चैतन्याष्टकम् ३ Chaitanyashtakam 3

अथ श्रीचैतन्यदेवस्य तृतीयाष्टकंउपासितपदाम्बुजस्त्वमनुरक्तरुद्रादिभिःप्रपद्य पुरुषोत्तमं पदमदभ्रमुद्भ्राजितः ।समस्तनतमण्डलीस्फुरदभीष्टकल्पद्रुमःशचीसुत मयि प्रभो कुरु मुकुन्द मन्दे कृपाम् ॥ १॥

atha śrīcaitanyadevasya tṛtīyāṣṭakaṃupāsitapadāmbujastvamanuraktarudrādibhiḥprapadya puruṣottamaṃ padamadabhramudbhrājitaḥ |samastanatamaṇḍalīsphuradabhīṣṭakalpadrumaḥśacīsuta mayi prabho kuru mukunda mande kṛpām || 1||

न वर्णयितुमीशते गुरुतरावतारायिताभवन्तमुरुबुद्धयो न खलु सार्वभौमादयः ।परो भवतु तत्र कः पटुरतो नमस्ते परंशचीसुत मयि प्रभो कुरु मुकुन्द मन्दे कृपाम् ॥ २॥

na varṇayitumīśate gurutarāvatārāyitābhavantamurubuddhayo na khalu sārvabhaumādayaḥ |paro bhavatu tatra kaḥ paṭurato namaste paraṃśacīsuta mayi prabho kuru mukunda mande kṛpām || 2||

न यत् कथमपि श्रुतावुपनिषद्भिरप्याहितंस्वयं च विवृतं न यद् गुरुतरावतारान्तरे ।क्षिपन्नसि रसाम्बुधे तदिह भाक्तरत्नं क्षितौशचीसुत मयि प्रभो कुरु मुकुन्द मन्दे कृपाम् ॥ ३॥

na yat kathamapi śrutāvupaniṣadbhirapyāhitaṃsvayaṃ ca vivṛtaṃ na yad gurutarāvatārāntare |kṣipannasi rasāmbudhe tadiha bhāktaratnaṃ kṣitauśacīsuta mayi prabho kuru mukunda mande kṛpām || 3||

निजप्रणयविस्फुरन्नटनरङ्गविस्मापितत्रिनेत्रनतमण्डलप्रकटितानुरागामृत ।अहङ्कृतिकलङ्कितोद्धतजनादिदुर्बोध हेशचीसुत मयि प्रभो कुरु मुकुन्द मन्दे कृपाम् ॥ ४॥

nijapraṇayavisphurannaṭanaraṅgavismāpitatrinetranatamaṇḍalaprakaṭitānurāgāmṛta |ahaṅkṛtikalaṅkitoddhatajanādidurbodha heśacīsuta mayi prabho kuru mukunda mande kṛpām || 4||

भवन्ति भुवि ये नराः कलितदुष्कुलोत्पत्तयस्त्वमुद्धरसि तान् अपि प्रचुरचारुकारुण्यतः ।इति प्रमुदितान्तरः शरणमाश्रितस्त्वामहंशचीसुत मयि प्रभो कुरु मुकुन्द मन्दे कृपाम् ॥ ५॥

bhavanti bhuvi ye narāḥ kalitaduṣkulotpattayastvamuddharasi tān api pracuracārukāruṇyataḥ |iti pramuditāntaraḥ śaraṇamāśritastvāmahaṃśacīsuta mayi prabho kuru mukunda mande kṛpām || 5||

मुखाम्बुजपरिस्खलन्मृदुलवाङ्मधूलीरसप्रसङ्गजनिताखिलप्रणतभृङ्गरङ्गोत्कर ।समस्तजनमङ्गलप्रभवनामरत्नाम्बुधेशचीसुत मयि प्रभो कुरु मुकुन्द मन्दे कृपाम् ॥ ६॥

mukhāmbujapariskhalanmṛdulavāṅmadhūlīrasaprasaṅgajanitākhilapraṇatabhṛṅgaraṅgotkara |samastajanamaṅgalaprabhavanāmaratnāmbudheśacīsuta mayi prabho kuru mukunda mande kṛpām || 6||

मृगाङ्कमधुरानन स्फुरदनिद्रपद्मेक्षणस्मितस्तवकसुन्दराधर विशङ्कटोरस्तटे ।भुजोद्धतभुजङ्गमप्रभ मनोजकोटिद्युतेशचीसुत मयि प्रभो कुरु मुकुन्द मन्दे कृपाम् ॥ ७॥

mṛgāṅkamadhurānana sphuradanidrapadmekṣaṇasmitastavakasundarādhara viśaṅkaṭorastaṭe |bhujoddhatabhujaṅgamaprabha manojakoṭidyuteśacīsuta mayi prabho kuru mukunda mande kṛpām || 7||

अहं कनककेतकीकुसुमगौर दुष्टः क्षितौन दोषलवदर्शिता विविधदोषपूर्णेऽपि ते ।अतः प्रवणया धिया कृपणवत्सल त्वां भजेशचीसुत मयि प्रभो कुरु मुकुन्द मन्दे कृपाम् ॥ ८॥

ahaṃ kanakaketakīkusumagaura duṣṭaḥ kṣitauna doṣalavadarśitā vividhadoṣapūrṇe'pi te |ataḥ pravaṇayā dhiyā kṛpaṇavatsala tvāṃ bhajeśacīsuta mayi prabho kuru mukunda mande kṛpām || 8||

इदं धरणिमण्डलोत्सव भवत्पदाङ्केषु येनिविष्टमनसो नराः परिपठन्ति पद्याष्टकम् ।शचीहृदयनन्दन प्रकटकीर्तिचन्द्र प्रभोनिजप्रणयनिर्भरं वितर देव तेभ्यः शुभम् ॥ ९॥

idaṃ dharaṇimaṇḍalotsava bhavatpadāṅkeṣu yeniviṣṭamanaso narāḥ paripaṭhanti padyāṣṭakam |śacīhṛdayanandana prakaṭakīrticandra prabhonijapraṇayanirbharaṃ vitara deva tebhyaḥ śubham || 9||

इति श्रीरूपगोस्वामिविरचितस्तवमालायां चैतन्याष्टकं तृतीयं सम्पूर्णम् ।

iti śrīrūpagosvāmiviracitastavamālāyāṃ caitanyāṣṭakaṃ tṛtīyaṃ sampūrṇam |