आम्नायस्तोत्रम् Amnayastotram

अथ रुद्रयामलतः शिवविरचितं आम्नायस्तोत्रम् ।श्रीनाथादिगुरुत्रयं गणपतिं पीठत्रयं भैरवम् ।सिद्धौघं वटुकत्रयं पदयुगं दूतीक्रमं मण्डलम् ॥वीरान्द्व्यष्टचतुष्कषष्टिनवकं वीरावलीपञ्चकम् ।श्रीमन्मालिनिमन्त्रराजसहितं वन्दे गुरोर्मण्डलम् ॥(गुरुपादुकामनुमुच्चार्य सुमुखादिभिःपञ्चमुद्राभिः श्रीगुरुं प्रणम्य)पूर्वाम्नायःशुद्धविद्या च बाला च द्वादशार्धा मतङ्गिनी ।द्विजत्वसाधिनी विद्या गायत्री वेदमातृका ॥ १॥

atha rudrayāmalataḥ śivaviracitaṃ āmnāyastotram |śrīnāthādigurutrayaṃ gaṇapatiṃ pīṭhatrayaṃ bhairavam |siddhaughaṃ vaṭukatrayaṃ padayugaṃ dūtīkramaṃ maṇḍalam ||vīrāndvyaṣṭacatuṣkaṣaṣṭinavakaṃ vīrāvalīpañcakam |śrīmanmālinimantrarājasahitaṃ vande gurormaṇḍalam ||(gurupādukāmanumuccārya sumukhādibhiḥpañcamudrābhiḥ śrīguruṃ praṇamya)pūrvāmnāyaḥśuddhavidyā ca bālā ca dvādaśārdhā mataṅginī |dvijatvasādhinī vidyā gāyatrī vedamātṛkā || 1||

गाणपत्यं कार्तिकेयं मृत्युञ्जयं नीलकण्ठम् ।त्र्यम्बकं जातवेदाश्च तथा प्रत्यङ्गिरादयः ॥ २॥

gāṇapatyaṃ kārtikeyaṃ mṛtyuñjayaṃ nīlakaṇṭham |tryambakaṃ jātavedāśca tathā pratyaṅgirādayaḥ || 2||

मुखात्तत्पुरुषाज्जाता द्विकोटीमन्त्रनायिकाः ।एताः कामगिरीन्द्राश्च पूर्वाम्नायस्य देवताः ॥ ३॥

mukhāttatpuruṣājjātā dvikoṭīmantranāyikāḥ |etāḥ kāmagirīndrāśca pūrvāmnāyasya devatāḥ || 3||

गुरुत्रयादिपीठान्तं चतुर्विंशत्सहस्रकम् ।एतदावरणोपेतं पूर्वाम्नायं भजाम्यहम् ॥ ४॥

gurutrayādipīṭhāntaṃ caturviṃśatsahasrakam |etadāvaraṇopetaṃ pūrvāmnāyaṃ bhajāmyaham || 4||

विशुद्धौ चिन्तयेद्धीमान् पूर्वाम्नायस्य देवताः ।दक्षिणाम्नायःसौभाग्यविद्या बगळा वाराही वटुकस्तथा ॥ ५॥

viśuddhau cintayeddhīmān pūrvāmnāyasya devatāḥ |dakṣiṇāmnāyaḥsaubhāgyavidyā bagaḷā vārāhī vaṭukastathā || 5||

श्रीतिरस्करिणी प्रोक्ता महामाया प्रकीर्तिता ।अघोरं शरभं खड्गरावणं वीरभद्रकम् ॥ ६॥

śrītiraskariṇī proktā mahāmāyā prakīrtitā |aghoraṃ śarabhaṃ khaḍgarāvaṇaṃ vīrabhadrakam || 6||

रौद्रं शास्ता पाशुपताद्यस्त्रशस्त्रादिभैरवाः ।दक्षिणामूर्तिमन्त्राद्याः शैवागमसमुद्भवाः ॥ ७॥

raudraṃ śāstā pāśupatādyastraśastrādibhairavāḥ |dakṣiṇāmūrtimantrādyāḥ śaivāgamasamudbhavāḥ || 7||

अघोरमुखसम्भूतं मदंशं कोटिसङ्ख्यकम् ।पूर्वपीठस्थिता देवि दक्षिणाम्नायदेवताः ॥ ८॥

aghoramukhasambhūtaṃ madaṃśaṃ koṭisaṅkhyakam |pūrvapīṭhasthitā devi dakṣiṇāmnāyadevatāḥ || 8||

द्विसहस्रं तु देव्यस्ताः परिवारसमन्विताः ।भैरवादिपदद्वन्द्वं भजे दक्षिणमुत्तमम् ॥ ९॥

dvisahasraṃ tu devyastāḥ parivārasamanvitāḥ |bhairavādipadadvandvaṃ bhaje dakṣiṇamuttamam || 9||

अनाहते चिन्तयेच्च दक्षिणाम्नायदेवताः ।पश्चिम्नायायःलोपामुद्रा महादेवी अम्बा च भुवनेश्वरी ॥ १०॥

anāhate cintayecca dakṣiṇāmnāyadevatāḥ |paścimnāyāyaḥlopāmudrā mahādevī ambā ca bhuvaneśvarī || 10||

अन्नपूर्णा कामकला सर्वसिद्धिप्रदायिनी।सुदर्शनं वैनतेयं कार्तवीर्यं नृसिंहकम् ॥ ११॥

annapūrṇā kāmakalā sarvasiddhipradāyinī|sudarśanaṃ vainateyaṃ kārtavīryaṃ nṛsiṃhakam || 11||

नामत्रयं राममन्त्रं गोपालं सौरमेव च ।धन्वन्तरीन्द्वजालं च इन्द्रादिसुरमन्त्रकम् ॥ १२॥

nāmatrayaṃ rāmamantraṃ gopālaṃ saurameva ca |dhanvantarīndvajālaṃ ca indrādisuramantrakam || 12||

दत्तात्रेयं द्वादशाष्टौ वैष्णवागमचोदिताः ।सद्योजातमुखोद्भूता मन्त्राः स्युः कोटिसङ्ख्यकाः ॥ १३॥

dattātreyaṃ dvādaśāṣṭau vaiṣṇavāgamacoditāḥ |sadyojātamukhodbhūtā mantrāḥ syuḥ koṭisaṅkhyakāḥ || 13||

एता जालन्ध्रपीठस्थाः पश्चिमाम्नायदेवताः ।दूत्यादि च चतुष्षष्टि सिद्धान्तं त्रिसहस्रकम् ॥ १४॥

etā jālandhrapīṭhasthāḥ paścimāmnāyadevatāḥ |dūtyādi ca catuṣṣaṣṭi siddhāntaṃ trisahasrakam || 14||

आम्नाय पश्चिमं वन्दे सर्वदा सर्वकामदम् ।मणिपूरे चिन्तनीयाः पश्चिमाम्नायदेवताः ॥ १५॥

āmnāya paścimaṃ vande sarvadā sarvakāmadam |maṇipūre cintanīyāḥ paścimāmnāyadevatāḥ || 15||

उत्तराम्नायःतुरीयाम्बा महार्धा च अश्वारूढा तथैव च ।मिश्राम्बा च महालक्ष्मीः श्रीमद्वाग्वादिनी अपि ॥ १६॥

uttarāmnāyaḥturīyāmbā mahārdhā ca aśvārūḍhā tathaiva ca |miśrāmbā ca mahālakṣmīḥ śrīmadvāgvādinī api || 16||

दुर्गा काळी ततश्चण्डी नकुली च पुळिन्दिनी ।रेणुका लक्ष्मिवागीशमातृकाद्याः स्वयंवरा ॥ १७॥

durgā kāḷī tataścaṇḍī nakulī ca puḷindinī |reṇukā lakṣmivāgīśamātṛkādyāḥ svayaṃvarā || 17||

पञ्चाम्नायसमोपेतं श्रीविद्याख्यं मदंशकम् ।वामदेवमुखोद्भूता द्विकोटिमन्त्रनायिकाः ॥ १८॥

pañcāmnāyasamopetaṃ śrīvidyākhyaṃ madaṃśakam |vāmadevamukhodbhūtā dvikoṭimantranāyikāḥ || 18||

एता ओड्याणपीठस्थाः शाक्तागमसमुद्भवाः ।द्विसहस्रं तु देव्यस्ताः परिवारसमन्विताः ॥ १९॥

etā oḍyāṇapīṭhasthāḥ śāktāgamasamudbhavāḥ |dvisahasraṃ tu devyastāḥ parivārasamanvitāḥ || 19||

मुद्रादिनवकं चैव सिद्धानां मिथुनं तथा ।वीरावळीपञ्चकं च भजेदाम्नायमुत्तरम् ॥ २०॥

mudrādinavakaṃ caiva siddhānāṃ mithunaṃ tathā |vīrāvaḷīpañcakaṃ ca bhajedāmnāyamuttaram || 20||

स्वाधिष्ठाने चिन्तनीया उत्तराम्नायदेवताः ।ऊर्ध्वाम्नायःपरापरा च सा देवी पराशाम्भवमेव च ॥ २१॥

svādhiṣṭhāne cintanīyā uttarāmnāyadevatāḥ |ūrdhvāmnāyaḥparāparā ca sā devī parāśāmbhavameva ca || 21||

प्रासादं दहरं हंसं महावाक्यादिकं परम् ।पञ्चाक्षरं महामन्त्रं तारकं जन्मतारकम् ॥ २२॥

prāsādaṃ daharaṃ haṃsaṃ mahāvākyādikaṃ param |pañcākṣaraṃ mahāmantraṃ tārakaṃ janmatārakam || 22||

ईशानमुखसम्भूतं स्वात्मानन्दप्रकाशकम् ।कोटिसङ्ख्या महादेवि मद्रूपाः सर्वसिद्धिदाः ॥ २३॥

īśānamukhasambhūtaṃ svātmānandaprakāśakam |koṭisaṅkhyā mahādevi madrūpāḥ sarvasiddhidāḥ || 23||

एताः शाम्भवपीठस्थाः सहस्रपरिवारिताः ।आराध्य मालिनीपूर्वं मण्डलान्तं तथैव च ॥ २४॥

etāḥ śāmbhavapīṭhasthāḥ sahasraparivāritāḥ |ārādhya mālinīpūrvaṃ maṇḍalāntaṃ tathaiva ca || 24||

सायुज्यहेतुकं नित्यं वन्दे चोर्ध्वमकल्मषम् ।ऊर्ध्वाम्नायमनून्नित्यं मूलाधारे विभावयेत् ॥ २५॥

sāyujyahetukaṃ nityaṃ vande cordhvamakalmaṣam |ūrdhvāmnāyamanūnnityaṃ mūlādhāre vibhāvayet || 25||

अनुत्तराम्नायःस्मर्तव्या पादुका पूर्वं चरणं तदनन्तरम् ।पञ्चाम्बा नवनाथाश्च मूलविद्यास्ततः परम् ।आधारविद्याषट्कं च पुनरङ्घ्रिद्वयं क्रमात् ॥ २६॥

anuttarāmnāyaḥsmartavyā pādukā pūrvaṃ caraṇaṃ tadanantaram |pañcāmbā navanāthāśca mūlavidyāstataḥ param |ādhāravidyāṣaṭkaṃ ca punaraṅghridvayaṃ kramāt || 26||

शाम्भवी चाथ हृल्लेखा समया परबोधिनी ।कौलपञ्चाक्षरी पञ्चदशार्णाऽनुत्तरात्मिका ॥ २७॥

śāmbhavī cātha hṛllekhā samayā parabodhinī |kaulapañcākṣarī pañcadaśārṇā'nuttarātmikā || 27||

षोडशी पूर्तिविद्या च महात्रिपुरसुन्दरी ।ऊर्ध्वश्रीपादुकापूर्वं चरणान्तं गुरुक्रमात् ॥ २८॥

ṣoḍaśī pūrtividyā ca mahātripurasundarī |ūrdhvaśrīpādukāpūrvaṃ caraṇāntaṃ gurukramāt || 28||

पश्चादनुतरं वन्दे परब्रह्मस्वरूपिणीम् ।अनुत्तराम्नायमनूनाज्ञानाचक्रे विभावयेत् ॥ २९॥

paścādanutaraṃ vande parabrahmasvarūpiṇīm |anuttarāmnāyamanūnājñānācakre vibhāvayet || 29||

श्रीनाथगुरुमन्त्रादीन् मण्डलान्तं यथाक्रमम् ।सप्तकोटिमहामन्त्रं द्वादशान्ते सदा स्मरेत् ॥ ३०॥

śrīnāthagurumantrādīn maṇḍalāntaṃ yathākramam |saptakoṭimahāmantraṃ dvādaśānte sadā smaret || 30||

शुचिर्वाप्यशुचिर्वापि गच्छंस्तिष्ठन् स्वपन्नपि ।मन्त्रैकशरणो विद्वान् मनसापि सदा स्मरन् ॥ ३१॥

śucirvāpyaśucirvāpi gacchaṃstiṣṭhan svapannapi |mantraikaśaraṇo vidvān manasāpi sadā smaran || 31||

तत्तत्सिद्धिं च साहस्रं जपेत्साधकपुङ्गवः ।जपान्ते शुद्धमाला च आम्नायस्तोत्रमुत्तमम् ॥ ३२॥

tattatsiddhiṃ ca sāhasraṃ japetsādhakapuṅgavaḥ |japānte śuddhamālā ca āmnāyastotramuttamam || 32||

ललितानामसाहस्रं सर्वपूर्तिकरं स्तवम् ।स्तवराजं च पञ्चैते भक्तः प्रतिदिनं पठेत् ॥ ३३॥

lalitānāmasāhasraṃ sarvapūrtikaraṃ stavam |stavarājaṃ ca pañcaite bhaktaḥ pratidinaṃ paṭhet || 33||

भुक्त्वा भोगान् यथाकामं सर्वभूतहिते रतः ।सभार्यापुत्रसौभाग्यः सभूतिः पशुमान् भवेत् ॥ ३४॥

bhuktvā bhogān yathākāmaṃ sarvabhūtahite rataḥ |sabhāryāputrasaubhāgyaḥ sabhūtiḥ paśumān bhavet || 34||

एकवारं जपेदेतत् कोटियज्ञफलं लभेत् ।एतद्विज्ञानमात्रेण सर्वेषां देशिकोत्तमः ॥शिवसायुज्यमाप्नोति शिवयोरेवशासनात् ॥ ३५॥

ekavāraṃ japedetat koṭiyajñaphalaṃ labhet |etadvijñānamātreṇa sarveṣāṃ deśikottamaḥ ||śivasāyujyamāpnoti śivayorevaśāsanāt || 35||

॥ इति रुद्रयामलतन्त्रे उममाहेश्वरसंवादेशिवेनरचितमाम्नायस्तोत्रं सम्पूर्णम् ॥

|| iti rudrayāmalatantre umamāheśvarasaṃvādeśivenaracitamāmnāyastotraṃ sampūrṇam ||