गुरुपरम्परास्तोत्रम् Shampradaya Parampara Shlokas

ॐ नमो ब्रह्मादिभ्यो ब्रह्मविद्यासम्प्रदायकर्तृभ्योवंशर्षिभ्यो महद्भ्यो नमो गुरुभ्यः ।सर्वोपप्लवरहितः प्रज्ञानघनः प्रत्यगर्थो ब्रह्मैवाहमस्मि ॥ १॥

oṃ namo brahmādibhyo brahmavidyāsampradāyakartṛbhyovaṃśarṣibhyo mahadbhyo namo gurubhyaḥ |sarvopaplavarahitaḥ prajñānaghanaḥ pratyagartho brahmaivāhamasmi || 1||

ॐ नारायणं पद्मभुवं वसिष्ठं शक्तिं च तत्पुत्रपराशरं च ।व्यासं शुकं गौडपदं महान्तं गोविन्दयोगीन्द्रमथास्य शिष्यम् ॥ २॥

oṃ nārāyaṇaṃ padmabhuvaṃ vasiṣṭhaṃ śaktiṃ ca tatputraparāśaraṃ ca |vyāsaṃ śukaṃ gauḍapadaṃ mahāntaṃ govindayogīndramathāsya śiṣyam || 2||

श्रीशङ्कराचार्यमथास्य पद्मपादं च हस्तामलकं च शिष्यम् ।तं तोटकं वार्तिककारमन्यानस्मद्गुरून्सन्ततमानतोऽस्मि ॥ ३॥

śrīśaṅkarācāryamathāsya padmapādaṃ ca hastāmalakaṃ ca śiṣyam |taṃ toṭakaṃ vārtikakāramanyānasmadgurūnsantatamānato'smi || 3||

श्रुतिस्मृतिपुराणानामालयं करुणालयम् ।नमामि भगवत्पादं शङ्करं लोकशङ्करम् ॥ ४॥

śrutismṛtipurāṇānāmālayaṃ karuṇālayam |namāmi bhagavatpādaṃ śaṅkaraṃ lokaśaṅkaram || 4||

शङ्करं शङ्कराचार्यं केशवं बादरायणम् ।सूत्रभाष्यकृतौ वन्दे भगवन्तौ पुनः पुनः ॥ ५॥

śaṅkaraṃ śaṅkarācāryaṃ keśavaṃ bādarāyaṇam |sūtrabhāṣyakṛtau vande bhagavantau punaḥ punaḥ || 5||

ईश्वरो गुरुरात्मेति मूर्तिभेदविभागिने ।व्योमवद्व्याप्तदेहाय दक्षिणामूर्तये नमः ॥ ६॥

īśvaro gururātmeti mūrtibhedavibhāgine |vyomavadvyāptadehāya dakṣiṇāmūrtaye namaḥ || 6||

णा

ṇā