गणेशस्तुतिः शिवकृता Shivakrita Shri Ganesha Stuti

शिव उवाच ।त्वमेव विश्वेश्वर विश्वरूप ! विश्वं सृजस्यत्सि हि पासि देव ! ।शुभाशुभं कर्म निरिक्ष्य तस्य ददासि भोगं विविधं गणेश ! ॥ ५॥

śiva uvāca |tvameva viśveśvara viśvarūpa ! viśvaṃ sṛjasyatsi hi pāsi deva ! |śubhāśubhaṃ karma nirikṣya tasya dadāsi bhogaṃ vividhaṃ gaṇeśa ! || 5||

ब्रह्मेङ्गितात्ते जगतीं विधत्ते तद्रक्षणं चैव हरिस्थताऽहम् ।(ब्रह्मापि सृष्टि कुरुतेङ्गितात्ते)संहारकारीह चराचरस्य विभागकृत्यं हि गुणत्रयस्य ॥ ६॥

brahmeṅgitātte jagatīṃ vidhatte tadrakṣaṇaṃ caiva haristhatā'ham |(brahmāpi sṛṣṭi kuruteṅgitātte)saṃhārakārīha carācarasya vibhāgakṛtyaṃ hi guṇatrayasya || 6||

तव प्रसादाद्धरिरब्जजोऽपि शिवश्च शक्तो निजकर्मसिद्ध्यै ।त्वया विना वेदविधिर्वृथा स्यात् त्वदीयशक्त्या सुरशत्रुनाशः ॥ ७॥

tava prasādāddharirabjajo'pi śivaśca śakto nijakarmasiddhyai |tvayā vinā vedavidhirvṛthā syāt tvadīyaśaktyā suraśatrunāśaḥ || 7||

अनन्तशक्तिः प्रकृतिः पुरा त्वां समर्च्य दुष्टं महिषं जघान ।यच्छ्वासनिर्धूतनगप्रपातभीतं जगत्कृत्स्नमिदं ररक्ष ॥ ८॥

anantaśaktiḥ prakṛtiḥ purā tvāṃ samarcya duṣṭaṃ mahiṣaṃ jaghāna |yacchvāsanirdhūtanagaprapātabhītaṃ jagatkṛtsnamidaṃ rarakṣa || 8||

त्वमप्रमेयोऽखिललोकसाक्षी त्वमव्ययः कारणकारणं च।वेदा विकुण्ठास्त्वयि सर्व एव शेषो धराभृत्तव भक्तितो हि ॥ ९॥

tvamaprameyo'khilalokasākṣī tvamavyayaḥ kāraṇakāraṇaṃ ca|vedā vikuṇṭhāstvayi sarva eva śeṣo dharābhṛttava bhaktito hi || 9||

त्वामेव नत्वा परिपूजयन्तः सन्तो यजन्ते मनसा स्मरन्तः ।त्वय्येव भक्तिं परिकल्पयन्तो मुक्तिं भजन्ते परिवृत्तिहीनाः ॥ १०॥

tvāmeva natvā paripūjayantaḥ santo yajante manasā smarantaḥ |tvayyeva bhaktiṃ parikalpayanto muktiṃ bhajante parivṛttihīnāḥ || 10||

अनेकरूपाङ्घ्रिविलोचनस्त्वमनेकशीर्षश्रुतिबाहुजिह्वः ।अनन्तविज्ञानघनो ह्यनेकब्रह्माण्डहेतुः परमप्रकाशः ॥ ११॥

anekarūpāṅghrivilocanastvamanekaśīrṣaśrutibāhujihvaḥ |anantavijñānaghano hyanekabrahmāṇḍahetuḥ paramaprakāśaḥ || 11||

तव प्रसादादविमुक्तमेतद् दृष्टं चिराद् यत्नवताऽखिलेश ! ।मुनिरुवाच ।एवं स्तुत्वा च सम्पूज्य प्रार्थयामास शङ्करः ॥ १२॥

tava prasādādavimuktametad dṛṣṭaṃ cirād yatnavatā'khileśa ! |muniruvāca |evaṃ stutvā ca sampūjya prārthayāmāsa śaṅkaraḥ || 12||

गतं विरहदुःख मे प्राप्य वाराणसीं पुरीम् ।इदानीं सर्वदा रक्ष मद्भक्ताँश्च पुरीमिमाम् ॥ १३॥

gataṃ virahaduḥkha me prāpya vārāṇasīṃ purīm |idānīṃ sarvadā rakṣa madbhaktām̐śca purīmimām || 13||

विना प्रसादं ते न स्यात् काशीवासः कदाचन ।दण्डपाणेर्भैरवस्य तेऽपि यस्य कृपा भवेत् ॥ १४॥

vinā prasādaṃ te na syāt kāśīvāsaḥ kadācana |daṇḍapāṇerbhairavasya te'pi yasya kṛpā bhavet || 14||

तारकं ब्रह्म तस्यान्ते दिशामि च न चान्यथा ।माघमासी चतुर्थ्यां यो भौमवारे विधूदये ॥ १५॥

tārakaṃ brahma tasyānte diśāmi ca na cānyathā |māghamāsī caturthyāṃ yo bhaumavāre vidhūdaye || 15||

अपूपैर्मोदकैरन्यैरुपचारैः प्रपूजयेत् ।संहृत्य तस्य सङ्कष्टं स्तोत्रपाठेन यो नुयात् ॥ १६॥

apūpairmodakairanyairupacāraiḥ prapūjayet |saṃhṛtya tasya saṅkaṣṭaṃ stotrapāṭhena yo nuyāt || 16||

तस्यापि सकलान् कामान् यच्छ लक्ष्मीमनेकधा ।य इदं प्रातरुत्थाय त्रिसन्ध्यं वापि भक्तितः ॥ १७॥

tasyāpi sakalān kāmān yaccha lakṣmīmanekadhā |ya idaṃ prātarutthāya trisandhyaṃ vāpi bhaktitaḥ || 17||

पठेत् स्तोत्रं सकृद् वापि भुक्तिर्मुक्तिश्च तस्य च ।अन्वेषयित्वा सर्वार्थान् विदधासि नृणामिह ॥ १८॥

paṭhet stotraṃ sakṛd vāpi bhuktirmuktiśca tasya ca |anveṣayitvā sarvārthān vidadhāsi nṛṇāmiha || 18||

अतो ढुण्ढिरिति ख्यातस्त्रिलोक्यां त्वं भविष्यसि ! ।ढुण्ढिरित्येव तं नाम मुक्तिदं पापनाशनम् ॥ १९॥

ato ḍhuṇḍhiriti khyātastrilokyāṃ tvaṃ bhaviṣyasi ! |ḍhuṇḍhirityeva taṃ nāma muktidaṃ pāpanāśanam || 19||

स्मरणात् सर्वकार्याणां सिद्धिदं चभविष्यति ।इति शिवकृता श्रीगणेशस्तुतिः सम्पूर्णा ॥॥ श्रीगणेशपुराणं क्रीडा (उत्तर)खण्डः । अध्यायः ४८ । २\।४८ ५१९॥– ॥ श्रीगणेशपुराणं क्रीडा (उत्तर)खण्डः । अध्यायः ४८ । २।४८ ५-१९॥

smaraṇāt sarvakāryāṇāṃ siddhidaṃ cabhaviṣyati |iti śivakṛtā śrīgaṇeśastutiḥ sampūrṇā |||| śrīgaṇeśapurāṇaṃ krīḍā (uttara)khaṇḍaḥ | adhyāyaḥ 48 | 2\|48 519||– || śrīgaṇeśapurāṇaṃ krīḍā (uttara)khaṇḍaḥ | adhyāyaḥ 48 | 2|48 5-19||