अम्बिकाष्टकम् Shri Ambikashtakam

व्यालोलालम्बमानप्रवणरणझत्किङ्किणीक्वाणरम्यंध्वस्तध्वान्तं समन्तान्मणिकिरणगणाडम्बरोल्लासितेन ।देवी दिव्यांशुकानां ध्वजपटपटलैः शोभमानं विमानंलीलारूढा भ्रमन्ती भुवनकृतनतिः पातु मामम्बिका सा ॥ १॥

vyālolālambamānapravaṇaraṇajhatkiṅkiṇīkvāṇaramyaṃdhvastadhvāntaṃ samantānmaṇikiraṇagaṇāḍambarollāsitena |devī divyāṃśukānāṃ dhvajapaṭapaṭalaiḥ śobhamānaṃ vimānaṃlīlārūḍhā bhramantī bhuvanakṛtanatiḥ pātu māmambikā sā || 1||

या देवी दिव्यदामाञ्चितचिकुरभरामोदमुग्धालिमालाभास्वन्माणिक्यमालामिलदमलमहोमण्डलीमण्डिताङ्गा ।सन्मुक्तातारहारैर्गगनतलगतास्तारकास्तर्जयन्तीवज्रालङ्कारभासा हसितरविकरा पातु मामम्बिका सा ॥ २॥

yā devī divyadāmāñcitacikurabharāmodamugdhālimālābhāsvanmāṇikyamālāmiladamalamahomaṇḍalīmaṇḍitāṅgā |sanmuktātārahārairgaganatalagatāstārakāstarjayantīvajrālaṅkārabhāsā hasitaravikarā pātu māmambikā sā || 2||

या कौबेरं विहाय स्वपतिपरिभवात्साधुदानप्ररूढात्स्थानं श्रान्तातिमार्गे श्रमशमनकृते संश्रिता चूतवृक्षम् ।क्षुत्क्षामौ वीक्ष्य पुत्रौ कृतसुकृतवशात्प्रार्थयन्ती फलानिक्षिप्रं संप्राप तानि स्वचरितमुदिता पातु मामम्बिका सा ॥ ३॥

yā kauberaṃ vihāya svapatiparibhavātsādhudānaprarūḍhātsthānaṃ śrāntātimārge śramaśamanakṛte saṃśritā cūtavṛkṣam |kṣutkṣāmau vīkṣya putrau kṛtasukṛtavaśātprārthayantī phalānikṣipraṃ saṃprāpa tāni svacaritamuditā pātu māmambikā sā || 3||

देवी याऽत्रोपविष्टा सरणिगतपतिं वीक्ष्य कम्पं दधानास्मृत्वा श्री रैवताद्रिं व्यवसितमरणा साधधर्मं स्मरन्ती ।आरुह्योत्तुङ्गशृङ्गं प्रपतनविधिना दिव्यदेवत्वमाप्ताजैनेन्द्रे पादपीठे सततनतशिराः पातु मामम्बिका सा ॥ ४॥

devī yā'tropaviṣṭā saraṇigatapatiṃ vīkṣya kampaṃ dadhānāsmṛtvā śrī raivatādriṃ vyavasitamaraṇā sādhadharmaṃ smarantī |āruhyottuṅgaśṛṅgaṃ prapatanavidhinā divyadevatvamāptājainendre pādapīṭhe satatanataśirāḥ pātu māmambikā sā || 4||

या पश्चात्तापतप्तं गतमदमदनं दुष्कृतं स्वं स्मरन्तीदंष्ट्रास्यं पिङ्गनेत्रं खरनखरकरं केसरालीकरालम् ।पुच्छाच्छोटप्रकम्पावनिवलयतलं दिव्यसिंह स्वकान्तंसंरूढा याति नित्यं जिनपतिनिलये पातु मामम्बिका सा ॥ ५॥

yā paścāttāpataptaṃ gatamadamadanaṃ duṣkṛtaṃ svaṃ smarantīdaṃṣṭrāsyaṃ piṅganetraṃ kharanakharakaraṃ kesarālīkarālam |pucchācchoṭaprakampāvanivalayatalaṃ divyasiṃha svakāntaṃsaṃrūḍhā yāti nityaṃ jinapatinilaye pātu māmambikā sā || 5||

सान्द्राम्नालुम्बिहस्ता तरलहरिगता बालकाभ्यामुपेताध्याता या सिद्धकामैर्विघटितडमरा साधकेर्भक्तियुक्तः ।रक्ता रागानुरक्तैः स्फटिकमणिनिभा क्लेशविध्वंसधीभिःपीता वश्यानुभावैविंहितजनहिता पातु मामम्बिका सा ॥ ६॥

sāndrāmnālumbihastā taralaharigatā bālakābhyāmupetādhyātā yā siddhakāmairvighaṭitaḍamarā sādhakerbhaktiyuktaḥ |raktā rāgānuraktaiḥ sphaṭikamaṇinibhā kleśavidhvaṃsadhībhiḥpītā vaśyānubhāvaiviṃhitajanahitā pātu māmambikā sā || 6||

देवी विधाधरेन्द्रासुरसुरमनुजैर्वन्द्यपादारविन्दाप्रत्यूहान्निक्षिपन्ती क्षपितकलिमला विभ्रती विश्वरक्षाम् ।जैनेन्द्रं शासनं या प्रकटयति महोत्साहशक्त्या स्वभक्त्यानित्यं नाम्ना नराणां विशदशिवफला पातु मामम्बिका सा ॥ ७॥

devī vidhādharendrāsurasuramanujairvandyapādāravindāpratyūhānnikṣipantī kṣapitakalimalā vibhratī viśvarakṣām |jainendraṃ śāsanaṃ yā prakaṭayati mahotsāhaśaktyā svabhaktyānityaṃ nāmnā narāṇāṃ viśadaśivaphalā pātu māmambikā sā || 7||

एवं वृत्ताष्टकेन स्तुतिमुखरमुखः संस्तुतिं यः करोतिध्यानाधीनान्तरात्मा प्रशममुपगतो नित्यमेकाग्रचित्तः ।प्रातर्मध्ये निशायां शयनतलगतो यत्र कुत्रापि संस्थोदेवी तस्य प्रकामं प्रकटयति पटु प्रौढमम्बा प्रसादम् ॥ ८॥

evaṃ vṛttāṣṭakena stutimukharamukhaḥ saṃstutiṃ yaḥ karotidhyānādhīnāntarātmā praśamamupagato nityamekāgracittaḥ |prātarmadhye niśāyāṃ śayanatalagato yatra kutrāpi saṃsthodevī tasya prakāmaṃ prakaṭayati paṭu prauḍhamambā prasādam || 8||

इति श्रीअम्बिकाष्टकं सम्पूर्णम् ।

iti śrīambikāṣṭakaṃ sampūrṇam |