वाराहीसहस्रनामस्तोत्रम् Shri Adi Varahi Sahasranamastotram

उड्डामरतन्त्र्न्तर्गतम्॥ श्रीवाराहीध्यानम् ॥नमोऽस्तु देवि वाराहि जयैङ्कारस्वरूपिणि ।जय वाराहि विश्वेशि मुख्यवाराहि ते नमः ॥ १॥

uḍḍāmaratantrntargatam|| śrīvārāhīdhyānam ||namo'stu devi vārāhi jayaiṅkārasvarūpiṇi |jaya vārāhi viśveśi mukhyavārāhi te namaḥ || 1||

वाराहमुखि वन्दे त्वां अन्धे अन्धिनि ते नमः ।सर्वदुर्ष्टप्रदुष्टानां वाक्स्तम्भनकरे नमः ॥ २॥

vārāhamukhi vande tvāṃ andhe andhini te namaḥ |sarvadurṣṭapraduṣṭānāṃ vākstambhanakare namaḥ || 2||

नमः स्तम्भिनि स्तम्भे त्वां जृम्भे जृम्भिणि ते नमः ।रुन्धे रुन्धिनि वन्दे त्वां नमो देवेशि मोहिनि ॥ ३॥

namaḥ stambhini stambhe tvāṃ jṛmbhe jṛmbhiṇi te namaḥ |rundhe rundhini vande tvāṃ namo deveśi mohini || 3||

स्वभक्तानां हि सर्वेषां सर्वकामप्रदे नमः ।बाह्वोः स्तम्भकरीं वन्दे जिह्वास्तम्भनकारिणीम् ॥ ४॥

svabhaktānāṃ hi sarveṣāṃ sarvakāmaprade namaḥ |bāhvoḥ stambhakarīṃ vande jihvāstambhanakāriṇīm || 4||

स्तम्भनं कुरु शत्रूणां कुरु मे शत्रुनाशनम् ।शीघ्रं वश्यं च कुरु मे याऽग्नौ वागात्मिका स्थिता ॥ ५॥

stambhanaṃ kuru śatrūṇāṃ kuru me śatrunāśanam |śīghraṃ vaśyaṃ ca kuru me yā'gnau vāgātmikā sthitā || 5||

ठचतुष्टयरूपे त्वां शरणं सर्वदा भजे ।हुमात्मिके फड्रूपेण जय आद्यानने शिवे ॥ ६॥

ṭhacatuṣṭayarūpe tvāṃ śaraṇaṃ sarvadā bhaje |humātmike phaḍrūpeṇa jaya ādyānane śive || 6||

देहि मे सकलान् कामान् वाराहि जगदीश्वरि ।नमस्तुभ्यं नमस्तुभ्यं नमस्तुभ्यं नमो नमः ॥ ७॥

dehi me sakalān kāmān vārāhi jagadīśvari |namastubhyaṃ namastubhyaṃ namastubhyaṃ namo namaḥ || 7||

॥ वाराही गायत्री ॥वराहमुख्यै विद्महे । दण्डनाथायै धीमही ।तन्नो अर्घ्रि प्रचोदयात् ॥॥ अथ श्रीआदिवाराहीसहस्रनामस्तोत्रम् ॥अथ ध्यानम् ।वन्दे वाराहवक्त्रां वरमणिमकुटां विद्रुमश्रोत्रभूषांहाराग्रैवेयतुङ्गस्तनभरनमितां पीतकौशेयवस्त्राम् ।देवीं दक्षोर्ध्वहस्ते मुसलमथपरं लाङ्गलं वा कपालंवामाभ्यां धारयन्तीं कुवलयकलिकां श्यामलां सुप्रसन्नाम् ॥ऐं ग्लौं ऐं नमो भगवति वार्तालि वार्तालि वाराहि वाराहि वराहमुखिवराहमुखि अन्धे अन्धिनि नमः रुन्धे रुन्धिनि नमः जम्भे जम्भिनि नमःमोहे मोहिनि नमः स्तम्भे स्तम्भिनि नमः सर्वदुष्टप्रदुष्टानां सर्वेषांसर्ववाक्चित्तचक्षुर्मुखगतिजिह्वास्तम्भनं कुरु कुरु शीघ्रं वश्यंकुरु कुरु । ऐं ग्लौं ठः ठः ठः ठः हुं फट् स्वाहा ।महावाराह्यं वा श्रीपादुकां पूजयामि नमः ॥देव्युवाचश्रीकण्ठ करुणासिन्धो दीनबन्धो जगत्पते ।भूतिभूषितसर्वाङ्ग परात्परतर प्रभो ॥ १॥

|| vārāhī gāyatrī ||varāhamukhyai vidmahe | daṇḍanāthāyai dhīmahī |tanno arghri pracodayāt |||| atha śrīādivārāhīsahasranāmastotram ||atha dhyānam |vande vārāhavaktrāṃ varamaṇimakuṭāṃ vidrumaśrotrabhūṣāṃhārāgraiveyatuṅgastanabharanamitāṃ pītakauśeyavastrām |devīṃ dakṣordhvahaste musalamathaparaṃ lāṅgalaṃ vā kapālaṃvāmābhyāṃ dhārayantīṃ kuvalayakalikāṃ śyāmalāṃ suprasannām ||aiṃ glauṃ aiṃ namo bhagavati vārtāli vārtāli vārāhi vārāhi varāhamukhivarāhamukhi andhe andhini namaḥ rundhe rundhini namaḥ jambhe jambhini namaḥmohe mohini namaḥ stambhe stambhini namaḥ sarvaduṣṭapraduṣṭānāṃ sarveṣāṃsarvavākcittacakṣurmukhagatijihvāstambhanaṃ kuru kuru śīghraṃ vaśyaṃkuru kuru | aiṃ glauṃ ṭhaḥ ṭhaḥ ṭhaḥ ṭhaḥ huṃ phaṭ svāhā |mahāvārāhyaṃ vā śrīpādukāṃ pūjayāmi namaḥ ||devyuvācaśrīkaṇṭha karuṇāsindho dīnabandho jagatpate |bhūtibhūṣitasarvāṅga parātparatara prabho || 1||

कृताञ्जलिपुटा भूत्वा पृच्छाम्येकं दयानिधे ।आद्या या चित्स्वरूपा या निर्विकारा निरञ्जना ॥ २॥

kṛtāñjalipuṭā bhūtvā pṛcchāmyekaṃ dayānidhe |ādyā yā citsvarūpā yā nirvikārā nirañjanā || 2||

बोधातीता ज्ञानगम्या कूटस्थाऽऽनन्दविग्रहा ।अग्राह्याऽतीन्द्रिया शुद्धा निरीहा स्वावभासिका ॥ ३॥

bodhātītā jñānagamyā kūṭasthā''nandavigrahā |agrāhyā'tīndriyā śuddhā nirīhā svāvabhāsikā || 3||

गुणातीता निष्प्रपञ्चा ह्यवाङ्मनसगोचरा ।प्रकृतिर्जगदुत्पत्तिस्थितिसंहारकारिणी ॥ ४॥

guṇātītā niṣprapañcā hyavāṅmanasagocarā |prakṛtirjagadutpattisthitisaṃhārakāriṇī || 4||

रक्षार्थे जगतां देवकार्यार्थं वा सुरद्विषाम् ।नाशाय धत्ते सा देहं तत्तत्कार्यैकसाधनम् ॥ ५॥

rakṣārthe jagatāṃ devakāryārthaṃ vā suradviṣām |nāśāya dhatte sā dehaṃ tattatkāryaikasādhanam || 5||

तत्र भूधरणार्थाय यज्ञविस्तारहेतवे ।विद्युत्केशहिरण्याक्षबलाकादिवधाय च ॥ ६॥

tatra bhūdharaṇārthāya yajñavistārahetave |vidyutkeśahiraṇyākṣabalākādivadhāya ca || 6||

आविर्बभूव या शक्तिर्घोरा भूदाररूपिणी ।वाराही विकटाकारा दानवासुरनाशिनी ॥ ७॥

āvirbabhūva yā śaktirghorā bhūdārarūpiṇī |vārāhī vikaṭākārā dānavāsuranāśinī || 7||

सद्यःसिद्धिकरी देवी धोरा घोरतरा शिवा ।तस्याः सहस्रनामाख्यं स्तोत्रं मे समुदीरय ॥ ८॥

sadyaḥsiddhikarī devī dhorā ghoratarā śivā |tasyāḥ sahasranāmākhyaṃ stotraṃ me samudīraya || 8||

कृपालेशोऽस्ति मयि चेद्भाग्यं मे यदि वा भवेत् ।अनुग्राह्या यद्यहं स्यां तदा वद दयानिधे ॥ ९॥

kṛpāleśo'sti mayi cedbhāgyaṃ me yadi vā bhavet |anugrāhyā yadyahaṃ syāṃ tadā vada dayānidhe || 9||

ईश्वर उवाच ।साधु साधु वरारोहे धन्या बहुमतासि मे ।शुश्रूषादिसमुत्पन्ना भक्तिश्रद्धासमन्विता तव ॥ १०॥

īśvara uvāca |sādhu sādhu varārohe dhanyā bahumatāsi me |śuśrūṣādisamutpannā bhaktiśraddhāsamanvitā tava || 10||

सहस्रनाम वाराह्याः सर्वसिद्धिविधायि च ।तव चेन्न प्रवक्ष्यामि प्रिये कस्य वदाम्यहम् ॥ ११॥

sahasranāma vārāhyāḥ sarvasiddhividhāyi ca |tava cenna pravakṣyāmi priye kasya vadāmyaham || 11||

किन्तु गोप्यं प्रयत्नेन संरक्ष्यं प्राणतोऽपि च ।विशेषतः कलियुगे न देयं यस्य कस्यचित् ॥सर्वेऽन्यथा सिद्धिभाजो भविष्यन्ति वरानने ॥ १२॥

kintu gopyaṃ prayatnena saṃrakṣyaṃ prāṇato'pi ca |viśeṣataḥ kaliyuge na deyaṃ yasya kasyacit ||sarve'nyathā siddhibhājo bhaviṣyanti varānane || 12||

ॐ अस्य श्रीवाराहीसहस्रनामस्तोत्रस्य महादेव ऋषिः । अनुष्टुप्छन्दः ।वाराही देवता । ऐं बीजम् । क्रों शक्तिः । हुं कीलकम् ।मम सर्वार्थसिद्ध्यर्थे जपे विनियोगः ।ॐ वाराही वामनी वामा बगला वासवी वसुः ।वैदेही विरसूर्बाला वरदा विष्णुवल्लभा ॥ १३॥

oṃ asya śrīvārāhīsahasranāmastotrasya mahādeva ṛṣiḥ | anuṣṭupchandaḥ |vārāhī devatā | aiṃ bījam | kroṃ śaktiḥ | huṃ kīlakam |mama sarvārthasiddhyarthe jape viniyogaḥ |oṃ vārāhī vāmanī vāmā bagalā vāsavī vasuḥ |vaidehī virasūrbālā varadā viṣṇuvallabhā || 13||

वन्दिता वसुदा वश्या व्यात्तास्या वञ्चिनी बला ।वसुन्धरा वीतिहोत्रा वीतरागा विहायसी ॥ १४॥

vanditā vasudā vaśyā vyāttāsyā vañcinī balā |vasundharā vītihotrā vītarāgā vihāyasī || 14||

सर्वा खनिप्रिया काम्या कमला काञ्चनी रमा ।धूम्रा कपालिनी वामा कुरुकुल्ला कलावती ॥ १५॥

sarvā khanipriyā kāmyā kamalā kāñcanī ramā |dhūmrā kapālinī vāmā kurukullā kalāvatī || 15||

याम्याऽग्नेयी धरा धन्या धर्मिणी ध्यानिनी ध्रुवा ।धृतिर्लक्ष्मीर्जया तुष्टिः शक्तिर्मेधा तपस्विनी ॥ १६॥

yāmyā'gneyī dharā dhanyā dharmiṇī dhyāninī dhruvā |dhṛtirlakṣmīrjayā tuṣṭiḥ śaktirmedhā tapasvinī || 16||

वेधा जया कृतिः कान्तिः स्वाहा शान्तिर्दमा रतिः ।लज्जा मतिः स्मृतिर्निद्रा तन्द्रा गौरी शिवा स्वधा ॥ १७॥

vedhā jayā kṛtiḥ kāntiḥ svāhā śāntirdamā ratiḥ |lajjā matiḥ smṛtirnidrā tandrā gaurī śivā svadhā || 17||

चण्डी दुर्गाऽभया भीमा भाषा भामा भयानका ।भूदारा भयापहा भीरुर्भैरवी भङ्गरा भटी ॥ १८॥

caṇḍī durgā'bhayā bhīmā bhāṣā bhāmā bhayānakā |bhūdārā bhayāpahā bhīrurbhairavī bhaṅgarā bhaṭī || 18||

घुर्घुरा घोषणा घोरा घोषिणी घोणसंयुता ।घनाधना घर्घरा च घोणयुक्ताऽघनाशिनी ॥ १९॥

ghurghurā ghoṣaṇā ghorā ghoṣiṇī ghoṇasaṃyutā |ghanādhanā ghargharā ca ghoṇayuktā'ghanāśinī || 19||

पूर्वाग्नेयी पातु याम्या वायव्युत्तरवारुणी ।ऐशान्यूर्ध्वाधःस्थिता च पृष्टा दक्षाग्रवामगा ॥ २०॥

pūrvāgneyī pātu yāmyā vāyavyuttaravāruṇī |aiśānyūrdhvādhaḥsthitā ca pṛṣṭā dakṣāgravāmagā || 20||

हृन्नाभिब्रह्मरन्ध्रार्कस्वर्गपातालभूमिगा ।ऐं श्रीः ह्रीः क्लीं तीर्थगतिः प्रीतिर्धीर्गीः कलाऽव्यया ॥ २१॥

hṛnnābhibrahmarandhrārkasvargapātālabhūmigā |aiṃ śrīḥ hrīḥ klīṃ tīrthagatiḥ prītirdhīrgīḥ kalā'vyayā || 21||

ऋग्यजुः सामरूपा च परा यात्रिण्युदुम्बरा ।गदासिशक्तिचापेषुशूलचक्रक्रष्टिधारिणी ॥ २२॥

ṛgyajuḥ sāmarūpā ca parā yātriṇyudumbarā |gadāsiśakticāpeṣuśūlacakrakraṣṭidhāriṇī || 22||

जरती युवती बाला चतुरङ्गबलोत्कटा ।सत्याक्षरा चाधिभेत्री धात्री पात्री परा पटुः ॥ २३॥

jaratī yuvatī bālā caturaṅgabalotkaṭā |satyākṣarā cādhibhetrī dhātrī pātrī parā paṭuḥ || 23||

क्षेत्रज्ञा कम्पिनी ज्येष्ठा दूरधर्शा धुरन्धरा ।मालिनी मानिनी माता माननीया मनस्विनी ॥ २४॥

kṣetrajñā kampinī jyeṣṭhā dūradharśā dhurandharā |mālinī māninī mātā mānanīyā manasvinī || 24||

महोत्कटा मन्युकरी मनुरूपा मनोजवा ।मेदस्विनी मद्यरता मधुपा मङ्गलाऽमरा ॥ २५॥

mahotkaṭā manyukarī manurūpā manojavā |medasvinī madyaratā madhupā maṅgalā'marā || 25||

माया माताऽऽमयहरी मृडानी महिला मृतिः ।महादेवी मोहहरी मञ्जुर्मृत्युञ्जयाऽमला ॥ २६॥

māyā mātā''mayaharī mṛḍānī mahilā mṛtiḥ |mahādevī mohaharī mañjurmṛtyuñjayā'malā || 26||

मांसला मानवा मूला महारात्रिमहालसा ।मृगाङ्का मीनकारी स्यान्महिषघ्नी मदन्तिका ॥ २७॥

māṃsalā mānavā mūlā mahārātrimahālasā |mṛgāṅkā mīnakārī syānmahiṣaghnī madantikā || 27||

मूर्च्छामोहमृषामोघामदमृत्युमलापहा ।सिंहर्क्षमहिषव्याघ्रमृगक्रोडानना धुनी ॥ २८॥

mūrcchāmohamṛṣāmoghāmadamṛtyumalāpahā |siṃharkṣamahiṣavyāghramṛgakroḍānanā dhunī || 28||

धरिणी धारिणी धेनुर्धरित्री धावनी धवा ।धर्मध्वना ध्यानपरा धनधान्यधराप्रदा ॥ २९॥

dhariṇī dhāriṇī dhenurdharitrī dhāvanī dhavā |dharmadhvanā dhyānaparā dhanadhānyadharāpradā || 29||

पापदोषरिपुव्याधिनाशिनी सिद्धिदायिनी ।कलाकाष्ठात्रपापक्षाऽहस्त्रुटिश्वासरूपिणी ॥ ३०॥

pāpadoṣaripuvyādhināśinī siddhidāyinī |kalākāṣṭhātrapāpakṣā'hastruṭiśvāsarūpiṇī || 30||

समृद्धा सुभुजा रौद्री राधा राका रमाऽरणिः ।रामा रतिः प्रिया रुष्टा रक्षिणी रविमध्यगा ॥ ३१॥

samṛddhā subhujā raudrī rādhā rākā ramā'raṇiḥ |rāmā ratiḥ priyā ruṣṭā rakṣiṇī ravimadhyagā || 31||

रजनी रमणी रेवा रङ्किनी रञ्जिनी रमा ।रोषा रोषवती रूक्षा करिराज्यप्रदा रता ॥ ३२॥

rajanī ramaṇī revā raṅkinī rañjinī ramā |roṣā roṣavatī rūkṣā karirājyapradā ratā || 32||

रूक्षा रूपवती रास्या रुद्राणी रणपण्डिता ।गङ्गा च यमुना चैव सरस्वतिस्वसूर्मधुः ॥ ३३॥

rūkṣā rūpavatī rāsyā rudrāṇī raṇapaṇḍitā |gaṅgā ca yamunā caiva sarasvatisvasūrmadhuḥ || 33||

गण्डकी तुङ्गभद्रा च कावेरी कौशिकी पटुः ।खट्वोरगवती चारा सहस्राक्षा प्रतर्दना ॥ ३४॥

gaṇḍakī tuṅgabhadrā ca kāverī kauśikī paṭuḥ |khaṭvoragavatī cārā sahasrākṣā pratardanā || 34||

सर्वज्ञा शाङ्करी शास्त्री जटाधारिण्ययोरदा ।यावनी सौरभी कुब्जा वक्रतुण्डा वधोद्यता ॥ ३५॥

sarvajñā śāṅkarī śāstrī jaṭādhāriṇyayoradā |yāvanī saurabhī kubjā vakratuṇḍā vadhodyatā || 35||

चन्द्रापीडा वेदवेद्या शङ्खिनी नील्लओहिता ।ध्यानातीताऽपरिच्छेद्या मृत्युरूपा त्रिवर्गदा ॥ ३६॥

candrāpīḍā vedavedyā śaṅkhinī nīllaohitā |dhyānātītā'paricchedyā mṛtyurūpā trivargadā || 36||

अरूपा बहुरूपा च नानारूपा नतानना ।वृषाकपिर्वृषारूढा वृषेशी वृषवाहना ॥ ३७॥

arūpā bahurūpā ca nānārūpā natānanā |vṛṣākapirvṛṣārūḍhā vṛṣeśī vṛṣavāhanā || 37||

वृषप्रिया वृषावर्ता वृषपर्वा वृषाकृतिः ।कोदण्डिनी नागचूडा चक्षुष्या परमार्थिका ॥ ३८॥

vṛṣapriyā vṛṣāvartā vṛṣaparvā vṛṣākṛtiḥ |kodaṇḍinī nāgacūḍā cakṣuṣyā paramārthikā || 38||

दुर्वासा दुर्ग्रहा देवी सुरावासा दुरारिहा ।दुर्गा राधा दुर्गहन्त्री दुराराध्या दवीयसी ॥ ३९॥

durvāsā durgrahā devī surāvāsā durārihā |durgā rādhā durgahantrī durārādhyā davīyasī || 39||

दुरावासा दुःप्रहस्ता दुःप्रकम्पा दुरुहिणी ।सुवेणी श्रमणी श्यामा मृगव्याधाऽर्कतापिनी ॥ ४०॥

durāvāsā duḥprahastā duḥprakampā duruhiṇī |suveṇī śramaṇī śyāmā mṛgavyādhā'rkatāpinī || 40||

दुर्गा तार्क्षी पाशुपती कौणपी कुणपाशना ।कपर्दिनी कामकामा कमनीया कलोज्वला ॥ ४१॥

durgā tārkṣī pāśupatī kauṇapī kuṇapāśanā |kapardinī kāmakāmā kamanīyā kalojvalā || 41||

कासावहृत्कारकानी कम्बुकण्ठी कृतागमा ।कर्कशा कारणा कान्ता कल्पाऽकल्पा कटङ्कटा ॥ ४२॥

kāsāvahṛtkārakānī kambukaṇṭhī kṛtāgamā |karkaśā kāraṇā kāntā kalpā'kalpā kaṭaṅkaṭā || 42||

श्मशाननिलया भिन्नी गजारुढा गजापहा ।तत्प्रिया तत्परा राया स्वर्भानुः कालवञ्चिनी ॥ ४३॥

śmaśānanilayā bhinnī gajāruḍhā gajāpahā |tatpriyā tatparā rāyā svarbhānuḥ kālavañcinī || 43||

शाखा विशाखा गोशाखा सुशाखा शेषशाखिनी ।व्यङ्गा सुभाङ्गा वामाङ्गा नीलाङ्गाऽनङ्गरूपिणी ॥ ४४॥

śākhā viśākhā gośākhā suśākhā śeṣaśākhinī |vyaṅgā subhāṅgā vāmāṅgā nīlāṅgā'naṅgarūpiṇī || 44||

साङ्गोपाङ्गा च शारङ्गा शुभाङ्गा रङ्गरूपिणी ।भद्रा सुभद्रा भद्राक्षी सिंहिका विनताऽदितिः ॥ ४५॥

sāṅgopāṅgā ca śāraṅgā śubhāṅgā raṅgarūpiṇī |bhadrā subhadrā bhadrākṣī siṃhikā vinatā'ditiḥ || 45||

हृद्या वद्या सुपद्या च गद्यपद्यप्रिया प्रसूः ।चर्चिका भोगवत्यम्बा सारसी शबरी नटी ॥ ४६॥

hṛdyā vadyā supadyā ca gadyapadyapriyā prasūḥ |carcikā bhogavatyambā sārasī śabarī naṭī || 46||

योगिनी पुष्कलाऽनन्ता परा साङ्ख्या शची सती ।निम्नगा निम्ननाभिश्च सहिष्णुर्जागृती लिपिः ॥ ४७॥

yoginī puṣkalā'nantā parā sāṅkhyā śacī satī |nimnagā nimnanābhiśca sahiṣṇurjāgṛtī lipiḥ || 47||

दमयन्ती दमी दण्डोद्दण्डिनी दारदायिका ।दीपिनी धाविनी धात्री दक्षकन्या दरिद्रती ॥ ४८॥

damayantī damī daṇḍoddaṇḍinī dāradāyikā |dīpinī dhāvinī dhātrī dakṣakanyā daridratī || 48||

दाहिनी द्रविणी दर्वी दण्डिनी दण्डनायिका ।दानप्रिया दोषहन्त्री दुःखदारिद्र्यनाशिनी ॥ ४९॥

dāhinī draviṇī darvī daṇḍinī daṇḍanāyikā |dānapriyā doṣahantrī duḥkhadāridryanāśinī || 49||

दोषदा दोषकृद्दोग्ध्री दोहदा देविकाऽदना ।दर्वीकरी दुर्वलिता दुर्युगाऽद्वयवादिनी ॥ ५०॥

doṣadā doṣakṛddogdhrī dohadā devikā'danā |darvīkarī durvalitā duryugā'dvayavādinī || 50||

चराचराऽनन्तवृष्टिरुन्मत्ता कमलालसा ।तारिणी तारकान्तारा परात्मा कुब्जलोचना ॥ ५१॥

carācarā'nantavṛṣṭirunmattā kamalālasā |tāriṇī tārakāntārā parātmā kubjalocanā || 51||

इन्दुर्हिरण्यकवचा व्यवस्था व्यवसायिका ।ईशनन्दा नदी नागी यक्षिणी सर्पिणी वरी ॥ ५२॥

indurhiraṇyakavacā vyavasthā vyavasāyikā |īśanandā nadī nāgī yakṣiṇī sarpiṇī varī || 52||

सुधा सुरा विश्वसहा सुवर्णाङ्गदधारिणी ।जननी प्रीतिपाकेरुः साम्राज्ञी संविदुत्तमा ॥ ५३॥

sudhā surā viśvasahā suvarṇāṅgadadhāriṇī |jananī prītipākeruḥ sāmrājñī saṃviduttamā || 53||

अमेयाऽरिष्टदमनी पिङ्गला लिङ्गधारिणी ।चामुण्डा प्लाविनी हाला बृहज्ज्योतिरुरुक्रमा ॥ ५४॥

ameyā'riṣṭadamanī piṅgalā liṅgadhāriṇī |cāmuṇḍā plāvinī hālā bṛhajjyotirurukramā || 54||

सुप्रतीका च सुग्रीवा हव्यवाहा प्रलापिनी ।नभस्या माधवी ज्येष्ठा शिशिरा ज्वालिनी रुचिः ॥ ५५॥

supratīkā ca sugrīvā havyavāhā pralāpinī |nabhasyā mādhavī jyeṣṭhā śiśirā jvālinī ruciḥ || 55||

शुक्ला शुक्रा शुचा शोका शुकी भेकी पिकी भकी ।पृषदश्वा नभोयोनी सुप्रतीका विभावरी ॥ ५६॥

śuklā śukrā śucā śokā śukī bhekī pikī bhakī |pṛṣadaśvā nabhoyonī supratīkā vibhāvarī || 56||

गर्विता गुर्विणी गण्या गुरुर्गुरुतरी गया ।गन्धर्वी गणिका गुन्द्रा गारुडी गोपिकाऽग्रगा ॥ ५७॥

garvitā gurviṇī gaṇyā gururgurutarī gayā |gandharvī gaṇikā gundrā gāruḍī gopikā'gragā || 57||

गणेशी गामिनी गन्त्री गोपतिर्गन्धिनी गवी ।गर्जिता गाननी गोना गोरक्षा गोविदां गतिः ॥ ५८॥

gaṇeśī gāminī gantrī gopatirgandhinī gavī |garjitā gānanī gonā gorakṣā govidāṃ gatiḥ || 58||

ग्राथिकी ग्रथिकृद्गोष्ठी गर्भरूपा गुणैषिणी ।पारस्करी पाञ्चनदा बहुरूपा विरूपिका ॥ ५९॥

grāthikī grathikṛdgoṣṭhī garbharūpā guṇaiṣiṇī |pāraskarī pāñcanadā bahurūpā virūpikā || 59||

ऊहा व्यूहा दुरूहा च सम्मोहा मोहहारिणी ।यज्ञविग्रहिणी यज्ञा यायजूका यशस्विनी ॥ ६०॥

ūhā vyūhā durūhā ca sammohā mohahāriṇī |yajñavigrahiṇī yajñā yāyajūkā yaśasvinī || 60||

अग्निष्ठोमोऽत्यग्निष्टोमो वाजपेयश्च षोडशी ।पुण्डरीकोऽश्वमेधश्च राजसूयश्च नाभसः ॥ ६१॥

agniṣṭhomo'tyagniṣṭomo vājapeyaśca ṣoḍaśī |puṇḍarīko'śvamedhaśca rājasūyaśca nābhasaḥ || 61||

स्विष्टकृद्बहुसौवर्णो गोसवश्च महाव्रतः ।विश्वजिद्ब्रह्मयज्ञश्च प्राजापत्यः शिलायवः ॥ ६२॥

sviṣṭakṛdbahusauvarṇo gosavaśca mahāvrataḥ |viśvajidbrahmayajñaśca prājāpatyaḥ śilāyavaḥ || 62||

अश्वक्रान्तो रथक्रान्तो विष्णुक्रान्तो विभावसुः ।सूर्यक्रान्तो गजक्रान्तो बलिभिन्नागयज्ञकः ॥ ६३॥

aśvakrānto rathakrānto viṣṇukrānto vibhāvasuḥ |sūryakrānto gajakrānto balibhinnāgayajñakaḥ || 63||

सावित्री चार्धसावित्री सर्वतोभद्रवारुणः ।आदित्यामयगोदोहगवामयमृगामयाः ॥ ६४॥

sāvitrī cārdhasāvitrī sarvatobhadravāruṇaḥ |ādityāmayagodohagavāmayamṛgāmayāḥ || 64||

सर्पमयः कालपिञ्जः कौण्डिन्योपनकाहलः ।अग्निविद्द्वादशाहः स्वोपांशुः सोमदोहनः ॥ ६५॥

sarpamayaḥ kālapiñjaḥ kauṇḍinyopanakāhalaḥ |agnividdvādaśāhaḥ svopāṃśuḥ somadohanaḥ || 65||

अश्वप्रतिग्रहो बर्हिरथोऽभ्युदय ऋद्धिराट् ।सर्वस्वदक्षिणो दीक्षा सोमाख्या समिदाह्वयः ॥ ६६॥

aśvapratigraho barhiratho'bhyudaya ṛddhirāṭ |sarvasvadakṣiṇo dīkṣā somākhyā samidāhvayaḥ || 66||

कठायनश्च गोदोहः स्वाहाकारस्तनूनपात् ।दण्डापुरुषमेधश्च श्येनो वज्र इषुर्यमः ॥ ६७॥

kaṭhāyanaśca godohaḥ svāhākārastanūnapāt |daṇḍāpuruṣamedhaśca śyeno vajra iṣuryamaḥ || 67||

अङ्गिरा कङ्गभेरुण्डा चान्द्रायणपरायणा ।ज्योतिष्ठोमः कुतो दर्शो नन्द्याख्यः पौर्णमासिकः ॥ ६८॥

aṅgirā kaṅgabheruṇḍā cāndrāyaṇaparāyaṇā |jyotiṣṭhomaḥ kuto darśo nandyākhyaḥ paurṇamāsikaḥ || 68||

गजप्रतिग्रहो रात्रिः सौरभः शाङ्कलायनः ।सौभाग्यकृच्च कारीषो वैतलायनरामठी ॥ ६९॥

gajapratigraho rātriḥ saurabhaḥ śāṅkalāyanaḥ |saubhāgyakṛcca kārīṣo vaitalāyanarāmaṭhī || 69||

शोचिष्कारी नाचिकेतः शान्तिकृत्पुष्टिकृत्तथा ।वैनतेयोच्चाटनौ च वशीकरणमारणे ॥ ७०॥

śociṣkārī nāciketaḥ śāntikṛtpuṣṭikṛttathā |vainateyoccāṭanau ca vaśīkaraṇamāraṇe || 70||

त्रैलोक्यमोहनो वीरः कन्दर्पबलशातनः ।शङ्खचूडो गजाच्छायो रौद्राख्यो विष्णुविक्रमः ॥ ७१॥

trailokyamohano vīraḥ kandarpabalaśātanaḥ |śaṅkhacūḍo gajācchāyo raudrākhyo viṣṇuvikramaḥ || 71||

भैरवः कवहाख्यश्चावभृथोऽष्टाकपालकः ।श्रौषट् वौषट् वषट्कारः पाकसंस्था परिश्रुती ॥ ७२॥

bhairavaḥ kavahākhyaścāvabhṛtho'ṣṭākapālakaḥ |śrauṣaṭ vauṣaṭ vaṣaṭkāraḥ pākasaṃsthā pariśrutī || 72||

चयनो नरमेधश्च कारीरी रत्नदानिका ।सौत्रामणी च भारुन्दा बार्हस्पत्यो बलङ्गमः ॥ ७३॥

cayano naramedhaśca kārīrī ratnadānikā |sautrāmaṇī ca bhārundā bārhaspatyo balaṅgamaḥ || 73||

प्रचेताः सर्वसत्रश्च गजमेधः करम्भकः ।हविःसंस्था सोमसंस्था पाकसंस्था गरुत्मती ॥ ७४॥

pracetāḥ sarvasatraśca gajamedhaḥ karambhakaḥ |haviḥsaṃsthā somasaṃsthā pākasaṃsthā garutmatī || 74||

सत्यसूर्यश्चमसः स्रुक्स्रुवोलूखलमेक्षणी ।चपलो मन्थिनी मेढी यूपः प्राग्वंशकुञ्जिका ॥ ७५॥

satyasūryaścamasaḥ sruksruvolūkhalamekṣaṇī |capalo manthinī meḍhī yūpaḥ prāgvaṃśakuñjikā || 75||

रश्मिरशुश्च दोभ्यश्च वारुणोदः पविः कुथा ।आप्तोर्यामो द्रोणकलशो मैत्रावरुण आश्विनः ॥ ७६॥

raśmiraśuśca dobhyaśca vāruṇodaḥ paviḥ kuthā |āptoryāmo droṇakalaśo maitrāvaruṇa āśvinaḥ || 76||

पात्नीवतश्च मन्थी च हारियोजन एव च ।प्रतिप्रस्थानशुक्रौ च सामिधेनी समित्समा ॥ ७७॥

pātnīvataśca manthī ca hāriyojana eva ca |pratiprasthānaśukrau ca sāmidhenī samitsamā || 77||

होताऽध्वर्युस्तथोद्घाता नेता त्वष्टा च योत्रिका ।आग्नीध्रोऽच्छवगाष्टावग्रावस्तुत्प्रतर्दकः ॥ ७८॥

hotā'dhvaryustathodghātā netā tvaṣṭā ca yotrikā |āgnīdhro'cchavagāṣṭāvagrāvastutpratardakaḥ || 78||

सुब्रह्मण्यो ब्राह्मणश्च मैत्रावरुणवारुणौ ।प्रस्तोता प्रतिप्रस्थाता यजमाना ध्रुवंत्रिका ॥ ७९॥

subrahmaṇyo brāhmaṇaśca maitrāvaruṇavāruṇau |prastotā pratiprasthātā yajamānā dhruvaṃtrikā || 79||

आमिक्षामीषदाज्यं च हव्यं कव्यं चरुः पयः ।जुहूद्धुणोभृत् ब्रह्मा त्रयी त्रेता तरश्विनी ॥ ८०॥

āmikṣāmīṣadājyaṃ ca havyaṃ kavyaṃ caruḥ payaḥ |juhūddhuṇobhṛt brahmā trayī tretā taraśvinī || 80||

पुरोडाशः पशुकर्षः प्रेक्षणी ब्रह्मयज्ञिनी ।अग्निजिह्वा दर्भरोमा ब्रह्मशीर्षा महोदरी ॥ ८१॥

puroḍāśaḥ paśukarṣaḥ prekṣaṇī brahmayajñinī |agnijihvā darbharomā brahmaśīrṣā mahodarī || 81||

अमृतप्राशिका नारायणी नग्ना दिगम्बरा ।ओङ्कारिणी चतुर्वेदरूपा श्रुतिरनुल्वणा ॥ ८२॥

amṛtaprāśikā nārāyaṇī nagnā digambarā |oṅkāriṇī caturvedarūpā śrutiranulvaṇā || 82||

अष्टादशभुजा रम्भा सत्या गगनचारिणी ।भीमवक्त्रा महावक्त्रा कीर्तिराकृष्णपिङ्गला ॥ ८३॥

aṣṭādaśabhujā rambhā satyā gaganacāriṇī |bhīmavaktrā mahāvaktrā kīrtirākṛṣṇapiṅgalā || 83||

कृष्णमूर्द्धा महामूर्द्धा घोरमूर्द्धा भयानना ।घोरानना घोरजिह्वा घोररावा महाव्रता ॥ ८४॥

kṛṣṇamūrddhā mahāmūrddhā ghoramūrddhā bhayānanā |ghorānanā ghorajihvā ghorarāvā mahāvratā || 84||

दीप्तास्या दीप्तनेत्रा चण्डप्रहरणा जटी ।सुरभी सौनभी वीची छाया सन्ध्या च मांसला ॥ ८५॥

dīptāsyā dīptanetrā caṇḍapraharaṇā jaṭī |surabhī saunabhī vīcī chāyā sandhyā ca māṃsalā || 85||

कृष्णा कृष्णाम्बरा कृष्णशार्ङ्गिणी कृष्णवल्लभा ।त्रासिनी मोहिनी द्वेष्या मृत्युरूपा भयावहा ॥ ८६॥

kṛṣṇā kṛṣṇāmbarā kṛṣṇaśārṅgiṇī kṛṣṇavallabhā |trāsinī mohinī dveṣyā mṛtyurūpā bhayāvahā || 86||

भीषणा दानवेन्द्रघ्नी कल्पकर्त्री क्षयङ्करी ।अभया पृथिवी साध्वी केशिनी व्याधिजन्महा ॥ ८७॥

bhīṣaṇā dānavendraghnī kalpakartrī kṣayaṅkarī |abhayā pṛthivī sādhvī keśinī vyādhijanmahā || 87||

अक्षोभ्या ह्लादिनी कन्या पवित्रा रोपिणी शुभा ।कन्यादेवी सुरादेवी भीमादेवी मदन्तिका ॥ ८८॥

akṣobhyā hlādinī kanyā pavitrā ropiṇī śubhā |kanyādevī surādevī bhīmādevī madantikā || 88||

शाकम्बरी महाश्वेता धूम्रा धूम्रेश्वरीश्वरी ।वीरभद्रा महाभद्रा महादेवी महासुरी ॥ ८९॥

śākambarī mahāśvetā dhūmrā dhūmreśvarīśvarī |vīrabhadrā mahābhadrā mahādevī mahāsurī || 89||

श्मशानवासिनी दीप्ता चितिसंस्था चितिप्रिया ।कपालहस्ता खट्वाङ्गी खड्गिनी शूलिनी हली ॥ ९०॥

śmaśānavāsinī dīptā citisaṃsthā citipriyā |kapālahastā khaṭvāṅgī khaḍginī śūlinī halī || 90||

कान्तारिणी महायोगी योगमार्गा युगग्रहा ।धूम्रकेतुर्महास्यायुर्युगानां परिवर्तिनी ॥ ९१॥

kāntāriṇī mahāyogī yogamārgā yugagrahā |dhūmraketurmahāsyāyuryugānāṃ parivartinī || 91||

अङ्गारिण्यङ्कुशकरा घण्टावर्णा च चक्रिणी ।वेताली ब्रह्मवेताली महावेतालिका तथा ॥ ९२॥

aṅgāriṇyaṅkuśakarā ghaṇṭāvarṇā ca cakriṇī |vetālī brahmavetālī mahāvetālikā tathā || 92||

विद्याराज्ञी मोहराज्ञी महाराज्ञी महोदरी ।भूतं भव्यं भविष्यं च साङ्ख्यं योगस्ततो दमः ॥ ९३॥

vidyārājñī moharājñī mahārājñī mahodarī |bhūtaṃ bhavyaṃ bhaviṣyaṃ ca sāṅkhyaṃ yogastato damaḥ || 93||

अध्यात्मं चाधिदैवं चाधिभूतांश एव च ।घण्टारवा विरूपाक्षी शिखिचिच्छ्रीचयप्रिया ॥ ९४॥

adhyātmaṃ cādhidaivaṃ cādhibhūtāṃśa eva ca |ghaṇṭāravā virūpākṣī śikhicicchrīcayapriyā || 94||

खड्गशूलगदाहस्ता महिषासुरमर्दिनी ।मातङ्गी मत्तमातङ्गी कौशिकी ब्रह्मवादिनी ॥ ९५॥

khaḍgaśūlagadāhastā mahiṣāsuramardinī |mātaṅgī mattamātaṅgī kauśikī brahmavādinī || 95||

उग्रतेजा सिद्धसेना जृम्भिणी मोहिनी तथा ।जया च विजया चैव विनता कद्रुरेव च ॥ ९६॥

ugratejā siddhasenā jṛmbhiṇī mohinī tathā |jayā ca vijayā caiva vinatā kadrureva ca || 96||

धात्री विधात्री विक्रान्ता ध्वस्ता मूर्च्छा च मूर्च्छनी ।दमनी दामिनी दम्या छेदिनी तापिनी तपी ॥ ९७॥

dhātrī vidhātrī vikrāntā dhvastā mūrcchā ca mūrcchanī |damanī dāminī damyā chedinī tāpinī tapī || 97||

बन्धिनी बाधिनी बन्ध्या बोधातीता बुधप्रिया ।हरिणी हारिणी हन्त्री धरिणी धारिणी धरा ॥ ९८॥

bandhinī bādhinī bandhyā bodhātītā budhapriyā |hariṇī hāriṇī hantrī dhariṇī dhāriṇī dharā || 98||

विसाधिनी साधिनी च सन्ध्या सङ्गोपनी प्रिया ।रेवती कालकर्णी च सिद्धिलक्ष्मीररुन्धती ॥ ९९॥

visādhinī sādhinī ca sandhyā saṅgopanī priyā |revatī kālakarṇī ca siddhilakṣmīrarundhatī || 99||

धर्मप्रिया धर्मरतिः धर्मिष्ठा धर्मचारिणी ।व्युष्टिः ख्यातिः सिनीवाली कुहूः ऋतुमती मृतिः ॥ १००॥

dharmapriyā dharmaratiḥ dharmiṣṭhā dharmacāriṇī |vyuṣṭiḥ khyātiḥ sinīvālī kuhūḥ ṛtumatī mṛtiḥ || 100||

तवाष्ट्री वैरोचनी मैत्री नीरजा कैटभेश्वरी ।भ्रमणी भ्रामणी भ्रामा भ्रमरी भ्रामरी भ्रमा ॥ १०१॥

tavāṣṭrī vairocanī maitrī nīrajā kaiṭabheśvarī |bhramaṇī bhrāmaṇī bhrāmā bhramarī bhrāmarī bhramā || 101||

निष्कला कलहा नीता कौलाकारा कलेवरा ।विद्युज्जिह्वा वर्षिणी च हिरण्याक्षनिपातिनी ॥ १०२॥

niṣkalā kalahā nītā kaulākārā kalevarā |vidyujjihvā varṣiṇī ca hiraṇyākṣanipātinī || 102||

जितकामा कामृगया कोला कल्पाङ्गिनी कला ।प्रधाना तारका तारा हितात्मा हितभेदिनी ॥ १०३॥

jitakāmā kāmṛgayā kolā kalpāṅginī kalā |pradhānā tārakā tārā hitātmā hitabhedinī || 103||

दुरक्षरा परम्ब्रह्म महाताना महाहवा ।वारुणी व्यरुणी वाणी वीणा वेणी विहङ्गमा ॥ १०४॥

durakṣarā parambrahma mahātānā mahāhavā |vāruṇī vyaruṇī vāṇī vīṇā veṇī vihaṅgamā || 104||

मोदप्रिया मोदकिनी प्लवनी प्लाविनी प्लुतिः ।अजरा लोहिता लाक्षा प्रतप्ता विश्वभोजिनी ॥ १०५॥

modapriyā modakinī plavanī plāvinī plutiḥ |ajarā lohitā lākṣā prataptā viśvabhojinī || 105||

मनो बुद्धिरहङ्कारः क्षेत्रज्ञा क्षेत्रपालिका ।चतुर्वेदा चतुर्भारा चतुरन्ता चरुप्रिया ॥ १०६॥

mano buddhirahaṅkāraḥ kṣetrajñā kṣetrapālikā |caturvedā caturbhārā caturantā carupriyā || 106||

चर्विणी चोरिणी चारी चाङ्करी चर्मभेभैरवी ।निर्लेपा निष्प्रपञ्चा च प्रशान्ता नित्यविग्रहा ॥ १०७॥

carviṇī coriṇī cārī cāṅkarī carmabhebhairavī |nirlepā niṣprapañcā ca praśāntā nityavigrahā || 107||

स्तव्या स्तवप्रिया व्याला गुरुराश्रितवत्सला ।निष्कलङ्का निरालम्बा निर्द्वन्द्वा निष्परिग्रहा ॥ १०८॥

stavyā stavapriyā vyālā gururāśritavatsalā |niṣkalaṅkā nirālambā nirdvandvā niṣparigrahā || 108||

निर्गुणा निर्मला नित्या निरीहा निरघा नवा ।निरिन्द्रिया निराभासा निर्मोहा नीतिनायिका ॥ १०९॥

nirguṇā nirmalā nityā nirīhā niraghā navā |nirindriyā nirābhāsā nirmohā nītināyikā || 109||

निरिन्धना निष्कला च लीलाकारा निरामया ।मुण्डा विरूपा विकृता पिङ्गलाक्षी गुणोत्तरा ॥ ११०॥

nirindhanā niṣkalā ca līlākārā nirāmayā |muṇḍā virūpā vikṛtā piṅgalākṣī guṇottarā || 110||

पद्मगर्भा महागर्भा विश्वगर्भा विलक्षणा ।परमात्मा परेशानी परा पारा परन्तपा ॥ १११॥

padmagarbhā mahāgarbhā viśvagarbhā vilakṣaṇā |paramātmā pareśānī parā pārā parantapā || 111||

संसारसेतुः क्रूराक्षी मूर्च्छा मत्ता मनुप्रिया ।विस्मया दुर्जया दक्षा तनुहन्त्री दयालया ॥ ११२॥

saṃsārasetuḥ krūrākṣī mūrcchā mattā manupriyā |vismayā durjayā dakṣā tanuhantrī dayālayā || 112||

परब्रह्माऽऽनन्दरूपा सर्वसिद्धिविधायिनी । ॐ।एवमुड्डामरतन्त्रान्मयोद्धृत्य प्रकाशितम् ॥ ११३॥

parabrahmā''nandarūpā sarvasiddhividhāyinī | oṃ|evamuḍḍāmaratantrānmayoddhṛtya prakāśitam || 113||

गोपनीयं प्रयत्नेन नाख्येयं यस्य कस्यचित् ।यदीच्छसि द्रुतं सिद्धिं ऐश्वर्यं चिरजीविताम् ॥ ११४॥

gopanīyaṃ prayatnena nākhyeyaṃ yasya kasyacit |yadīcchasi drutaṃ siddhiṃ aiśvaryaṃ cirajīvitām || 114||

आरोग्यं नृपसम्मानं तदा नामानि कीर्तयेत् ।नाम्नां सहस्रं वाराह्याः मया ते समुदीरितम् ॥ ११५॥

ārogyaṃ nṛpasammānaṃ tadā nāmāni kīrtayet |nāmnāṃ sahasraṃ vārāhyāḥ mayā te samudīritam || 115||

यः पठेच्छृणुयाद्वापि सर्वपापैः प्रमुच्यते ।अश्वमेधसहस्रस्य वाजपेयशतस्य च ॥ ११६॥

yaḥ paṭhecchṛṇuyādvāpi sarvapāpaiḥ pramucyate |aśvamedhasahasrasya vājapeyaśatasya ca || 116||

पुण्डरीकायुतस्यापि फलं पाठात् प्रजायते ।पठतः सर्वभावेन सर्वाः स्युः सिद्धयः करे ॥ ११७॥

puṇḍarīkāyutasyāpi phalaṃ pāṭhāt prajāyate |paṭhataḥ sarvabhāvena sarvāḥ syuḥ siddhayaḥ kare || 117||

जायते महदैश्वर्यं सर्वेषां दयितो भवेत् ।धनसारायते वह्निरगाधोऽब्धिः कणायते ॥ ११८॥

jāyate mahadaiśvaryaṃ sarveṣāṃ dayito bhavet |dhanasārāyate vahniragādho'bdhiḥ kaṇāyate || 118||

सिद्धयश्च तृणायन्ते विषमप्यमृतायते ।हारायन्ते महासर्पाः सिंहः क्रीडामृगायते ॥ ११९॥

siddhayaśca tṛṇāyante viṣamapyamṛtāyate |hārāyante mahāsarpāḥ siṃhaḥ krīḍāmṛgāyate || 119||

दासायन्ते महीपाला जगन्मित्रायतेऽखिलम् ।तस्मान्नाम्नां सहस्रेण स्तुता सा जगदम्बिका ।प्रयच्छत्यखिलान् कामान् देहान्ते परमां गतिम् ॥ १२०॥

dāsāyante mahīpālā jaganmitrāyate'khilam |tasmānnāmnāṃ sahasreṇa stutā sā jagadambikā |prayacchatyakhilān kāmān dehānte paramāṃ gatim || 120||

॥ इति उड्डामरतन्त्रान्तर्गतं श्रीआदिवाराहीसहस्रनामस्तोत्रं सम्पूर्णम् ॥

|| iti uḍḍāmaratantrāntargataṃ śrīādivārāhīsahasranāmastotraṃ sampūrṇam ||