गङ्गाष्टकम् (हनुमानविरचितम्) Gangashtakam (2)

॥ श्रीगणेशाय नमः ॥गङ्गानङ्गारिसङ्गा सरिदुपरि परिक्रीडमाना विमानादव्यादव्याजभाजः कलितकलितमोहारि मोहारिवारि ॥यत्कूले कोलकोलाहलिनि हलिनिभे केतकस्वच्छकच्छच्छायानायासिकायानुपतनपवनः सेवते देवतेन्द्रान् ॥ १॥

|| śrīgaṇeśāya namaḥ ||gaṅgānaṅgārisaṅgā saridupari parikrīḍamānā vimānādavyādavyājabhājaḥ kalitakalitamohāri mohārivāri ||yatkūle kolakolāhalini halinibhe ketakasvacchakacchacchāyānāyāsikāyānupatanapavanaḥ sevate devatendrān || 1||

मातर्मातङ्गसङ्गास्तिमिततिमितनूर्धारि विस्तारि वारिताराकारानुकारा तरलतरलकैश्चामरैश्चामरीणाम् ।सान्तः स्वान्तः कदान्तःशमितकलितमस्तोमदाहं मुदाहंदक्षाभिक्षामितार्तिस्तव भवदवसंहारिशङ्कारिहारि ॥ २॥

mātarmātaṅgasaṅgāstimitatimitanūrdhāri vistāri vāritārākārānukārā taralataralakaiścāmaraiścāmarīṇām |sāntaḥ svāntaḥ kadāntaḥśamitakalitamastomadāhaṃ mudāhaṃdakṣābhikṣāmitārtistava bhavadavasaṃhāriśaṅkārihāri || 2||

यन्नापन्नाससूरे सुरधुनि विधुनिस्यन्दनिस्पन्दधुर्येदेहं तेऽहंसगेहं वहति वहति सन्मानसं मानसङ्गात् ।किं तेन स्तेनभावं भवभविकमिदं बिभ्रतादभ्रतापंव्यायत्तेनाप्तवातप्रसरसरणिनां मद्विधानां बुधानाम् ॥ ३॥

yannāpannāsasūre suradhuni vidhunisyandanispandadhuryedehaṃ te'haṃsagehaṃ vahati vahati sanmānasaṃ mānasaṅgāt |kiṃ tena stenabhāvaṃ bhavabhavikamidaṃ bibhratādabhratāpaṃvyāyattenāptavātaprasarasaraṇināṃ madvidhānāṃ budhānām || 3||

यैनोन्मीलन्मरालीविमलकुलमिलत्सारसी सारशीलंदुःशीलैदेवि ? देवैरकलितमकलि त्वद्वपुवार्विपुष्टैः ।तेषां द्वेषाधिदोषाकलितकलितरा शृङ्खला शृङ्खलानाम् ।छायामायानिकायादननुगुणगणाः संस्रवन्ति श्रवन्ति ॥ ४॥

yainonmīlanmarālīvimalakulamilatsārasī sāraśīlaṃduḥśīlaidevi ? devairakalitamakali tvadvapuvārvipuṣṭaiḥ |teṣāṃ dveṣādhidoṣākalitakalitarā śṛṅkhalā śṛṅkhalānām |chāyāmāyānikāyādananuguṇagaṇāḥ saṃsravanti śravanti || 4||

वातव्याधूतनूतावलिगलितरजोराजिविभ्राजिताभ्राभ्राम्यबृङ्गालिकेलीकलितकलकला नदनं दन्मुतीयम् ।अम्भस्तम्बेरमालीमिलदमलरदारब्धविस्रब्धरोधोरोधः कर्मादिकर्मप्रसरसरभसं प्रश्रयेनाश्रयन्ते ॥ ५॥

vātavyādhūtanūtāvaligalitarajorājivibhrājitābhrābhrāmyabṛṅgālikelīkalitakalakalā nadanaṃ danmutīyam |ambhastamberamālīmiladamalaradārabdhavisrabdharodhorodhaḥ karmādikarmaprasarasarabhasaṃ praśrayenāśrayante || 5||

सर्पत्कर्पूरपूरोज्ज्वलजलपटलप्राणिभिः प्राणितार्थेऽत्यर्थ व्यर्थं कृतार्थ कृतमपि सुकृतैर्मन्यते जन्म तेषाम् ।संसारासारकारासरणिपरिणतैर्बन्धभिर्बन्धमुक्तैःधीर्मुक्तैमुक्तिमूर्तिर्भगवति ! भवती यैरदृष्ट्यारदृष्ट्या ॥ ६॥

sarpatkarpūrapūrojjvalajalapaṭalaprāṇibhiḥ prāṇitārthe'tyartha vyarthaṃ kṛtārtha kṛtamapi sukṛtairmanyate janma teṣām |saṃsārāsārakārāsaraṇipariṇatairbandhabhirbandhamuktaiḥdhīrmuktaimuktimūrtirbhagavati ! bhavatī yairadṛṣṭyāradṛṣṭyā || 6||

लोलत्कल्लोलकोलाहलवहलदलोत्तालवालाविलासा ।बंहद्वृन्दारबन्दाकरणिकरकरासङ्गरिङ्गद्विहङ्गा ।एकादोषाप्यशेषा विकरविकरिणारम्भसंरम्भवर्याकुर्याद्धर्या धुरीणां भविकमविकलं सप्रभावप्रभावः ॥ ७॥

lolatkallolakolāhalavahaladalottālavālāvilāsā |baṃhadvṛndārabandākaraṇikarakarāsaṅgariṅgadvihaṅgā |ekādoṣāpyaśeṣā vikaravikariṇārambhasaṃrambhavaryākuryāddharyā dhurīṇāṃ bhavikamavikalaṃ saprabhāvaprabhāvaḥ || 7||

रामारामाभिरामं चतुरगतुरगं । तुङ्गमातङ्गसङ्गंभ्राज्यं प्राज्यं न राज्यं भगवति भवति प्रेयसे श्रेयसे वा ।सेवा ते वा क्क देवा सुरशिरसि गिरा नन्दते वन्दते चेत्सिद्धीनां सिद्धिसिन्धो न तवनतरवः सनिधानं निधानम् ॥ ८॥

rāmārāmābhirāmaṃ caturagaturagaṃ | tuṅgamātaṅgasaṅgaṃbhrājyaṃ prājyaṃ na rājyaṃ bhagavati bhavati preyase śreyase vā |sevā te vā kka devā suraśirasi girā nandate vandate cetsiddhīnāṃ siddhisindho na tavanataravaḥ sanidhānaṃ nidhānam || 8||

गर्भावि वि भूयः परिमलपरिमालंवरोलम्बरोलैचालैः पुष्पजालैः पटुविटपितटी बिभ्रती शुभ्रतीरा ।ध्वस्ताधिव्याधिवाचाविधुरविधुसुधामेदुरा मे दुरापः ।पायानः पातु गौरी गुरुगिरिशिरसि स्वः श्रवन्ती श्रवन्ती ॥ ९॥

garbhāvi vi bhūyaḥ parimalaparimālaṃvarolambarolaicālaiḥ puṣpajālaiḥ paṭuviṭapitaṭī bibhratī śubhratīrā |dhvastādhivyādhivācāvidhuravidhusudhāmedurā me durāpaḥ |pāyānaḥ pātu gaurī gurugiriśirasi svaḥ śravantī śravantī || 9||

वरं त्वदीये पुलिने पुलिन्दा मन्दाकिनीक्षालितपापकन्दा ।मन्दारमालामलकण्ठनाला न भूमिपाला न च लोकपालाः ॥ १०॥

varaṃ tvadīye puline pulindā mandākinīkṣālitapāpakandā |mandāramālāmalakaṇṭhanālā na bhūmipālā na ca lokapālāḥ || 10||

इति श्री हनुमद्विरचितं गङ्गाष्टकं सम्पूर्णम् ।

iti śrī hanumadviracitaṃ gaṅgāṣṭakaṃ sampūrṇam |