मातृस्तुतिः Shri Matri Stuti

दिव्या माता सुशुद्धा हृदयसमुदये यार्चिता वन्दनीयामायाहीना मदघ्नी परसुखनिलया पावनी विश्वपूज्या ।नित्या श्रीशारदा सा वितरतु विमलं सत्सुखं मुक्तहस्ताबुद्धां विज्ञानदात्रीं जनहितनिरतां चिन्तयेत् तां हि नित्यम् ॥ १॥

divyā mātā suśuddhā hṛdayasamudaye yārcitā vandanīyāmāyāhīnā madaghnī parasukhanilayā pāvanī viśvapūjyā |nityā śrīśāradā sā vitaratu vimalaṃ satsukhaṃ muktahastābuddhāṃ vijñānadātrīṃ janahitaniratāṃ cintayet tāṃ hi nityam || 1||

माता सृष्टिलयस्थितौ सुनिपुणा काली सुशान्तिप्रदानित्यानन्दमयी हि या सुखकरी दुर्गा विपत्तारिणी ।शुद्धज्ञानविधायिनी सुपथदा या शारदा मोक्षदाध्येया मङ्गलकारिणी सुतरणी देवी हि सा भारती ॥ २॥

mātā sṛṣṭilayasthitau sunipuṇā kālī suśāntipradānityānandamayī hi yā sukhakarī durgā vipattāriṇī |śuddhajñānavidhāyinī supathadā yā śāradā mokṣadādhyeyā maṅgalakāriṇī sutaraṇī devī hi sā bhāratī || 2||

तन्वा नमामि नितरां मनसा च वाचामातः स्मरामि तव देवि पदारविन्दम् ।हे शारदे जननि विश्वजनस्य मातःदूरीकुरु त्वमचिरं विपदं च दुःखम् ॥ ३॥

tanvā namāmi nitarāṃ manasā ca vācāmātaḥ smarāmi tava devi padāravindam |he śārade janani viśvajanasya mātaḥdūrīkuru tvamaciraṃ vipadaṃ ca duḥkham || 3||

प्रेमामृतं तव पदं खलु चिन्तनीयंभावास्पदं सुविमलं महिमान्वितं वै ।ध्येयं सदा हृदि महाभयविघ्ननाशंक्लिष्टा नरा जननि ! सुष्ठु भजन्तु सर्वे ॥ ४॥

premāmṛtaṃ tava padaṃ khalu cintanīyaṃbhāvāspadaṃ suvimalaṃ mahimānvitaṃ vai |dhyeyaṃ sadā hṛdi mahābhayavighnanāśaṃkliṣṭā narā janani ! suṣṭhu bhajantu sarve || 4||

विश्वेश्वरीं विदितविश्वमनोभिलाषांसन्तप्तदुःखहरणक्षमभक्तिदात्रीम् ।श्रुत्यन्तवेद्यपरमाप्रकृतिं मवेशींश्री शारदां नमतु ना जननीं सुशान्ताम् ॥ ५॥

viśveśvarīṃ viditaviśvamanobhilāṣāṃsantaptaduḥkhaharaṇakṣamabhaktidātrīm |śrutyantavedyaparamāprakṛtiṃ maveśīṃśrī śāradāṃ namatu nā jananīṃ suśāntām || 5||

वसतु वसतु नित्यं विश्वमातान्तरे मेपिब पिब मम चित्तं स्नेहधारां जनन्याः ।वितरतु विमलां मे शान्तिधारां सदाम्बाविमलचरणपद्मे भातु पूता सुभक्तिः ॥ ६॥

vasatu vasatu nityaṃ viśvamātāntare mepiba piba mama cittaṃ snehadhārāṃ jananyāḥ |vitaratu vimalāṃ me śāntidhārāṃ sadāmbāvimalacaraṇapadme bhātu pūtā subhaktiḥ || 6||

सदा मातुर्मूर्ति विमलहृदये ध्येय चरितंसुधापूर्णां वाणीं स्मर विपदि मातुर्हि परमाम् ।भवाब्धौ विक्षुब्धे त्यज च कठिनं भावमसुखंगृहाण त्वं भावं सहजसरलं शान्तिसुखदम् ॥ ७॥

sadā māturmūrti vimalahṛdaye dhyeya caritaṃsudhāpūrṇāṃ vāṇīṃ smara vipadi māturhi paramām |bhavābdhau vikṣubdhe tyaja ca kaṭhinaṃ bhāvamasukhaṃgṛhāṇa tvaṃ bhāvaṃ sahajasaralaṃ śāntisukhadam || 7||

शक्तिदात्रीं हि सङ्घस्य श्रीवृद्धिकारिणीं तथा ।मातरं शारदादेवीं भगवतीं नमाम्यहम् ॥ ८॥

śaktidātrīṃ hi saṅghasya śrīvṛddhikāriṇīṃ tathā |mātaraṃ śāradādevīṃ bhagavatīṃ namāmyaham || 8||

इति स्वामिजीवानन्दविरचिता श्रीश्रीमातृस्तुतिः समाप्ता ।

iti svāmijīvānandaviracitā śrīśrīmātṛstutiḥ samāptā |