वंशलाभाख्यकवचम् Vamshalabhakhya Kavacham

नारद उवाचभगवन् सर्वधर्मज्ञ पार्वतीप्राणवल्लभ ।वंशलाभाख्यकवचं कृपया मे प्रकाशय ॥ईश्वर उवाचवंशलाभाख्यकवचं दुर्लभं भुवनत्रये ।यस्य प्रसादात् कमला लेभे तनयमुत्तमम् ॥कामदेवमपर्णा च विनायकषडाननौ ।जयन्तभिन्द्रवनिता देवपत्न्यः सुतानपि ॥विनियोगःअस्य वंशलाभाख्यकवचस्य भैरवऋषिरनुष्टुपछन्दः,श्रीपार्वती देवता, जीविततनयप्राप्तये विनियोगः ।पार्वती मे शिरः पातु वक्त्रं पातु महेश्वरी ।भवानी नयने पातु भ्रुवौ शङ्करसुन्दरी ॥ १॥

nārada uvācabhagavan sarvadharmajña pārvatīprāṇavallabha |vaṃśalābhākhyakavacaṃ kṛpayā me prakāśaya ||īśvara uvācavaṃśalābhākhyakavacaṃ durlabhaṃ bhuvanatraye |yasya prasādāt kamalā lebhe tanayamuttamam ||kāmadevamaparṇā ca vināyakaṣaḍānanau |jayantabhindravanitā devapatnyaḥ sutānapi ||viniyogaḥasya vaṃśalābhākhyakavacasya bhairavaṛṣiranuṣṭupachandaḥ,śrīpārvatī devatā, jīvitatanayaprāptaye viniyogaḥ |pārvatī me śiraḥ pātu vaktraṃ pātu maheśvarī |bhavānī nayane pātu bhruvau śaṅkarasundarī || 1||

मध्ये पातु महेशानी नितम्बं सुरवन्दिता ।ऊरू गौरी सदा पातु कौषिकी जानुयुग्मकम् ॥ २॥

madhye pātu maheśānī nitambaṃ suravanditā |ūrū gaurī sadā pātu kauṣikī jānuyugmakam || 2||

बाहु द्वौ सुमुखी पातु पाणियुग्मं सुभाविनी ।पादौ ब्रह्ममयी पातु श्रवणे भुवनेश्वरी ॥ ३॥

bāhu dvau sumukhī pātu pāṇiyugmaṃ subhāvinī |pādau brahmamayī pātu śravaṇe bhuvaneśvarī || 3||

नासिके ललिता पातु कण्ठं त्रिपुरसुन्दरी ।रुद्राणी हृदयं पातु स्तनद्वन्द्वं महेश्वरी ॥ ४॥

nāsike lalitā pātu kaṇṭhaṃ tripurasundarī |rudrāṇī hṛdayaṃ pātu stanadvandvaṃ maheśvarī || 4||

आपादमस्तकं पातु सर्वाङ्गं सर्वमङ्गला ।इति ते कथितं विप्र कवचं देवपूजितम् ॥ ५॥

āpādamastakaṃ pātu sarvāṅgaṃ sarvamaṅgalā |iti te kathitaṃ vipra kavacaṃ devapūjitam || 5||

पठित्वा धारयित्वा च अक्षयं तनयं लभेत् ।ध्यानमस्याः प्रवक्ष्यामि यथा ध्यात्वा पठेन्नरः ॥ ६॥

paṭhitvā dhārayitvā ca akṣayaṃ tanayaṃ labhet |dhyānamasyāḥ pravakṣyāmi yathā dhyātvā paṭhennaraḥ || 6||

सहस्रादित्यसङ्काशां सर्वाभरणभूषिताम् ।त्रिनेत्रां पाणिविन्यस्तपाशाङ्कुशवराभयाम् ॥ ७॥

sahasrādityasaṅkāśāṃ sarvābharaṇabhūṣitām |trinetrāṃ pāṇivinyastapāśāṅkuśavarābhayām || 7||

॥ श्रीभैरवतन्त्रे शिवनारदसंवादे वंशलाभाख्यकवचं सम्पूर्ण ॥

|| śrībhairavatantre śivanāradasaṃvāde vaṃśalābhākhyakavacaṃ sampūrṇa ||