हरिद्रागणेशकवचम् Haridraganeshakavacham

श्रीगणेशाय नमः ।ईश्वर उवाच ।शृणु वक्ष्यामि कवचं सर्वसिद्धिकरं प्रिये ।पठित्वा पाठयित्वा च मुच्यते सर्वसङ्कटात् ॥ १॥

śrīgaṇeśāya namaḥ |īśvara uvāca |śṛṇu vakṣyāmi kavacaṃ sarvasiddhikaraṃ priye |paṭhitvā pāṭhayitvā ca mucyate sarvasaṅkaṭāt || 1||

अज्ञात्वा कवचं देवि गणेशस्य मनुं जपेत् ।सिद्धिर्नजायते तस्य कल्पकोटिशतैरपि ॥ २॥

ajñātvā kavacaṃ devi gaṇeśasya manuṃ japet |siddhirnajāyate tasya kalpakoṭiśatairapi || 2||

ॐ आमोदश्च शिरः पातु प्रमोदश्च शिखोपरि ।सम्मोदो भ्रूयुगे पातु भ्रूमध्ये च गणाधिपः ॥ ३॥

oṃ āmodaśca śiraḥ pātu pramodaśca śikhopari |sammodo bhrūyuge pātu bhrūmadhye ca gaṇādhipaḥ || 3||

गणाक्रीडो नेत्रयुग्मं नासायां गणनायकः ।गणक्रीडान्वितः पातु वदने सर्वसिद्धये ॥ ४॥

gaṇākrīḍo netrayugmaṃ nāsāyāṃ gaṇanāyakaḥ |gaṇakrīḍānvitaḥ pātu vadane sarvasiddhaye || 4||

जिह्वायां सुमुखः पातु ग्रीवायां दुर्मुखः सदा ।विघ्नेशो हृदये पातु विघ्ननाथश्च वक्षसि ॥ ५॥

jihvāyāṃ sumukhaḥ pātu grīvāyāṃ durmukhaḥ sadā |vighneśo hṛdaye pātu vighnanāthaśca vakṣasi || 5||

गणानां नायकः पातु बाहुयुग्मं सदा मम ।विघ्नकर्ता च ह्युदरे विघ्नहर्ता च लिङ्गके ॥ ६॥

gaṇānāṃ nāyakaḥ pātu bāhuyugmaṃ sadā mama |vighnakartā ca hyudare vighnahartā ca liṅgake || 6||

गजवक्त्रः कटीदेशे एकदन्तो नितम्बके ।लम्बोदरः सदा पातु गुह्यदेशे ममारुणः ॥ ७॥

gajavaktraḥ kaṭīdeśe ekadanto nitambake |lambodaraḥ sadā pātu guhyadeśe mamāruṇaḥ || 7||

व्यालयज्ञोपवीती मां पातु पादयुगे सदा ।जापकः सर्वदा पातु जानुजङ्घे गणाधिपः ॥ ८॥

vyālayajñopavītī māṃ pātu pādayuge sadā |jāpakaḥ sarvadā pātu jānujaṅghe gaṇādhipaḥ || 8||

हारिद्रः सर्वदा पातु सर्वाङ्गे गणनायकः ।य इदं प्रपठेन्नित्यं गणेशस्य महेश्वरि ॥ ९॥

hāridraḥ sarvadā pātu sarvāṅge gaṇanāyakaḥ |ya idaṃ prapaṭhennityaṃ gaṇeśasya maheśvari || 9||

कवचं सर्वसिद्धाख्यं सर्वविघ्नविनाशनम् ।सर्वसिद्धिकरं साक्षात्सर्वपापविमोचनम् ॥ १०॥

kavacaṃ sarvasiddhākhyaṃ sarvavighnavināśanam |sarvasiddhikaraṃ sākṣātsarvapāpavimocanam || 10||

सर्वसम्पत्प्रदं साक्षात्सर्वदुःखविमोक्षणम् ।सर्वापत्तिप्रशमनं सर्वशत्रुक्षयङ्करम् ॥ ११॥

sarvasampatpradaṃ sākṣātsarvaduḥkhavimokṣaṇam |sarvāpattipraśamanaṃ sarvaśatrukṣayaṅkaram || 11||

ग्रहपीडा ज्वरा रोगा ये चान्ये गुह्यकादयः ।पठनाद्धारणादेव नाशमायन्ति तत्क्षणात् ॥ १२॥

grahapīḍā jvarā rogā ye cānye guhyakādayaḥ |paṭhanāddhāraṇādeva nāśamāyanti tatkṣaṇāt || 12||

धनधान्यकरं देवि कवचं सुरपूजितम् ।समं नास्ति महेशानि त्रैलोक्ये कवचस्य च ॥ १३॥

dhanadhānyakaraṃ devi kavacaṃ surapūjitam |samaṃ nāsti maheśāni trailokye kavacasya ca || 13||

हारिद्रस्य महादेवि विघ्नराजस्य भूतले ।किमन्यैरसदालापैर्यत्रायुर्व्ययतामियात् ॥ १४॥

hāridrasya mahādevi vighnarājasya bhūtale |kimanyairasadālāpairyatrāyurvyayatāmiyāt || 14||

॥ इति विश्वसारतन्त्रे हरिद्रागणेशकवचं सम्पूर्णम् ॥

|| iti viśvasāratantre haridrāgaṇeśakavacaṃ sampūrṇam ||