षोढोपनिषत् Shodha Upanishad

अथाह वै श्म शवः शानं शयनं शवानां शयनं श्मशानंतदधिष्ठानो महाकालस्तत्पर्यङ्कसमासीनां विश्वव्यापकरूपिणींकालीं कालादिसन्त्रासात् कालीं चतुर्युगाधिष्ठात्रीं स्वस्मिन् भाव्यषोढां न्यसेत् । स्थानशुद्धिन्यासं विधाय षोढां न्यसेत् । अथषोढान्यासी षट्कालित्वं गच्छति । सेयं षट्कला परा परात्परापरात्परातीता चित्परा चित्परात्परा चित्परात्परातीता । षण्णां योगेषोढा भवेत् । वैष्णवकलायुक्तां मातृकायुक्तां वैष्णवीं न्यसेदितिप्रथमः । स परारूपो भवेत् । स भूमिं जयति । स शक्तिरूपोभवेत् । अथ वै कामकलापुटितां श्रीकलां श्रीकलापुटितां कामकलांलिपिस्थाने न्यसेत् । द्वितीयारूपो भवेत् । सोऽमृतत्वं गच्छति ।स जलं तरतीति यज्ञे गीर्णं भवति । आदिकलापुटितां श्रीकलांश्रीकलापुटितामादिकलां मातृस्थाने न्यसेत् । स सिद्धीश्वरो भवेत् ।स वह्निं जयति । दिवारात्रिव्यापी भवेत् । कूर्चं चन्द्रं कूर्चंचन्द्रमन्तर्दृष्टिमद्दीपनमन्त्रं राज्ञीपुटितमेतेन पुटितां राज्ञींन्यसेत् । स खेचरो भवेत् । स वायुपुरगामी भवेत् । स कलावान् भवेत् ।चतुर्थीरूपो भवेत् । अनुलोमविलोमेन मूलमन्त्रं केवलं न्यसेत् ।विद्यान्यासरूपो भवेत् । सर्वं जयति । स पञ्चमीरूपो भवेत् ।स चाकाशं जयति । अष्टोत्तरशतानुलोमविलोमाकृतिक्रमेण देवतांव्यापयेत् । स ध्वनिरूपो भवेत् । सर्वं जयति । सर्वं जरति ।महापातकोपपातकानि तरति । वयःस्थैर्यकरो भवेत् । अष्टसिद्धिदाताभवेत् । तद्दर्शनेन देवत्वं भवेत् । षष्ठीकलावान् भवेत् ।विश्वरूपो भवेत् । यं पश्यति तं शिवं कुरुते । नमस्कारान्मूर्तिस्फोटोभवेत् । स गारूपनाशको भवेत् । स महेन्द्रजालदर्शको भवेत् ।तद्दर्शनात् सिद्धीश्वरो भवेत् । पुटिति छिन्नाकल्पामुग्रायामङ्गषोढांन्यसेत् । तत्स्पर्शादष्टलोहस्पर्शो भवेत् । शक्तिकुण्डे जिह्वां नाडींवा न्यस्य यो जपेत् स कालीरूपो भवेत् । इति शिवम् ॥(शाक्तौपनिषदः)

athāha vai śma śavaḥ śānaṃ śayanaṃ śavānāṃ śayanaṃ śmaśānaṃtadadhiṣṭhāno mahākālastatparyaṅkasamāsīnāṃ viśvavyāpakarūpiṇīṃkālīṃ kālādisantrāsāt kālīṃ caturyugādhiṣṭhātrīṃ svasmin bhāvyaṣoḍhāṃ nyaset | sthānaśuddhinyāsaṃ vidhāya ṣoḍhāṃ nyaset | athaṣoḍhānyāsī ṣaṭkālitvaṃ gacchati | seyaṃ ṣaṭkalā parā parātparāparātparātītā citparā citparātparā citparātparātītā | ṣaṇṇāṃ yogeṣoḍhā bhavet | vaiṣṇavakalāyuktāṃ mātṛkāyuktāṃ vaiṣṇavīṃ nyaseditiprathamaḥ | sa parārūpo bhavet | sa bhūmiṃ jayati | sa śaktirūpobhavet | atha vai kāmakalāpuṭitāṃ śrīkalāṃ śrīkalāpuṭitāṃ kāmakalāṃlipisthāne nyaset | dvitīyārūpo bhavet | so'mṛtatvaṃ gacchati |sa jalaṃ taratīti yajñe gīrṇaṃ bhavati | ādikalāpuṭitāṃ śrīkalāṃśrīkalāpuṭitāmādikalāṃ mātṛsthāne nyaset | sa siddhīśvaro bhavet |sa vahniṃ jayati | divārātrivyāpī bhavet | kūrcaṃ candraṃ kūrcaṃcandramantardṛṣṭimaddīpanamantraṃ rājñīpuṭitametena puṭitāṃ rājñīṃnyaset | sa khecaro bhavet | sa vāyupuragāmī bhavet | sa kalāvān bhavet |caturthīrūpo bhavet | anulomavilomena mūlamantraṃ kevalaṃ nyaset |vidyānyāsarūpo bhavet | sarvaṃ jayati | sa pañcamīrūpo bhavet |sa cākāśaṃ jayati | aṣṭottaraśatānulomavilomākṛtikrameṇa devatāṃvyāpayet | sa dhvanirūpo bhavet | sarvaṃ jayati | sarvaṃ jarati |mahāpātakopapātakāni tarati | vayaḥsthairyakaro bhavet | aṣṭasiddhidātābhavet | taddarśanena devatvaṃ bhavet | ṣaṣṭhīkalāvān bhavet |viśvarūpo bhavet | yaṃ paśyati taṃ śivaṃ kurute | namaskārānmūrtisphoṭobhavet | sa gārūpanāśako bhavet | sa mahendrajāladarśako bhavet |taddarśanāt siddhīśvaro bhavet | puṭiti chinnākalpāmugrāyāmaṅgaṣoḍhāṃnyaset | tatsparśādaṣṭalohasparśo bhavet | śaktikuṇḍe jihvāṃ nāḍīṃvā nyasya yo japet sa kālīrūpo bhavet | iti śivam ||(śāktaupaniṣadaḥ)

इत्याथर्वणे सौभाग्यकाण्डे षोढोपनिषत् समाप्ता ।

ityātharvaṇe saubhāgyakāṇḍe ṣoḍhopaniṣat samāptā |