हरदत्तचार्यपन्चरत्नमालास्तुतिः Shri Haradattacharyavarya Pancharatnamalastutih

पशुपति परतन्त्रोद्धारणायैव नूनंभृगुमुनिकृतशापाल्लुब्धमानुष्यभावः ।हरिरिति बुधवर्याः यं वदन्दि प्रमाणैःस जयति हरदाचार्यवर्यो महात्मा ॥ १॥

paśupati paratantroddhāraṇāyaiva nūnaṃbhṛgumunikṛtaśāpāllubdhamānuṣyabhāvaḥ |haririti budhavaryāḥ yaṃ vadandi pramāṇaiḥsa jayati haradācāryavaryo mahātmā || 1||

घटमुनितनयायाः पावने तीर्थसङ्गात्अनलविनुतशम्भोः शोभिते लिङ्गमूर्त्यासमजनि नगरे यः कंसनाम्नि प्रसिद्धेस जयति हरदत्ताचार्यवर्यो महात्मा ॥ २॥

ghaṭamunitanayāyāḥ pāvane tīrthasaṅgātanalavinutaśambhoḥ śobhite liṅgamūrtyāsamajani nagare yaḥ kaṃsanāmni prasiddhesa jayati haradattācāryavaryo mahātmā || 2||

परशिववरमूर्तिध्याननिष्ठान्तरङ्गःपरशिवशुभनामोच्चारणे सक्तजिह्वः ।परशिवमततत्वस्थापने बद्धदीक्षःस जयति हरदत्ताचायवर्यो महात्मा ॥ ३॥

paraśivavaramūrtidhyānaniṣṭhāntaraṅgaḥparaśivaśubhanāmoccāraṇe saktajihvaḥ |paraśivamatatatvasthāpane baddhadīkṣaḥsa jayati haradattācāyavaryo mahātmā || 3||

परशिवशुभलीलासागरे मग्नचित्तःपरशिवमयबुद्धयाऽऽलोकिताऽशेषलोकः ।परशिवपदसेवाकर्मभिः यः प्रजुष्टःस जयति हरदत्ताचार्यवर्यो महात्मा ॥ ४॥

paraśivaśubhalīlāsāgare magnacittaḥparaśivamayabuddhayā''lokitā'śeṣalokaḥ |paraśivapadasevākarmabhiḥ yaḥ prajuṣṭaḥsa jayati haradattācāryavaryo mahātmā || 4||

निगमशिरशिसंस्थः शम्भुरेव प्रकृष्टःइति हरिपुरतो यः तप्तपीठ स्थितस्सन् ।श्रुर्तिवचन सुमालाग्रन्थमूलं बभाषेस जयति हरदत्ताचार्यवर्यो महात्मा ॥ ५॥

nigamaśiraśisaṃsthaḥ śambhureva prakṛṣṭaḥiti haripurato yaḥ taptapīṭha sthitassan |śrurtivacana sumālāgranthamūlaṃ babhāṣesa jayati haradattācāryavaryo mahātmā || 5||

इहपरसुखद श्री कामकोटीगुरूणांचरणकमलरेणु ध्यानचित्तवक्लुप्ता ।गुरुवरहदत्ताचार्यबक्षः प्रदेशेविलसतु सततं श्री मालिनीवृत्तमाला ॥ ६॥

ihaparasukhada śrī kāmakoṭīgurūṇāṃcaraṇakamalareṇu dhyānacittavakluptā |guruvarahadattācāryabakṣaḥ pradeśevilasatu satataṃ śrī mālinīvṛttamālā || 6||

इति श्री मल्लादि दक्षिणामूर्तिविरचिता श्री हरदत्ताचार्यवर्यपञ्चरत्नमालास्तुतिः सम्पूर्णा ॥॥ शुभम् ॥

iti śrī mallādi dakṣiṇāmūrtiviracitā śrī haradattācāryavaryapañcaratnamālāstutiḥ sampūrṇā |||| śubham ||