आनन्दाष्टकम् Anandashtakam

सानन्दमानन्दमयि ! त्वमारात्कारुण्यवारान्निधिसन्निधानात् ।स्नेहस्रवत्पूरमपूर्वमुद्यद्हृद्यं दयावारि दृशाऽभिसिञ्च ॥ १॥

sānandamānandamayi ! tvamārātkāruṇyavārānnidhisannidhānāt |snehasravatpūramapūrvamudyadhṛdyaṃ dayāvāri dṛśā'bhisiñca || 1||

आनन्दकन्दोद्गतसाधानाम्भःसिक्तोदितामन्दसुरद्रुवल्ली ।सानन्दमानन्दमयीतिनाम्नालोकाश्रयाऽमोघफलं प्रसूते ॥ २॥

ānandakandodgatasādhānāmbhaḥsiktoditāmandasuradruvallī |sānandamānandamayītināmnālokāśrayā'moghaphalaṃ prasūte || 2||

आनन्दसम्भूतसुधाब्धिमध्यात्सञ्जातपूर्णप्रसरत्प्रकाशा ।सेव्या सदानन्दसुधांशुशुभ्राऽऽनन्दप्रदाऽऽनन्दमयी कला सा ॥ ३॥

ānandasambhūtasudhābdhimadhyātsañjātapūrṇaprasaratprakāśā |sevyā sadānandasudhāṃśuśubhrā''nandapradā''nandamayī kalā sā || 3||

आनन्दपूर्वाद्रिशिरोऽवभासीभास्वद्विभानन्दसुखैकराशिः ।सानन्दग्रार्घ्यसहस्ररश्मिःसाऽऽनन्दमूर्तिर्जननी प्रणम्या ॥ ४॥

ānandapūrvādriśiro'vabhāsībhāsvadvibhānandasukhaikarāśiḥ |sānandagrārghyasahasraraśmiḥsā''nandamūrtirjananī praṇamyā || 4||

आनन्दचिद्ब्रह्मपरात्मशक्तिरानन्दवृत्तिप्रतिभासमाना ।साकारमानन्दवपुर्दधानासाऽऽनन्दमाता विबुधैरुपास्या ॥ ५॥

ānandacidbrahmaparātmaśaktirānandavṛttipratibhāsamānā |sākāramānandavapurdadhānāsā''nandamātā vibudhairupāsyā || 5||

आनन्दपाथोधितरङ्गसङ्गादानन्दपूरप्रसरं सिसृक्षुः ।दिक्षु स्रवत्स्वच्छदयाम्बुबिन्दुःसाऽऽनन्दसिन्धुः सुजनैर्निषेव्या ॥ ६॥

ānandapāthodhitaraṅgasaṅgādānandapūraprasaraṃ sisṛkṣuḥ |dikṣu sravatsvacchadayāmbubinduḥsā''nandasindhuḥ sujanairniṣevyā || 6||

आनन्दकाव्यध्वनिलक्षणाध्वशब्दार्थसालङ्कृतिसद्गुणाढ्या ।सानन्दमास्वाद्यरसप्रशस्यासाऽऽनन्दसंवित्कविवृन्दवन्द्या ॥ ७॥

ānandakāvyadhvanilakṣaṇādhvaśabdārthasālaṅkṛtisadguṇāḍhyā |sānandamāsvādyarasapraśasyāsā''nandasaṃvitkavivṛndavandyā || 7||

आनन्दसौन्दर्यलहर्यमोघानन्दच्छटाऽऽनन्दघना चिदेका ।आनन्दकान्तारजुषां समेषांसानन्दमानन्दमयी पराम्बा ॥ ८॥

ānandasaundaryalaharyamoghānandacchaṭā''nandaghanā cidekā |ānandakāntārajuṣāṃ sameṣāṃsānandamānandamayī parāmbā || 8||

मुदाधीतमिदं सद्भिर्हदाऽऽनन्दाष्टकं शुभम् ।सदाऽऽनन्दमयीमातुः प्रसादाय प्रकल्पते ॥ ९॥

mudādhītamidaṃ sadbhirhadā''nandāṣṭakaṃ śubham |sadā''nandamayīmātuḥ prasādāya prakalpate || 9||

आनन्दजाष्टकमथाष्टकपद्यबद्धंकाशीस्थितेन कविना शिवजीतिनाम्ना ।हृद्यप्रणीतशतकान्तसुमाञ्जलीवसानन्दमातृचरणार्पितमाविभातु ॥ १०॥

ānandajāṣṭakamathāṣṭakapadyabaddhaṃkāśīsthitena kavinā śivajītināmnā |hṛdyapraṇītaśatakāntasumāñjalīvasānandamātṛcaraṇārpitamāvibhātu || 10||

इति श्रीशिवजी उपाध्यायविरचितं आनन्दाष्टकं सम्पूर्णम् ॥

iti śrīśivajī upādhyāyaviracitaṃ ānandāṣṭakaṃ sampūrṇam ||