अनन्तशक्तिस्तवः Anantashakti Stava

प्रसान्तपदतः स्वतः स्फुरति येयमाद्यप्रभासमतगुणगर्भिणी विविधमन्त्रवर्णाम्बिका ।निरुत्तरचमत्कृतिप्रसरसारसम्बोधिकाजयत्यगमजा त्रिधा त्रिपुरसुन्दरी साव्यया ॥ १॥

prasāntapadataḥ svataḥ sphurati yeyamādyaprabhāsamataguṇagarbhiṇī vividhamantravarṇāmbikā |niruttaracamatkṛtiprasarasārasambodhikājayatyagamajā tridhā tripurasundarī sāvyayā || 1||

इच्छाज्ञानक्रियाख्यं त्रितयमिह परं वाग्भवादिक्रमौघैर्या देवी निर्विभागा परमशिवपदा स्फारयन्ती नितान्तम् ।स्वातन्त्र्योल्लासवृत्तिर्निरवधिविभवा निर्मला निर्णयेता (निर्णयेदा)वर्णावर्णकारस्फुरित्तनुलता सा ज्यत्याद्यशक्तिः ॥ २॥

icchājñānakriyākhyaṃ tritayamiha paraṃ vāgbhavādikramaughairyā devī nirvibhāgā paramaśivapadā sphārayantī nitāntam |svātantryollāsavṛttirniravadhivibhavā nirmalā nirṇayetā (nirṇayedā)varṇāvarṇakārasphurittanulatā sā jyatyādyaśaktiḥ || 2||

वर्गैरष्टभिराकृतिस्तनगतिः शीर्षांसहृत्पृष्ठगैर्गुह्याङ्घ्रिक्रमनिष्ठितस्तव सदा ज्ञानप्रतानप्रदा ।चिद्रूपा परमा विभाति नितरां देव्यक्षगाक्षाश्रयापीठाज्ञानिलया त्रिमूर्तिवसतिः कोलापहा कौळिनी ॥ ३॥

vargairaṣṭabhirākṛtistanagatiḥ śīrṣāṃsahṛtpṛṣṭhagairguhyāṅghrikramaniṣṭhitastava sadā jñānapratānapradā |cidrūpā paramā vibhāti nitarāṃ devyakṣagākṣāśrayāpīṭhājñānilayā trimūrtivasatiḥ kolāpahā kauḷinī || 3||

निरुत्तरेच्छोभयसामरस्याद्या मूर्तिराद्या प्रविभाति दीप्ता ।आनन्ददाहार्धकलार्धगर्भातां नौमि शृङ्गाटवरासनस्थाम् ॥ ४॥

niruttarecchobhayasāmarasyādyā mūrtirādyā pravibhāti dīptā |ānandadāhārdhakalārdhagarbhātāṃ naumi śṛṅgāṭavarāsanasthām || 4||

हुतवहरविसोमब्रह्मचक्रान्तरालेस्फुरति निरवकाशा शम्भुशक्तिः स्वतन्त्रा ।सकलभुवनवर्गं पूरयन्ती स्वभाभिःपरमशिवधराद्या भिन्नमूर्तिं नुमस्ताम् ॥ ५॥ (नमस्ताम्)

hutavaharavisomabrahmacakrāntarālesphurati niravakāśā śambhuśaktiḥ svatantrā |sakalabhuvanavargaṃ pūrayantī svabhābhiḥparamaśivadharādyā bhinnamūrtiṃ numastām || 5|| (namastām)

ब्रह्मव्योम्नो विकसितगतिः शक्तिराद्या स्फुरन्तीमायागर्भे समरसतया व्यक्तरूपं विधाय ।त्यक्त्वा भूमिं भरितभुवना जन्मसंंज्ञां सुसूक्ष्मप्राणोद्धातैः शिखिशितमुखा मोहिनी ग्रन्थिसक्ताम् ॥ ६॥

brahmavyomno vikasitagatiḥ śaktirādyā sphurantīmāyāgarbhe samarasatayā vyaktarūpaṃ vidhāya |tyaktvā bhūmiṃ bharitabhuvanā janmasaṃṃjñāṃ susūkṣmaprāṇoddhātaiḥ śikhiśitamukhā mohinī granthisaktām || 6||

प्रोल्लङ्घ्याशु प्रततहृदयव्योमधामाव्ययाभास्वैरं प्राप्य क्षपितकलना या महानादवृत्तिः ।नित्या देवी निरवधिलसद्वाग्विलासप्रपञ्चस्फूर्त्युद्दामग्रथितरचनाहेतुभूतां नुमस्ताम् ॥ ७॥

prollaṅghyāśu pratatahṛdayavyomadhāmāvyayābhāsvairaṃ prāpya kṣapitakalanā yā mahānādavṛttiḥ |nityā devī niravadhilasadvāgvilāsaprapañcasphūrtyuddāmagrathitaracanāhetubhūtāṃ numastām || 7||

भूयस्ततोऽपि हृदयार्धकलाकृतिर्याशक्तिः परा निरवधि करवा विरौति ।प्राणप्रवृत्तिशमतः परभृमिमप्तावक्त्रातिगा वितततुर्यनमःस्वरूपा ॥ ८॥ (वितततुर्यनभःस्वरूपा)

bhūyastato'pi hṛdayārdhakalākṛtiryāśaktiḥ parā niravadhi karavā virauti |prāṇapravṛttiśamataḥ parabhṛmimaptāvaktrātigā vitataturyanamaḥsvarūpā || 8|| (vitataturyanabhaḥsvarūpā)

तां नौम्यनन्तविभवां भुवनालिवर्तिमत्ताङ्गनाहृदयमोहनदक्षलक्षाम् ।देवीं परां त्रिपुरसुन्दरिनामधेयांसर्वाभिलाषपरिपूरणकल्पवल्लीम् ॥ ९॥

tāṃ naumyanantavibhavāṃ bhuvanālivartimattāṅganāhṛdayamohanadakṣalakṣām |devīṃ parāṃ tripurasundarināmadheyāṃsarvābhilāṣaparipūraṇakalpavallīm || 9||

बिन्दुं विगाह्य परमामृतसारवर्षावेगाद् विमुच्य परितः कपिलावनिस्थाम् ।हार्धाकृतिप्रबलवह्निसहस्रदीप्तामायाविमोहविल्याच्छिवधामखस्था ॥ १०॥

binduṃ vigāhya paramāmṛtasāravarṣāvegād vimucya paritaḥ kapilāvanisthām |hārdhākṛtiprabalavahnisahasradīptāmāyāvimohavilyācchivadhāmakhasthā || 10||

शक्तिः परा जयति सा परमा विभेदवृत्त्या जगत्सुखचरं वचसामगम्यम् ।आसाद्य सत्सु वितनोति विमुक्तिलक्ष्मींयस्याः स्मृते च लयमेति विषं त्रिधोत्थम् ॥ ११॥

śaktiḥ parā jayati sā paramā vibhedavṛttyā jagatsukhacaraṃ vacasāmagamyam |āsādya satsu vitanoti vimuktilakṣmīṃyasyāḥ smṛte ca layameti viṣaṃ tridhottham || 11||

इत्थं देव्या निरवधि महः सर्वादिक्कं विभातित्रेधा मान्त्रं सततविततं कामचारक्रमेण ।ऋद्धिं सिद्धिं निरुपममहामोक्षकक्ष्यामपीहप्रस्फार्याशु स्वकुळपद्गं यस्य सम्यक् स मुक्तः ॥ १२॥

itthaṃ devyā niravadhi mahaḥ sarvādikkaṃ vibhātitredhā māntraṃ satatavitataṃ kāmacārakrameṇa |ṛddhiṃ siddhiṃ nirupamamahāmokṣakakṣyāmapīhaprasphāryāśu svakuḷapadgaṃ yasya samyak sa muktaḥ || 12||

शाक्तेन बीजेन विकास्य शक्तिमिच्छात्मिका या विषमत्ति सर्वम् ।उन्मीलयन्ती भुवनान्यभेदरूपाणि गर्भे तु नमाम्यहं ताम् ॥ १३॥

śāktena bījena vikāsya śaktimicchātmikā yā viṣamatti sarvam |unmīlayantī bhuvanānyabhedarūpāṇi garbhe tu namāmyahaṃ tām || 13||

नैरञ्जनं धाम परं नितान्तंविकासयन्ती सदसद्विहीनम् ।चक्राश्रयादिक्रमविक्रमौधसंहारिणीं नौमि चितिं स्वतन्त्राम् ॥ १४॥

nairañjanaṃ dhāma paraṃ nitāntaṃvikāsayantī sadasadvihīnam |cakrāśrayādikramavikramaudhasaṃhāriṇīṃ naumi citiṃ svatantrām || 14||

कामाख्यबीजेन चितिं क्रियाख्यांप्रोल्लास विश्वं वमनात् समग्राम् ।करोति नित्यं निजबीजवृत्तिमाहात्म्यतो या ग्रणमाम्यहं ताम् ॥ १५॥

kāmākhyabījena citiṃ kriyākhyāṃprollāsa viśvaṃ vamanāt samagrām |karoti nityaṃ nijabījavṛttimāhātmyato yā graṇamāmyahaṃ tām || 15||

आद्येन बीजेन सदेव देवी (सदैव)ज्ञानाभिधां शक्तिमिहामिताभाम् ।विष्फार्य गङ्गाजलवीचिविद्या (वीचिवद्या)तनोति काव्यं रुचिरं नुमस्ताम् ॥ १६॥

ādyena bījena sadeva devī (sadaiva)jñānābhidhāṃ śaktimihāmitābhām |viṣphārya gaṅgājalavīcividyā (vīcivadyā)tanoti kāvyaṃ ruciraṃ numastām || 16||

ब्राह्मे बिले हृद्भुवि नाभिधाम्नियद्वर्णभङ्गिर्नितरां विभाति ।तां नौमि देवीं परनादशक्तिंप्रोल्लासरूपां त्रिपुरां त्रिमार्गाम् ॥ १७॥

brāhme bile hṛdbhuvi nābhidhāmniyadvarṇabhaṅgirnitarāṃ vibhāti |tāṃ naumi devīṃ paranādaśaktiṃprollāsarūpāṃ tripurāṃ trimārgām || 17||

स्फटिकमणिनिभं यच्छक्तिबीजं करन्ध्रेप्रभवति परसंविद्याभिनीनाथरूपम् ।अमृतनिकरधारासारमुच्चैर्विमुच्यप्रततकुलकलापव्यापकं तत् प्रपद्ये ॥ १८॥

sphaṭikamaṇinibhaṃ yacchaktibījaṃ karandhreprabhavati parasaṃvidyābhinīnātharūpam |amṛtanikaradhārāsāramuccairvimucyapratatakulakalāpavyāpakaṃ tat prapadye || 18||

अभिनवदिननाथप्रस्फुरत्कान्तिवर्णंहृदयगगनधाम्नि भ्राजते यत् सदैव ।तदिह कुसुमचापस्फारकं कामराजंभवति निखिलकान्तासन्ततेर्ध्यानयोगात् ॥ १९॥

abhinavadinanāthaprasphuratkāntivarṇaṃhṛdayagaganadhāmni bhrājate yat sadaiva |tadiha kusumacāpasphārakaṃ kāmarājaṃbhavati nikhilakāntāsantaterdhyānayogāt || 19||

कुसुमविशिखवर्णैः पञ्चभिः साध्यनामस्फुरदनुपमनादस्फारमाविश्य सम्यक् ।वृतमिह नितरां यत् कामराजोदरस्थंकतिपयदिनपूजाध्यानतः क्षुभ्यते तत् ॥ २०॥

kusumaviśikhavarṇaiḥ pañcabhiḥ sādhyanāmasphuradanupamanādasphāramāviśya samyak |vṛtamiha nitarāṃ yat kāmarājodarasthaṃkatipayadinapūjādhyānataḥ kṣubhyate tat || 20||

कुळगगनपदान्तर्दिव्यलिङ्गाग्रभागेप्रभवति परबीजं वाग्भवं विद्युदाभम् ।यदिह विविधविद्याद्योतकं ध्यानगम्यंजयति निरुपरागं तत् परं विश्वरूपम् ॥ २१॥

kuḷagaganapadāntardivyaliṅgāgrabhāgeprabhavati parabījaṃ vāgbhavaṃ vidyudābham |yadiha vividhavidyādyotakaṃ dhyānagamyaṃjayati niruparāgaṃ tat paraṃ viśvarūpam || 21||

वाग्भावाद्यैः स्फुरदमितभाभास्वरैः षट्प्रकारैर्दिव्यं मान्त्रं वपुरनुपमं तावकं ये विदन्ति ।तेषां देवि! त्वमपि परमां सिद्धिमुच्चैर्ददासिस्थूलं सूक्ष्मं परमथ महाध्यानमाश्रित्य मातः ॥ २२॥

vāgbhāvādyaiḥ sphuradamitabhābhāsvaraiḥ ṣaṭprakārairdivyaṃ māntraṃ vapuranupamaṃ tāvakaṃ ye vidanti |teṣāṃ devi! tvamapi paramāṃ siddhimuccairdadāsisthūlaṃ sūkṣmaṃ paramatha mahādhyānamāśritya mātaḥ || 22||

इति जननि तवेदं दिव्यमन्त्राक्षराणांनिगदितमनुपाधि ध्यानमध्यात्मदृष्ट्या ।गुरुवरपरवक्त्रस्फारसत्सम्प्रदायात्प्रभवति निजचित्ते यस्य सम्यक् स सिद्धः ॥ २३॥

iti janani tavedaṃ divyamantrākṣarāṇāṃnigaditamanupādhi dhyānamadhyātmadṛṣṭyā |guruvaraparavaktrasphārasatsampradāyātprabhavati nijacitte yasya samyak sa siddhaḥ || 23||

इत्थं त्वदिच्छोच्चलिता त्रिधेयंवर्णोज्झितं वार्णमिदं स्वरूपम् ।प्रकाशयन्ती परचिद्विकासप्रोल्लासितं या प्रणमाम्यहं ताम् ॥ २४॥

itthaṃ tvadicchoccalitā tridheyaṃvarṇojjhitaṃ vārṇamidaṃ svarūpam |prakāśayantī paracidvikāsaprollāsitaṃ yā praṇamāmyahaṃ tām || 24||

जयत्रयं गौणमथाविरूपं (जगत्त्रय्ं)धामाभिधं कारणसंज्ञितं च ।चक्रादिकं तात्विकमप्यनन्तख्याप्येत्थमाशु प्रथिता खतो या ॥ २५॥

jayatrayaṃ gauṇamathāvirūpaṃ (jagattrayṃ)dhāmābhidhaṃ kāraṇasaṃjñitaṃ ca |cakrādikaṃ tātvikamapyanantakhyāpyetthamāśu prathitā khato yā || 25||

त्रिधा त्रिधेदं तु विकास्य विश्वंसर्वादिगानुत्तरचिद् विभाति ।सदात्मना प्रच्युतवृत्तिरुच्चैःस्थितेह तां नौमि परां भवानीम् ॥ २६॥

tridhā tridhedaṃ tu vikāsya viśvaṃsarvādigānuttaracid vibhāti |sadātmanā pracyutavṛttiruccaiḥsthiteha tāṃ naumi parāṃ bhavānīm || 26||

विश्वं सर्वं समरसतया व्यक्तमन्तर्विधत्तेद्विव्योमाङ्काकुलितविभवा याम्बिका सा निरुक्ता ।सम्प्रत्येषा शिततरमुखा बीजभावं स्वतन्त्राशक्तिर्वामा प्रथमहकलाकारमाप्ताङ्कुरत्वम् ॥ २७॥

viśvaṃ sarvaṃ samarasatayā vyaktamantarvidhattedvivyomāṅkākulitavibhavā yāmbikā sā niruktā |sampratyeṣā śitataramukhā bījabhāvaṃ svatantrāśaktirvāmā prathamahakalākāramāptāṅkuratvam || 27||

कौण्डिल्येव प्रभवति शिखाकारमाश्रित्य दीप्ताज्येष्ठा दण्डाकृतिरिव कला दर्शिता शास्त्रदृष्ट्या ।रौद्री रौद्रा त्रिजगदखिलं भासयन्ती त्रिकोणात्वं देव्येव त्रिदशनभिते भासनन्तैकतैव ॥ २८॥ (भासनन्तैकदैव)

kauṇḍilyeva prabhavati śikhākāramāśritya dīptājyeṣṭhā daṇḍākṛtiriva kalā darśitā śāstradṛṣṭyā |raudrī raudrā trijagadakhilaṃ bhāsayantī trikoṇātvaṃ devyeva tridaśanabhite bhāsanantaikataiva || 28|| (bhāsanantaikadaiva)

आभिः कलाभिरभितो निजरूपमत्रप्रस्फार्य वर्णरचनामवलम्ब्य देवि! ।सन्मन्त्रतन्त्रवरविश्वविभागचित्रंसंविन्नयस्यखिलमात्मरुचो विभिन्नम् ॥ २९॥

ābhiḥ kalābhirabhito nijarūpamatraprasphārya varṇaracanāmavalambya devi! |sanmantratantravaraviśvavibhāgacitraṃsaṃvinnayasyakhilamātmaruco vibhinnam || 29||

नामरूपकलनाकुलं प्रियेस्वैरतात्र कुलनायिके कुलम् ।आश्रितार्थमगुणं कुळक्रमंकौळ्यते कमपि चेष्टितं त्विदम् ॥ ३०॥

nāmarūpakalanākulaṃ priyesvairatātra kulanāyike kulam |āśritārthamaguṇaṃ kuḷakramaṃkauḷyate kamapi ceṣṭitaṃ tvidam || 30||

प्रकाशधर्मा भगवान् महेशोयया विना भाति न कुत्रचिच्च ।यद्वीर्यविज्ञानविकासयोगाद्विश्वोदयाभासनिरासकृत्यै ॥ ३१॥

prakāśadharmā bhagavān maheśoyayā vinā bhāti na kutracicca |yadvīryavijñānavikāsayogādviśvodayābhāsanirāsakṛtyai || 31||

कर्ता विभुर्भेदविभागमुक्तःसत्तां विगाह्य प्रथते सदैव ।तां नौमि शक्तिं त्रिपुराभिधानांमहाविमर्शोदयवृत्तिरूपाम् ॥ ३२॥

kartā vibhurbhedavibhāgamuktaḥsattāṃ vigāhya prathate sadaiva |tāṃ naumi śaktiṃ tripurābhidhānāṃmahāvimarśodayavṛttirūpām || 32||

एका या पञ्चशक्तिक्रमपरहुतभुग्युग्मयुग्मैक्यवृत्तौशार्वी सन्मण्डलेऽन्तः प्रभवति सततं योनिभिस्त्र्युत्तराभिः ।चत्वारिंशद्भिरुच्चैरकृतकरचनाराञ्जिते दिव्यपद्मद्वन्द्वाङ्के द्वारतुर्यं दिशतु जगति शं चक्रदेवीयुता सा ॥ ३३॥

ekā yā pañcaśaktikramaparahutabhugyugmayugmaikyavṛttauśārvī sanmaṇḍale'ntaḥ prabhavati satataṃ yonibhistryuttarābhiḥ |catvāriṃśadbhiruccairakṛtakaracanārāñjite divyapadmadvandvāṅke dvāraturyaṃ diśatu jagati śaṃ cakradevīyutā sā || 33||

प्राणो वह्निरिहोच्यते प्रळयकृज्जन्मादिशीर्पान्तगःप्रोन्मेषः क्षितितुर्थमारुतमहाभूतान्तसत्ताश्रयः ।शक्तिः शाम्भवधामतस्त्वनवधिः सृष्टिक्रमप्रोदिताकादिक्षान्तगता सदेति गुरुतो ज्ञात्वामरत्वं यजेत् ॥ ३४॥

prāṇo vahnirihocyate praḷayakṛjjanmādiśīrpāntagaḥpronmeṣaḥ kṣititurthamārutamahābhūtāntasattāśrayaḥ |śaktiḥ śāmbhavadhāmatastvanavadhiḥ sṛṣṭikramaproditākādikṣāntagatā sadeti guruto jñātvāmaratvaṃ yajet || 34||

अग्निरूर्ध्वगतिर्नॄणां वपुः संहर्तुमुद्गतः ।शक्तिः सामृतवर्षेण तं विलाप्य ततः सृजेत् ॥ ३५॥

agnirūrdhvagatirnṝṇāṃ vapuḥ saṃhartumudgataḥ |śaktiḥ sāmṛtavarṣeṇa taṃ vilāpya tataḥ sṛjet || 35||

तस्मादकुळतः शक्तिं प्रसृतां भावयेद् बुधः ।तद्भावनातः सततं त्रिजगत् स्यादनश्वरम् ॥ ३६॥

tasmādakuḷataḥ śaktiṃ prasṛtāṃ bhāvayed budhaḥ |tadbhāvanātaḥ satataṃ trijagat syādanaśvaram || 36||

अपानधर्मा प्रतिभाति यस्याःपुरःस्थितं पूरकधामनिष्ठः ।गणाधिनाथः सकलान् विलाप्यसङ्कल्पविघ्नान् प्रणमाम्यहं ताम् ॥ ३७॥

apānadharmā pratibhāti yasyāḥpuraḥsthitaṃ pūrakadhāmaniṣṭhaḥ |gaṇādhināthaḥ sakalān vilāpyasaṅkalpavighnān praṇamāmyahaṃ tām || 37||

प्राणप्रवाहप्रचयस्वरूपोद्वाराग्रवर्ती बटुको विभाति ।वांह्योन्यवर्गौघनिपानसक्तो (वाह्यो?)यस्या नतोनं त्रिपुरेश्वरीं ताम् ॥ ३८॥

prāṇapravāhapracayasvarūpodvārāgravartī baṭuko vibhāti |vāṃhyonyavargaughanipānasakto (vāhyo?)yasyā natonaṃ tripureśvarīṃ tām || 38||

सुधाब्धिमुख्यं प्रविभाति यस्याःषोढासनं चक्रकलात्मिकायाम् ।तां विश्वरूपां प्रणमाम्यनल्पप्रोन्मेषरूपां त्रिपुरां त्रिमार्गाम् ॥ ३९॥

sudhābdhimukhyaṃ pravibhāti yasyāḥṣoḍhāsanaṃ cakrakalātmikāyām |tāṃ viśvarūpāṃ praṇamāmyanalpapronmeṣarūpāṃ tripurāṃ trimārgām || 39||

त्र्यश्रमध्यगगनोदरोदितासर्वचक्रविभवौघनायिका ।तुर्यरूपमत्रगाह्य भाति यातां परां त्रिपुरसुन्दरीं नुमः ॥ ४०॥

tryaśramadhyagaganodaroditāsarvacakravibhavaughanāyikā |turyarūpamatragāhya bhāti yātāṃ parāṃ tripurasundarīṃ numaḥ || 40||

ओड्डियाणपरपीठसंश्रयंसंश्रिता निरवकाशधर्मिणी ।निर्विकल्पपरधामचारिणीया कलामयमहं नतोऽस्मि ताम् ॥ ४१॥

oḍḍiyāṇaparapīṭhasaṃśrayaṃsaṃśritā niravakāśadharmiṇī |nirvikalpaparadhāmacāriṇīyā kalāmayamahaṃ nato'smi tām || 41||

सर्वज्ञताद्यानि वराणि भान्तियस्याः सदाङ्गानि हृदादिकानि ।तां नौमि देवीं परिबोधधामस्पन्दामरूपामिह वामकेशीम् ॥ ४२॥

sarvajñatādyāni varāṇi bhāntiyasyāḥ sadāṅgāni hṛdādikāni |tāṃ naumi devīṃ paribodhadhāmaspandāmarūpāmiha vāmakeśīm || 42||

इच्छादिशक्तित्रितयं क्रमेणकामेश्वरीमुख्यमिह त्रिकं च ।पीठत्रयाकारमये त्रिकोणेचकास्ति यस्याः प्रणमाम्यहं ताम् ॥ ४३॥

icchādiśaktitritayaṃ krameṇakāmeśvarīmukhyamiha trikaṃ ca |pīṭhatrayākāramaye trikoṇecakāsti yasyāḥ praṇamāmyahaṃ tām || 43||

रुद्रस्य विष्णोः कमलोद्भवस्यपरस्य च ब्रह्मतनोः शिवस्य ।एकैव शक्तिः प्रतिभाति नित्यंनिजेच्छया जन्मपदे च शुद्धाम् ॥ ४४॥

rudrasya viṣṇoḥ kamalodbhavasyaparasya ca brahmatanoḥ śivasya |ekaiva śaktiḥ pratibhāti nityaṃnijecchayā janmapade ca śuddhām || 44||

शब्दादितन्मात्रवपुर्महोग्रंयस्याः पुरोवर्ति महः समिद्धम् ।अस्त्राष्टकं चैव परान्तराळेविराजते तां प्रणमामि देवीम् ॥ ४५॥

śabdāditanmātravapurmahograṃyasyāḥ purovarti mahaḥ samiddham |astrāṣṭakaṃ caiva parāntarāḷevirājate tāṃ praṇamāmi devīm || 45||

चक्रं वशिन्यादि पुरं महेश्यावर्गाष्टकाकार मनुस्वरूपम् ।चकास्ति यस्याः परितोऽष्टकोणेचक्रेश्वरीं तामिह नौमि नित्याम् ॥ ४६॥

cakraṃ vaśinyādi puraṃ maheśyāvargāṣṭakākāra manusvarūpam |cakāsti yasyāḥ parito'ṣṭakoṇecakreśvarīṃ tāmiha naumi nityām || 46||

ततो दशारं हुतभुक्कलात्मसर्वज्ञदेवीप्रमुखं तु चक्रम् ।अव्यक्तरूपं प्रविभाति यस्यास्तां सूक्ष्मनादां गणमामि नित्याम् ॥ ४७॥

tato daśāraṃ hutabhukkalātmasarvajñadevīpramukhaṃ tu cakram |avyaktarūpaṃ pravibhāti yasyāstāṃ sūkṣmanādāṃ gaṇamāmi nityām || 47||

द्विपञ्चकोणेऽथ विभाति दीप्तंचक्रं द्वितीये दहनांशुरूपम् ।सिद्धिप्रदादिप्रमुखं तु यस्याव्यक्तं पुरस्तात् त्रिपुरां भजे ताम् ॥ ४८॥

dvipañcakoṇe'tha vibhāti dīptaṃcakraṃ dvitīye dahanāṃśurūpam |siddhipradādipramukhaṃ tu yasyāvyaktaṃ purastāt tripurāṃ bhaje tām || 48||

चतुर्दशारे कृतसुप्रतिष्टंसङ्क्षोभिणीमुख्यमिहार्क चक्रम् ।अन्तर्बहीरूपकलाद्वयेनयुक्तं तु यस्याः सततं नुमस्ताम् ॥ ४९॥

caturdaśāre kṛtasupratiṣṭaṃsaṅkṣobhiṇīmukhyamihārka cakram |antarbahīrūpakalādvayenayuktaṃ tu yasyāḥ satataṃ numastām || 49||

पद्मे ऽष्टपत्रे स्थितमष्टधोत्थंचक्रं तु पुर्यष्टकभेदभिन्नम् ।उर्व्याद्यहङ्कारमयरत्वनङ्गपुष्पादिकं यत्पुरगं नुमस्ताम् ॥ ५०॥

padme 'ṣṭapatre sthitamaṣṭadhotthaṃcakraṃ tu puryaṣṭakabhedabhinnam |urvyādyahaṅkāramayaratvanaṅgapuṣpādikaṃ yatpuragaṃ numastām || 50||

द्विरष्टपत्रे जलजेऽन्तराळेशीतांशुरश्मिप्रविभक्तगात्रम् ।कामाभिधामुख्यभिहोदितं तुयस्याश्चितेस्तामिह नौमि नित्याम् ॥ ५१॥

dviraṣṭapatre jalaje'ntarāḷeśītāṃśuraśmipravibhaktagātram |kāmābhidhāmukhyabhihoditaṃ tuyasyāścitestāmiha naumi nityām || 51||

बाह्यनिष्ठचतुरश्रसंस्थितामातरोऽष्टककलात्मिका इमाः ।व्यक्तवर्गतनवो यदङ्गनास्तां नमामि पररावचारिणी ॥ ५२॥

bāhyaniṣṭhacaturaśrasaṃsthitāmātaro'ṣṭakakalātmikā imāḥ |vyaktavargatanavo yadaṅganāstāṃ namāmi pararāvacāriṇī || 52||

त्र्यश्रादिचक्रनिवहे प्रथितां सदैवंचक्रेश्वरीचयमये स्वयमेव देवी ॥निर्धामधामविभत्रा परमेशधाम्नियेयं विराजितवपुः स्वचितिं नुमस्ताम् ॥ ५३॥

tryaśrādicakranivahe prathitāṃ sadaivaṃcakreśvarīcayamaye svayameva devī ||nirdhāmadhāmavibhatrā parameśadhāmniyeyaṃ virājitavapuḥ svacitiṃ numastām || 53||

मुद्राभिरु च्चैर्दशभिः स्वधामरूपाभिराशु प्रविभात्यमेया ।त्रिखण्डमुद्रादिमयीभिराद्यायेयं चितिस्तां प्रणमामि नित्याम् ॥ ५४॥

mudrābhiru ccairdaśabhiḥ svadhāmarūpābhirāśu pravibhātyameyā |trikhaṇḍamudrādimayībhirādyāyeyaṃ citistāṃ praṇamāmi nityām || 54||

मोदयन्ति स्वचित्स्फारैर्द्रावयन्ति मलानि याः ।मुदं रान्ति च मुद्राख्याः ख्यातास्ता इह शक्तयः ॥ ५५॥

modayanti svacitsphārairdrāvayanti malāni yāḥ |mudaṃ rānti ca mudrākhyāḥ khyātāstā iha śaktayaḥ || 55||

एकैव या पूजनवैभवेन नानाविचित्रेण बहुप्रकारम् ।विष्फार्य रूपं निजमप्रमेयं विराजते तां प्रणतोऽस्मि देवीम् ॥ ५६॥

ekaiva yā pūjanavaibhavena nānāvicitreṇa bahuprakāram |viṣphārya rūpaṃ nijamaprameyaṃ virājate tāṃ praṇato'smi devīm || 56||

प्रोद्दामपूजाक्रमभेदभङ्गयाया प्रोद्गता व्युत्क्रमतः समन्तात् ।निजस्वरूपप्रतिपादनायतां नौमि देवी गुरुमूर्तिमाप्ताम् ॥ ५७॥

proddāmapūjākramabhedabhaṅgayāyā prodgatā vyutkramataḥ samantāt |nijasvarūpapratipādanāyatāṃ naumi devī gurumūrtimāptām || 57||

चिद्विमर्शवपुषो निरन्तरारश्मयस्त्रिपुरसुन्दरीह ये ।भान्ति ते परशिवाम्बरप्रभामण्डलं तदिह धाम वाचकम् ॥ ५८॥

cidvimarśavapuṣo nirantarāraśmayastripurasundarīha ye |bhānti te paraśivāmbaraprabhāmaṇḍalaṃ tadiha dhāma vācakam || 58||

रेखाक्रमो भाति विचित्रवृत्तिर्योऽयं स्वशक्तिप्रसरप्रभेदः ।एकस्य चिद्व्योमतनोरनेकस्तथैव सा सद्धृदि पोस्फुरीति ॥ ५९॥

rekhākramo bhāti vicitravṛttiryo'yaṃ svaśaktiprasaraprabhedaḥ |ekasya cidvyomatanoranekastathaiva sā saddhṛdi posphurīti || 59||

बालभानुसदृशेन मूर्तिमद्वैभवेन निजमान्तरं महः ।दर्शयत्यमितबोधबृंहितंसर्वदिक्कमिह या नतोऽस्मि ताम् ॥ ६०॥

bālabhānusadṛśena mūrtimadvaibhavena nijamāntaraṃ mahaḥ |darśayatyamitabodhabṛṃhitaṃsarvadikkamiha yā nato'smi tām || 60||

एकेन या वक्त्रवरेण देवीसर्वोदयं सर्वविकल्पमुक्तम् ।सत्सूचयन्ती परभक्तिभाजांत्वां शक्तिमानन्दतनुं नमामि ॥ ६१॥

ekena yā vaktravareṇa devīsarvodayaṃ sarvavikalpamuktam |satsūcayantī parabhaktibhājāṃtvāṃ śaktimānandatanuṃ namāmi || 61||

नेत्रत्रयेणेह सदा भवानीया जागरादिप्रभवात्मकेन ।ज्ञेयादिरूपं त्रिजगत्प्रपञ्चंसंलक्षयन्ती प्रणमाम्यहं ताम् ॥ ६२॥

netratrayeṇeha sadā bhavānīyā jāgarādiprabhavātmakena |jñeyādirūpaṃ trijagatprapañcaṃsaṃlakṣayantī praṇamāmyahaṃ tām || 62||

दोर्दण्डयुग्मद्वयसन्निवेशक्रमेण या वर्गचतुष्कमुच्चैः ।आवेशयन्त्याशु विचित्रमूर्तीस्तां नौमि नित्यां परमामवाच्याम् ॥ ६३॥

dordaṇḍayugmadvayasanniveśakrameṇa yā vargacatuṣkamuccaiḥ |āveśayantyāśu vicitramūrtīstāṃ naumi nityāṃ paramāmavācyām || 63||

दृगादिवृत्तिप्रचयस्वरूपंशरौ घमुच्चैरिह पञ्चधा या ।विभक्ति देवी नितरामनादि (भिनत्ति देवी)बोधैकमूर्तिः प्रणमाम्यहं ताम् ॥ ६४॥

dṛgādivṛttipracayasvarūpaṃśarau ghamuccairiha pañcadhā yā |vibhakti devī nitarāmanādi (bhinatti devī)bodhaikamūrtiḥ praṇamāmyahaṃ tām || 64||

चैतन्यविष्फारवपुर्बिभर्तिया कार्मुकं बुद्धिगुणेन युक्तम् ।तां नौमि देवीं परचित्प्रकाशरूपेश्वरा भिन्नविमर्शशक्तिम् ॥ ६५॥

caitanyaviṣphāravapurbibhartiyā kārmukaṃ buddhiguṇena yuktam |tāṃ naumi devīṃ paracitprakāśarūpeśvarā bhinnavimarśaśaktim || 65||

आकृष्य पाशेन समस्तदोषान्मोहादिकान् कौण्डलिविग्रहेण ।भिनत्ति यास्त्रेण महाङ्कुशाख्यरूपेण संहारकलामयेन ॥ ६६॥

ākṛṣya pāśena samastadoṣānmohādikān kauṇḍalivigraheṇa |bhinatti yāstreṇa mahāṅkuśākhyarūpeṇa saṃhārakalāmayena || 66||

तां नौमि देवीं कुळशून्यधाममध्योदितां कारणपञ्चकं च ।जन्मादिभूभ्यन्तरगं समन्ताद्विलापयन्तीमकुळामवाच्याम् ॥ ६७॥

tāṃ naumi devīṃ kuḷaśūnyadhāmamadhyoditāṃ kāraṇapañcakaṃ ca |janmādibhūbhyantaragaṃ samantādvilāpayantīmakuḷāmavācyām || 67||

या द्वादशान्तःस्थितशैवधामलब्धास्पदा कालकलाविमुक्ता ।तां नौमि देवीं परशून्यगर्भेशान्तां प्रशान्तं वपुरुद्वहन्तीम् ॥ ६८॥

yā dvādaśāntaḥsthitaśaivadhāmalabdhāspadā kālakalāvimuktā |tāṃ naumi devīṃ paraśūnyagarbheśāntāṃ praśāntaṃ vapurudvahantīm || 68||

स्वातन्त्र्यतन्त्रेण ततोऽपि**विकासवृत्तिं परमां विगाह्य ।चान्द्रं महामण्डलमप्रमेयंविद्राव्य तूर्णं कुळमाविशन्तीम् ॥ ६९॥

svātantryatantreṇa tato'pi**vikāsavṛttiṃ paramāṃ vigāhya |cāndraṃ mahāmaṇḍalamaprameyaṃvidrāvya tūrṇaṃ kuḷamāviśantīm || 69||

पीयूषधाराप्रचयेन नित्यमापूर्य जन्मावधि धाम्नि भूयः ।लब्धप्ररोहप्रभवप्रशान्तिरूपेह तां शक्तिमहं नमामि ॥ ७०॥

pīyūṣadhārāpracayena nityamāpūrya janmāvadhi dhāmni bhūyaḥ |labdhaprarohaprabhavapraśāntirūpeha tāṃ śaktimahaṃ namāmi || 70||

आधारमाकुञ्च्य गुरूक्तयुक्त्याप्राणान् निरुयोर्ध्ववहं समस्तम् ।प्रज्वाल मध्यस्थित शक्तितेजः (प्रज्वाल्य?)पुञ्जं समाधिं विभजन्ति धन्याः ॥ ७१॥

ādhāramākuñcya gurūktayuktyāprāṇān niruyordhvavahaṃ samastam |prajvāla madhyasthita śaktitejaḥ (prajvālya?)puñjaṃ samādhiṃ vibhajanti dhanyāḥ || 71||

इत्थं समाविश्य कुळक्त्रमस्थांमुद्रां महामन्त्रमयीस्वरूपाम् ।प्रकाशतां याति निराख्यरूपायेयं परा शक्तिरिह स्तुमस्ताम् ॥ ७२॥

itthaṃ samāviśya kuḷaktramasthāṃmudrāṃ mahāmantramayīsvarūpām |prakāśatāṃ yāti nirākhyarūpāyeyaṃ parā śaktiriha stumastām || 72||

विगाह्य मेढ्रादिनवप्रकारस्थानौघमुच्चैर्नवभिः समेतम् ।शिखाग्निलक्षैर्ज्वलिता ददातिसिद्धिं परां या प्रणमाम्यहं ताम् ॥ ७३॥

vigāhya meḍhrādinavaprakārasthānaughamuccairnavabhiḥ sametam |śikhāgnilakṣairjvalitā dadātisiddhiṃ parāṃ yā praṇamāmyahaṃ tām || 73||

अनेन सद्दोशिकसम्प्रदायक्रमोदयेनाश्ववगम्यते यैःदेवी यदेषां परभुक्तिमुक्तीददाति गर्भे तु नमाम्यहं ताम् ॥ ७४॥

anena saddośikasampradāyakramodayenāśvavagamyate yaiḥdevī yadeṣāṃ parabhuktimuktīdadāti garbhe tu namāmyahaṃ tām || 74||

देवीं नुमस्तां परितः स्वसंविद्रूपां वरां भक्तिविकासयोगात् ।यया मलादित्रितप्रपञ्चःप्रक्षालितो बोधजलप्रपूरैः ॥ ७५॥

devīṃ numastāṃ paritaḥ svasaṃvidrūpāṃ varāṃ bhaktivikāsayogāt |yayā malāditritaprapañcaḥprakṣālito bodhajalaprapūraiḥ || 75||

पुष्पादिबाह्यप्रततोपचारैर्देव्यर्च्यते भक्तजनैः सदैव ।आभ्यन्तरा काप्यमितात्र पूजायस्याः स्वरूपानुगुणस्थितायाः ॥ ७६॥

puṣpādibāhyapratatopacārairdevyarcyate bhaktajanaiḥ sadaiva |ābhyantarā kāpyamitātra pūjāyasyāḥ svarūpānuguṇasthitāyāḥ || 76||

तामेव वक्ष्ये गुरुवक्त्रयुक्त्याःसङ्क्षेपतः साधुविबोधनाय ।सूक्ष्मां परां च स्वचितिस्वरूपांसम्यक् समाविश्य निजप्रबोधम् ॥ ७७॥

tāmeva vakṣye guruvaktrayuktyāḥsaṅkṣepataḥ sādhuvibodhanāya |sūkṣmāṃ parāṃ ca svacitisvarūpāṃsamyak samāviśya nijaprabodham || 77||

पितामहरमाधिपप्रभृतिपञ्चकं हेलयाविलापयति एन्महः प्रथमनादवृत्त्युद्गमात् । (सन्मह?)तदेव विततप्रथं स्वकुळमध्यगं देवि तेस्थितं स्वरसतः सतां विततमध्यगं निर्मलम् ॥ ७८॥

pitāmaharamādhipaprabhṛtipañcakaṃ helayāvilāpayati enmahaḥ prathamanādavṛttyudgamāt | (sanmaha?)tadeva vitataprathaṃ svakuḷamadhyagaṃ devi testhitaṃ svarasataḥ satāṃ vitatamadhyagaṃ nirmalam || 78||

तासां महत् कञ्चुकपञ्चके(?)यत्तदेव यस्यार्घ्यमनर्गळस्य ।समर्च्यते तत् प्रणमामि भक्त्त्यादेवीस्वरूपं विततप्रकाशम् ॥ ७९॥

tāsāṃ mahat kañcukapañcake(?)yattadeva yasyārghyamanargaḷasya |samarcyate tat praṇamāmi bhakttyādevīsvarūpaṃ vitataprakāśam || 79||

पञ्चप्रवाहोदितशक्तिचक्रक्रमोद्धृतैर्भावविभागपुष्पैः ।याहर्निशं देव्यनुरोधतस्त्वंसमते सद्भिरभिष्टुमस्ताम् ॥ ८०॥

pañcapravāhoditaśakticakrakramoddhṛtairbhāvavibhāgapuṣpaiḥ |yāharniśaṃ devyanurodhatastvaṃsamate sadbhirabhiṣṭumastām || 80||

ब्राह्माद् बिलादूर्ध्वगमोदितालंशक्तिप्रभा धूपशिखेव भाति ।यदग्रगां नौमि समस्तभावसंहारिणीं तां निजचिद्विभूतिम् ॥ ८१॥

brāhmād bilādūrdhvagamoditālaṃśaktiprabhā dhūpaśikheva bhāti |yadagragāṃ naumi samastabhāvasaṃhāriṇīṃ tāṃ nijacidvibhūtim || 81||

प्राणप्रवाहौघनिघट्टनेनयज्ज्योतिराग्नेयमनल्पवीर्यम् ।उदैत्यसौ दीपवरः प्रदीप्तोयदग्रगस्तां प्रणमामि देवीम् ॥ ८२॥

prāṇapravāhaughanighaṭṭanenayajjyotirāgneyamanalpavīryam |udaityasau dīpavaraḥ pradīptoyadagragastāṃ praṇamāmi devīm || 82||

अखण्डितस्वात्ममहावभासचित्कुङ्कुमौघः प्रततप्रमोदः ।सदाङ्गरागः प्रविभाति यस्यास्तां नौमि देवीं रमणीयवृत्तिम् ॥ ८३॥

akhaṇḍitasvātmamahāvabhāsacitkuṅkumaughaḥ pratatapramodaḥ |sadāṅgarāgaḥ pravibhāti yasyāstāṃ naumi devīṃ ramaṇīyavṛttim || 83||

अक्षवर्गगमनिष्ठितं परंचित्तभैरववपुर्निवेदनम् ।यत्प्रियं निरवधिं नमामि तांसुन्दरीमपरबोधबृंहिताम् ॥ ८४॥

akṣavargagamaniṣṭhitaṃ paraṃcittabhairavavapurnivedanam |yatpriyaṃ niravadhiṃ namāmi tāṃsundarīmaparabodhabṛṃhitām || 84||

चिन्मृगाङ्कवपुपश्च्युतामृतस्रावसम्भृतमहार्घ्यपात्रतः ।तर्पणं विततमास्थितं सदायत्तनोः सततमस्मि तो नतः ॥ ८५॥

cinmṛgāṅkavapupaścyutāmṛtasrāvasambhṛtamahārghyapātrataḥ |tarpaṇaṃ vitatamāsthitaṃ sadāyattanoḥ satatamasmi to nataḥ || 85||

जन्मकुण्डगगनोदरोद्गतश्चित्रभानुरिह भाभिरुत्कटः ।अक्षपक्षविषयाहुतीः सदा भक्षयन् निरवधिक्रमाक्रमैः ॥ ८६॥

janmakuṇḍagaganodarodgataścitrabhānuriha bhābhirutkaṭaḥ |akṣapakṣaviṣayāhutīḥ sadā bhakṣayan niravadhikramākramaiḥ || 86||

जाज्वलीति करणेशसप्तकप्राज्यघस्मरशिखाविराजितः ।चित्तत्रिभ्रममयेन्धनैः सदा वह्निकर्म तव देव्यवरिथतम् ॥ ८७॥

jājvalīti karaṇeśasaptakaprājyaghasmaraśikhāvirājitaḥ |cittatribhramamayendhanaiḥ sadā vahnikarma tava devyavarithatam || 87||

इत्थं सदा सद्भिरनान्दिवोधधामा निकेतं गुरुवक्त्रगम्यम् ।सम्यक् समाविश्य समर्च्यते या तां नौमि काञ्चिच्चितिम प्रमेयाम् ॥ ८८॥

itthaṃ sadā sadbhiranāndivodhadhāmā niketaṃ guruvaktragamyam |samyak samāviśya samarcyate yā tāṃ naumi kāñciccitima prameyām || 88||

इयं परस्मादविभिन्नरूपा शिवस्वतन्त्रा क्रमतोऽक्रमेण ।आदौ परेणाथ परावराख्यभेदेनं पश्चादपरेण देवी ॥ ८९॥

iyaṃ parasmādavibhinnarūpā śivasvatantrā kramato'krameṇa |ādau pareṇātha parāvarākhyabhedenaṃ paścādapareṇa devī || 89||

निजस्वरूपं तु विभज्य नित्यं जहाति नैवाप्रतिमप्रभावम् ।शैवं महः सर्वविभेदमुक्तं निरुत्तरं या ग्रणमाभ्यहं ताम् ॥ ९०॥

nijasvarūpaṃ tu vibhajya nityaṃ jahāti naivāpratimaprabhāvam |śaivaṃ mahaḥ sarvavibhedamuktaṃ niruttaraṃ yā graṇamābhyahaṃ tām || 90||

चिदङ्कुरं काम कलास्वरूपं बिन्दुं विचिन्त्यामृततेजसेद्धम् ।अनाहतोन्मेषनिनादशक्तिवक्त्रे स्थितं व्योमबिलान्तराळे ॥ ९१॥

cidaṅkuraṃ kāma kalāsvarūpaṃ binduṃ vicintyāmṛtatejaseddham |anāhatonmeṣaninādaśaktivaktre sthitaṃ vyomabilāntarāḷe || 91||

तस्याधरस्थं शशिसूर्यरूपं बिन्दुद्वयं पार्श्वयुगप्रवाहम् ।तस्याप्यधो वह्निशिखास्वरूपरेखाकृतिं च प्रविलाप्य सम्यक् ॥ ९२॥

tasyādharasthaṃ śaśisūryarūpaṃ bindudvayaṃ pārśvayugapravāham |tasyāpyadho vahniśikhāsvarūparekhākṛtiṃ ca pravilāpya samyak || 92||

एतं क्रमं ध्यानपरं सदैव त्यक्त्वा क्त्रमं सर्वाविकल्पमुक्तम् ।ध्यायेन्महासाधकपुङ्गवो यो लभेत् स सिद्धि परम शिवोत्तमम् ॥ ९३॥

etaṃ kramaṃ dhyānaparaṃ sadaiva tyaktvā ktramaṃ sarvāvikalpamuktam |dhyāyenmahāsādhakapuṅgavo yo labhet sa siddhi parama śivottamam || 93||

मायाकामासनस्थं हृदयपदातं कामराजस्य साध्यं (हृदयपदमतं?)ध्यात्वा तद्वाह्यकोष्टं पुटितमनुपमं वाग्भवं तद्बहिश्च ।ब्रूङ्कारं कोणषट्के बहिरपि च ततस्त्रिस्थिता तुम्बुरूर्ध्वंकृत्वा क्लीम्बीजकं यत् स्मरति स भुवनं क्षोभयेद् देवि सम्यक् ॥ ९४॥

māyākāmāsanasthaṃ hṛdayapadātaṃ kāmarājasya sādhyaṃ (hṛdayapadamataṃ?)dhyātvā tadvāhyakoṣṭaṃ puṭitamanupamaṃ vāgbhavaṃ tadbahiśca |brūṅkāraṃ koṇaṣaṭke bahirapi ca tatastristhitā tumburūrdhvaṃkṛtvā klīmbījakaṃ yat smarati sa bhuvanaṃ kṣobhayed devi samyak || 94||

इदं यन्त्रं समाधिस्थो दृग्गोळो केळियोगतः (?) ।महाकामकलां ध्यात्वा पूजयेद् यः स सिद्धिभाक् ॥ ९५॥

idaṃ yantraṃ samādhistho dṛggoḷo keḷiyogataḥ (?) |mahākāmakalāṃ dhyātvā pūjayed yaḥ sa siddhibhāk || 95||

विद्याधरी सुरवधूरपि सिद्धपत्नीगन्धर्वदिव्यललनोरगनायिकापि ।यक्षेश्वरप्रियतमा नरधुर्यरामात्वत्सेवकस्य भवेतीह वशा सदैव ॥ ९६॥

vidyādharī suravadhūrapi siddhapatnīgandharvadivyalalanoraganāyikāpi |yakṣeśvarapriyatamā naradhuryarāmātvatsevakasya bhavetīha vaśā sadaiva || 96||

एकैकाक्षरसाधनं विधिवरैस्त्वन्मूर्तिमाद्यां परांध्यात्वा ये भवपत्नि! साधकवराः कुर्वन्ति तेषां सदा ।त्वद्दृक्पातपवित्रितैकमनसामत्यद्भुता जायतेसिद्धिर्यद्वशतः सुराधिपमुखा दास्यं स्पृशन्त्यादरात् ॥ ९७॥

ekaikākṣarasādhanaṃ vidhivaraistvanmūrtimādyāṃ parāṃdhyātvā ye bhavapatni! sādhakavarāḥ kurvanti teṣāṃ sadā |tvaddṛkpātapavitritaikamanasāmatyadbhutā jāyatesiddhiryadvaśataḥ surādhipamukhā dāsyaṃ spṛśantyādarāt || 97||

यो लक्षाणि वराङ्गजन्महृदयब्रह्माख्यरन्ध्रात्मनाख्यातान्यत्र कुळागमे गुरुवरैर्यान्याद्यसिद्धेश्वरैः ।तद्।ह्ध्यानं परितो विधाय निपुणैर्लक्षत्रयं जप्यतेशक्तयुद्दीपनपूर्वकं तु परमा सिद्धिस्ततो जायते ॥ ९८॥

yo lakṣāṇi varāṅgajanmahṛdayabrahmākhyarandhrātmanākhyātānyatra kuḷāgame guruvarairyānyādyasiddheśvaraiḥ |tad|hdhyānaṃ parito vidhāya nipuṇairlakṣatrayaṃ japyateśaktayuddīpanapūrvakaṃ tu paramā siddhistato jāyate || 98||

वश्याकर्षणवाग्भवादिपृतनास्तम्भादिकार्यक्रमश्चक्रध्यानसमर्चनादिविधिना सिद्।ह्ध्यत्यवश्यं नृणाम् ।कारुण्यात् तव देवि! निर्मलधियां मोहाभिधानक्षयान्मोक्षप्रत्ययदर्शनाय सततं मुख्यानुभावोऽत्र नः ॥ ९९॥

vaśyākarṣaṇavāgbhavādipṛtanāstambhādikāryakramaścakradhyānasamarcanādividhinā sid|hdhyatyavaśyaṃ nṛṇām |kāruṇyāt tava devi! nirmaladhiyāṃ mohābhidhānakṣayānmokṣapratyayadarśanāya satataṃ mukhyānubhāvo'tra naḥ || 99||

चतुर्थशक्तिप्रथितं विलाप्य मोहप्ररोहं भवभेददं या ।विकास्य निर्द्वन्द्वचितिप्रकाशप्रकाशितां शक्तिमनुग्रहाख्याम् ॥ १००॥

caturthaśaktiprathitaṃ vilāpya mohaprarohaṃ bhavabhedadaṃ yā |vikāsya nirdvandvacitiprakāśaprakāśitāṃ śaktimanugrahākhyām || 100||

विभाति तां नौमि भवाब्धिमध्येप्रोन्मग्नजन्तूद्धरणैकदीक्षाम् ।निर्धामधामक्रम विष्फुलिङ्गप्रपूरिताशेषदिगन्तराळाम् ॥ १०१॥

vibhāti tāṃ naumi bhavābdhimadhyepronmagnajantūddharaṇaikadīkṣām |nirdhāmadhāmakrama viṣphuliṅgaprapūritāśeṣadigantarāḷām || 101||

अकृतकपरभक्तिव्यक्तिसंसक्तचित्तप्रथितवितरबोधस्फारसम्प्रेरणेन ।कृतमिदमनिकेतध्यानसाध्यैक मूर्तेर्निरुपमनिजसंविद्देवतामाययोच्चैः ॥ १०२॥

akṛtakaparabhaktivyaktisaṃsaktacittaprathitavitarabodhasphārasampreraṇena |kṛtamidamaniketadhyānasādhyaika mūrternirupamanijasaṃviddevatāmāyayoccaiḥ || 102||

गुरुवरवदनोत्थप्राज्यसत्सम्प्रदायक्रमपरमरहस्यैर्बृंहितैर्वाग्विलासैः ।त्रिपुरमथनकान्ताभक्तिसक्तेन यत्तत्स्तबकममलचित्ता हन्त शृण्वन्तु सन्तः ॥ १०३॥

guruvaravadanotthaprājyasatsampradāyakramaparamarahasyairbṛṃhitairvāgvilāsaiḥ |tripuramathanakāntābhaktisaktena yattatstabakamamalacittā hanta śṛṇvantu santaḥ || 103||

अनन्तशक्ति कृच्चेदं स्तोत्रं तव महेश्वरि ! ।यत् तेन देवि! भक्तानां भुक्तिमुक्तिमहाफलम् ॥ १०४॥

anantaśakti kṛccedaṃ stotraṃ tava maheśvari ! |yat tena devi! bhaktānāṃ bhuktimuktimahāphalam || 104||

(अनन्तशक्तिस्तवनामकमिदं त्रिपुरसुन्दरीस्तोत्रम् ।कुळयोगानुसारं विविधमूलमालसम्पुटितैः परश्शतैरनवद्यैःपद्यैः सङ्गुम्फितमिदं साधकानामनन्तशक्तिप्रदम् ।देव्यां त्रिपुराम्बिकायां अकृतकभक्तिमता विततबोधेनगुरूपदेशद्वारा कौळसम्प्रदायरहस्यवेदिना केनापि साधकवरेणविरचितमिदं स्तवरत्नमित्येतस्यान्तिमश्लोकाभ्यामवगम्यते ॥ )इति अनन्तशक्तिस्तवः समाप्तः ।

(anantaśaktistavanāmakamidaṃ tripurasundarīstotram |kuḷayogānusāraṃ vividhamūlamālasampuṭitaiḥ paraśśatairanavadyaiḥpadyaiḥ saṅgumphitamidaṃ sādhakānāmanantaśaktipradam |devyāṃ tripurāmbikāyāṃ akṛtakabhaktimatā vitatabodhenagurūpadeśadvārā kauḷasampradāyarahasyavedinā kenāpi sādhakavareṇaviracitamidaṃ stavaratnamityetasyāntimaślokābhyāmavagamyate || )iti anantaśaktistavaḥ samāptaḥ |