गुरुस्तोत्रम् ४ Shri Gurustotram Kubjika Tantrokta

ॐ नमस्तुभ्यं महामन्त्रदायिने शिवरूपिणे ।ब्रह्मज्ञानप्रकाशाय संसारदुःखतारिणे ॥ १॥

oṃ namastubhyaṃ mahāmantradāyine śivarūpiṇe |brahmajñānaprakāśāya saṃsāraduḥkhatāriṇe || 1||

अतिसौम्याय दिव्याय वीराय ज्ञानहारिणे ।नमस्ते कुलनाथाय कुल कौलिन्यदायिने ॥ २॥

atisaumyāya divyāya vīrāya jñānahāriṇe |namaste kulanāthāya kula kaulinyadāyine || 2||

शिवतत्त्वप्रबोधाय ब्रह्मतत्त्वप्रकाशिने ।नमस्ते गुरवे तुभ्यं साधकाभयदायिने ॥ ३॥

śivatattvaprabodhāya brahmatattvaprakāśine |namaste gurave tubhyaṃ sādhakābhayadāyine || 3||

अनाचाराचारभावबोधाय भक्तहेतवे ।भावाभावविनिर्मुक्ताय मुक्तिदात्रे नमो नमः ॥ ४॥

anācārācārabhāvabodhāya bhaktahetave |bhāvābhāvavinirmuktāya muktidātre namo namaḥ || 4||

नमस्ते शम्भवे तुभ्यं दिव्यभावप्रकाशिने ।ज्ञानानन्दस्वरूपाय विभवाय नमो नमः ॥ ५॥

namaste śambhave tubhyaṃ divyabhāvaprakāśine |jñānānandasvarūpāya vibhavāya namo namaḥ || 5||

शिवाय शक्तिनाथाय सच्चिदानन्दरूपिणे ।कामरूपाय कामाय कालकेलिकलात्मने ॥ ६॥

śivāya śaktināthāya saccidānandarūpiṇe |kāmarūpāya kāmāya kālakelikalātmane || 6||

कुलपूजोपदेशाय कुलाचारस्वरूपिणे ।आरक्तलसच्छक्तये समभागविभूतये ॥नमस्तेऽस्तु महेशाय नमस्तेऽस्तु नमो नमः ॥७॥

kulapūjopadeśāya kulācārasvarūpiṇe |āraktalasacchaktaye samabhāgavibhūtaye ||namaste'stu maheśāya namaste'stu namo namaḥ ||7||

इदं स्तोत्रं पठेन्नित्त्यं साधको गुरुदिङ्मुखः ।प्रातरुत्थाय देवेशि! ततो विद्या प्रसीदति ॥ ८॥

idaṃ stotraṃ paṭhennittyaṃ sādhako gurudiṅmukhaḥ |prātarutthāya deveśi! tato vidyā prasīdati || 8||

इति कुब्जिकातन्त्रोक्त श्रीगुरुस्तोत्रं सम्पूर्णम् ।

iti kubjikātantrokta śrīgurustotraṃ sampūrṇam |