दुर्गाकवचम् १ Tantrokta Shri Durgadevi Kavacham

श्रीगणेशाय नमः ।अस्य श्रीदुर्गाकवचस्य ईश्वर ऋषिः, अनुष्टुप् छन्दः, दुर्गा देवता, पाठे विनियोगः ॥ईश्वर उवाच ।शृणु देवि प्रवक्ष्यामि कवचं सर्वसिद्धिदम् ।पठित्वा पाठयित्वा च नरो मुच्येत सङ्कटात् ॥ १॥ पठित्वा धारयित्वा

śrīgaṇeśāya namaḥ |asya śrīdurgākavacasya īśvara ṛṣiḥ, anuṣṭup chandaḥ, durgā devatā, pāṭhe viniyogaḥ ||īśvara uvāca |śṛṇu devi pravakṣyāmi kavacaṃ sarvasiddhidam |paṭhitvā pāṭhayitvā ca naro mucyeta saṅkaṭāt || 1|| paṭhitvā dhārayitvā

अज्ञात्वा कवचं देवि दुर्गामन्त्रं च यो जपेत् ।स नाप्नोति फलं तस्य परं च नरकं व्रजेत् ॥ २॥

ajñātvā kavacaṃ devi durgāmantraṃ ca yo japet |sa nāpnoti phalaṃ tasya paraṃ ca narakaṃ vrajet || 2||

इदं गुह्यतमं देवि कवचं तव कथ्यते ।गोपनीयं प्रयत्नेन सावधानवधारय ॥ ३॥

idaṃ guhyatamaṃ devi kavacaṃ tava kathyate |gopanīyaṃ prayatnena sāvadhānavadhāraya || 3||

ॐ उमादेवी शिरः पातु ललाटे शूलधारिणी ।चक्षुषी खेचरी पातु कर्णौ चत्वरवासिनी ॥ ४॥ च द्वारवासिनी

oṃ umādevī śiraḥ pātu lalāṭe śūladhāriṇī |cakṣuṣī khecarī pātu karṇau catvaravāsinī || 4|| ca dvāravāsinī

सुगन्धा नासिके पातु वदनं सर्वधारिणी । सर्वसाधिनीजिह्वां च चण्डिकादेवी ग्रीवां सौभद्रिका तथा ॥ ५॥

sugandhā nāsike pātu vadanaṃ sarvadhāriṇī | sarvasādhinījihvāṃ ca caṇḍikādevī grīvāṃ saubhadrikā tathā || 5||

अशोकवासिनी चेतो द्वौ बाहू वज्रधारिणी ।कण्ठं पातु महावाणी जगन्माता स्तनद्वयम् ॥ ६॥

aśokavāsinī ceto dvau bāhū vajradhāriṇī |kaṇṭhaṃ pātu mahāvāṇī jaganmātā stanadvayam || 6||

हृदयं ललितादेवी उदरं सिंहवाहिनी ।कटिं भगवती देवी द्वावूरू विन्ध्यवासिनी ॥ ७॥

hṛdayaṃ lalitādevī udaraṃ siṃhavāhinī |kaṭiṃ bhagavatī devī dvāvūrū vindhyavāsinī || 7||

महाबला च जङ्घे द्वे पादौ भूतलवासिनी ।एवं स्थिताऽसि देवि त्वं त्रैलोक्ये रक्षणात्मिका । त्रैलोक्यरक्षणात्मिकेरक्ष मां सर्वगात्रेषु दुर्गे देवि नमोऽस्तुते ॥ ८॥

mahābalā ca jaṅghe dve pādau bhūtalavāsinī |evaṃ sthitā'si devi tvaṃ trailokye rakṣaṇātmikā | trailokyarakṣaṇātmikerakṣa māṃ sarvagātreṣu durge devi namo'stute || 8||

इत्येतत्कवचं देवि महाविद्या फलप्रद ।यः पठेत्प्रातरुत्थाय स हि तीर्थफलं लभेत् ॥ ९॥

ityetatkavacaṃ devi mahāvidyā phalaprada |yaḥ paṭhetprātarutthāya sa hi tīrthaphalaṃ labhet || 9||

यो न्यसेत् कवचं देहे तस्य विघ्नं न क्वचित् ।भूतप्रेतपिशाचेभ्यो भयं तस्य न विद्यते ॥ १०॥

yo nyaset kavacaṃ dehe tasya vighnaṃ na kvacit |bhūtapretapiśācebhyo bhayaṃ tasya na vidyate || 10||

॥ इति श्रीकुब्जिकातन्त्रे दुर्गाकवचं सम्पूर्णम् ॥

|| iti śrīkubjikātantre durgākavacaṃ sampūrṇam ||