चिन्तामणिषट्पदी Chintamanishatpadi

श्रीगणेशाय नमः ।द्विरदवदन विषमरद वरद जयेशान शान्तवरसदन ।सदनवसादन सादनमन्तरायस्य रायस्य ॥ १॥

śrīgaṇeśāya namaḥ |dviradavadana viṣamarada varada jayeśāna śāntavarasadana |sadanavasādana sādanamantarāyasya rāyasya || 1||

इन्दुकल कलितालिक सालिकशुम्भत्कपोलपालियुग ।विकटस्फुटकटधाराधारोऽस्य प्रपञ्चस्य ॥ २॥

indukala kalitālika sālikaśumbhatkapolapāliyuga |vikaṭasphuṭakaṭadhārādhāro'sya prapañcasya || 2||

परपरशुपाणिपाणे पणितपणायेः पणायितोऽसि यतः ।आरूह्य वज्रदन्तं विदधासि विपदन्तम् ॥ ३॥

paraparaśupāṇipāṇe paṇitapaṇāyeḥ paṇāyito'si yataḥ |ārūhya vajradantaṃ vidadhāsi vipadantam || 3||

लम्बोदर दूर्वासन शयधृतसामोदमोदकाशनक ।शनकैरवलोकय मां यमान्तरायापहारिदृशा ॥ ४॥

lambodara dūrvāsana śayadhṛtasāmodamodakāśanaka |śanakairavalokaya māṃ yamāntarāyāpahāridṛśā || 4||

आनन्दतुन्दिलाखिलवृन्दारकवृन्दवन्दिताङ् घ्रियुग ।सराप्रदण्डरसालो नागजभालोऽतिभासि विभो ॥ ५॥

ānandatundilākhilavṛndārakavṛndavanditāṅ ghriyuga |sarāpradaṇḍarasālo nāgajabhālo'tibhāsi vibho || 5||

अगणेयगुणेशात्मज चिन्तकचिन्तामणे गणेशान ।स्वचरणशरणं करुणावरुणालय पाहि मां दीनम् ॥ ६॥

agaṇeyaguṇeśātmaja cintakacintāmaṇe gaṇeśāna |svacaraṇaśaraṇaṃ karuṇāvaruṇālaya pāhi māṃ dīnam || 6||

कचिरवचोऽमृतरावोन्नीता नीता दिवस्तुतिः स्फीता ।इति षट्पदी मदीया गणपतिपादाम्भुजे विशतु ॥ ७॥

kaciravaco'mṛtarāvonnītā nītā divastutiḥ sphītā |iti ṣaṭpadī madīyā gaṇapatipādāmbhuje viśatu || 7||

इति चिन्तामणिषट्पदी समाप्ता ॥

iti cintāmaṇiṣaṭpadī samāptā ||