमदृष्टये ।आसीद्यस्तं नुमो हार्दं परिज्ञानाश्रमं गुरुम् ॥ ६॥

śuni caiva samadṛṣṭā jñānītyāgamadṛṣṭaye |āsīdyastaṃ numo hārdaṃ parijñānāśramaṃ gurum || 6||

सारस्वतजनप्रीतस्सारस्वतसमर्चकः ।य आसीत् तं मुदा वन्दे परिज्ञानाश्रमं गुरुम् ॥ ७॥

sārasvatajanaprītassārasvatasamarcakaḥ |ya āsīt taṃ mudā vande parijñānāśramaṃ gurum || 7||

विद्यावृद्धस्तपोवृद्धो वयोवृद्धाश्रयो बभौ ।य कारुण्येन तं वन्दे परिज्ञानाश्रमं गुरुम् ॥ ८॥

vidyāvṛddhastapovṛddho vayovṛddhāśrayo babhau |ya kāruṇyena taṃ vande parijñānāśramaṃ gurum || 8||

योऽनुकर्तुं विभुं चक्रे विश्ववस्त्वालयङ्करम् ।वस्त्वागारं नुमस्तं श्रीपरिज्ञानाश्रमं गुरुम् ॥ ९॥

yo'nukartuṃ vibhuṃ cakre viśvavastvālayaṅkaram |vastvāgāraṃ numastaṃ śrīparijñānāśramaṃ gurum || 9||

निर्मिमे निर्ममेन्द्रो यः स्तवान् वेदान्तवासितान् ।गीतासक्तं नुमस्तं श्रीपरिज्ञानाश्रमं गुरुम् ॥ १०॥

nirmime nirmamendro yaḥ stavān vedāntavāsitān |gītāsaktaṃ numastaṃ śrīparijñānāśramaṃ gurum || 10||

कैवल्यसंनिकर्षत्वे तथाहंग्रहचिन्तने ।यस्यासीधृदयं वन्दे परिज्ञानाश्रमं गुरुम् ॥ ११॥

kaivalyasaṃnikarṣatve tathāhaṃgrahacintane |yasyāsīdhṛdayaṃ vande parijñānāśramaṃ gurum || 11||

भक्तचेतोरथाध्यक्षो रथयात्रां महेशितुः ।यश्चक्रे तं नुमोऽजस्रं परिज्ञानाश्रमं गुरुम् ॥ १२॥

bhaktacetorathādhyakṣo rathayātrāṃ maheśituḥ |yaścakre taṃ numo'jasraṃ parijñānāśramaṃ gurum || 12||

दुर्गं निर्माय दुर्गायै स्वसर्गं यो रुरोधतम् ।अपवर्गप्रदं वन्दे परिज्ञानाश्रमं गुरुम् ॥ १३॥

durgaṃ nirmāya durgāyai svasargaṃ yo rurodhatam |apavargapradaṃ vande parijñānāśramaṃ gurum || 13||

श्रीश्रीपरिज्ञानाश्रमयतीश्वराणांतुर्याश्रमालङ्कृतिरूपकाणाम् ।स्तोत्रं पठेद्यः प्रयतः प्रणम्रः ।प्राप्नोति पूर्णां करुणां गुरूणाम् ॥इति श्रीगणेश शतावधानीमहोदयविरचिताश्रीपरिज्ञानाश्रमत्रदयोदशी समाप्ता ।

śrīśrīparijñānāśramayatīśvarāṇāṃturyāśramālaṅkṛtirūpakāṇām |stotraṃ paṭhedyaḥ prayataḥ praṇamraḥ |prāpnoti pūrṇāṃ karuṇāṃ gurūṇām ||iti śrīgaṇeśa śatāvadhānīmahodayaviracitāśrīparijñānāśramatradayodaśī samāptā |