गुह्यनामौच्छिष्टगणेशसहस्रनामस्तोत्रस्य पूर्वपीठिका एवं फलश्रुतिः Guhya Uchchishta Ganesha Shahasranamastotra Purvapithika Phalashruti

सनक उवाचदेव देव महादेव विद्यानाथ गुरूत्तम ।उपासनानि भिन्नानि बुद्धिभेदकृतानि तु ॥ १॥

sanaka uvācadeva deva mahādeva vidyānātha gurūttama |upāsanāni bhinnāni buddhibhedakṛtāni tu || 1||

कलौ हि धैर्यवैकल्यात् साधक भ्रमयन्ति हि ।केनोपायेन लघुना लघुकालकृतेन च ॥ २॥

kalau hi dhairyavaikalyāt sādhaka bhramayanti hi |kenopāyena laghunā laghukālakṛtena ca || 2||

सधकाः सिद्धिजालानि प्राप्नुयुर्हि कलौ युगे ।तमहं ज्ञातुमिच्छामि भवन्मुखरसाकुलः ॥ ३॥

sadhakāḥ siddhijālāni prāpnuyurhi kalau yuge |tamahaṃ jñātumicchāmi bhavanmukharasākulaḥ || 3||

यदि मे योग्यतास्तीति मन्यते भवता तदा ।आचक्ष्व करुणासिन्धो कौतुकं मे प्रपूरयन् ॥ ४॥

yadi me yogyatāstīti manyate bhavatā tadā |ācakṣva karuṇāsindho kautukaṃ me prapūrayan || 4||

दक्षिनामूर्तिरुवाचवत्स वत्स किम्मेव हि ब्रूयते तु त्वयाधुना ।तव चेद्योग्यता नास्ति कस्यान्यस्येह योग्यता ॥ ५॥

dakṣināmūrtiruvācavatsa vatsa kimmeva hi brūyate tu tvayādhunā |tava cedyogyatā nāsti kasyānyasyeha yogyatā || 5||

त्वादृशो यदि लोकेऽस्मिन् शिष्यो लभ्येत कर्हिचित् ।तदैव तस्मै शिष्याय गुरुः सर्वं प्रकाशयेत् ॥ ६॥

tvādṛśo yadi loke'smin śiṣyo labhyeta karhicit |tadaiva tasmai śiṣyāya guruḥ sarvaṃ prakāśayet || 6||

भवान् हि त्रिषु लोकेषु ब्रह्मविद्याप्रचारणे ।श्रीविद्यायास्तथा च्छन्दोविद्यायाश्च प्रचारणे ॥ ७॥

bhavān hi triṣu lokeṣu brahmavidyāpracāraṇe |śrīvidyāyāstathā cchandovidyāyāśca pracāraṇe || 7||

नियत्या हि नियुक्तोऽसि तन्त्रविद्याप्रचारणे ।अतः सर्वं प्रकाश्यं ते योग्य एवाऽसि वत्सक ॥ ८॥

niyatyā hi niyukto'si tantravidyāpracāraṇe |ataḥ sarvaṃ prakāśyaṃ te yogya evā'si vatsaka || 8||

यद्यद्विषयविज्ञानं प्रतीच्छा तव जायते ।तत्तद् विस्रब्धमेव त्वं मां पृच्छस्व निराकुलः ॥ ९॥

yadyadviṣayavijñānaṃ pratīcchā tava jāyate |tattad visrabdhameva tvaṃ māṃ pṛcchasva nirākulaḥ || 9||

कलौ हि क्षिप्रसिद्।ह्ध्यर्थं समस्च्येक उपायराट् ।उच्छिष्टगणनाथस्य राधनं क्षिप्रसिद्धिकृत् ॥ १०॥

kalau hi kṣiprasid|hdhyarthaṃ samascyeka upāyarāṭ |ucchiṣṭagaṇanāthasya rādhanaṃ kṣiprasiddhikṛt || 10||

उच्छिष्टस्य गणेशस्य पूजनं बहुधा श्रुतम् ।तन्मन्त्रा अपि बहवः श्रूयन्ते तन्त्रवेदिभिः ॥ ११॥

ucchiṣṭasya gaṇeśasya pūjanaṃ bahudhā śrutam |tanmantrā api bahavaḥ śrūyante tantravedibhiḥ || 11||

हस्तिशब्दं समुच्चार्य पिशाचीति ततो वदेत् ।लिखेपदं समुच्चार्य वह्निजायान्तमुद्धरेत् ॥ १२॥

hastiśabdaṃ samuccārya piśācīti tato vadet |likhepadaṃ samuccārya vahnijāyāntamuddharet || 12||

नवाक्षरोऽयमाख्यात उच्छिष्टस्य गणेशितुः ।ऋषिः कङ्कोलनामास्य विराट् छन्द उदाहृतम् ॥ १३॥

navākṣaro'yamākhyāta ucchiṣṭasya gaṇeśituḥ |ṛṣiḥ kaṅkolanāmāsya virāṭ chanda udāhṛtam || 13||

उच्छिष्टगणपो देवः सर्वसम्पत्प्रदायकः ।द्वाभ्यां हृदयमाख्यातां त्रिभिः शिर उदाहृतम् ॥ १४॥

ucchiṣṭagaṇapo devaḥ sarvasampatpradāyakaḥ |dvābhyāṃ hṛdayamākhyātāṃ tribhiḥ śira udāhṛtam || 14||

द्वाभ्यां शिखा समाख्याता वर्म द्वाभ्यां समीरितम् ।समस्तेनाऽस्त्रमाख्यातं पञ्चाङ्गविधिरीरितः ॥ १५॥

dvābhyāṃ śikhā samākhyātā varma dvābhyāṃ samīritam |samastenā'stramākhyātaṃ pañcāṅgavidhirīritaḥ || 15||

उत्राङ्गकल्पनायां हि नेत्रत्रयं न विद्यते ।वर्णलक्षं जपित्वा तु मन्त्रमेतं तु साधयेत् ॥ १६॥

utrāṅgakalpanāyāṃ hi netratrayaṃ na vidyate |varṇalakṣaṃ japitvā tu mantrametaṃ tu sādhayet || 16||

आदौ षट्कोणमालिख्य ततो वसुदलद्वयम् ।चतुरस्रत्रिवीथीभिः सार्धं यन्त्रं समुद्धरेत् ॥ १७॥

ādau ṣaṭkoṇamālikhya tato vasudaladvayam |caturasratrivīthībhiḥ sārdhaṃ yantraṃ samuddharet || 17||

पूजयित्वा यन्त्रराजं विधिनेमं सुभक्तितः ।सर्वसिद्धिसमृद्धश्रीः साधको भुवि जायते ॥ १८॥

pūjayitvā yantrarājaṃ vidhinemaṃ subhaktitaḥ |sarvasiddhisamṛddhaśrīḥ sādhako bhuvi jāyate || 18||

मूलमन्त्राधिपं देवं मध्ये बिन्धौ प्रपूजयेत् ।षट्कोणेषु षडङ्गानि पूजयेत्स्थिरमानसः ॥ १९॥

mūlamantrādhipaṃ devaṃ madhye bindhau prapūjayet |ṣaṭkoṇeṣu ṣaḍaṅgāni pūjayetsthiramānasaḥ || 19||

षडङ्गानि मनोरस्य ध्यातव्याश्चाङ्गदेवताः ।तुषारस्फटिकश्यामनीलकृष्णारुणार्चिषः ॥ २०॥

ṣaḍaṅgāni manorasya dhyātavyāścāṅgadevatāḥ |tuṣārasphaṭikaśyāmanīlakṛṣṇāruṇārciṣaḥ || 20||

वरदाभयधारिण्यः प्रधानतनवः स्त्रियः ।पञ्चाङ्गकमनुर्यत्र तत्र पञ्चारमालिखेत् ॥ २१॥

varadābhayadhāriṇyaḥ pradhānatanavaḥ striyaḥ |pañcāṅgakamanuryatra tatra pañcāramālikhet || 21||

पुजापि तत्र कर्तव्या पञ्चाङ्गैरेव मन्त्रकैः ।आध्याष्टदलमूलेषु शक्तीरष्टौ क्रमाद्यजेत् ॥ २२॥

pujāpi tatra kartavyā pañcāṅgaireva mantrakaiḥ |ādhyāṣṭadalamūleṣu śaktīraṣṭau kramādyajet || 22||

विद्याख्या विश्वधात्री च भोगदा विघ्ननाशिनी ।निधिप्रदा च पापघ्नी तथा पुण्या शशिप्रभा ॥ २३॥

vidyākhyā viśvadhātrī ca bhogadā vighnanāśinī |nidhipradā ca pāpaghnī tathā puṇyā śaśiprabhā || 23||

दलेषु च यजेत्तद्वदणिमाद्या हि देवताः ।अणिमा महिमा चैव लघिमा गरिमा तथा ॥ २४॥

daleṣu ca yajettadvadaṇimādyā hi devatāḥ |aṇimā mahimā caiva laghimā garimā tathā || 24||

ईशित्वं च वशित्वं च प्राकाम्यं प्राप्तिरेव च ।द्वितीयाष्टदलाब्जस्य दलेषु क्रमशोऽष्टसु ॥ २५॥

īśitvaṃ ca vaśitvaṃ ca prākāmyaṃ prāptireva ca |dvitīyāṣṭadalābjasya daleṣu kramaśo'ṣṭasu || 25||

वक्रतुण्डादिका देवाः सम्पूज्या गणपेश्वराः ।वक्रतुण्डैक दष्ट्रौ च महोदरगजाननौ ॥ २६॥

vakratuṇḍādikā devāḥ sampūjyā gaṇapeśvarāḥ |vakratuṇḍaika daṣṭrau ca mahodaragajānanau || 26||

लम्बोदराख्य विकतौ विघ्नराट्धूम्रवर्णकौ ।बहिरष्टदलाब्जस्य दलाग्रेष्वपि च क्रमात् ॥ २७॥

lambodarākhya vikatau vighnarāṭdhūmravarṇakau |bahiraṣṭadalābjasya dalāgreṣvapi ca kramāt || 27||

विघ्ना पूजनीया हि ब्रह्म्याद्यास्त्वष्टमातरः ।ब्राह्मी महेश्वरीं चैव कौमारीं वैष्णवीं तथा ॥ २८॥

vighnā pūjanīyā hi brahmyādyāstvaṣṭamātaraḥ |brāhmī maheśvarīṃ caiva kaumārīṃ vaiṣṇavīṃ tathā || 28||

वाराहीं च तथेन्द्राणीं चामुण्डां तदनन्तरम् ।महालक्षीं च क्रमशः पूर्वादिषु हि पूजयेत् ॥ २९॥

vārāhīṃ ca tathendrāṇīṃ cāmuṇḍāṃ tadanantaram |mahālakṣīṃ ca kramaśaḥ pūrvādiṣu hi pūjayet || 29||

चतुरस्रस्याद्यवीथ्यां द्वितीयायां तथापि च ।त्रितीयायामपि तथा लोकपालाष्टकस्य तु ॥ ३०॥

caturasrasyādyavīthyāṃ dvitīyāyāṃ tathāpi ca |tritīyāyāmapi tathā lokapālāṣṭakasya tu || 30||

वाहनानि तथास्त्राणि दैवतानि प्रपूजयेत् ।इन्द्रो वह्निः पितृपतिर्नैरृतो वरुणो मरुत् ॥ ३१॥

vāhanāni tathāstrāṇi daivatāni prapūjayet |indro vahniḥ pitṛpatirnairṛto varuṇo marut || 31||

सोम ईशानः पतयः पूर्वादीनां दिशां क्रमात् ।वज्रशक्ती दन्डखड्गौ पशायुधं ततो ध्वजः ॥ ३२॥

soma īśānaḥ patayaḥ pūrvādīnāṃ diśāṃ kramāt |vajraśaktī danḍakhaḍgau paśāyudhaṃ tato dhvajaḥ || 32||

शङ्खस्तथा त्रिशूलश्च शस्त्राण्येषां यथाक्रमम् ।ऐरावतोऽजमहिषौ नरश्च मकरस्तथा ॥ ३३॥

śaṅkhastathā triśūlaśca śastrāṇyeṣāṃ yathākramam |airāvato'jamahiṣau naraśca makarastathā || 33||

रुरुरश्वश्च वृषभो वहनानि यथाक्रमम् ।पञ्चावरणकं यन्त्रमुच्छिष्टस्य गणेशितुः ॥ ३४॥

rururaśvaśca vṛṣabho vahanāni yathākramam |pañcāvaraṇakaṃ yantramucchiṣṭasya gaṇeśituḥ || 34||

पूजयित्वा विधानेन सर्वसिद्धीश्वरो भवेत् ।पञ्चावरणपूजेयमुच्छिष्टस्य गणेशितुः ॥ ३५॥

pūjayitvā vidhānena sarvasiddhīśvaro bhavet |pañcāvaraṇapūjeyamucchiṣṭasya gaṇeśituḥ || 35||

नवानामपि मन्त्राणां साधारणतया स्मृतम् ।तत्तन्मन्त्रस्य साध्यस्य बिन्दुचक्रे प्रपूजनम् ॥ ३६॥

navānāmapi mantrāṇāṃ sādhāraṇatayā smṛtam |tattanmantrasya sādhyasya binducakre prapūjanam || 36||

साध्यस्य देवरूपस्य ध्याने त्वस्ति विशेषकः ।अन्यक्त साधारणता पऽचावरण पूजने ॥ ३७॥

sādhyasya devarūpasya dhyāne tvasti viśeṣakaḥ |anyakta sādhāraṇatā pa'cāvaraṇa pūjane || 37||

मन्त्रमन्यं शृणोत्वद्या सावधानेन हि चेतसा ।क्रीं क्रीं पदम् समुच्चार्य ह्रीं ह्रीं च पदमुच्चरेत् ॥ ३८॥

mantramanyaṃ śṛṇotvadyā sāvadhānena hi cetasā |krīṃ krīṃ padam samuccārya hrīṃ hrīṃ ca padamuccaret || 38||

हुङ्कारं सम्यगुच्चार्य घे घे शब्द मथोच्चरेत् ।षट्कारं स्वाहया युक्तं प्रणवाद्योऽयमी रितः ॥ ३९॥

huṅkāraṃ samyaguccārya ghe ghe śabda mathoccaret |ṣaṭkāraṃ svāhayā yuktaṃ praṇavādyo'yamī ritaḥ || 39||

एकादशाक्षरः सम्यङ् मूलमन्त्रो गणेशितुः ।ऋष्यादिकं पुरा प्रोक्तं ध्यानपूजादिकं तथा ॥ ४०॥

ekādaśākṣaraḥ samyaṅ mūlamantro gaṇeśituḥ |ṛṣyādikaṃ purā proktaṃ dhyānapūjādikaṃ tathā || 40||

अन्यं मन्त्रं गणेशस्योच्छिष्टस्यास्य ब्रवीमि ते ।एकदंष्ट्रं चतुर्थ्यन्तं वदेद् हस्तिमुखं ततः ॥ ४१॥

anyaṃ mantraṃ gaṇeśasyocchiṣṭasyāsya bravīmi te |ekadaṃṣṭraṃ caturthyantaṃ vaded hastimukhaṃ tataḥ || 41||

लम्बोदरपदं ङेन्तं उच्छिष्टेति पदं ततः ।आत्मनेऽङ्कुशबीजं च ग्लूङ्कारं भुवनेश्वरीम् ॥ ४२॥

lambodarapadaṃ ṅentaṃ ucchiṣṭeti padaṃ tataḥ |ātmane'ṅkuśabījaṃ ca glūṅkāraṃ bhuvaneśvarīm || 42||

हुं घे घे पदमुच्चार्य स्वाहाकारं समुच्चरेत् ।सप्तविंशतिभिर्वर्णैः मन्त्रः प्रोक्तो गणेशितुः ॥ ४३॥

huṃ ghe ghe padamuccārya svāhākāraṃ samuccaret |saptaviṃśatibhirvarṇaiḥ mantraḥ prokto gaṇeśituḥ || 43||

ऋष्यादिध्यानपूजान्तं यथापूर्वं समाचरेत् ।मन्त्रान्तरं संशृणुष्वोच्छिष्टपूर्वगणेशितुः ॥ ४४॥

ṛṣyādidhyānapūjāntaṃ yathāpūrvaṃ samācaret |mantrāntaraṃ saṃśṛṇuṣvocchiṣṭapūrvagaṇeśituḥ || 44||

ओङ्कारमुच्चरेदादौ नमो भगवते पदम् ।एकदम्ष्ट्राय सम्भाष्य हस्त्यन्ते मुखशब्दतः ॥ ४५॥

oṅkāramuccaredādau namo bhagavate padam |ekadamṣṭrāya sambhāṣya hastyante mukhaśabdataḥ || 45||

लम्बोदरपदं ङेन्तं उच्छिष्टेति पदं ततः ।महात्मने पदं प्रोक्ता वदेदम्कुशबीजकम् ॥ ४६॥

lambodarapadaṃ ṅentaṃ ucchiṣṭeti padaṃ tataḥ |mahātmane padaṃ proktā vadedamkuśabījakam || 46||

ग्लूङ्कारं मायया युक्तं हुं घे घे च समुच्चरेत् ।स्वाहान्तो मनुराक्यातः सम्यक् षट्त्रिंशदक्षरः ॥ ४७॥

glūṅkāraṃ māyayā yuktaṃ huṃ ghe ghe ca samuccaret |svāhānto manurākyātaḥ samyak ṣaṭtriṃśadakṣaraḥ || 47||

ऋष्यादिकं पुरा प्रोक्तं षड्बीजैरङ्गकल्पना ।ध्यानपूजादिकं सर्वं मन्त्री पूर्ववदाचरेत् ॥ ४८॥

ṛṣyādikaṃ purā proktaṃ ṣaḍbījairaṅgakalpanā |dhyānapūjādikaṃ sarvaṃ mantrī pūrvavadācaret || 48||

बलिमन्त्रं गणेशस्य श्ऱ्ऱुत्वा बुद्धौ हि धार्यताम् ।ॐ गं हं क्लौं समुच्चार्य ग्लौं उच्छिष्टगणेपदम् ॥ ४९॥

balimantraṃ gaṇeśasya śrrutvā buddhau hi dhāryatām |oṃ gaṃ haṃ klauṃ samuccārya glauṃ ucchiṣṭagaṇepadam || 49||

ततः शाय महायक्षायायं बलिरिति स्मृतः ।अनेन मनुना मांसं फलं वापि बलिं हरेत् ॥ ५०॥

tataḥ śāya mahāyakṣāyāyaṃ baliriti smṛtaḥ |anena manunā māṃsaṃ phalaṃ vāpi baliṃ haret || 50||