पादुकाष्टकम् २ Shri Paduka Ashtakam

श्रीसमज्ञितमव्ययं परमप्रकाशगोचरंखेदवर्जितमप्रमेयमनन्तमझ्झितकल्मषम् ।निर्मलं निगमान्तनमद्भुतमप्यतर्क्यमनुत्तमंप्रातरेव हि मानसे गुरुपादुकाद्वयमाश्रये ॥ १॥

śrīsamajñitamavyayaṃ paramaprakāśagocaraṃkhedavarjitamaprameyamanantamajhjhitakalmaṣam |nirmalaṃ nigamāntanamadbhutamapyatarkyamanuttamaṃprātareva hi mānase gurupādukādvayamāśraye || 1||

नादबिन्दु कलात्मकं दशनाद वेद विनोदितंमन्त्रराजपराजितं निजमण्डलान्तरभासितम् ।पञ्चवर्णमखण्डमद्भुतमादिकारणमच्युतंप्रातरेव हि मानसे गुरुपादुकाद्वयमाश्रये ॥ २॥

nādabindu kalātmakaṃ daśanāda veda vinoditaṃmantrarājaparājitaṃ nijamaṇḍalāntarabhāsitam |pañcavarṇamakhaṇḍamadbhutamādikāraṇamacyutaṃprātareva hi mānase gurupādukādvayamāśraye || 2||

हन्तचारुमखण्डनादमनेक वर्णमरूपकंशब्दजालमयं चराचर जन्तुदेहनिरासिनम् ।चक्रराजमनाहतोद्भवमेघवर्णमतत्परंप्रातरेव हि मानसे गुरुपादुकाद्वयमाश्रये ॥ ३॥

hantacārumakhaṇḍanādamaneka varṇamarūpakaṃśabdajālamayaṃ carācara jantudehanirāsinam |cakrarājamanāhatodbhavameghavarṇamatatparaṃprātareva hi mānase gurupādukādvayamāśraye || 3||

बुद्धिरूपमबद्धकं त्रिदैवकूटस्थनिवासिनंनिश्चयं निरतप्रकाशमनेक सद्रुचिरूपकम् ।पङ्कजान्तरखेलनं निजशुद्धसख्यमगोचरंप्रातरेव हि मानसे गुरुपादुकाद्वयमाश्रये ॥ ४॥

buddhirūpamabaddhakaṃ tridaivakūṭasthanivāsinaṃniścayaṃ nirataprakāśamaneka sadrucirūpakam |paṅkajāntarakhelanaṃ nijaśuddhasakhyamagocaraṃprātareva hi mānase gurupādukādvayamāśraye || 4||

पञ्चपञ्चहृषिकदेहमनश्च तुष्कपरस्परंपञ्चभूतनिकामषट्क समीरशब्दमभीकरम् ।पञ्चकोशगुणत्रयादि समस्तधर्मविलक्षणंप्रातरेव हि मानसे गुरुपादुकाद्वयमाश्रये ॥ ५॥

pañcapañcahṛṣikadehamanaśca tuṣkaparasparaṃpañcabhūtanikāmaṣaṭka samīraśabdamabhīkaram |pañcakośaguṇatrayādi samastadharmavilakṣaṇaṃprātareva hi mānase gurupādukādvayamāśraye || 5||

पञ्चमुद्रसुलक्ष्यदर्शन भावमात्रनिरूपणंविद्युदग्नि दग्धतिग विनोद कान्तिविवर्तनम् ।चिन्मयत्रय वर्तिनं सदसद्विवेकमयायिकंप्रातरेव हि मानसे गुरुपादुकाद्वयमाश्रये ॥ ६॥

pañcamudrasulakṣyadarśana bhāvamātranirūpaṇaṃvidyudagni dagdhatiga vinoda kāntivivartanam |cinmayatraya vartinaṃ sadasadvivekamayāyikaṃprātareva hi mānase gurupādukādvayamāśraye || 6||

पञ्चवर्णशुकं समस्त रुचिर्विचित्र विचारिणंचन्द्र सूर्य चिदग्नि मण्डल मण्डितं घन चिन्मयम् ।चित्कलापरिपूर्णमण्डल चित्समाधिनिरीक्षितंप्रातरेव हि मानसे गुरुपादुकाद्वयमाश्रये ॥ ७॥

pañcavarṇaśukaṃ samasta rucirvicitra vicāriṇaṃcandra sūrya cidagni maṇḍala maṇḍitaṃ ghana cinmayam |citkalāparipūrṇamaṇḍala citsamādhinirīkṣitaṃprātareva hi mānase gurupādukādvayamāśraye || 7||

स्थूलसूक्ष्मसकारणान्तरखेलनं परिपालनंविश्वतैजपप्राज्ञ चेत समन्तरात्मनिजस्थितिम् ।सर्वकारणमीश्वरं निटलान्तरालविहारिणंप्रातरेव हि मानसे गुरुपादुकाद्वयमाश्रये ॥ ८॥

sthūlasūkṣmasakāraṇāntarakhelanaṃ paripālanaṃviśvataijapaprājña ceta samantarātmanijasthitim |sarvakāraṇamīśvaraṃ niṭalāntarālavihāriṇaṃprātareva hi mānase gurupādukādvayamāśraye || 8||

तप्तकाञ्चनदीप्यमानमहानुरूपमरूपकंचन्द्रकान्तरतारकैरवमुज्वलं परमं पदम् ।नीलनीलरथमध्यमस्थित विद्युदाभविभासितंप्रातरेव हि मानसे गुरुपादुकाद्वयमाश्रये ॥ ९॥

taptakāñcanadīpyamānamahānurūpamarūpakaṃcandrakāntaratārakairavamujvalaṃ paramaṃ padam |nīlanīlarathamadhyamasthita vidyudābhavibhāsitaṃprātareva hi mānase gurupādukādvayamāśraye || 9||

इति श्रीपादुकाष्टकं सम्पूर्णम् ।

iti śrīpādukāṣṭakaṃ sampūrṇam |