मातृभूतेश्वराष्टकम् Matribhuteshvara Ashtakam

माता त्वं च पितासि सर्वजगतां माता पिता वा न तेतस्मात्त्वं भुवि विश्रुतोऽसि भगवंस्त्वं मातृभूतेश्वरः ।तेन त्वं महिलार्धविग्रह इति ख्यातश्च नाम्नैव तेतत्वार्थाकलनाय केवलमसौ जागर्ति योगेश्वरी ॥ १॥

mātā tvaṃ ca pitāsi sarvajagatāṃ mātā pitā vā na tetasmāttvaṃ bhuvi viśruto'si bhagavaṃstvaṃ mātṛbhūteśvaraḥ |tena tvaṃ mahilārdhavigraha iti khyātaśca nāmnaiva tetatvārthākalanāya kevalamasau jāgarti yogeśvarī || 1||

सिद्धक्षेत्रमिदं जगत्सुविदितं देवोऽरुणाद्रीश्वरःसिद्धश्रीरमणीयहस्तविभवाच्छ्रीमातृभूतेश्वरः ।सिद्धोऽसौ भुवि सिद्धिदस्सह महायोगेश्वरीजाययापर्याप्तन्त्विदमेतदीयमहिमप्रख्यापने भूजुषाम् ॥ २॥

siddhakṣetramidaṃ jagatsuviditaṃ devo'ruṇādrīśvaraḥsiddhaśrīramaṇīyahastavibhavācchrīmātṛbhūteśvaraḥ |siddho'sau bhuvi siddhidassaha mahāyogeśvarījāyayāparyāptantvidametadīyamahimaprakhyāpane bhūjuṣām || 2||

भीमैर्भोगिवरैर्विभूषिततनुर्यद्यप्यभीतिप्रदःपूतः प्रेतनिकेतगोऽपि फलदो भिक्षाकएवस्वयम् ।साकं श्रीरमणेश्वरेण भजतां ध्यानास्पदं योगिनांसोऽयं चित्रचरित्रको विजयते श्रीमातृभूतेश्वरः ॥ ३॥

bhīmairbhogivarairvibhūṣitatanuryadyapyabhītipradaḥpūtaḥ pretaniketago'pi phalado bhikṣākaevasvayam |sākaṃ śrīramaṇeśvareṇa bhajatāṃ dhyānāspadaṃ yogināṃso'yaṃ citracaritrako vijayate śrīmātṛbhūteśvaraḥ || 3||

भीतो भीमभुजङ्गमैर्न च तथा प्रीतो हिमांशोः करात्पूतो जह्नुसुताजलान्नच न चापूतोऽस्थिसम्भूषणात् ।नो दुःखी चितिभस्मनः पितृवनावासाच्च योगाम्बिकासङ्गान्नापि सुखी समो विषमदृक् श्रीमातृभूतोऽवतु ॥ ४॥

bhīto bhīmabhujaṅgamairna ca tathā prīto himāṃśoḥ karātpūto jahnusutājalānnaca na cāpūto'sthisambhūṣaṇāt |no duḥkhī citibhasmanaḥ pitṛvanāvāsācca yogāmbikāsaṅgānnāpi sukhī samo viṣamadṛk śrīmātṛbhūto'vatu || 4||

दिग्रूपं वसनं विहाय रुचिरं क्षौमं वसानश्शुभंहित्वा वासरुचिं श्मशानगहने पुण्याश्रमैकाश्रयः ।चित्यं भस्म विहाय चन्दनरसैर्माल्यैः कृतालङ्क्रियःयोगाम्बागृहमेधिको विजयते श्रीमातृभूतेश्वरः ॥ ५॥

digrūpaṃ vasanaṃ vihāya ruciraṃ kṣaumaṃ vasānaśśubhaṃhitvā vāsaruciṃ śmaśānagahane puṇyāśramaikāśrayaḥ |cityaṃ bhasma vihāya candanarasairmālyaiḥ kṛtālaṅkriyaḥyogāmbāgṛhamedhiko vijayate śrīmātṛbhūteśvaraḥ || 5||

यच्छक्त्या रमणाश्रमस्थलमिदं भूवासिनां नन्दनंजातं स्वस्य विचित्रशिल्पिरचनावैचित्र्यचैत्यं महत् ।शोणाद्रीश्वरसानुगस्स जगतामीशो निरीशस्स्वयंसर्वैश्वर्यनिधिर्धुनोतु दुरितं श्रीमातृभूतेश्वरः ॥ ६॥

yacchaktyā ramaṇāśramasthalamidaṃ bhūvāsināṃ nandanaṃjātaṃ svasya vicitraśilpiracanāvaicitryacaityaṃ mahat |śoṇādrīśvarasānugassa jagatāmīśo nirīśassvayaṃsarvaiśvaryanidhirdhunotu duritaṃ śrīmātṛbhūteśvaraḥ || 6||

गङ्गाचन्द्रकलाधरोऽसि शिरसि श्रीमातृभूतेश ! तेवामार्धे करुणारसार्द्रहृदया योगेश्वरी राजते ।शीताङ्गाश्च भुजङ्गमाः करपदोः किञ्चाभिषेकोऽनिशंसह्यं शत्यमिदं कथं यदि वसेश्चित्ते न तप्ते मम ॥ ७॥

gaṅgācandrakalādharo'si śirasi śrīmātṛbhūteśa ! tevāmārdhe karuṇārasārdrahṛdayā yogeśvarī rājate |śītāṅgāśca bhujaṅgamāḥ karapadoḥ kiñcābhiṣeko'niśaṃsahyaṃ śatyamidaṃ kathaṃ yadi vaseścitte na tapte mama || 7||

माताऽभूद्रमणस्य या भगवतस्सौन्दर्यनाम्नी सतीपश्चात् सैव समस्तलोकजननीत्वेनापि सम्पूजिता ।अद्यत्वे तु विहाय सा परिणता स्त्रीत्वं पुमाकारतोलिङ्गातिक्रमरूपतश्च लसति श्रीमातृभूतेश्वरः ॥ ८॥

mātā'bhūdramaṇasya yā bhagavatassaundaryanāmnī satīpaścāt saiva samastalokajananītvenāpi sampūjitā |adyatve tu vihāya sā pariṇatā strītvaṃ pumākāratoliṅgātikramarūpataśca lasati śrīmātṛbhūteśvaraḥ || 8||

भगवद्रमणाचार्य मातृभूतेश्वरस्तुतिः ।अर्पिता तत्पदद्वन्द्वे जगदीश्वरशास्त्रिणा ॥ ९॥

bhagavadramaṇācārya mātṛbhūteśvarastutiḥ |arpitā tatpadadvandve jagadīśvaraśāstriṇā || 9||

इति मातृभूतेश्वराष्टकं सम्पूर्णम् ॥

iti mātṛbhūteśvarāṣṭakaṃ sampūrṇam ||