नारदस्तोत्रम् १ Shri Narada Stotra by Shrikrishna

उग्रसेन उवाचकृष्ण प्रवक्ष्यामि त्वामेकं संशयं वद तं मम ॥ १॥

ugrasena uvācakṛṣṇa pravakṣyāmi tvāmekaṃ saṃśayaṃ vada taṃ mama || 1||

योऽयं नाम महाबुद्धिर्नारदो विश्ववन्दितः ।कस्मादेषोऽतिचपलो वायुवद्भ्रमते जगत् ॥ २॥

yo'yaṃ nāma mahābuddhirnārado viśvavanditaḥ |kasmādeṣo'ticapalo vāyuvadbhramate jagat || 2||

कलिप्रियश्च कस्माद्वा कस्मात्त्वय्यतिप्रितिमान् ॥ ३॥

kalipriyaśca kasmādvā kasmāttvayyatipritimān || 3||

श्रीकृष्ण उवाचसत्यं राजंस्त्वया पृष्ठमेतत्सर्वं वदामि ते ।दक्षेण तु पुरा शप्तो नारदो मुनिसत्तमः ॥ ४॥

śrīkṛṣṇa uvācasatyaṃ rājaṃstvayā pṛṣṭhametatsarvaṃ vadāmi te |dakṣeṇa tu purā śapto nārado munisattamaḥ || 4||

सृष्टिमार्गात्सुतान् वीक्ष्य नारदेन विचालितान् ।नाऽवस्थानं च लोकेषु भ्रमतस्ते भविष्यति ॥ ५॥

sṛṣṭimārgātsutān vīkṣya nāradena vicālitān |nā'vasthānaṃ ca lokeṣu bhramataste bhaviṣyati || 5||

पैशुन्यवक्ता च तथा द्वितियानां प्रचालनात् ।इति शापद्वयं प्राप्य द्विविधाऽऽत्मजचालनात् ॥ ६॥

paiśunyavaktā ca tathā dvitiyānāṃ pracālanāt |iti śāpadvayaṃ prāpya dvividhā''tmajacālanāt || 6||

निराकर्तुं समर्थोऽपि मुनिर्मेने तथैव तत् ।एतावान् साधुवादो हि यतश्च क्षमते स्वयम् ॥ ७॥

nirākartuṃ samartho'pi munirmene tathaiva tat |etāvān sādhuvādo hi yataśca kṣamate svayam || 7||

विनाशकालं चाऽवेक्ष्य कलिं वर्धयते यतः ।सत्यं च वक्ति तस्मात्स न च पापेन लिप्यते ॥ ८॥

vināśakālaṃ cā'vekṣya kaliṃ vardhayate yataḥ |satyaṃ ca vakti tasmātsa na ca pāpena lipyate || 8||

भ्रमतोऽपि च सर्वत्र नाऽस्य यस्मात्पृथङ्मनः ।ध्येयाद्भवति नैवस्याद्भ्रमदोषस्ततोऽस्य च ॥ ९॥

bhramato'pi ca sarvatra nā'sya yasmātpṛthaṅmanaḥ |dhyeyādbhavati naivasyādbhramadoṣastato'sya ca || 9||

यच्च प्रितिर्मयि तस्य परमा तच्छृणुष्व च ॥ १०॥

yacca pritirmayi tasya paramā tacchṛṇuṣva ca || 10||

अहं हि सर्वदा स्तौमि नारदं देवदर्शनम् ।महेन्द्रगदितेनैव स्तोत्रेण शृणु तन्नृप ॥ ११॥

ahaṃ hi sarvadā staumi nāradaṃ devadarśanam |mahendragaditenaiva stotreṇa śṛṇu tannṛpa || 11||

॥ अथ श्रीनारद स्तोत्रम् ॥श्रुतचारित्रयोर्जातो यस्याऽहन्ता न विद्यते ।अगुप्तश्रुतचारित्रं नारदं तं नमाम्यहम् ॥ १॥

|| atha śrīnārada stotram ||śrutacāritrayorjāto yasyā'hantā na vidyate |aguptaśrutacāritraṃ nāradaṃ taṃ namāmyaham || 1||

अरतिक्रोधचापल्ये भयं नैतानि यस्य च ।अदीर्घसूत्रं धीरं च नारदं तं नमाम्यहम् ॥ २॥

aratikrodhacāpalye bhayaṃ naitāni yasya ca |adīrghasūtraṃ dhīraṃ ca nāradaṃ taṃ namāmyaham || 2||

कामाद्वा यदि वा लोभाद्वाचं यो नाऽन्यथा वदेत् ।उपास्यं सर्वजन्तूनां नारदं तं नमाम्यहम् ॥ ३॥

kāmādvā yadi vā lobhādvācaṃ yo nā'nyathā vadet |upāsyaṃ sarvajantūnāṃ nāradaṃ taṃ namāmyaham || 3||

अध्यात्मगतितत्त्वज्ञं क्षान्तं शक्तं जितेन्द्रियम् ।ऋजुं यथाऽर्थवक्तारं नारदं तं नमाम्यहम् ॥ ४॥

adhyātmagatitattvajñaṃ kṣāntaṃ śaktaṃ jitendriyam |ṛjuṃ yathā'rthavaktāraṃ nāradaṃ taṃ namāmyaham || 4||

तेजसा यशसा बुद्।ह्ध्या नयेन विनयेन च ।जन्मना तपसा वृद्धं नारदं तं नमाम्यहम् ॥ ५॥

tejasā yaśasā bud|hdhyā nayena vinayena ca |janmanā tapasā vṛddhaṃ nāradaṃ taṃ namāmyaham || 5||

सुखशीलं सुखं वेषं सुभोजं स्वाचरं शुभम् ।सुचक्षुषं सुवाक्यञ्च नारदं तं नमाम्यहम् ॥ ६॥

sukhaśīlaṃ sukhaṃ veṣaṃ subhojaṃ svācaraṃ śubham |sucakṣuṣaṃ suvākyañca nāradaṃ taṃ namāmyaham || 6||

कल्याणं कुरुते गाढं पापं यस्य न विद्यते ।न प्रीयते परानर्थे योऽसौ तं नौमि नारदम् ॥ ७॥

kalyāṇaṃ kurute gāḍhaṃ pāpaṃ yasya na vidyate |na prīyate parānarthe yo'sau taṃ naumi nāradam || 7||

वेदस्मृतिपुराणोक्तधर्मे यो नित्यमास्थितः ।प्रियाप्रियविमुक्तं तं नारदं प्रणमाम्यहम् ॥ ८॥

vedasmṛtipurāṇoktadharme yo nityamāsthitaḥ |priyāpriyavimuktaṃ taṃ nāradaṃ praṇamāmyaham || 8||

अशनादिष्वलिप्तं च पण्डितं नालसं द्विजम् ।बहुश्रुतं चित्रकथं नारदं प्रणमाम्यहम् ॥ ९॥

aśanādiṣvaliptaṃ ca paṇḍitaṃ nālasaṃ dvijam |bahuśrutaṃ citrakathaṃ nāradaṃ praṇamāmyaham || 9||

नाऽर्थे क्रोधे च कामे च भूतपूर्वोऽस्य विभ्रमः ।येनैते नाशिता दोषा नारदं तं नमाम्यहम् ॥ १०॥

nā'rthe krodhe ca kāme ca bhūtapūrvo'sya vibhramaḥ |yenaite nāśitā doṣā nāradaṃ taṃ namāmyaham || 10||

वीतसम्मोहदोषो यो दृढभक्तिश्च श्रेयसि ।सुनयं सत्रपं तं च नारदं प्रणमाम्यहम् ॥ ११॥

vītasammohadoṣo yo dṛḍhabhaktiśca śreyasi |sunayaṃ satrapaṃ taṃ ca nāradaṃ praṇamāmyaham || 11||

असक्तः सर्वसङ्गेषु यः सक्तात्मेति लक्ष्यते ।अदिर्घसंशयो वाग्मी नारदं तं नमाम्यहम् ॥ १२॥

asaktaḥ sarvasaṅgeṣu yaḥ saktātmeti lakṣyate |adirghasaṃśayo vāgmī nāradaṃ taṃ namāmyaham || 12||

न त्यजत्यागमं किञ्चिद्यस्तपो नोपजीवति ।अवन्ध्यकालो यस्यात्मा तमहं नौमि नारदम् ॥ १३॥

na tyajatyāgamaṃ kiñcidyastapo nopajīvati |avandhyakālo yasyātmā tamahaṃ naumi nāradam || 13||

कृतश्रमं कृतप्रज्ञं न च तृप्तं समाधितः ।नित्यं यत्नात्प्रमत्तं च नारदं तं नमाम्यहम् ॥ १४॥

kṛtaśramaṃ kṛtaprajñaṃ na ca tṛptaṃ samādhitaḥ |nityaṃ yatnātpramattaṃ ca nāradaṃ taṃ namāmyaham || 14||

न हृष्यत्यर्थलाभेन योऽलोभे न व्यथत्यपि ।स्थिरबुद्धिरसक्तात्मा तमहं नौमि नारदम् ॥ १५॥

na hṛṣyatyarthalābhena yo'lobhe na vyathatyapi |sthirabuddhirasaktātmā tamahaṃ naumi nāradam || 15||

तं सर्वगुणसम्पन्नं दक्षं शुचिमकातरम् ।कालज्ञं च नयज्ञं च शरणं यामि नारदम् ॥ १६॥

taṃ sarvaguṇasampannaṃ dakṣaṃ śucimakātaram |kālajñaṃ ca nayajñaṃ ca śaraṇaṃ yāmi nāradam || 16||

॥ फलश्रुतिः ॥इमं स्तवं नारदस्य नित्यं राजन् पठाम्यहम् ।तेन मे परमां प्रीतिं करोति मुनि सत्तमः ॥ १७॥

|| phalaśrutiḥ ||imaṃ stavaṃ nāradasya nityaṃ rājan paṭhāmyaham |tena me paramāṃ prītiṃ karoti muni sattamaḥ || 17||

अन्योऽपि यः शुचिर्भूत्वा नित्यमेतां स्तुतिं जपेत् ।अचिरात्तस्य देवर्षिः प्रसादं कुरुते परम् ॥ १८॥

anyo'pi yaḥ śucirbhūtvā nityametāṃ stutiṃ japet |acirāttasya devarṣiḥ prasādaṃ kurute param || 18||

एतान् गुणान् नारदस्य त्वमथाऽऽकर्ण्य पार्थिव ।जप नित्यं स्तवं पुण्यं प्रीतस्ते भविता मुनिः ॥ १९॥

etān guṇān nāradasya tvamathā''karṇya pārthiva |japa nityaṃ stavaṃ puṇyaṃ prītaste bhavitā muniḥ || 19||

॥ इति श्रीस्कान्दे महापुराणे प्रथमे माहेश्वरखण्डे नारदमाहात्म्यवर्णने श्रीकृष्णकृत श्रीनारदस्तोत्रं सम्पूर्णम् ॥

|| iti śrīskānde mahāpurāṇe prathame māheśvarakhaṇḍe nāradamāhātmyavarṇane śrīkṛṣṇakṛta śrīnāradastotraṃ sampūrṇam ||