चण्डी अथवा दुर्गा अथवा भगवती प्रातःस्मरणम् Shrichandipratahsmaranam

प्रातः स्मरामि शरदिन्दुकरोज्ज्वलाभांसद्रत्नवन्मकरकुण्डलहारभूषाम् ।दिव्यायुधोर्जितसुनीलसहस्रहस्तांरक्तोत्पलाभचरणां महतीं परेशाम् ॥ १॥

prātaḥ smarāmi śaradindukarojjvalābhāṃsadratnavanmakarakuṇḍalahārabhūṣām |divyāyudhorjitasunīlasahasrahastāṃraktotpalābhacaraṇāṃ mahatīṃ pareśām || 1||

प्रातर्नमामि महिषासुरचण्डमुण्डशुम्भासुरप्रसुखदैत्यविनाशदक्षाम् ।ब्रह्मेन्द्रमुनिमोहनशीललीलांचण्डीं समस्तसुरमूर्तिमनेकरूपाम् ॥ २॥

prātarnamāmi mahiṣāsuracaṇḍamuṇḍaśumbhāsuraprasukhadaityavināśadakṣām |brahmendramunimohanaśīlalīlāṃcaṇḍīṃ samastasuramūrtimanekarūpām || 2||

प्रातर्भजामि भवतामभिलाषदात्रीं भजतामभिलाषधात्रीं समस्तजगतां दुरितापहन्त्रीम् ।संसारबन्धनविमोचनहेतुभूतांमायां परां समधिगम्य परस्य विष्णोः ॥ ३॥

prātarbhajāmi bhavatāmabhilāṣadātrīṃ bhajatāmabhilāṣadhātrīṃ samastajagatāṃ duritāpahantrīm |saṃsārabandhanavimocanahetubhūtāṃmāyāṃ parāṃ samadhigamya parasya viṣṇoḥ || 3||

श्लोकत्रयमिदं देव्याश्चण्डिकायाः पठेन्नरः ।सर्वान्कामानवाप्नोति विष्णुलोके महीयते ॥ ४॥

ślokatrayamidaṃ devyāścaṇḍikāyāḥ paṭhennaraḥ |sarvānkāmānavāpnoti viṣṇuloke mahīyate || 4||

इति श्रीचण्डीप्रातःस्मरणं सम्पूर्णम् ।

iti śrīcaṇḍīprātaḥsmaraṇaṃ sampūrṇam |