यदुगिरिनृसिंहसुप्रभातमङ्गलम् Shri Yadugirinrisimhasuprabhatamangalam

श्रीमन् संयमि सार्वभौम भगवन् रामानुजार्यप्रभो ।याता रात्रिरुपागतं शिवमहस्तेजोनिधे जागृहि ।श्रीमद्यादव शैलनित्यवसते श्रीभाष्यकारश्रिया ।क्षेमं रङ्गवृषाद्रि हस्तियदुशैलाद्येषु संवर्धय ॥ १॥

śrīman saṃyami sārvabhauma bhagavan rāmānujāryaprabho |yātā rātrirupāgataṃ śivamahastejonidhe jāgṛhi |śrīmadyādava śailanityavasate śrībhāṣyakāraśriyā |kṣemaṃ raṅgavṛṣādri hastiyaduśailādyeṣu saṃvardhaya || 1||

कौसल्यासुप्रजाराम पूर्वासन्ध्या प्रवर्तते ।उत्तिष्ठ नरशार्दूल कर्तव्यं दैवमाह्निकम् ॥ २॥

kausalyāsuprajārāma pūrvāsandhyā pravartate |uttiṣṭha naraśārdūla kartavyaṃ daivamāhnikam || 2||

उत्तिष्ठोत्तिष्ठ गोविन्द उत्तिष्ठ गरुडध्वज ।उत्तिष्ठ कमलाकान्त त्रैलोक्यं मङ्गलं कुरु ॥ ३॥

uttiṣṭhottiṣṭha govinda uttiṣṭha garuḍadhvaja |uttiṣṭha kamalākānta trailokyaṃ maṅgalaṃ kuru || 3||

योगानन्द नृसिंहदेव भगवन् श्रीयादवाद्रीश्वरप्रह्लादार्चित पञ्चभागवतदृक् सम्मोददायिन् हरे ।श्रीरामानुजरक्षकारिविजयिन् त्रातश्चर विश्वं सदासालग्रामतनोः सुदर्शनसुखं श्रीसुप्रभातं प्रभो ॥ ४॥

yogānanda nṛsiṃhadeva bhagavan śrīyādavādrīśvaraprahlādārcita pañcabhāgavatadṛk sammodadāyin hare |śrīrāmānujarakṣakārivijayin trātaścara viśvaṃ sadāsālagrāmatanoḥ sudarśanasukhaṃ śrīsuprabhātaṃ prabho || 4||

श्री सैन्यनायक पराङ्कुशनाय सूरिपद्माक्ष राम यमुनाऽये सुपूर्णवर्यैः ।श्रीलक्ष्मणाखिलवरार्थ मदार्यमुख्यैःनित्यार्चिताम्रिक विभो तव सुप्रभातम् ॥ ५॥

śrī sainyanāyaka parāṅkuśanāya sūripadmākṣa rāma yamunā'ye supūrṇavaryaiḥ |śrīlakṣmaṇākhilavarārtha madāryamukhyaiḥnityārcitāmrika vibho tava suprabhātam || 5||

लक्ष्मीश केशव हरे नृहरे मुरारेशौरे रमारमणकारण दीनबन्धो ।इत्यादरेण वदतामिह वाञ्छितार्थश्रीमन् नृसिंह जगदीश्वर सुप्रभातम् ॥ ६॥

lakṣmīśa keśava hare nṛhare murāreśaure ramāramaṇakāraṇa dīnabandho |ityādareṇa vadatāmiha vāñchitārthaśrīman nṛsiṃha jagadīśvara suprabhātam || 6||

जय जय नरसिंह नारायणानन्त तुभ्यं नमोजय जय भुजगेन्द्रशायिन् सुखं योगनिद्राऽस्तु ते ।जय जय सुप्रभाता निशास्तु प्रसीद प्रभोजय जय करुणानिधे जागृहि श्रीपते जागृहि ॥ ७॥

jaya jaya narasiṃha nārāyaṇānanta tubhyaṃ namojaya jaya bhujagendraśāyin sukhaṃ yoganidrā'stu te |jaya jaya suprabhātā niśāstu prasīda prabhojaya jaya karuṇānidhe jāgṛhi śrīpate jāgṛhi || 7||

माणिक्यादि समप्रभं निजरुधा सन्त्रस्तरक्षोगणंजानुन्यस्तकराम्बुजं त्रिनयनं रत्नोल्लसद्भूषणम् ।बाहुभ्यां धृतशङ्खचक्रमभयं दंष्ट्रायवक्रोल्लसत्ज्वालाजिह्वमुदग्रकेशमनिशं वन्दे नृसिंहं विभुम् ॥ ८॥

māṇikyādi samaprabhaṃ nijarudhā santrastarakṣogaṇaṃjānunyastakarāmbujaṃ trinayanaṃ ratnollasadbhūṣaṇam |bāhubhyāṃ dhṛtaśaṅkhacakramabhayaṃ daṃṣṭrāyavakrollasatjvālājihvamudagrakeśamaniśaṃ vande nṛsiṃhaṃ vibhum || 8||

माधव मुकुन्द मधुसूदन मुरारेवामन नृसिंह शरणं भवनतानाम् ।पालय कृपालय भवाम्बुधिनिमग्नंदैत्यवरकाल नरसिंह नरसिंह ॥ ९॥

mādhava mukunda madhusūdana murārevāmana nṛsiṃha śaraṇaṃ bhavanatānām |pālaya kṛpālaya bhavāmbudhinimagnaṃdaityavarakāla narasiṃha narasiṃha || 9||

इन्दुरविपावकलोचन । महाभुज सशङ्खवरचक्र ॥राजदरविन्द रुचिरं पदयुगं ते ।हि मम मूर्ध्नि नरसिंह नरसिंह ॥ १०॥

induravipāvakalocana | mahābhuja saśaṅkhavaracakra ||rājadaravinda ruciraṃ padayugaṃ te |hi mama mūrdhni narasiṃha narasiṃha || 10||

जय जय भगवन् प्रसीद प्रपन्नार्तहारिन् हरेविरमतु तव योगनिद्रा विनिद्रारविन्दोपमाम् ।मयि वरद निधेहि दृष्टिं समुत्तिष्ठ शय्यातलात्फणिपतिमधितिष्ठ भद्रासनं भद्रमेवास्तु ते ॥ ११॥

jaya jaya bhagavan prasīda prapannārtahārin hareviramatu tava yoganidrā vinidrāravindopamām |mayi varada nidhehi dṛṣṭiṃ samuttiṣṭha śayyātalātphaṇipatimadhitiṣṭha bhadrāsanaṃ bhadramevāstu te || 11||

आसेदुषा यदुगिरिं क्रिमिकण्ठहेतोःरामानुजेन बहुशः परिशोधितानी ।आविर्भवन्तु कुशिकान्वयसौम्यसिंहसूरिप्रियस्य नृहरे तव मङ्गलानि ॥ १२॥

āseduṣā yadugiriṃ krimikaṇṭhahetoḥrāmānujena bahuśaḥ pariśodhitānī |āvirbhavantu kuśikānvayasaumyasiṃhasūripriyasya nṛhare tava maṅgalāni || 12||

इति श्रीयदुगिरिनृसिंहसुप्रभातमङ्गलं सम्पूर्णम् ।

iti śrīyadugirinṛsiṃhasuprabhātamaṅgalaṃ sampūrṇam |