मूकाम्बिकास्तोत्रम् Shri Mukambika Stotra

मूलाम्भोरुहमध्यकोणविलसत् बन्धूकरागोज्ज्वलांज्वालाजालजितेन्दुकान्ति लहरीं आनन्दसन्दायिनीम् ।हेलालालितनीलकुन्तलधरां नीलोत्पलाभांशुकांकोल्लूराद्रिनिवासिनीं भगवतीं ध्यायामि मूकाम्बिकाम् ॥ १॥

mūlāmbhoruhamadhyakoṇavilasat bandhūkarāgojjvalāṃjvālājālajitendukānti laharīṃ ānandasandāyinīm |helālālitanīlakuntaladharāṃ nīlotpalābhāṃśukāṃkollūrādrinivāsinīṃ bhagavatīṃ dhyāyāmi mūkāmbikām || 1||

बालादित्य निभाननां त्रिनयनां बालेन्दुनाभूषितांनीलाकारसुकेशिनीं सुललितां नित्यान्नदानप्रदाम् ।शङ्खञ्चक्रगदाऽभयं च दधतीं सारस्वतार्थप्रदांतां बालां त्रिपुरां शिवेनसहितां ध्यायामि मूकाम्बिकाम् ॥ २॥

bālāditya nibhānanāṃ trinayanāṃ bālendunābhūṣitāṃnīlākārasukeśinīṃ sulalitāṃ nityānnadānapradām |śaṅkhañcakragadā'bhayaṃ ca dadhatīṃ sārasvatārthapradāṃtāṃ bālāṃ tripurāṃ śivenasahitāṃ dhyāyāmi mūkāmbikām || 2||

मध्याह्नार्कसहस्रकोटिसदृशां मायान्धकारस्थितांमायाजालविराजितां मदकरीं मारेण संसेविताम् ।शूलम्पाशकपालपुस्तकधरां शुद्धार्थविज्ञानदांतां बालां त्रिपुरां शिवेनसहितां ध्यायामि मूकाम्बिकाम् ॥ ३॥

madhyāhnārkasahasrakoṭisadṛśāṃ māyāndhakārasthitāṃmāyājālavirājitāṃ madakarīṃ māreṇa saṃsevitām |śūlampāśakapālapustakadharāṃ śuddhārthavijñānadāṃtāṃ bālāṃ tripurāṃ śivenasahitāṃ dhyāyāmi mūkāmbikām || 3||

सन्ध्यारागसमाननां त्रिनयनां सन्मानसैः पूजितांचक्राक्षाभयकम्बुशोभितकरां प्रालम्बवेणीयुताम् ।ईशत्फुल्लसुकेतकीवरदलैरभ्यर्चितां तां शिवांतां बालां त्रिपुरां शिवेनसहितां ध्यायामि मूकाम्बिकाम् ॥ ४॥

sandhyārāgasamānanāṃ trinayanāṃ sanmānasaiḥ pūjitāṃcakrākṣābhayakambuśobhitakarāṃ prālambaveṇīyutām |īśatphullasuketakīvaradalairabhyarcitāṃ tāṃ śivāṃtāṃ bālāṃ tripurāṃ śivenasahitāṃ dhyāyāmi mūkāmbikām || 4||

चन्द्रादित्यसमानकुण्डलधरां चन्द्रार्ककोटिप्रभांचन्द्रार्काग्निविलोचनां शशिमुखीं इन्द्रादिसंसेविताम् ।भक्ताभीष्टवरप्रदां त्रिनयनां चिन्ताकुलध्वंसिनींमन्त्रारादि वने स्थितां मणिमयीं ध्यायामि मूकाम्बिकाम् ॥ ५॥

candrādityasamānakuṇḍaladharāṃ candrārkakoṭiprabhāṃcandrārkāgnivilocanāṃ śaśimukhīṃ indrādisaṃsevitām |bhaktābhīṣṭavarapradāṃ trinayanāṃ cintākuladhvaṃsinīṃmantrārādi vane sthitāṃ maṇimayīṃ dhyāyāmi mūkāmbikām || 5||

कल्याणीं कमलेक्षणां वरनिधिं वन्दारुचिन्तामणिंकल्याणाचलसंस्थितां घनकृपां मायां महावैष्णवीम् ।कल्यां कम्बुसुदर्शनाऽभयकरां शम्भुप्रियां कामदांकल्याणीं त्रिपुरां शिवेन सहितां ध्यायामि मूकाम्बिकाम् ॥ ६॥

kalyāṇīṃ kamalekṣaṇāṃ varanidhiṃ vandārucintāmaṇiṃkalyāṇācalasaṃsthitāṃ ghanakṛpāṃ māyāṃ mahāvaiṣṇavīm |kalyāṃ kambusudarśanā'bhayakarāṃ śambhupriyāṃ kāmadāṃkalyāṇīṃ tripurāṃ śivena sahitāṃ dhyāyāmi mūkāmbikām || 6||

कालाम्भोधरकुण्डलाञ्चितमुखां कर्पूरवीटीयुतांकर्णालम्बितहेमकुण्डलधरां माणिक्यकाञ्चीधराम् ।कैवल्यैकपरायणां कलमुखीं पद्मासने संस्थितांतां बालां त्रिपुरां शिवेनसहितां ध्यायामि मूकाम्बिकाम् ॥७॥

kālāmbhodharakuṇḍalāñcitamukhāṃ karpūravīṭīyutāṃkarṇālambitahemakuṇḍaladharāṃ māṇikyakāñcīdharām |kaivalyaikaparāyaṇāṃ kalamukhīṃ padmāsane saṃsthitāṃtāṃ bālāṃ tripurāṃ śivenasahitāṃ dhyāyāmi mūkāmbikām ||7||

नानाकाञ्चिविचित्रवस्त्रसहितां नानाविधैर्भूषितांनानापुष्पसुगन्धमाल्यसहितां नानाजनासेविताम् ।नानावेदपुराणशास्त्रविनुतां नानाकलिद्रप्रथांनानारूपधरां महेशमहिषीं ध्यायामि मूकाम्बिकाम् ॥ ८॥

nānākāñcivicitravastrasahitāṃ nānāvidhairbhūṣitāṃnānāpuṣpasugandhamālyasahitāṃ nānājanāsevitām |nānāvedapurāṇaśāstravinutāṃ nānākalidraprathāṃnānārūpadharāṃ maheśamahiṣīṃ dhyāyāmi mūkāmbikām || 8||

राकातारकनायकोज्वलमुखीं श्रीकामकाम्यप्रदांशोकारण्यधनञ्जयप्रतिनिभां कोपाटवीचन्द्रिकाम् ।श्रीकान्तादिसुरार्चितां स्त्रियमिमां लोकावलीनाशिनींलोकानन्दकरीं नमामि शिरसा ध्यायामि मूकाम्बिकाम् ॥ ९॥

rākātārakanāyakojvalamukhīṃ śrīkāmakāmyapradāṃśokāraṇyadhanañjayapratinibhāṃ kopāṭavīcandrikām |śrīkāntādisurārcitāṃ striyamimāṃ lokāvalīnāśinīṃlokānandakarīṃ namāmi śirasā dhyāyāmi mūkāmbikām || 9||

काञ्चीकिङ्किणिकङ्कणाञ्चितकरां मञ्जीरहारोज्वलांचञ्चत्काञ्चनकिरीटकटिदामाश्लेषभूषोज्ज्वलाम् ।किञ्चित्काञ्चनकञ्चुके मणिमये पद्मासने संस्थितांपञ्चाद्यञ्चितसञ्चरीं भगवतीं ध्यायामि मूकाम्बिकाम् ॥ १०॥

kāñcīkiṅkiṇikaṅkaṇāñcitakarāṃ mañjīrahārojvalāṃcañcatkāñcanakirīṭakaṭidāmāśleṣabhūṣojjvalām |kiñcitkāñcanakañcuke maṇimaye padmāsane saṃsthitāṃpañcādyañcitasañcarīṃ bhagavatīṃ dhyāyāmi mūkāmbikām || 10||

सौवर्णाम्बुजमध्यकाञ्चिनयनां सौदामिनीसन्निभांशङ्खंचक्रवराभयानि दधतीं इन्दोः कलां बिभ्रतीम् ।ग्रीवेयासक्तहारकुण्डलधरां आखण्डलादिस्तुतां मायांविन्ध्यनिवासिनीं भगवतीं ध्यायामि मूकाम्बिकाम् ॥ ११॥

sauvarṇāmbujamadhyakāñcinayanāṃ saudāminīsannibhāṃśaṅkhaṃcakravarābhayāni dadhatīṃ indoḥ kalāṃ bibhratīm |grīveyāsaktahārakuṇḍaladharāṃ ākhaṇḍalādistutāṃ māyāṃvindhyanivāsinīṃ bhagavatīṃ dhyāyāmi mūkāmbikām || 11||

श्रीमन्विभवेन सुरैर्मुनिगणैरप्सरोपास्य सेव्यांमन्त्रारादिसमस्तदेववनितैः संशोभमानां शिवाम् ।सौवर्णाम्बुजधारिणीं त्रिनयनां मोहादि कामेश्वरींमूकाम्बां सकलेशसिद्धिवरदां वन्दे परां देवताम् ॥ १२॥

śrīmanvibhavena surairmunigaṇairapsaropāsya sevyāṃmantrārādisamastadevavanitaiḥ saṃśobhamānāṃ śivām |sauvarṇāmbujadhāriṇīṃ trinayanāṃ mohādi kāmeśvarīṃmūkāmbāṃ sakaleśasiddhivaradāṃ vande parāṃ devatām || 12||

इति श्रीमूकाम्बिकास्तोत्रं सम्पूर्णम् ॥

iti śrīmūkāmbikāstotraṃ sampūrṇam ||