जोगुलाम्बाष्टकम् Shri Jogulamba Ashtakam

महायोगपीठस्थले तुङ्गभद्रातटे सूक्ष्मकाश्यां सदासंवसन्तीम् ।महायोगिब्रह्मेशवामाङ्कसंस्थांशरच्चन्द्रबिम्बां भजरे जोगुलाम्बाम् ॥ १॥

mahāyogapīṭhasthale tuṅgabhadrātaṭe sūkṣmakāśyāṃ sadāsaṃvasantīm |mahāyogibrahmeśavāmāṅkasaṃsthāṃśaraccandrabimbāṃ bhajare jogulāmbām || 1||

ज्वलद्रत्नवैढूर्यमुक्ताप्रवालःप्रवेणयस्थगाङ्गेयकोटीरशोभाम् ।सुकाश्मीररेखाप्रभाख्यां स्वफालेशरच्चन्द्रबिम्बां भजे जोगुलाम्बाम् ॥ २॥

jvaladratnavaiḍhūryamuktāpravālaḥpraveṇayasthagāṅgeyakoṭīraśobhām |sukāśmīrarekhāprabhākhyāṃ svaphāleśaraccandrabimbāṃ bhaje jogulāmbām || 2||

स्वसौन्दर्यमन्दस्मितामिन्दुवक्त्रांरसत्कज्जलालिप्तपद्माभनेत्राम् ।परां पार्वतीं विद्युदाबासगात्रांशरच्चन्द्रबिम्बां भजे जोगुलाम्बाम् ॥ ३॥

svasaundaryamandasmitāminduvaktrāṃrasatkajjalāliptapadmābhanetrām |parāṃ pārvatīṃ vidyudābāsagātrāṃśaraccandrabimbāṃ bhaje jogulāmbām || 3||

घनश्यामलापादसंलोकवेणींमनशङ्करारामपीयूषवाणीम् ।शुकाश्लिष्टसुश्लाघ्यपद्माभपाणींशरचन्द्रबिम्बा भजे जोगुलाम्बाम् ॥ ४॥

ghanaśyāmalāpādasaṃlokaveṇīṃmanaśaṅkarārāmapīyūṣavāṇīm |śukāśliṣṭasuślāghyapadmābhapāṇīṃśaracandrabimbā bhaje jogulāmbām || 4||

सुधापूर्णगाङ्गेयकुम्भस्तनाड्यांलसत्पीतकौशेयवस्त्रां स्वकट्याम् ।गले रत्नमुक्तावलीपुष्पहारांशरचन्द्रबिम्बा भजे जोगुलाम्बाम् ॥ ५॥

sudhāpūrṇagāṅgeyakumbhastanāḍyāṃlasatpītakauśeyavastrāṃ svakaṭyām |gale ratnamuktāvalīpuṣpahārāṃśaracandrabimbā bhaje jogulāmbām || 5||

शिवां शाङ्करीं सर्वकल्याणशीलांभवानीं भवाम्भोनिधेर्धिव्यनाकाम् ।कुमारीं कुलोत्तारिणीमादिविद्यांशरच्चन्द्रबिम्बा भजे जोगुलाम्बाम् ॥ ६॥

śivāṃ śāṅkarīṃ sarvakalyāṇaśīlāṃbhavānīṃ bhavāmbhonidherdhivyanākām |kumārīṃ kulottāriṇīmādividyāṃśaraccandrabimbā bhaje jogulāmbām || 6||

चलत्किङ्किणीनूपुरापादपद्मांसुरेन्द्रैर्मगेन्द्रैर्महायोगिबृन्दैः ।सदास्तूयमानां परं वेदविद्भिःशरच्चन्द्रबिम्बा भजे जोगुलाम्बाम् ॥ ७॥

calatkiṅkiṇīnūpurāpādapadmāṃsurendrairmagendrairmahāyogibṛndaiḥ |sadāstūyamānāṃ paraṃ vedavidbhiḥśaraccandrabimbā bhaje jogulāmbām || 7||

हरे सोदरीं हव्यवाहास्वरूपांप्रसन्नं प्रपन्नार्तिहन्त्रीं प्रसिद्धाम् ।महासिद्धिबुद्।ह्ध्यादिवन्द्यां परेशींशरच्चन्द्रबिम्बा भजे जोगुलाम्बाम् ॥ ८॥

hare sodarīṃ havyavāhāsvarūpāṃprasannaṃ prapannārtihantrīṃ prasiddhām |mahāsiddhibud|hdhyādivandyāṃ pareśīṃśaraccandrabimbā bhaje jogulāmbām || 8||

इदं जोगुलाम्भाष्टकं यः पठेद्वाप्रभाते निशार्देथवा शुद्धचित्तः ।पृथिव्यां परं सर्वभोगांश्च भुक्त्याश्रियं मुक्तिमाप्नोति दिव्यां प्रसिद्धः ॥ ९॥

idaṃ jogulāmbhāṣṭakaṃ yaḥ paṭhedvāprabhāte niśārdethavā śuddhacittaḥ |pṛthivyāṃ paraṃ sarvabhogāṃśca bhuktyāśriyaṃ muktimāpnoti divyāṃ prasiddhaḥ || 9||

इति जोगुलाम्बाष्टकं सम्पूर्णम् ।

iti jogulāmbāṣṭakaṃ sampūrṇam |