गुरुभजनस्तोत्रम् २ Shri Gurubhajana Stotram (2)

(स्रग्धराछन्द)धर्मस्त्याज्यो न कैश्चित् स्वनिगमविहितो वासुदेवे च भक्तिर्दिव्याकारे विधेया सितघनमहसि ब्रह्मणैक्यं निजस्य ।निश्चित्यैवान्यवस्तुन्यणुमपि च रतिं सम्परित्यज्य सन्तस्तन्माहात्म्याय सेव्या इति वदति निजान् धार्मिको नीलकण्ठः ।दृष्टाः स्पृष्टा नता वा कृतपरिचरणा भोजिताः पूजिता वासद्यः पुंसामघौघं बहुजनिजनितं घ्नन्ति ये वै समूलम् ।प्रोक्ताः कृष्णेन ये वा निजहृदयसमा यत्पदे तीर्थजातंतेषां मातः प्रसङ्गात् कमिह ननु सतां दुर्लभं स्यान्मुमुक्षोः ।(वेतालीय छन्द)भवसम्भवभीतिभेदनं सुखसम्पत्करुणानिकेतनम् ।व्रतदानतपः क्रियाफलं सहजानन्दगुरुं भजे सदा ॥ १॥

(sragdharāchanda)dharmastyājyo na kaiścit svanigamavihito vāsudeve ca bhaktirdivyākāre vidheyā sitaghanamahasi brahmaṇaikyaṃ nijasya |niścityaivānyavastunyaṇumapi ca ratiṃ samparityajya santastanmāhātmyāya sevyā iti vadati nijān dhārmiko nīlakaṇṭhaḥ |dṛṣṭāḥ spṛṣṭā natā vā kṛtaparicaraṇā bhojitāḥ pūjitā vāsadyaḥ puṃsāmaghaughaṃ bahujanijanitaṃ ghnanti ye vai samūlam |proktāḥ kṛṣṇena ye vā nijahṛdayasamā yatpade tīrthajātaṃteṣāṃ mātaḥ prasaṅgāt kamiha nanu satāṃ durlabhaṃ syānmumukṣoḥ |(vetālīya chanda)bhavasambhavabhītibhedanaṃ sukhasampatkaruṇāniketanam |vratadānatapaḥ kriyāphalaṃ sahajānandaguruṃ bhaje sadā || 1||

करुणामयचारुलोचनं शरणायातजनार्तिमोचनम् ।पतितोद्धारणाय तत्परं सहजानन्दगुरुं भजे सदा ॥ २॥

karuṇāmayacārulocanaṃ śaraṇāyātajanārtimocanam |patitoddhāraṇāya tatparaṃ sahajānandaguruṃ bhaje sadā || 2||

निजतत्त्वपथावबोधनं जनतायाः स्वत एव दुर्गमम् ।इति चिन्त्य गृहीतविग्रहं सहजानन्दगुरुं भजे सदा ॥ ३॥

nijatattvapathāvabodhanaṃ janatāyāḥ svata eva durgamam |iti cintya gṛhītavigrahaṃ sahajānandaguruṃ bhaje sadā || 3||

विधिशम्भु मुखैरनिग्रहं भवपाथोधिपरिभ्रमाकुलम् ।अपिधार्य मनो नरप्रभं सहजानन्दगुरुं भजे सदा ॥ ४॥

vidhiśambhu mukhairanigrahaṃ bhavapāthodhiparibhramākulam |apidhārya mano naraprabhaṃ sahajānandaguruṃ bhaje sadā || 4||

निजपादपयोजकीर्तनं सततं स्याद्भवजीवगोचरम् ।इति यः कुरुते क्रतृत्सवं सहजानन्दगुरुं भजे सदा ॥ ५॥

nijapādapayojakīrtanaṃ satataṃ syādbhavajīvagocaram |iti yaḥ kurute kratṛtsavaṃ sahajānandaguruṃ bhaje sadā || 5||

बहिरीक्षणलोकमानुषं निजदत्ताम्बकदर्शिनां हरिम् ।भजनीयपदं जगद्गुरुं सहजानन्दगुरुं भजे सदा ॥ ६॥

bahirīkṣaṇalokamānuṣaṃ nijadattāmbakadarśināṃ harim |bhajanīyapadaṃ jagadguruṃ sahajānandaguruṃ bhaje sadā || 6||

शरणागतपापपर्वतं गणयित्वा न तदीयसद्गुणम् ।अणुमप्यतुलं हि मन्यते सहजानन्दगुरुं भजे सदा ॥ ७॥

śaraṇāgatapāpaparvataṃ gaṇayitvā na tadīyasadguṇam |aṇumapyatulaṃ hi manyate sahajānandaguruṃ bhaje sadā || 7||

भववारिधिमोक्षसाधनं गुरुराजप्रकटस्वसङ्गमम् ।प्रकटीकृतवान् कृपावशः सहजानन्दगुरुं भजे सदा ॥ ८॥

bhavavāridhimokṣasādhanaṃ gururājaprakaṭasvasaṅgamam |prakaṭīkṛtavān kṛpāvaśaḥ sahajānandaguruṃ bhaje sadā || 8||

भगवान् कृपया त्वया कृतं जनतायामुपकारमीद्रशम् ।क्षमते प्रतिकर्तुमत्र कः कुरुते दीन जनस्ततोंऽजलिम् ॥ ९॥

bhagavān kṛpayā tvayā kṛtaṃ janatāyāmupakāramīdraśam |kṣamate pratikartumatra kaḥ kurute dīna janastatoṃ'jalim || 9||

इति श्री दीनानाथभट्टविरचितं श्रीगुरुभजनस्तोत्रं सम्पूर्णम् ।

iti śrī dīnānāthabhaṭṭaviracitaṃ śrīgurubhajanastotraṃ sampūrṇam |