पन्चरत्नमालिका हरदत्तचार्यकृता Shri Haradattacharyakrita Pancharatnamalika

गायत्री वल्लभत्वात् दशरथतनय । स्थापिताराधितत्वात्शौरेः कैलासयात्राव्रतमुदितयांऽभीष्ट सन्तानदानात् ।नेत्रेणस्वेन साकं दशशतकमलैः विष्णुनापूजितत्वात्तस्मै चक्रप्रदानादपि च पशुपतिः सर्वदेव प्रकृष्टः ॥ १॥

gāyatrī vallabhatvāt daśarathatanaya | sthāpitārādhitatvātśaureḥ kailāsayātrāvratamuditayāṃ'bhīṣṭa santānadānāt |netreṇasvena sākaṃ daśaśatakamalaiḥ viṣṇunāpūjitatvāttasmai cakrapradānādapi ca paśupatiḥ sarvadeva prakṛṣṭaḥ || 1||

कन्दर्पध्वंसकत्वात् गरलकवळनात् कालगर्वापहत्वात्दैतेयावासभूतत्रिपुर विदळनात् दक्षयागे जयित्वात् ।पार्थस्य खानदानात् नरहरि विजयात् माधवे स्त्री शरीरेशास्तुस्सम्पातकत्वादपि च पशुपतिः सर्व देवप्रकृष्टः ॥ २॥

kandarpadhvaṃsakatvāt garalakavaḷanāt kālagarvāpahatvātdaiteyāvāsabhūtatripura vidaḷanāt dakṣayāge jayitvāt |pārthasya khānadānāt narahari vijayāt mādhave strī śarīreśāstussampātakatvādapi ca paśupatiḥ sarva devaprakṛṣṭaḥ || 2||

वाराणस्यां पाराशरि नियमि भुजस्तम्भनात् प्राक्पुराणांप्रध्वंशे केशवेनाश्रितवृषवपुषा धारित क्ष्मातलत्वात् ।अस्तोकै ब्रह्मशीषै रनिशगलकृतालङ्क्रिया भूषितत्वात्दानात्प्रज्ञान मुक्त्योरपि च पशुपतिः सर्वदेवप्रकृष्टः ॥ ३॥

vārāṇasyāṃ pārāśari niyami bhujastambhanāt prākpurāṇāṃpradhvaṃśe keśavenāśritavṛṣavapuṣā dhārita kṣmātalatvāt |astokai brahmaśīṣai raniśagalakṛtālaṅkriyā bhūṣitatvātdānātprajñāna muktyorapi ca paśupatiḥ sarvadevaprakṛṣṭaḥ || 3||

भूमौ लोकैरनेकैः सततविरचिताराधितत्वादमीषामटैश्वर्य प्रदानात् दशविधवपुषा केशवेनाश्रितत्वात् ।हंसक्रोडाङ्गधारि द्रुहिण मुरहरान्विष्ट शीर्षाङ्घ्रिकत्वात्जन्म ध्वंसा द्यभावात् अपि च पशुपतिः सर्वदेवप्रकृष्ठः ॥ ४॥

bhūmau lokairanekaiḥ satataviracitārādhitatvādamīṣāmaṭaiśvarya pradānāt daśavidhavapuṣā keśavenāśritatvāt |haṃsakroḍāṅgadhāri druhiṇa muraharānviṣṭa śīrṣāṅghrikatvātjanma dhvaṃsā dyabhāvāt api ca paśupatiḥ sarvadevaprakṛṣṭhaḥ || 4||

वैशिष्टये योनि पीठायितमुररिपु श्लिष्टभावेन शम्भोःसस्त्रीकार्द्ध प्रतीकायित हरिवपुषाऽलिङ्गतत्वेन यद्वा ।अप्राधान्यात् विशिष्टाद्वय समधिङ्गमे दानवानामरातेःशम्भोरुत्कृष्ट भावादपि च पशुपतिः सर्वदेव प्रकृष्टः ॥ ५॥

vaiśiṣṭaye yoni pīṭhāyitamuraripu śliṣṭabhāvena śambhoḥsastrīkārddha pratīkāyita harivapuṣā'liṅgatatvena yadvā |aprādhānyāt viśiṣṭādvaya samadhiṅgame dānavānāmarāteḥśambhorutkṛṣṭa bhāvādapi ca paśupatiḥ sarvadeva prakṛṣṭaḥ || 5||

इति श्रीहरदत्तचार्यकृता पञ्चरत्नमालिका सम्पूर्णा ॥

iti śrīharadattacāryakṛtā pañcaratnamālikā sampūrṇā ||