स्कन्दलक्ष्मीदुर्गासुप्रभातस्तुतिः Shri Skanda Lakshmi Durga Suprabhata Stuti

श्रीस्कन्दगुरु भुजङ्गस्तोत्रं च श्रीस्कन्दगुरु भुजङ्गस्तोत्रंश्रीमत्स्कन्दनगावास श्रीविधायक षण्मुख ।उत्तिष्ठ करुणामूर्ते शान्तानन्दविधायक ॥ १॥

śrīskandaguru bhujaṅgastotraṃ ca śrīskandaguru bhujaṅgastotraṃśrīmatskandanagāvāsa śrīvidhāyaka ṣaṇmukha |uttiṣṭha karuṇāmūrte śāntānandavidhāyaka || 1||

श्रीमत्स्कन्दनगावासे सर्वसत्त्वमयीश्वरि ।उत्तिष्ठाष्टादशभुजे लक्ष्मीदुर्गे नमोऽस्तु ते ॥ २॥

śrīmatskandanagāvāse sarvasattvamayīśvari |uttiṣṭhāṣṭādaśabhuje lakṣmīdurge namo'stu te || 2||

ज्योतिषा महता सर्वलोकाज्ञानविनाशक ।उत्तिष्ठ स्कन्द लोकेश प्रणवार्थोपदेशक ॥ ३॥

jyotiṣā mahatā sarvalokājñānavināśaka |uttiṣṭha skanda lokeśa praṇavārthopadeśaka || 3||

सर्वलोकैकमातस्त्वं शुम्भासुरनिबर्हिणि ।उत्तिष्ठ लोकक्षेमाय लक्ष्मीदुर्गे महाद्युते ॥ ४॥

sarvalokaikamātastvaṃ śumbhāsuranibarhiṇi |uttiṣṭha lokakṣemāya lakṣmīdurge mahādyute || 4||

तारं ध्वजाग्रलसितो वरताम्रचूडःऊर्ध्वं विधाय निजमस्तकमात्तमोदः ।त्वन्नाम कीर्तनमयं कुरुते पवित्रंस्कन्दाचलेश गिरिजासुत सुप्रभातम् ॥ ५॥

tāraṃ dhvajāgralasito varatāmracūḍaḥūrdhvaṃ vidhāya nijamastakamāttamodaḥ |tvannāma kīrtanamayaṃ kurute pavitraṃskandācaleśa girijāsuta suprabhātam || 5||

कल्याणकारिणि कराम्बुजशोभि पाशेकारुण्यपूर्णहृदये कमनीयकान्ते ।कामादि वैरिहरणे कुशलेऽस्तु लक्ष्मीदुर्गेऽतिदीनजनपालिनि सुप्रभातम् ॥ ६॥

kalyāṇakāriṇi karāmbujaśobhi pāśekāruṇyapūrṇahṛdaye kamanīyakānte |kāmādi vairiharaṇe kuśale'stu lakṣmīdurge'tidīnajanapālini suprabhātam || 6||

श्रीकन्निमारभिध सुन्दर पूतकुल्यातीरस्थ शाखिनिलया विविधा विहङ्गाः ।कूजन्ति कर्णमधुरं विविधैः स्वरैस्तत्स्कन्दाचलेश गिरिजासुत सुप्रभातम् ॥ ७॥

śrīkannimārabhidha sundara pūtakulyātīrastha śākhinilayā vividhā vihaṅgāḥ |kūjanti karṇamadhuraṃ vividhaiḥ svaraistatskandācaleśa girijāsuta suprabhātam || 7||

वामाग्रभागविलसन्महिषोत्तमाङ्गेदेव्यग्रभागपरिशोभित धर्मसिंहे ।कारुण्यवर्षिकमनीयमुखेऽद्य लक्ष्मीदुर्गे नमोऽस्तु नतपालिनि सुप्रभातम् ॥ ८॥

vāmāgrabhāgavilasanmahiṣottamāṅgedevyagrabhāgapariśobhita dharmasiṃhe |kāruṇyavarṣikamanīyamukhe'dya lakṣmīdurge namo'stu natapālini suprabhātam || 8||

एते त्रिशुद्धिक्ष् सहिता महिता द्विजेन्द्राःवेदागमादिक्ष् निपुणा विदिताखिलार्थाः ।भक्त्योच्चरन्ति मधुरं निगमस्य मन्त्रंश्रीदण्डशोभिकर सुन्दर सुप्रभातम् ॥ ९॥

ete triśuddhikṣ sahitā mahitā dvijendrāḥvedāgamādikṣ nipuṇā viditākhilārthāḥ |bhaktyoccaranti madhuraṃ nigamasya mantraṃśrīdaṇḍaśobhikara sundara suprabhātam || 9||

मांसं सुरामपि बलिं परिवर्जयेतिया व्याहरत् सकलजीवदयापरीता ।सा त्वं समस्तजगतां कुरुषेऽति भद्रंदुर्गेऽम्बिकेऽस्तु भुवनेश्वरि सुप्रभातम् ॥ १०॥

māṃsaṃ surāmapi baliṃ parivarjayetiyā vyāharat sakalajīvadayāparītā |sā tvaṃ samastajagatāṃ kuruṣe'ti bhadraṃdurge'mbike'stu bhuvaneśvari suprabhātam || 10||

अग्रे तवाद्य मधुरस्वरकृष्टचित्ताःतालाभिरञ्जितकरा वरगायकाश्च ।गायन्ति ते गुणगणानितरानवाप्यान्मध्यार्पितैककर सुन्दर सुप्रभातम् ॥ ११॥

agre tavādya madhurasvarakṛṣṭacittāḥtālābhirañjitakarā varagāyakāśca |gāyanti te guṇagaṇānitarānavāpyānmadhyārpitaikakara sundara suprabhātam || 11||

मातस्त्वदीय पदपङ्कजभक्तिभाजांकुर्वन्ति वज्रधरवायुमुखास्सुसेवाम् ।वक्तुं प्रभावमखिलं तव कोनु शक्तःदुर्गे नमोऽस्तु तव संप्रति सुप्रभातम् ॥ १२॥

mātastvadīya padapaṅkajabhaktibhājāṃkurvanti vajradharavāyumukhāssusevām |vaktuṃ prabhāvamakhilaṃ tava konu śaktaḥdurge namo'stu tava saṃprati suprabhātam || 12||

तिष्ठत्यसौ च जनताश्रुपरीतनेत्राःधृत्वा सुगन्धयुतबन्धुरपुष्पमालाः ।ज्योतिर्निरीक्षितुमुदारपदारविन्दस्कन्दाचलेश करुणाकर सुप्रभातम् ॥ १३॥

tiṣṭhatyasau ca janatāśruparītanetrāḥdhṛtvā sugandhayutabandhurapuṣpamālāḥ |jyotirnirīkṣitumudārapadāravindaskandācaleśa karuṇākara suprabhātam || 13||

पुत्रं पुरा किल वियुक्तमतिप्रकोपात्स्कन्दं निरीक्षितुमतीव समुत्सुका त्वम् ।स्कन्दाद्रिमागतवती सहसैव लक्ष्मीदुर्गे नमोऽस्तु नतपालिनि सुप्रभातम् ॥ १४॥

putraṃ purā kila viyuktamatiprakopātskandaṃ nirīkṣitumatīva samutsukā tvam |skandādrimāgatavatī sahasaiva lakṣmīdurge namo'stu natapālini suprabhātam || 14||

श्रीस्कन्दाचलशोभिनं सुरनतां रम्याननं सुन्दरींभक्तानामभयप्रदं कलिमलध्वंसैकबद्धादराम् ।कारुण्याम्बुनिधिं सुशक्तिसहितां सर्वार्थदानक्षमंदुर्गालक्ष्म्यभिधां नमेम जननीं श्रीदण्डपाणिञ्च तम् ॥ १५॥

śrīskandācalaśobhinaṃ suranatāṃ ramyānanaṃ sundarīṃbhaktānāmabhayapradaṃ kalimaladhvaṃsaikabaddhādarām |kāruṇyāmbunidhiṃ suśaktisahitāṃ sarvārthadānakṣamaṃdurgālakṣmyabhidhāṃ namema jananīṃ śrīdaṇḍapāṇiñca tam || 15||

आरक्तसुन्दरनखेन्दुरुचानुलिप्तौमञ्जीरमञ्जुलनिनादमनोभिरामौ ।योगीन्द्रमूर्धविनतौ सकलेष्टदौ तेस्कन्दाचलेशचरणौ शरणं प्रपद्ये ॥ १६॥

āraktasundaranakhendurucānuliptaumañjīramañjulaninādamanobhirāmau |yogīndramūrdhavinatau sakaleṣṭadau teskandācaleśacaraṇau śaraṇaṃ prapadye || 16||

सूर्यस्त्वदाप्तवरदीधितिरम्ब सर्वान्लोकान् प्रबोधयितुमेष उदेति रम्यः ।त्वञ्चापि पश्य करुणान्वितलोचनाभ्यांदुर्गे तवाद्य चरणौ शरणं प्रपद्ये ॥ १७॥

sūryastvadāptavaradīdhitiramba sarvānlokān prabodhayitumeṣa udeti ramyaḥ |tvañcāpi paśya karuṇānvitalocanābhyāṃdurge tavādya caraṇau śaraṇaṃ prapadye || 17||

यस्सङ्कटं गुरुमवाप्य सकृद्गुहेतिभक्त्या वदत्यनुपमं तव नाम तं हि ।यौ रक्षतस्सपदितावरविन्दतुल्यौस्कन्दाचलेशचरणौ शरणं प्रपद्ये ॥ १८॥

yassaṅkaṭaṃ gurumavāpya sakṛdguhetibhaktyā vadatyanupamaṃ tava nāma taṃ hi |yau rakṣatassapaditāvaravindatulyauskandācaleśacaraṇau śaraṇaṃ prapadye || 18||

शुम्भं निशुम्भमपि लोकहितैषिणि त्वंहत्वा शुभं व्यरचयः करुणाम्बुराशे ।मातस्वदीयकरुणा वचसामतीतास्कन्दाद्रिगेऽद्य चरणौ शरणं प्रपद्ये ॥ १९॥

śumbhaṃ niśumbhamapi lokahitaiṣiṇi tvaṃhatvā śubhaṃ vyaracayaḥ karuṇāmburāśe |mātasvadīyakaruṇā vacasāmatītāskandādrige'dya caraṇau śaraṇaṃ prapadye || 19||

सृष्टिस्थितिप्रलयकारक दीनबन्धोक्रौञ्चाद्रिभेदक विरिञ्चिमुखामरेड्य ।भक्तेष्टदायक दशद्विभुजाक्षिशोभिन्स्कन्दाचलेश चरणौ शरणं प्रपद्ये ॥ २०॥

sṛṣṭisthitipralayakāraka dīnabandhokrauñcādribhedaka viriñcimukhāmareḍya |bhakteṣṭadāyaka daśadvibhujākṣiśobhinskandācaleśa caraṇau śaraṇaṃ prapadye || 20||

मोहं व्यपोहय मतिं कुरु पावनां मेसन्मार्गसञ्चरणलोलुपतां प्रयच्छ ।चित्तं कुरुष्व पदपङ्कजयुग्मलग्नंमातस्त्वाद्यचरणौ शरणं प्रपद्ये ॥ २१॥

mohaṃ vyapohaya matiṃ kuru pāvanāṃ mesanmārgasañcaraṇalolupatāṃ prayaccha |cittaṃ kuruṣva padapaṅkajayugmalagnaṃmātastvādyacaraṇau śaraṇaṃ prapadye || 21||

भक्तैकवश्य परिचिन्त्य बिभेमि नाहंभोग्या भवेद्यमपुरेऽधिकयातनेति ।भक्त्या मुहुर्मुहुरिमौ भयहारिणौ तेस्कन्दाचलेश चरणौ शरणं प्रपद्ये ॥ २२॥

bhaktaikavaśya paricintya bibhemi nāhaṃbhogyā bhavedyamapure'dhikayātaneti |bhaktyā muhurmuhurimau bhayahāriṇau teskandācaleśa caraṇau śaraṇaṃ prapadye || 22||

वाचालमम्ब कुरुषे सदयेऽतिमूकंदीनं करोषि सहसैव धनाधिनाथम् ।अज्ञानिनं प्रतिभया सहितं करोषिमातुस्तवाद्य चरणौ शरणं प्रपद्ये ॥ २३॥

vācālamamba kuruṣe sadaye'timūkaṃdīnaṃ karoṣi sahasaiva dhanādhinātham |ajñāninaṃ pratibhayā sahitaṃ karoṣimātustavādya caraṇau śaraṇaṃ prapadye || 23||

स्कन्देति कुक्कुटयुतेति गुहेति यस्त्वांवाचाह्वयत्यधिकभक्तियुता सकृद्वा ।तस्मै प्रयच्छसि समीहितमर्थमाशुस्कन्दाचलेश चरणौ शरणं प्रपद्ये ॥ २४॥

skandeti kukkuṭayuteti guheti yastvāṃvācāhvayatyadhikabhaktiyutā sakṛdvā |tasmai prayacchasi samīhitamarthamāśuskandācaleśa caraṇau śaraṇaṃ prapadye || 24||

शान्तान्तरङ्गयतिवन्दितपादपद्मेत्वामर्चयन्ति वनिता यदि भक्तिपूर्णाः ।सौभाग्यमाप्य सकलञ्च मुदं लभन्तेदुर्गेऽम्बिकेऽद्य चरणौ शरणं प्रपद्ये ॥ २५॥

śāntāntaraṅgayativanditapādapadmetvāmarcayanti vanitā yadi bhaktipūrṇāḥ |saubhāgyamāpya sakalañca mudaṃ labhantedurge'mbike'dya caraṇau śaraṇaṃ prapadye || 25||

सुरसैन्यपतेऽसुरसैन्यरिपोकरशोभितदण्डमहाण्डकर ।खरतारकमारक तारक मेमरणादि भयं हर वीरवर ॥ २६॥

surasainyapate'surasainyaripokaraśobhitadaṇḍamahāṇḍakara |kharatārakamāraka tāraka memaraṇādi bhayaṃ hara vīravara || 26||

जगतां जननीं रजनीशमुखींनमनीयपदां कमनीयरुचिम् ।महिषासुरमर्दनलोलपदांभजतां भजतां भवभीतिहराम् ॥ २७॥

jagatāṃ jananīṃ rajanīśamukhīṃnamanīyapadāṃ kamanīyarucim |mahiṣāsuramardanalolapadāṃbhajatāṃ bhajatāṃ bhavabhītiharām || 27||

अनघं जगतां जनकं धनदंवरदं शरदिन्दुसमानमुखम् ।वरनीरजलोचनमार्तिहरंकरदण्डधरं प्रणमामि गुहम् ॥ २८॥

anaghaṃ jagatāṃ janakaṃ dhanadaṃvaradaṃ śaradindusamānamukham |varanīrajalocanamārtiharaṃkaradaṇḍadharaṃ praṇamāmi guham || 28||

अरुणां करुणालसदक्षियुगांगुरुनाथसुतां तरुणार्कविभाम् ।सुरराजनुतां दरहासयुतांनमतां नमतां सकलार्थकरीम् ॥ २९॥

aruṇāṃ karuṇālasadakṣiyugāṃgurunāthasutāṃ taruṇārkavibhām |surarājanutāṃ darahāsayutāṃnamatāṃ namatāṃ sakalārthakarīm || 29||

गिरिवासरतं गिरिजात्मभवंहरिजारमणं हरिणाङ्कमुखम् ।करिवक्त्रसहोदरमादरतोदुरितक्षतये धुरि भातु महः ॥ ३०॥

girivāsarataṃ girijātmabhavaṃharijāramaṇaṃ hariṇāṅkamukham |karivaktrasahodaramādaratoduritakṣataye dhuri bhātu mahaḥ || 30||

पुरतः स्फुरदात्मज रम्यमुखाम्बुजलोचन लोलनिजाक्षियुगाम् ।सुलभां सुखदां वरदां करदांभज लक्ष्म्यभिधां जननीं जगताम् ॥ ३१॥

purataḥ sphuradātmaja ramyamukhāmbujalocana lolanijākṣiyugām |sulabhāṃ sukhadāṃ varadāṃ karadāṃbhaja lakṣmyabhidhāṃ jananīṃ jagatām || 31||

शरच्चन्द्रतुल्यं मुखं शारदाम्भोरुहस्पर्धिपादद्वयञ्चाक्षियुग्मम् ।द्षित्कालदण्डोज्जवलं पाणिपद्मंसदा मानसे भातु मे तारकारे ॥ ३२॥

śaraccandratulyaṃ mukhaṃ śāradāmbhoruhaspardhipādadvayañcākṣiyugmam |dṣitkāladaṇḍojjavalaṃ pāṇipadmaṃsadā mānase bhātu me tārakāre || 32||

कृपास्राव्यपाङ्गादृतानन्तभक्तादशाष्टाभिराशोभिता बाहुभिर्या ।वरस्कन्दगिर्याश्रया सा महाभासदा भातु देवी मदीयान्तरङ्गे ॥ ३३॥

kṛpāsrāvyapāṅgādṛtānantabhaktādaśāṣṭābhirāśobhitā bāhubhiryā |varaskandagiryāśrayā sā mahābhāsadā bhātu devī madīyāntaraṅge || 33||

न रूपं मनो मोहकं नापि वाणीमनो हारिणी स्कन्दशैलाधिवास ।न विद्वत्वमप्यस्ति गाङ्गेय भक्तिंमदीयामवेक्ष्य प्रसीद प्रसीद ॥ ३४॥

na rūpaṃ mano mohakaṃ nāpi vāṇīmano hāriṇī skandaśailādhivāsa |na vidvatvamapyasti gāṅgeya bhaktiṃmadīyāmavekṣya prasīda prasīda || 34||

सदाचारलोलं मनस्सत्यवाचंसदान्योपकारे रतत्वं महत्वम् ।पुनर्जन्महीनत्वमाप्तुं प्रमोदंमहालक्ष्म्यभीष्टप्रदाङ्घ्री भजेऽहम् ॥ ३५॥

sadācāralolaṃ manassatyavācaṃsadānyopakāre ratatvaṃ mahatvam |punarjanmahīnatvamāptuṃ pramodaṃmahālakṣmyabhīṣṭapradāṅghrī bhaje'ham || 35||

त्वया तुल्य एको न चास्ते न चास्तेक्षमौदार्यशीलो महेशस्य सूनो ।नरो मत्समो नास्ति पापैकलोभीक्षमस्व क्षमस्व प्रभो मेऽपराधान् ॥ ३६॥

tvayā tulya eko na cāste na cāstekṣamaudāryaśīlo maheśasya sūno |naro matsamo nāsti pāpaikalobhīkṣamasva kṣamasva prabho me'parādhān || 36||

त्वमेवाम्ब माता मदीया भवान्यांपुनर्मातरं मा कुरु स्कन्दमातः ।क्षमस्वापराधान् महेन्द्रादिवन्द्येप्रसीद प्रसीदानुकम्पा गुणाढ्ये ॥ ३७॥

tvamevāmba mātā madīyā bhavānyāṃpunarmātaraṃ mā kuru skandamātaḥ |kṣamasvāparādhān mahendrādivandyeprasīda prasīdānukampā guṇāḍhye || 37||

शान्तानन्द महायोगिन् हृदयानन्ददायक ।स्कन्दाचलशिरश्शोभिन् कुरु सर्वस्य मङ्गलम् ॥ ३८॥

śāntānanda mahāyogin hṛdayānandadāyaka |skandācalaśiraśśobhin kuru sarvasya maṅgalam || 38||

स्कन्दाद्रिशिखरावासा कामितार्थप्रदायिनी ।लक्ष्मीदुर्गास्वरूपा सा करोतु मम मङ्गलम् ॥ ३९॥

skandādriśikharāvāsā kāmitārthapradāyinī |lakṣmīdurgāsvarūpā sā karotu mama maṅgalam || 39||

मयूरप्रियवाहाय कुक्कुटध्वजशोभिने ।पाणिना धृतदण्डाय बालस्कन्दाय मङ्गलम् ॥ ४०॥

mayūrapriyavāhāya kukkuṭadhvajaśobhine |pāṇinā dhṛtadaṇḍāya bālaskandāya maṅgalam || 40||

अष्टादशभुजैर्युक्ता शिष्टावनधुरन्धरा ।इष्टानिष्टविहीना सा करोतु भुवि मङ्गलम् ॥ ४१॥

aṣṭādaśabhujairyuktā śiṣṭāvanadhurandharā |iṣṭāniṣṭavihīnā sā karotu bhuvi maṅgalam || 41||

अरुणाम्बुजपादाय करुणारसवार्धये ।तरुणाय सदा तुभ्यं गुरुनाथाय मङ्गलम् ॥ ४२॥

aruṇāmbujapādāya karuṇārasavārdhaye |taruṇāya sadā tubhyaṃ gurunāthāya maṅgalam || 42||

वन्द्यमानजनाज्ञानध्वंसकारिपदाम्बुजे ।लक्ष्मीदुर्गे कृपापाङ्गैः कुरु सर्वत्र मङ्गलम् ॥ ४३॥

vandyamānajanājñānadhvaṃsakāripadāmbuje |lakṣmīdurge kṛpāpāṅgaiḥ kuru sarvatra maṅgalam || 43||

इति श्रीस्कन्दलक्ष्मीदुर्गा सुप्रभातस्तुतिःश्रीस्कन्दगुरु भुजङ्गस्तोत्रं सम्पूर्णम् ।

iti śrīskandalakṣmīdurgā suprabhātastutiḥśrīskandaguru bhujaṅgastotraṃ sampūrṇam |