नृसिंहशतकम् Shri Nrisimha Shatakam

चण्डब्रह्माण्डभाण्डभ्रमणभरबृहद्धोषनिर्घातदैर्घ्यैदुर्दैत्यव्याघ्रशीघ्रप्रमथनकथनं सर्वदिक्षु प्रकुर्वन् ।कौटिल्यक्रूरदंष्ट्रोत्कटचटुलनटत्प्रह्वजिह्वामहोल्कःप्रह्लादाह्लादहेतुर्दहतु मम महद्रंहसांहो नृसिंहः ॥ १॥

caṇḍabrahmāṇḍabhāṇḍabhramaṇabharabṛhaddhoṣanirghātadairghyaidurdaityavyāghraśīghrapramathanakathanaṃ sarvadikṣu prakurvan |kauṭilyakrūradaṃṣṭrotkaṭacaṭulanaṭatprahvajihvāmaholkaḥprahlādāhlādaheturdahatu mama mahadraṃhasāṃho nṛsiṃhaḥ || 1||

नैष्ठुर्यौजस्विचण्डत्रिदशगिरिमहादण्डसन्ताड्यमानब्रह्माण्डातोद्यभाण्डोड्डमररवसुहृद्भावसम्भावनीयः ।रुष्टेन्द्रद्वेष्टमुष्टिद्रुघणहतसभामण्डपस्तम्भगर्भादाविर्भूतो विभूत्यै भवतु नरहरेरादिघोषो विशेषात् ॥ २॥

naiṣṭhuryaujasvicaṇḍatridaśagirimahādaṇḍasantāḍyamānabrahmāṇḍātodyabhāṇḍoḍḍamararavasuhṛdbhāvasambhāvanīyaḥ |ruṣṭendradveṣṭamuṣṭidrughaṇahatasabhāmaṇḍapastambhagarbhādāvirbhūto vibhūtyai bhavatu naraharerādighoṣo viśeṣāt || 2||

देवद्वेष्ट्ट्प्रवेष्टोद्भटमदविटपिभ्रंशघोषाभिघोरोदैत्येन्द्रश्रीप्रकोष्ठोत्कटकटकघटाकूजकूटायमानः ।निर्घोषो दुर्घटं द्राग्घटयतु विकटप्रेतराड्द्वाःकवाटोद्धाटाट्टध्वानकल्पः प्रकटकटकटाकाटवोत्पाटवोऽसौ ॥ ३॥

devadveṣṭṭpraveṣṭodbhaṭamadaviṭapibhraṃśaghoṣābhighorodaityendraśrīprakoṣṭhotkaṭakaṭakaghaṭākūjakūṭāyamānaḥ |nirghoṣo durghaṭaṃ drāgghaṭayatu vikaṭapretarāḍdvāḥkavāṭoddhāṭāṭṭadhvānakalpaḥ prakaṭakaṭakaṭākāṭavotpāṭavo'sau || 3||

अंहःसङ्घातघातं घटयतु निनदो रंहसा नारसिंहःस्वर्गस्त्रीवर्गरङ्गस्थलपदकलनानन्दिनान्दीनिनादः ।दैत्येन्द्रापत्यतत्युत्तममहिमभरोद्दामसौभाग्यभेरीभाङ्कारो दिग्द्विदन्तश्रुतिचलनकलाध्यायसन्ध्याब्दशब्दः ॥ ४॥

aṃhaḥsaṅghātaghātaṃ ghaṭayatu ninado raṃhasā nārasiṃhaḥsvargastrīvargaraṅgasthalapadakalanānandināndīninādaḥ |daityendrāpatyatatyuttamamahimabharoddāmasaubhāgyabherībhāṅkāro digdvidantaśruticalanakalādhyāyasandhyābdaśabdaḥ || 4||

ऊर्मि प्रेङ्खोलखेलामुखरजलनिधिध्वानगानातिपीनःक्रोधक्रूरस्य शक्रद्विषि हरिवपुषश्चक्रपाणेः प्रघोषः ।कल्याणं लोकपाल्या विरचयतु हरित्कुञ्जरश्रोत्रपाल्याबाल्यप्राबल्यशाल्याशुगविकृतिहृतेः श्लाघितो दानपाल्या ॥ ५॥

ūrmi preṅkholakhelāmukharajalanidhidhvānagānātipīnaḥkrodhakrūrasya śakradviṣi harivapuṣaścakrapāṇeḥ praghoṣaḥ |kalyāṇaṃ lokapālyā viracayatu haritkuñjaraśrotrapālyābālyaprābalyaśālyāśugavikṛtihṛteḥ ślāghito dānapālyā || 5||

संवर्ताम्भशुम्भज्जलदकुलगलस्तम्भिगम्भीरताभृन्मन्थाद्रिक्षुब्धदुग्धाब्धिजनिनदविधाजग्धिवैदग्ध्यदिग्धः ।सम्भूयोज्जृम्भमाणे सुघटधनघृणो दीर्घनिर्घातवर्गेशीघ्रं निर्घोष एष स्फुरतु हृदि बृहद्धर्घराघोर ऐशः ॥ ६॥

saṃvartāmbhaśumbhajjaladakulagalastambhigambhīratābhṛnmanthādrikṣubdhadugdhābdhijaninadavidhājagdhivaidagdhyadigdhaḥ |sambhūyojjṛmbhamāṇe sughaṭadhanaghṛṇo dīrghanirghātavargeśīghraṃ nirghoṣa eṣa sphuratu hṛdi bṛhaddhargharāghora aiśaḥ || 6||

मोहं सौवर्गवर्गे महति बहलयन द्राङ्महर्गेहभाजांनिष्पीतश्रोतगीतो नु सनकजनकश्रोत्रबाधिर्यधुर्यः ।दिक्कुम्भिस्तम्भकारी प्रतिनिनदसमुत्तालपातालतालुश्चण्डो ब्रह्माण्डभेदी भवतु हरिरवः श्रेयसे भूयसे वः ॥ ७॥

mohaṃ sauvargavarge mahati bahalayana drāṅmahargehabhājāṃniṣpītaśrotagīto nu sanakajanakaśrotrabādhiryadhuryaḥ |dikkumbhistambhakārī pratininadasamuttālapātālatāluścaṇḍo brahmāṇḍabhedī bhavatu hariravaḥ śreyase bhūyase vaḥ || 7||

ऊर्ध्वप्रोद्धृतधूमध्वज ऋजुज्वालमणिक्यदण्डं (विमलज्वालमणिक्यदण्डं)नीलपालम्बलीलप्रचलितरसनाराजिविभ्राजिबिम्बम् ।दीव्यद्दर्वीकरोर्वीपतिविततफणाश्रेणिनिर्माणमन्तःनिर्मायं भावयामः प्रभुशिरसि बृहत्तापमुक्तापहत्यै ॥ ८॥

ūrdhvaproddhṛtadhūmadhvaja ṛjujvālamaṇikyadaṇḍaṃ (vimalajvālamaṇikyadaṇḍaṃ)nīlapālambalīlapracalitarasanārājivibhrājibimbam |dīvyaddarvīkarorvīpativitataphaṇāśreṇinirmāṇamantaḥnirmāyaṃ bhāvayāmaḥ prabhuśirasi bṛhattāpamuktāpahatyai || 8||

क्षोणीभृत्पक्षपातादनुनृहरितनुक्षिप्यमाणैर्वितानैःबाणैर्वैमुख्यलक्ष्यैः श्वसितपवनतः क्षुण्णतत्कण्ठलक्षम् ।उद्वर्णैर्मण्डलाग्रैरपि चरमचरे खण्डनायारिषण्डेलाङ्गूलोच्चण्डदण्डं दधदवतु विपन्मण्डलात्कुण्डलीन्द्रः ॥ ९॥

kṣoṇībhṛtpakṣapātādanunṛharitanukṣipyamāṇairvitānaiḥbāṇairvaimukhyalakṣyaiḥ śvasitapavanataḥ kṣuṇṇatatkaṇṭhalakṣam |udvarṇairmaṇḍalāgrairapi caramacare khaṇḍanāyāriṣaṇḍelāṅgūloccaṇḍadaṇḍaṃ dadhadavatu vipanmaṇḍalātkuṇḍalīndraḥ || 9||

उद्दण्डैर्ज्वालषण्डैर्ज्वलदनलदृशोऽजाण्डदण्डोर्ध्वखण्डस्फोटो भावीति भीत्या प्रथितपृथुफणश्रेणिविस्तारितश्रीः ।उर्वीवाहो विनेकार्बुदकुलकलनामौलिनिष्ठप्रतिष्ठःशीघ्रं नो दीर्घपृष्ठप्रभुरभयभृतो भूषणं भावनीयः ॥ १०॥

uddaṇḍairjvālaṣaṇḍairjvaladanaladṛśo'jāṇḍadaṇḍordhvakhaṇḍasphoṭo bhāvīti bhītyā prathitapṛthuphaṇaśreṇivistāritaśrīḥ |urvīvāho vinekārbudakulakalanāmauliniṣṭhapratiṣṭhaḥśīghraṃ no dīrghapṛṣṭhaprabhurabhayabhṛto bhūṣaṇaṃ bhāvanīyaḥ || 10||

अग्रप्रोदप्रजाग्रन्मणिगणकिरणैस्तारकोन्मेषचोरंनीचैरुच्चैरुदञ्चद्विततपृथुफणश्रेणिशाखासहस्रम् ।लग्नैरग्निस्फुलिङ्गैः स्फुटरुचि निटिलाक्ष्णोऽप्यभीक्ष्णं तथाधःक्रष्टा कष्टानि दृष्टं फणिपतिमुकुटं कूटसिंहोपरिष्टात् ॥ ११॥

agraprodaprajāgranmaṇigaṇakiraṇaistārakonmeṣacoraṃnīcairuccairudañcadvitatapṛthuphaṇaśreṇiśākhāsahasram |lagnairagnisphuliṅgaiḥ sphuṭaruci niṭilākṣṇo'pyabhīkṣṇaṃ tathādhaḥkraṣṭā kaṣṭāni dṛṣṭaṃ phaṇipatimukuṭaṃ kūṭasiṃhopariṣṭāt || 11||

सोमस्पर्शात्प्रकर्षं प्रवहति दधती यक्षिणीचित्रलक्ष्मींयत्राभाते यदन्तर्विलसति सततं गुह्यकेशप्रसारः ।गङ्गाम्भश्शुभ्रमभ्रङ्कषशिवशिखरभ्राजितं राजताद्रेःदेवस्योपर्यहीनोर्जितफणपटलं पाटयेत् सङ्कटं नः ॥ १२॥

somasparśātprakarṣaṃ pravahati dadhatī yakṣiṇīcitralakṣmīṃyatrābhāte yadantarvilasati satataṃ guhyakeśaprasāraḥ |gaṅgāmbhaśśubhramabhraṅkaṣaśivaśikharabhrājitaṃ rājatādreḥdevasyoparyahīnorjitaphaṇapaṭalaṃ pāṭayet saṅkaṭaṃ naḥ || 12||

पायादाकाशकाशोज्ज्वलकुसुमसज्योतिरुज्जृभिताग्राप्रत्यग्रप्राग्रथमुक्ताफलखचितशिखस्वर्णसूचीसखीना ।क्षुद्रच्छिद्रालिमुद्राविधुपरिधिवलच्चालिनीशालिनीतिःलीलापारीन्द्रमूर्तेरतिपरुएरुषो भासुरा केसराली ॥ १३॥

pāyādākāśakāśojjvalakusumasajyotirujjṛbhitāgrāpratyagraprāgrathamuktāphalakhacitaśikhasvarṇasūcīsakhīnā |kṣudracchidrālimudrāvidhuparidhivalaccālinīśālinītiḥlīlāpārīndramūrteratiparueruṣo bhāsurā kesarālī || 13||

वैकुण्ठोत्कण्ठितानामणिमगुणजुषां प्राणिनां प्रीतिभाजांगात्रादुत्क्रान्तमात्रे सुखमयनिलयप्रापणायापयत्नम् ।ब्रह्माण्डस्योर्ध्वखण्डेऽरचिषत सृतयो निःसृतैर्यैर्विदार्यच्छौर्यं हर्यक्षमू र्तेर्निदधतु हृदि ते केसरा भासुरा नः ॥ १४॥

vaikuṇṭhotkaṇṭhitānāmaṇimaguṇajuṣāṃ prāṇināṃ prītibhājāṃgātrādutkrāntamātre sukhamayanilayaprāpaṇāyāpayatnam |brahmāṇḍasyordhvakhaṇḍe'raciṣata sṛtayo niḥsṛtairyairvidāryacchauryaṃ haryakṣamū rternidadhatu hṛdi te kesarā bhāsurā naḥ || 14||

हृत्कुण्डान्तःप्रचण्डप्रतिघहुतवहश्रीशिरोरोमकूपस्तूपद्वारोद्यदंशुस्तबक इति जने बिभ्रति भ्रान्तिमुच्चैः ।विद्युज्ज्वालावलीजप्रतिभयरसनाच्छिन्नचाञ्चल्यसम्पल्लुम्पेत् प्रत्यूहमत्यूर्जितमिह नृहरेर्भासुरा केसरालिः ॥ १५॥

hṛtkuṇḍāntaḥpracaṇḍapratighahutavahaśrīśiroromakūpastūpadvārodyadaṃśustabaka iti jane bibhrati bhrāntimuccaiḥ |vidyujjvālāvalījapratibhayarasanācchinnacāñcalyasampallumpet pratyūhamatyūrjitamiha nṛharerbhāsurā kesarāliḥ || 15||

यैरासीद्यैत्यहत्याहृषितहृदमरश्रेणिपूजावितीर्णप्रोन्मीलन्मल्लिपुष्पस्तबकितशिखरस्वर्णदूर्वासवर्णैः ।विद्युल्लेखासदृक्षैर्नरहरशिरसि स्थूलनक्षत्रलक्षैर्लक्ष्मीरक्ष्मीलभावं विदधतु वृजिनोज्जासने केसरास्ते ॥ १६॥

yairāsīdyaityahatyāhṛṣitahṛdamaraśreṇipūjāvitīrṇapronmīlanmallipuṣpastabakitaśikharasvarṇadūrvāsavarṇaiḥ |vidyullekhāsadṛkṣairnaraharaśirasi sthūlanakṣatralakṣairlakṣmīrakṣmīlabhāvaṃ vidadhatu vṛjinojjāsane kesarāste || 16||

स्वीयश्रीलेशचौरीश्चिरमचिररुचः स्वोदरोदारदर्यांपर्याप्तीकृत्य गोप्तुं नभसि घनघटां कोटिकुन्तच्छटाभिः ।निर्यत्कीलालकुल्यं किल परुषरुषा पाटयन्तीव चेतोदैत्योरःपाटनाटीकपटहरिसटाधाटिकाटीकतां नः ॥ १७॥

svīyaśrīleśacaurīściramacirarucaḥ svodarodāradaryāṃparyāptīkṛtya goptuṃ nabhasi ghanaghaṭāṃ koṭikuntacchaṭābhiḥ |niryatkīlālakulyaṃ kila paruṣaruṣā pāṭayantīva cetodaityoraḥpāṭanāṭīkapaṭaharisaṭādhāṭikāṭīkatāṃ naḥ || 17||

सप्तार्चिर्मित्रसूत्रत्रुटनसुरसृतिस्रस्तनक्षत्रमालामल्लीजालाभिसृष्टिद्विगुणितसुमनस्सृष्टिसन्तानवृष्टिः ।सन्ध्यासम्बध्धशोणम्बुदपटलपटीपाटनक्षेपलक्ष्मीरज्यत्काष्ठावधूटीकपटहरिसटास्फाटिकाधूतिरव्यात् ॥ १८॥

saptārcirmitrasūtratruṭanasurasṛtisrastanakṣatramālāmallījālābhisṛṣṭidviguṇitasumanassṛṣṭisantānavṛṣṭiḥ |sandhyāsambadhdhaśoṇambudapaṭalapaṭīpāṭanakṣepalakṣmīrajyatkāṣṭhāvadhūṭīkapaṭaharisaṭāsphāṭikādhūtiravyāt || 18||

स्तब्धाकल्पाब्ध्यनल्पोच्चलदुरुलहरीघोषकल्पादसीयध्वानादव्यक्तभक्तस्तुतिपदसदयग्राहिका साग्रहेव ।रीत्या साजात्यभाजामतिपरुषरुषामिन्द्रियाणां चतुर्णांसङ्कोचं लज्जयेवोर्जितमतिदधती पातु कर्णद्वयी नः ॥ १९॥

stabdhākalpābdhyanalpoccaladurulaharīghoṣakalpādasīyadhvānādavyaktabhaktastutipadasadayagrāhikā sāgraheva |rītyā sājātyabhājāmatiparuṣaruṣāmindriyāṇāṃ caturṇāṃsaṅkocaṃ lajjayevorjitamatidadhatī pātu karṇadvayī naḥ || 19||

द्रष्टणां दृष्टिसृष्टेरुपरिकृतभयाविष्टतावृष्टिरुष्टेन्द्रद्वेष्ट्ट्क्लिष्टजुष्टस्मरणनिजजनानिष्टमुष्टिन्धयं तत् ।लीलाशैलाटमूर्तेरतिपरुषरुषोद्धाटयत्पाटलश्रीघाटं विष्णोर्ललाटस्थलमतिविकटं पाटयेत् सङ्कटं नः ॥ २०॥

draṣṭaṇāṃ dṛṣṭisṛṣṭeruparikṛtabhayāviṣṭatāvṛṣṭiruṣṭendradveṣṭṭkliṣṭajuṣṭasmaraṇanijajanāniṣṭamuṣṭindhayaṃ tat |līlāśailāṭamūrteratiparuṣaruṣoddhāṭayatpāṭalaśrīghāṭaṃ viṣṇorlalāṭasthalamativikaṭaṃ pāṭayet saṅkaṭaṃ naḥ || 20||

नृत्यत्कृल्यावलीव प्रलयसमुदयत्कालरात्रीव खेलच्चामुण्डामण्डलीवाट्टहसितविकटोत्तालिवेतालिकेव ।उद्रिङ्गद्रौद्रलक्ष्मीरिव किमुत बृहद्भैरवोद्भासिगर्भा ।भ्रश्यत्स्वर्भानुवर्गा ध्रुवमवतु विभोर्भीषणा भालभित्तिः ॥ २१॥

nṛtyatkṛlyāvalīva pralayasamudayatkālarātrīva khelaccāmuṇḍāmaṇḍalīvāṭṭahasitavikaṭottālivetālikeva |udriṅgadraudralakṣmīriva kimuta bṛhadbhairavodbhāsigarbhā |bhraśyatsvarbhānuvargā dhruvamavatu vibhorbhīṣaṇā bhālabhittiḥ || 21||

उद्यन्निर्धूमधूमध्वजमयनयनाङ्गारधान्याश्रितासौतत्तिर्यङ्निर्यदर्चिर्निचयपरिचयेनेव रक्तावसिक्ता ।साचिव्यक्तत्रिरेखीवलिविलयवती सूतकालाग्निरुद्रेवेदानीमेव देवप्रवर तव हरे पातु भालस्थली नः ॥ २२॥

udyannirdhūmadhūmadhvajamayanayanāṅgāradhānyāśritāsautattiryaṅniryadarcirnicayaparicayeneva raktāvasiktā |sācivyaktatrirekhīvalivilayavatī sūtakālāgnirudrevedānīmeva devapravara tava hare pātu bhālasthalī naḥ || 22||

नृत्यन्ती कालरात्रीकरतलविचलत्साचिशूलानुकूलामुद्रा विद्राविरौद्रान्बुनिधिनाधिवलल्लोलकल्लोललीलाम् ।बिभ्रत्येतन्मुखान्तःसमुपगतमहाकोपसोपानपालिर्गोपायेन्नस्त्रिरेखी निटिलसहचरी चित्रपारीन्द्रमूर्तेः ॥ २३॥

nṛtyantī kālarātrīkaratalavicalatsāciśūlānukūlāmudrā vidrāviraudrānbunidhinādhivalallolakallolalīlām |bibhratyetanmukhāntaḥsamupagatamahākopasopānapālirgopāyennastrirekhī niṭilasahacarī citrapārīndramūrteḥ || 23||

गाङ्गेयाभिख्यया यज्जगति यदुदितं शान्तनुस्फारमोदेपार्थोनायोधनश्रीरपि यदधिपये चोर्ध्वतेजःप्रसिद्धिः ।यस्यास्ते कृष्णवर्त्मानुसृतिपरमहो भालतारातिदाहिभ्रूवल्लीमध्यनेत्रं नरहरिवपुषो नौमि भीष्मस्वरूपम् ॥ २४॥

gāṅgeyābhikhyayā yajjagati yaduditaṃ śāntanusphāramodepārthonāyodhanaśrīrapi yadadhipaye cordhvatejaḥprasiddhiḥ |yasyāste kṛṣṇavartmānusṛtiparamaho bhālatārātidāhibhrūvallīmadhyanetraṃ naraharivapuṣo naumi bhīṣmasvarūpam || 24||

रुक्षाभिखयां विवस्वद्रथचरणरयक्षुण्णरूक्षेऽन्तरिक्षेस्फारं स्फारं स्फुरद्भिर्विदधति बहलैरुत्पतद्भिः स्फुलिङ्गैः ।रूक्षश्रेणीसदृक्षे क्षिपति दिशि दिशि ध्वान्तजाले शिखोल्कामाला लालाटनेत्रे विहरतु नहरेस्तत्र चित्रे मर्तिनः ॥ २५॥

rukṣābhikhayāṃ vivasvadrathacaraṇarayakṣuṇṇarūkṣe'ntarikṣesphāraṃ sphāraṃ sphuradbhirvidadhati bahalairutpatadbhiḥ sphuliṅgaiḥ |rūkṣaśreṇīsadṛkṣe kṣipati diśi diśi dhvāntajāle śikholkāmālā lālāṭanetre viharatu naharestatra citre martinaḥ || 25||

हृष्टान् वृष्टप्रसूनान्नभसि दिविषदो नूत्नरत्नप्रसूनैःस्फूर्जत्फुल्लरफुलिङ्गैः सुहृदि हिमहिमैर्ज्वालहस्तैरुदस्तैः ।शीघ्रं प्रत्यर्घदिर्घीकरणबहुगुणे मज्जयल्लज्जिब्धौनेत्रं सद्वीतिहोत्रं दहतु नरहरे रंहसांह स्तृणानि ॥ २६॥

hṛṣṭān vṛṣṭaprasūnānnabhasi diviṣado nūtnaratnaprasūnaiḥsphūrjatphullaraphuliṅgaiḥ suhṛdi himahimairjvālahastairudastaiḥ |śīghraṃ pratyarghadirghīkaraṇabahuguṇe majjayallajjibdhaunetraṃ sadvītihotraṃ dahatu narahare raṃhasāṃha stṛṇāni || 26||

वेल्लजिह्वोल्बणेन प्रचलितबहलज्वालजिह्वासहस्रंस्फारस्फूर्जत्स्फुलिङ्गस्फुटमणिपटलं प्रांशुरत्नांशुभासा ।सार्धं मोर्ध्वर्ध्वासिन्धुस्थलवसतिजुषा भोगिमूर्धाभिषिक्तेनाबद्धस्पर्धमद्धावतु हरिनयनं भालभद्रासनेद्धम् ॥ २७॥

vellajihvolbaṇena pracalitabahalajvālajihvāsahasraṃsphārasphūrjatsphuliṅgasphuṭamaṇipaṭalaṃ prāṃśuratnāṃśubhāsā |sārdhaṃ mordhvardhvāsindhusthalavasatijuṣā bhogimūrdhābhiṣiktenābaddhaspardhamaddhāvatu harinayanaṃ bhālabhadrāsaneddham || 27||

लोके वारप्रवृत्तिः समुदयति यतः सन्नराजीवचित्तेबिभ्राणश्चक्रबन्धूकरणकुतुकितां यो निशाशेषभातः ।नित्यं धत्ते सदृक्षोदयमनुविनतानन्दनोल्लासधारीसश्रीपारीन्द्रमूर्तेरपहरतु तमो भालहग्बालहेलिः ॥ २८॥

loke vārapravṛttiḥ samudayati yataḥ sannarājīvacittebibhrāṇaścakrabandhūkaraṇakutukitāṃ yo niśāśeṣabhātaḥ |nityaṃ dhatte sadṛkṣodayamanuvinatānandanollāsadhārīsaśrīpārīndramūrterapaharatu tamo bhālahagbālaheliḥ || 28||

चूडापातालपालोल्बणमणिकिरणाकर्षणोदञ्चितैतस्फूर्जत्फूङ्कारसङ्कोचितविततशिखापाणिरभ्यासभाग्भ्याम् ।सार्धं दृग्भ्यां सखीभ्यामिव कुतुकवशादंशुपांसुप्रपञ्चैरञ्चन्त्वन्योन्यखेलां जयति नरहरेर्भालदग्बालिकेयम् ॥ २९॥

cūḍāpātālapālolbaṇamaṇikiraṇākarṣaṇodañcitaitasphūrjatphūṅkārasaṅkocitavitataśikhāpāṇirabhyāsabhāgbhyām |sārdhaṃ dṛgbhyāṃ sakhībhyāmiva kutukavaśādaṃśupāṃsuprapañcairañcantvanyonyakhelāṃ jayati naraharerbhāladagbālikeyam || 29||

खद्योतद्योतलेशो दिन इव न दरं द्योतते वैधुतोऽग्निःयस्याग्रे नोग्रभावाग्रहमपि वहते स ग्रहग्रामणीश्च ।और्वो दुर्वारदुर्वासित इव विगलद्गर्वमम्भोधिगर्भेलीनो यद्धेतिहीनो विहरतु नृहरेस्तत्र नेत्रे मतिर्नः ॥ ३०॥

khadyotadyotaleśo dina iva na daraṃ dyotate vaidhuto'gniḥyasyāgre nograbhāvāgrahamapi vahate sa grahagrāmaṇīśca |aurvo durvāradurvāsita iva vigaladgarvamambhodhigarbhelīno yaddhetihīno viharatu nṛharestatra netre matirnaḥ || 30||

यन्मित्रो वीतिहोत्रोऽप्यतिशयदहनाध्यायमध्यापितौ तौशक्तौ सम्यग्ग्रहीतुं न किमपि निबिडोत्ताडितावंशुवेत्रः ।एको रक्तावसेकादरुण इति गतः ख्यातिमन्योऽपि धाम्नादुःखाद्येवस्य तेजो गुरुनिटिलतटीलोचनं मोहयेन्नः ॥ ३१॥

yanmitro vītihotro'pyatiśayadahanādhyāyamadhyāpitau tauśaktau samyaggrahītuṃ na kimapi nibiḍottāḍitāvaṃśuvetraḥ |eko raktāvasekādaruṇa iti gataḥ khyātimanyo'pi dhāmnāduḥkhādyevasya tejo guruniṭilataṭīlocanaṃ mohayennaḥ || 31||

लक्ष्मीवक्षोजकुम्भस्थलकृतललितालीकबाह्लीकलेपःप्रह्वप्रह्लादमौलावतुलवलयिनी शोणशाटी यदर्चिः ।रूक्षेन्द्रद्वेष्ट्ट्सृष्टेरुपरि निपतिता पावकास्त्रस्य वृष्टिर्द्यष्टिर्लालाटिकी नः कपटहरितनोः पाटयेत् सङ्कटं सा ॥ ३२॥

lakṣmīvakṣojakumbhasthalakṛtalalitālīkabāhlīkalepaḥprahvaprahlādamaulāvatulavalayinī śoṇaśāṭī yadarciḥ |rūkṣendradveṣṭṭsṛṣṭerupari nipatitā pāvakāstrasya vṛṣṭirdyaṣṭirlālāṭikī naḥ kapaṭaharitanoḥ pāṭayet saṅkaṭaṃ sā || 32||

मञ्जिष्ठामञ्जुचेलव्यजनमिव वलत्तन्तुजालं समन्तात्आस्यान्तर्लास्यवत्याः श्रमशमनकरं रोषलक्ष्मीयुवत्याः ।घोणादण्डोपरिष्टात् प्रकटितमरुणं श्लिष्टशोणांशुवेष्टंवृत्तं हन्ता नु दन्तावलदलनतनोरक्षि सन्तापमन्तः ॥ ३३॥

mañjiṣṭhāmañjucelavyajanamiva valattantujālaṃ samantātāsyāntarlāsyavatyāḥ śramaśamanakaraṃ roṣalakṣmīyuvatyāḥ |ghoṇādaṇḍopariṣṭāt prakaṭitamaruṇaṃ śliṣṭaśoṇāṃśuveṣṭaṃvṛttaṃ hantā nu dantāvaladalanatanorakṣi santāpamantaḥ || 33||

उद्वेल्लज्ज्वालवल्लीच्छलमृदुलचलच्छोणचेलाञ्चलश्रीस्फारैः फुल्लैः स्फुलिङ्गैः खलु खचितशिखामन्दमन्दारवृन्दैः ।स्वध्यातृणां नृणां साभयवरकरता कीर्तिता सिंहमूर्तेःबन्धुकच्छायबन्धुच्छविरवतु विभोर्भैरवी भालदृष्टिः ॥ ३४॥

udvellajjvālavallīcchalamṛdulacalacchoṇacelāñcalaśrīsphāraiḥ phullaiḥ sphuliṅgaiḥ khalu khacitaśikhāmandamandāravṛndaiḥ |svadhyātṛṇāṃ nṛṇāṃ sābhayavarakaratā kīrtitā siṃhamūrteḥbandhukacchāyabandhucchaviravatu vibhorbhairavī bhāladṛṣṭiḥ || 34||

माद्यद् दुर्दानवोद्यन्मददलनफलं भक्तभूयोविपत्तिप्रत्यादेशं फलं चाकलयितुमसुरश्रेष्ठनिष्ठा फलं च ।कोपश्रीपाटलायाः कपटनृहरिहृद्भ्राजभानोद्भवायाःपुल्लत्फुल्लत्रयीवोल्लसतु मदशुभस्यापनेत्री त्रिनेत्री ॥ ३५॥

mādyad durdānavodyanmadadalanaphalaṃ bhaktabhūyovipattipratyādeśaṃ phalaṃ cākalayitumasuraśreṣṭhaniṣṭhā phalaṃ ca |kopaśrīpāṭalāyāḥ kapaṭanṛharihṛdbhrājabhānodbhavāyāḥpullatphullatrayīvollasatu madaśubhasyāpanetrī trinetrī || 35||

मायागन्धं निरुन्धन् भुवि पदकमलाभोगसम्पादहेतुःसंवादी तापदाने परमहिमकरेणात्तकारुण्यसम्पत् ।यत्पातः शत्रुजाते सुहृदि च सदृशो दिव्यपारीन्द्रमूर्तेर्जैत्री सा नस्त्रिनेत्री भवभयविभवस्यापनेत्री भवित्री ॥ ३६॥

māyāgandhaṃ nirundhan bhuvi padakamalābhogasampādahetuḥsaṃvādī tāpadāne paramahimakareṇāttakāruṇyasampat |yatpātaḥ śatrujāte suhṛdi ca sadṛśo divyapārīndramūrterjaitrī sā nastrinetrī bhavabhayavibhavasyāpanetrī bhavitrī || 36||

ज्वालावल्ली विशाला स्फुरति नरहरेर्भालनेत्रालवालेतामेवोच्चैः स्फुलिङ्गस्फुटकुसुमघटां कोटि देशे दधाना ।अद्धा यद्धेतुकोच्चावचफलपटलप्रायतामायतालंसंवर्तोद्वृत्तवाह्निद्युमणिगणबृहद्भानुदम्भोलिवर्गः ॥ ३७॥

jvālāvallī viśālā sphurati naraharerbhālanetrālavāletāmevoccaiḥ sphuliṅgasphuṭakusumaghaṭāṃ koṭi deśe dadhānā |addhā yaddhetukoccāvacaphalapaṭalaprāyatāmāyatālaṃsaṃvartodvṛttavāhnidyumaṇigaṇabṛhadbhānudambholivargaḥ || 37||

सार्धं योद्धुं समृद्धैर्नभसि भपतिना दुर्जयैर्ध्वान्तयोधैःधृष्णिश्रेणीभटानामहमहमिकया सत्वरोदित्वराणाम् ।वाहासङ्घट्टपिष्टाङ्गदमणिपटलीप्रांशुपिष्टातवृष्टाःकष्टानां सन्तु नष्टयै नरहरिवपुषो फालदृष्टेः स्फुलिङ्गाः ॥ ३८॥

sārdhaṃ yoddhuṃ samṛddhairnabhasi bhapatinā durjayairdhvāntayodhaiḥdhṛṣṇiśreṇībhaṭānāmahamahamikayā satvaroditvarāṇām |vāhāsaṅghaṭṭapiṣṭāṅgadamaṇipaṭalīprāṃśupiṣṭātavṛṣṭāḥkaṣṭānāṃ santu naṣṭayai naraharivapuṣo phāladṛṣṭeḥ sphuliṅgāḥ || 38||

भक्तप्राणिप्रहाणिप्रचलदसिलतापाणिदुर्दैत्यहत्यातिक्रूरक्रोधयोधप्रचलनखचितश्मश्रुलेखासखी नः ।रौद्रश्रीकाद्रवेयीद्रुतललनवलज्जिह्विका प्रोज्जिहानासा नागद्वेषिमूर्तेर्विहरतु हृदये वेल्लिता चिल्लिवल्ली ॥ ३९॥

bhaktaprāṇiprahāṇipracaladasilatāpāṇidurdaityahatyātikrūrakrodhayodhapracalanakhacitaśmaśrulekhāsakhī naḥ |raudraśrīkādraveyīdrutalalanavalajjihvikā projjihānāsā nāgadveṣimūrterviharatu hṛdaye vellitā cillivallī || 39||

लास्येनोल्लास्यमाना निरवधिविगलद्योधगोधिप्रतोलीयावत्क्रोधावकीर्णाञ्चलचपलचलच्चामरोड्डामरश्रीः ।घोणादण्डाग्रजाग्रज्जयपरिचयकृद्वैजयन्ती जयन्तीरौद्रस्य द्रागभद्रं विघटयभु हठाद्भ्रूद्वयी नृद्विपारेः ॥ ४०॥

lāsyenollāsyamānā niravadhivigaladyodhagodhipratolīyāvatkrodhāvakīrṇāñcalacapalacalaccāmaroḍḍāmaraśrīḥ |ghoṇādaṇḍāgrajāgrajjayaparicayakṛdvaijayantī jayantīraudrasya drāgabhadraṃ vighaṭayabhu haṭhādbhrūdvayī nṛdvipāreḥ || 40||

दुर्दान्तध्वान्तभेकप्रतिभयसरयश्वासफूत्कार घोराप्रेङ्खोलश्मश्रुलेखाच्छलचलरसनाद्वन्द्वविभ्राजमाना ।वेष्टुं वा लम्बमानाननबिलनिलयं भालभित्तेरधस्तात् ।स्याद्धोणादीर्घपृष्ठी मदघविघटिनीकूटशैलाटमूर्तेः ॥ ४१॥

durdāntadhvāntabhekapratibhayasarayaśvāsaphūtkāra ghorāpreṅkholaśmaśrulekhācchalacalarasanādvandvavibhrājamānā |veṣṭuṃ vā lambamānānanabilanilayaṃ bhālabhitteradhastāt |syāddhoṇādīrghapṛṣṭhī madaghavighaṭinīkūṭaśailāṭamūrteḥ || 41||

सूर्यादिज्योतिरुर्जस्वलकरपटलीमोटनालम्पटोऽसौदैत्येन्द्रोद्दामधामद्युमणिघृणिघटालङ्घनेनाभिघाती ।लोकालोकाद्रिरीत्युत्प्रतिघ इव तदुत्तुङ्गशृङ्गत्वभङ्गेजङ्घालो जङ्घनीतुच्छलहरिपरुषश्वासवातोऽघसङ्घान् ॥ ४२॥

sūryādijyotirurjasvalakarapaṭalīmoṭanālampaṭo'saudaityendroddāmadhāmadyumaṇighṛṇighaṭālaṅghanenābhighātī |lokālokādrirītyutpratigha iva taduttuṅgaśṛṅgatvabhaṅgejaṅghālo jaṅghanītucchalahariparuṣaśvāsavāto'ghasaṅghān || 42||

क्रूरक्रोधाग्निकीलक्कथित इव पृथुश्वासभूमा नृसिंहस्योग्राणामग्रगाणामनुतनुघटितरफारविस्फोटकोटिः ।वार्धिनामैक्यमृद्धं घटयितुमिव जङ्घालजङ्घालताभ्रू (जङ्घालझम्झासमीरो)द्रागंहःसङ्घनीतिर्मतं सकलशुभोल्लङ्घनी जङ्घनीतु ॥ ४३॥ (नीतिर्मम, शुभोल्लङ्घने)

krūrakrodhāgnikīlakkathita iva pṛthuśvāsabhūmā nṛsiṃhasyogrāṇāmagragāṇāmanutanughaṭitaraphāravisphoṭakoṭiḥ |vārdhināmaikyamṛddhaṃ ghaṭayitumiva jaṅghālajaṅghālatābhrū (jaṅghālajhamjhāsamīro)drāgaṃhaḥsaṅghanītirmataṃ sakalaśubhollaṅghanī jaṅghanītu || 43|| (nītirmama, śubhollaṅghane)

द्वीपान्तर्द्योतमानक्षितिधरनिकरक्षुद्रतामुद्रितौजालोकालोकाद्रिमूर्धाञ्चलचलनधनश्लाघनीयापदानः ।द्राग्मित्त्याघातजातप्रतिघुरितरयभ्रान्तगाङ्गेयरेणुभ्राजद्ब्रह्माण्डभाण्डः स्फुरतु हृदि हरेः श्वासरूपी नभस्वान् ॥ ४४॥

dvīpāntardyotamānakṣitidharanikarakṣudratāmudritaujālokālokādrimūrdhāñcalacalanadhanaślāghanīyāpadānaḥ |drāgmittyāghātajātapratighuritarayabhrāntagāṅgeyareṇubhrājadbrahmāṇḍabhāṇḍaḥ sphuratu hṛdi hareḥ śvāsarūpī nabhasvān || 44||

घोणाश्वभ्रोरुगर्भादतिपरुषखरश्वासधारानिरस्ताकालव्यालद्वयीवोद्यतफणयुगलीश्रोत्रगर्भप्रदेशेनेत्रायुर्वायुयायिन्यसुरपरिषदः स्थूलतालालितान्ता (नेत्रायुर्वायुपायिन्य)स्मेरा श्मश्रुद्वयी नो द्विपदलनतनोस्तुङ्गभासङ्गताव्यात् ॥ ४५॥

ghoṇāśvabhrorugarbhādatiparuṣakharaśvāsadhārānirastākālavyāladvayīvodyataphaṇayugalīśrotragarbhapradeśenetrāyurvāyuyāyinyasurapariṣadaḥ sthūlatālālitāntā (netrāyurvāyupāyinya)smerā śmaśrudvayī no dvipadalanatanostuṅgabhāsaṅgatāvyāt || 45||

कौटिल्येनैव ल्खल्वाचरितपरिचिता वक्रताशुभ्रताभ्यांन्यस्यन्ती क्षीरकण्ठद्विजनपतिघटाकण्ठपीठे प्रकोष्ठम् ।ताभ्यां तिग्मत्वयुग्भ्यां नगरवरवधूनेत्रकोणान्तमैत्रीदंष्ट्रधाटी स्फुटा नः कपटहरितनोः पाटयेत् पापकूटम् ॥ ४६॥

kauṭilyenaiva lkhalvācaritaparicitā vakratāśubhratābhyāṃnyasyantī kṣīrakaṇṭhadvijanapatighaṭākaṇṭhapīṭhe prakoṣṭham |tābhyāṃ tigmatvayugbhyāṃ nagaravaravadhūnetrakoṇāntamaitrīdaṃṣṭradhāṭī sphuṭā naḥ kapaṭaharitanoḥ pāṭayet pāpakūṭam || 46||

आविर्भूयास्यगर्भाद्रवमसुरवधूगर्भविभ्रंशभीमंजिह्वां चालोक्य दैत्यक्षतजरसझरीग्रासलोलामिवोग्राम् ।कूरास्थिग्रन्थिकोटीविघटनकटुतोद्धाटिनीवातिघोरापायाच्छैलाटचेष्टानुकृतिकृतिभृतो दन्तधाटी प्रभोर्नः ॥ ४७॥

āvirbhūyāsyagarbhādravamasuravadhūgarbhavibhraṃśabhīmaṃjihvāṃ cālokya daityakṣatajarasajharīgrāsalolāmivogrām |kūrāsthigranthikoṭīvighaṭanakaṭutoddhāṭinīvātighorāpāyācchailāṭaceṣṭānukṛtikṛtibhṛto dantadhāṭī prabhornaḥ || 47||

प्रह्लादोद्रिक्तनिद्रप्रमदकुमुदिनीजागरारागराजोरुष्टेन्द्रद्वेष्ट्ट्द्य्ष्टिस्फुटपुटकघटादर्शिताक्षुद्रनिद्राः ।विध्वस्तातिप्रशस्तामरनिवहमहासाध्वसध्वान्तधाराःलीलाशैलाटमूर्तेर्दशनशशिकलाश्रेणयः प्रीणयन्तु ॥ ४८॥

prahlādodriktanidrapramadakumudinījāgarārāgarājoruṣṭendradveṣṭṭdyṣṭisphuṭapuṭakaghaṭādarśitākṣudranidrāḥ |vidhvastātipraśastāmaranivahamahāsādhvasadhvāntadhārāḥlīlāśailāṭamūrterdaśanaśaśikalāśreṇayaḥ prīṇayantu || 48||

दैत्योरःपीठपाटप्रकटविकटरुट्कक्खटोघृष्टदंष्ट्रासङ्घट्टस्पष्टदृष्टज्वलनकणगणश्रेणयोऽनिष्टनष्टौ ।जायन्तां जागरूका विदलितदनुजव्यूहवाहोर्जितेजःपूगप्रोद्गीर्णचूर्णप्रचयसमरुचो रंहसा सिंहमूर्तेः ॥ ४९॥

daityoraḥpīṭhapāṭaprakaṭavikaṭaruṭkakkhaṭoghṛṣṭadaṃṣṭrāsaṅghaṭṭaspaṣṭadṛṣṭajvalanakaṇagaṇaśreṇayo'niṣṭanaṣṭau |jāyantāṃ jāgarūkā vidalitadanujavyūhavāhorjitejaḥpūgaprodgīrṇacūrṇapracayasamaruco raṃhasā siṃhamūrteḥ || 49||

निर्यल्लालाटदृष्टिज्वलनघृणिघटाप्लुष्टदुष्टौघवंशस्थूलास्थिग्रन्थिकूटस्फुटनचटचटाट्टारवस्फारशङ्काम् ।कुर्वन् गीर्वाणवर्गेऽद्भुतकलननभोभाजि निश्शेषयेन्नोदोषान् रोषप्रपोषो मिषहरिवपुषो दन्तसङ्घट्टघोषः ॥ ५०॥

niryallālāṭadṛṣṭijvalanaghṛṇighaṭāpluṣṭaduṣṭaughavaṃśasthūlāsthigranthikūṭasphuṭanacaṭacaṭāṭṭāravasphāraśaṅkām |kurvan gīrvāṇavarge'dbhutakalananabhobhāji niśśeṣayennodoṣān roṣaprapoṣo miṣaharivapuṣo dantasaṅghaṭṭaghoṣaḥ || 50||

मन्दारोदारसिन्दूरकशिशुबिसिनीबन्धुबन्धूकसन्ध्यानिर्यन्निर्यासकार्याकृतिरिव कलितारुण्यतारुण्यसम्पत् ।सप्तार्चिस्तप्तखड्गप्रतिनिधिरधिकोल्लासिलौल्योल्बणश्रीरास्तां नस्तापभाजां नरहरिरसनावासनाशासनाय ॥ ५१॥

mandārodārasindūrakaśiśubisinībandhubandhūkasandhyāniryanniryāsakāryākṛtiriva kalitāruṇyatāruṇyasampat |saptārcistaptakhaḍgapratinidhiradhikollāsilaulyolbaṇaśrīrāstāṃ nastāpabhājāṃ naraharirasanāvāsanāśāsanāya || 51||

सौक्षम्येणाग्नेर्निदाने वदन इह सतः क्रोधदोधूयमानप्राणद्राघिष्ठभस्त्राजवनपवनतो दीप्तिशीलेव कीला ।क्रोधान्धानां नखानामसुरवरहृदो दर्शनायेव सम्यक्प्रह्वा जिह्वा मदंहः प्रदहतु महिमोन्नाहभृन्नारसिंही ॥ ५२॥

saukṣamyeṇāgnernidāne vadana iha sataḥ krodhadodhūyamānaprāṇadrāghiṣṭhabhastrājavanapavanato dīptiśīleva kīlā |krodhāndhānāṃ nakhānāmasuravarahṛdo darśanāyeva samyakprahvā jihvā madaṃhaḥ pradahatu mahimonnāhabhṛnnārasiṃhī || 52||

निष्क्रान्तेवानयन्ताद्गलरववलतः साध्वसध्वस्तधैर्यात् (निष्क्रान्तेवानयनाद्गलरववलतः)प्रोन्मीलत्कम्पसम्पद्भयमयचरितोद्भावनप्रेक्षयेव ।दंष्ट्राभिः स्पष्टरोचिःपटलकरघटाघट्टनीभिः प्रद्यष्टाश्वासेव स्वान्तदेशे नरहरिरसना वासनाशासनी स्यात् ॥ ५३॥

niṣkrāntevānayantādgalaravavalataḥ sādhvasadhvastadhairyāt (niṣkrāntevānayanādgalaravavalataḥ)pronmīlatkampasampadbhayamayacaritodbhāvanaprekṣayeva |daṃṣṭrābhiḥ spaṣṭarociḥpaṭalakaraghaṭāghaṭṭanībhiḥ pradyaṣṭāśvāseva svāntadeśe naraharirasanā vāsanāśāsanī syāt || 53||

दैतेयोद्दामधामद्रुमदहनधृताटोपनोपाग्निकीलाप्रह्लादोद्रिक्तभक्तिच्छलनिलयचलच्छोणकेतुच्छीवर्नः ।स्याज्जिह्वा नारसिंही विबुधपतिशुभा दृष्टवासन्तवार्ताश्लिष्टश्रीवल्लिहृष्टप्रथमकिसलयश्रीरनिष्टप्रणष्टयै ॥ ५४॥

daiteyoddāmadhāmadrumadahanadhṛtāṭopanopāgnikīlāprahlādodriktabhakticchalanilayacalacchoṇaketucchīvarnaḥ |syājjihvā nārasiṃhī vibudhapatiśubhā dṛṣṭavāsantavārtāśliṣṭaśrīvallihṛṣṭaprathamakisalayaśrīraniṣṭapraṇaṣṭayai || 54||

चञ्चत्पञ्चप्रकारे मुख इह भवितुं साम्प्रतं पञ्च जिह्वाःव्यक्तैकाग्रे महोग्रा पुनरपि भवितारश्चतस्रोऽधिपार्श्वम् ।इत्यालोच्येव सीमाजिवटविषुतया कर्णजाहां जिहानेस्मर्तव्ये सिंहमूर्तेर्भुशमपशरणैः सृक्कणी चक्रपाणेः ॥ ५५॥

cañcatpañcaprakāre mukha iha bhavituṃ sāmprataṃ pañca jihvāḥvyaktaikāgre mahogrā punarapi bhavitāraścatasro'dhipārśvam |ityālocyeva sīmājivaṭaviṣutayā karṇajāhāṃ jihānesmartavye siṃhamūrterbhuśamapaśaraṇaiḥ sṛkkaṇī cakrapāṇeḥ || 55||

प्रेङ्खन्निःश्वासलेखं प्रकटकटकटस्फोटविस्पष्टदंष्ट्रंश्मश्रुस्मेरत्वभीष्मं कुटिलमविकटभ्रूकुटीभ्राजमानम् ।क्रोधक्रूक्षिचक्रं सरभसरसनाभीमतं श्रीमतङ्ग (सरभसरसनाभीषणं)द्वेष्टुर्द्राग्द्वेष्टु वक्त्रं मम विषमदशास्रष्टुरिष्टं गरिष्ठम् ॥ ५६॥

preṅkhanniḥśvāsalekhaṃ prakaṭakaṭakaṭasphoṭavispaṣṭadaṃṣṭraṃśmaśrusmeratvabhīṣmaṃ kuṭilamavikaṭabhrūkuṭībhrājamānam |krodhakrūkṣicakraṃ sarabhasarasanābhīmataṃ śrīmataṅga (sarabhasarasanābhīṣaṇaṃ)dveṣṭurdrāgdveṣṭu vaktraṃ mama viṣamadaśāsraṣṭuriṣṭaṃ gariṣṭham || 56||

दंष्ट्रासङ्घट्टघोरज्वलदनलकणश्रेणिकर्णप्रसूनेप्रोद्यन्निर्घोषवाद्ये प्रचलितबहलज्वालजिह्वामहोल्के ।रौद्रश्रीलास्यरङ्गे प्रकटविकटरुट्सूत्रधारप्रचारेसद्यो विद्योतमानद्विपदलनतनोरानने नो रतिः स्यात् ॥ ५७॥

daṃṣṭrāsaṅghaṭṭaghorajvaladanalakaṇaśreṇikarṇaprasūneprodyannirghoṣavādye pracalitabahalajvālajihvāmaholke |raudraśrīlāsyaraṅge prakaṭavikaṭaruṭsūtradhārapracāresadyo vidyotamānadvipadalanatanorānane no ratiḥ syāt || 57||

वह्निप्राचीरदीप्रप्रस्रुमरपरितःकेसरे स्पष्टदंष्ट्राकुड्यासंश्लिष्टयष्टिप्रचयपरिचिते भ्रूलतातोरणाढ्ये ।जाग्रत्प्रग्रीवमित्रप्रतिभयनयने प्रह्वाजिह्वालतोद्यत्सोपाने रौद्रलक्ष्मीगृह इव नृहरेरानने माननास्ताम् ॥ ५८॥

vahniprācīradīpraprasrumaraparitaḥkesare spaṣṭadaṃṣṭrākuḍyāsaṃśliṣṭayaṣṭipracayaparicite bhrūlatātoraṇāḍhye |jāgratpragrīvamitrapratibhayanayane prahvājihvālatodyatsopāne raudralakṣmīgṛha iva nṛharerānane mānanāstām || 58||

निस्त्रिंशस्रंसनं प्राक्सृजति करतलाज्जिह्वया नारसिंहेदंष्ट्राभिः कृत्तशस्त्रीपटलविघटने भ्रूलताविभ्रमेण ।कोदण्डभ्रंशचण्डे शितविशिखहरे श्रीकटाक्षच्छटाभिःदृष्टानां दृष्टिमात्रात् प्रतिकृतिकृतिनि प्रीतिरास्तां मुखे नः ॥ ५९॥

nistriṃśasraṃsanaṃ prāksṛjati karatalājjihvayā nārasiṃhedaṃṣṭrābhiḥ kṛttaśastrīpaṭalavighaṭane bhrūlatāvibhrameṇa |kodaṇḍabhraṃśacaṇḍe śitaviśikhahare śrīkaṭākṣacchaṭābhiḥdṛṣṭānāṃ dṛṣṭimātrāt pratikṛtikṛtini prītirāstāṃ mukhe naḥ || 59||

उद्यज्जिह्वामहोल्के मुखरिमखरनिर्घोषनिर्घातघोरेभ्रूवल्लीश्मश्रुलेखाविलसितविलसद्धूमकेतुप्रकाशे ।सक्रोधा क्षुद्रचक्षुस्त्रिकविकसनसन्दर्शितार्कत्रयीकेतस्यास्ये स्यान्नमस्यासुरकुलदलना दर्शिता जन्यसैन्ये ॥ ६०॥

udyajjihvāmaholke mukharimakharanirghoṣanirghātaghorebhrūvallīśmaśrulekhāvilasitavilasaddhūmaketuprakāśe |sakrodhā kṣudracakṣustrikavikasanasandarśitārkatrayīketasyāsye syānnamasyāsurakuladalanā darśitā janyasainye || 60||

दंष्ट्राधाटीकठोरक्रकचपरिचयेनाप्यखण्डस्वरूपासंङ्कोचं कण्ठघोषेण च न च दधती भीषणेनोल्बणेन ।लोके जिह्वापुटेऽप्यस्वलितपदवती भारती यत्र वासंमा सन्धत्तेऽप्रमत्ते हृदि भवतु हरेर्द्रागुपास्यं तदास्यम् ॥ ६१॥

daṃṣṭrādhāṭīkaṭhorakrakacaparicayenāpyakhaṇḍasvarūpāsaṃṅkocaṃ kaṇṭhaghoṣeṇa ca na ca dadhatī bhīṣaṇenolbaṇena |loke jihvāpuṭe'pyasvalitapadavatī bhāratī yatra vāsaṃmā sandhatte'pramatte hṛdi bhavatu harerdrāgupāsyaṃ tadāsyam || 61||

सप्तार्चिःखण्डषण्डस्तबकितकुहरा चुल्लिकेवोल्लसन्तीदीर्णा दीर्घादरीवोद्धुररुधिरसुहृद्धाराधुरीणा ।पातालद्वारिवोद्यत्फणिफणमणिरुक्कन्दकीवृन्दलीढालीलाहर्यक्षमूर्तेः क्षपयतु विपुला वक्त्रकुक्षिर्मदंहः ॥ ६२॥

saptārciḥkhaṇḍaṣaṇḍastabakitakuharā cullikevollasantīdīrṇā dīrghādarīvoddhurarudhirasuhṛddhārādhurīṇā |pātāladvārivodyatphaṇiphaṇamaṇirukkandakīvṛndalīḍhālīlāharyakṣamūrteḥ kṣapayatu vipulā vaktrakukṣirmadaṃhaḥ || 62||

गर्जश्रीनिर्जिताम्भोधरपटलहठाकृष्टविद्युत्कलापप्रायां प्राप्तां समुद्रादपि परिभावनो वैद्रुमी वल्लरीं वा ।रौद्रश्रीवीरवर्यावरवरणविधादन्तबन्धूकमालांबिभ्रद्यैत्यान्त्रमालामतिपरुषरुषः पातु देवस्य कण्ठः ॥ ६३॥

garjaśrīnirjitāmbhodharapaṭalahaṭhākṛṣṭavidyutkalāpaprāyāṃ prāptāṃ samudrādapi paribhāvano vaidrumī vallarīṃ vā |raudraśrīvīravaryāvaravaraṇavidhādantabandhūkamālāṃbibhradyaityāntramālāmatiparuṣaruṣaḥ pātu devasya kaṇṭhaḥ || 63||

माधुर्योद्रेकधुर्यं निजसहजपरिष्कारवर्यं विसृज्यक्रौर्यश्रीवार्यमाणावसरमपरसन्दैत्यपालान्त्रनालम् ।घोराकारां घृणायाः पदमपि दधती धार्यमाणां हठेनग्रीवा श्रीर्वारणारेः शरणमिह परं पीवरी वामनी वः ? ॥ ६४॥

mādhuryodrekadhuryaṃ nijasahajapariṣkāravaryaṃ visṛjyakrauryaśrīvāryamāṇāvasaramaparasandaityapālāntranālam |ghorākārāṃ ghṛṇāyāḥ padamapi dadhatī dhāryamāṇāṃ haṭhenagrīvā śrīrvāraṇāreḥ śaraṇamiha paraṃ pīvarī vāmanī vaḥ ? || 64||

मायाहर्यक्षमूर्तेः क्षयसमयपयोवाहसाहस्रगर्जस्फूर्जन्निर्घोषसम्भावितविदलनदिक्सन्धिसन्धुक्षणाय ।उन्मीलत्कान्तितन्तूत्कटकरजघटासूचिसाचिव्यभाजोविष्वद्रीचोऽनुविश्वोपकृतिकृतिभृतो भावये बाहुदण्डान् ॥ ६५॥

māyāharyakṣamūrteḥ kṣayasamayapayovāhasāhasragarjasphūrjannirghoṣasambhāvitavidalanadiksandhisandhukṣaṇāya |unmīlatkāntitantūtkaṭakarajaghaṭāsūcisācivyabhājoviṣvadrīco'nuviśvopakṛtikṛtibhṛto bhāvaye bāhudaṇḍān || 65||

नम्रा दैतेयसम्राद्प्रतिभयपृतनाघातगुर्वीं किलोर्वींदीव्यद्यर्वीकरोर्वीपतिफणपरिषत्खर्वतां पर्वतान्ताम् ।उद्धर्तं प्रोद्धुरा नु प्रतिदिशवलिताः सर्वतोऽखर्वमूर्तेःसाहस्रा बाहवस्ते मम हृदि महिमोन्नाहवाहः स्फुरन्तु ॥ ६६॥

namrā daiteyasamrādpratibhayapṛtanāghātagurvīṃ kilorvīṃdīvyadyarvīkarorvīpatiphaṇapariṣatkharvatāṃ parvatāntām |uddhartaṃ proddhurā nu pratidiśavalitāḥ sarvato'kharvamūrteḥsāhasrā bāhavaste mama hṛdi mahimonnāhavāhaḥ sphurantu || 66||

दीप्रं यद्विप्रचित्तप्रभवमृगदृशां क्षिप्रमोददधानंनिप्रघ्नद्विप्रवर्यप्रतिभयरयभृत्कैटभाटोपलोपम् ।चक्रं हर्यक्षमूर्तेः शरणमहमहोरात्रमार्तो भृशार्तेरेमि द्राक्कालनेमिक्षतजरसलन्नेमि कस्माद्विभेमि ॥ ६७॥

dīpraṃ yadvipracittaprabhavamṛgadṛśāṃ kṣipramodadadhānaṃnipraghnadvipravaryapratibhayarayabhṛtkaiṭabhāṭopalopam |cakraṃ haryakṣamūrteḥ śaraṇamahamahorātramārto bhṛśārteremi drākkālanemikṣatajarasalannemi kasmādvibhemi || 67||

वह्निज्वालाभजिह्वावगलनविकलत्वाम्बुना सन्नवक्त्रं (विकलस्वाम्बुना)निर्घोषैः कण्ठकम्बोश्चकितमिव महामौनमुद्रां दधानम् ।घोणाघ्राणप्रहीणं जलजमिव सितं पाणिभूषायमाणंशत्रुभ्यस्त्राणहेतोः शरणय नृहरेरम्बुजाक्षस्य कम्बुम् ॥ ६८॥

vahnijvālābhajihvāvagalanavikalatvāmbunā sannavaktraṃ (vikalasvāmbunā)nirghoṣaiḥ kaṇṭhakamboścakitamiva mahāmaunamudrāṃ dadhānam |ghoṇāghrāṇaprahīṇaṃ jalajamiva sitaṃ pāṇibhūṣāyamāṇaṃśatrubhyastrāṇahetoḥ śaraṇaya nṛharerambujākṣasya kambum || 68||

ऋक्चक्रेणेव चक्रं प्रथनमधिमधुग्रासिकोग्राकृतीतिक्रौर्येण क्रौञ्चभेदे पटुरिति विकटां श्रीमहासेनशक्तिम् ।दम्भोलिं जम्भशत्रोरहिहननमहासाहसीस्रद्धसन्तोदैत्योरस्त्रोटयन्तस्तृणमिव नृहरेः पाणिजाः प्रीणयन्तु ॥ ६९॥

ṛkcakreṇeva cakraṃ prathanamadhimadhugrāsikogrākṛtītikrauryeṇa krauñcabhede paṭuriti vikaṭāṃ śrīmahāsenaśaktim |dambholiṃ jambhaśatrorahihananamahāsāhasīsraddhasantodaityorastroṭayantastṛṇamiva nṛhareḥ pāṇijāḥ prīṇayantu || 69||

दैत्येन्द्रध्वानसन्ध्याध्वनिमुकुलितदिक्पालमालासुखर्धिस्वाध्यायारम्भपूर्वोदितसतनुदशोङ्कारिकाकारिभाजः ।नागानामिन्द्रियाणां दशसृणिसदृशाः प्राणिनां प्रीतिभाजांप्रायः पारीन्द्रमूर्तेर्मम दश नखरास्ते खराः स्युः सुखाय ॥ ७०॥

daityendradhvānasandhyādhvanimukulitadikpālamālāsukhardhisvādhyāyārambhapūrvoditasatanudaśoṅkārikākāribhājaḥ |nāgānāmindriyāṇāṃ daśasṛṇisadṛśāḥ prāṇināṃ prītibhājāṃprāyaḥ pārīndramūrtermama daśa nakharāste kharāḥ syuḥ sukhāya || 70||

साक्षादालक्ष्यमाणं युधि दलदगदाघातशोथप्रथिम्नादिङ्नागानां विषाणोरुमुसलशकलैः पाण्डुनिर्भग्नमग्नैः ।दैतेयव्याघ्रवक्षःप्रबलमदगदं शीघ्रमुल्लाघयन्तोभूशल्योद्धारकल्याभवभयभिषजः पाणिजाः पान्तु युष्मान् ॥ ७१॥

sākṣādālakṣyamāṇaṃ yudhi daladagadāghātaśothaprathimnādiṅnāgānāṃ viṣāṇorumusalaśakalaiḥ pāṇḍunirbhagnamagnaiḥ |daiteyavyāghravakṣaḥprabalamadagadaṃ śīghramullāghayantobhūśalyoddhārakalyābhavabhayabhiṣajaḥ pāṇijāḥ pāntu yuṣmān || 71||

उन्मीलत्कालखण्डोत्पलममलिनकङ्कालखण्टैः कुमुद्वत्तद्वद्ये व्यक्तमुल्कामुकुलितकमलं स्रागसृक्काभिपूर्णम् ।हंसापत्यातिरक्तं सुररिपुवरहृल्लक्ष्यहर्यक्षमूर्तेःक्रौर्यक्रीडातटागं क्षणमधिविदधुस्ते नखाः स्युः सुखाय ॥ ७२॥

unmīlatkālakhaṇḍotpalamamalinakaṅkālakhaṇṭaiḥ kumudvattadvadye vyaktamulkāmukulitakamalaṃ srāgasṛkkābhipūrṇam |haṃsāpatyātiraktaṃ suraripuvarahṛllakṣyaharyakṣamūrteḥkrauryakrīḍātaṭāgaṃ kṣaṇamadhividadhuste nakhāḥ syuḥ sukhāya || 72||

उद्रिङ्गद्रक्तलेखारुणवसनलताकर्षमुच्चैस्त्रिलोकीलक्ष्मीदैत्येन्द्रवक्षःस्थलपृथुलशिलास्थेयसीमिर्ष्येयेव ।आकर्षन्तो द्विरूढां विबुधपरिवृतेनैव बाढं विधातुंनिर्भीति प्रीणयन्तु छलहरिवपुषः पाणिजाः प्राणिजातम् ॥ ७३॥

udriṅgadraktalekhāruṇavasanalatākarṣamuccaistrilokīlakṣmīdaityendravakṣaḥsthalapṛthulaśilāstheyasīmirṣyeyeva |ākarṣanto dvirūḍhāṃ vibudhaparivṛtenaiva bāḍhaṃ vidhātuṃnirbhīti prīṇayantu chalaharivapuṣaḥ pāṇijāḥ prāṇijātam || 73||

वक्षःसीमन्तयन्तो नभिदुरभिदुरोरच्छदछेददक्षायत्किञ्चिद्विघ्ननिघ्ना इव घनमघवद्वज्रघातोत्थशोथैः ।स्थूलास्थिग्रन्थिकूटे निबिडकडकडोड्डामराम्रेडितेनक्रीडन्तश्शक्रशत्रोर्नरहरिनखरास्ते खराः स्युः सुखाय ॥ ७४॥

vakṣaḥsīmantayanto nabhidurabhiduroracchadachedadakṣāyatkiñcidvighnanighnā iva ghanamaghavadvajraghātotthaśothaiḥ |sthūlāsthigranthikūṭe nibiḍakaḍakaḍoḍḍāmarāmreḍitenakrīḍantaśśakraśatrornaraharinakharāste kharāḥ syuḥ sukhāya || 74||

चापल्येनापतन्तीमिव शिरसि रसज्ञां प्रतप्तासिलेखाभीमामालोक्य सीमान्तरगतकमलाकौस्तुभश्रीव भीत्या ।तारादारांशुधाराप्रतिमघनतमोल्लासवल्लोमवल्लीलीनश्रीवत्सलक्ष्म क्षपयतु दुरितं लक्षहर्यक्षवक्षः ॥ ७५॥

cāpalyenāpatantīmiva śirasi rasajñāṃ prataptāsilekhābhīmāmālokya sīmāntaragatakamalākaustubhaśrīva bhītyā |tārādārāṃśudhārāpratimaghanatamollāsavallomavallīlīnaśrīvatsalakṣma kṣapayatu duritaṃ lakṣaharyakṣavakṣaḥ || 75||

अव्यादाकाशकाशस्तबकपरिणतः कूर्मलोम्नां विवर्तोदृष्टान्तश्यामशृङ्गस्य च हरिदुदयच्चित्रलेखैकमित्रम् ।मिथ्यद्वैरथ्यसज्जद्विपदलनतनोर्देहपूर्वापरर्द्धिस्थित्यर्थापत्तिसाध्यं भवभयविकटान्मङ्क्षु नो मध्यमव्यात् ॥ ७६॥

avyādākāśakāśastabakapariṇataḥ kūrmalomnāṃ vivartodṛṣṭāntaśyāmaśṛṅgasya ca haridudayaccitralekhaikamitram |mithyadvairathyasajjadvipadalanatanordehapūrvāpararddhisthityarthāpattisādhyaṃ bhavabhayavikaṭānmaṅkṣu no madhyamavyāt || 76||

दैत्येन्द्रो दीर्घनिद्रामधित शितशिखैस्तन्नखैः खण्डितोरःकण्डूतिर्यत्र हस्तस्खलदसिफलकस्फारपादप्रसारः ।चञ्चज्जानूपधाना तनुरुहनिवहप्रच्छदनाढ्यामञ्चेतः स्थैर्यपट्वाक्रमतु कपटहर्यक्षदक्षोरुखट्वा ॥ ७७॥

daityendro dīrghanidrāmadhita śitaśikhaistannakhaiḥ khaṇḍitoraḥkaṇḍūtiryatra hastaskhaladasiphalakasphārapādaprasāraḥ |cañcajjānūpadhānā tanuruhanivahapracchadanāḍhyāmañcetaḥ sthairyapaṭvākramatu kapaṭaharyakṣadakṣorukhaṭvā || 77||

न्यस्ते रोषेण साचिप्रसृमरपरितो दीधितौ यत्र रक्तेमध्ये नम्रत्वकम्रं कुवलयमभितः सङ्गतोत्तुङ्गताकम् ।उत्तानस्वर्णदण्डायुतकनकशलाका[लिलालित्यशालिच्छत्राभामाप तापानपनुदतु हरेर्वामजङ्घाप्रकाण्डः ॥ ७८॥

nyaste roṣeṇa sāciprasṛmaraparito dīdhitau yatra raktemadhye namratvakamraṃ kuvalayamabhitaḥ saṅgatottuṅgatākam |uttānasvarṇadaṇḍāyutakanakaśalākā[lilālityaśālicchatrābhāmāpa tāpānapanudatu harervāmajaṅghāprakāṇḍaḥ || 78||

स्तम्भोद्भूतस्य भूमेरूपरि लिपदसृक्चन्दनं स्यन्दमानाधोऽनूनारुण्यलक्ष्यादिति सुतपृतनापादघातार्तिभाजः ।फाले श्रीखण्डपुण्ड्रं लिखदिव नखरज्योत्स्नया वत्सलत्वात्प्रह्लादस्य प्रणामप्रवणितशिरसः पातु पादद्वयी नः ॥ ७९॥

stambhodbhūtasya bhūmerūpari lipadasṛkcandanaṃ syandamānādho'nūnāruṇyalakṣyāditi sutapṛtanāpādaghātārtibhājaḥ |phāle śrīkhaṇḍapuṇḍraṃ likhadiva nakharajyotsnayā vatsalatvātprahlādasya praṇāmapravaṇitaśirasaḥ pātu pādadvayī naḥ || 79||

रुन्धन्तीवारिबन्धूनधिरुधिरधुनीबन्धुबन्धूकमूर्तेराकृष्याशानुविश्वाः स्वयमपि युगपद्योजयन्तीव भान्ति ।द्वैतं द्यावापृथिव्योर्दलयितुमुदयन्मांसलानीचवीचिःविश्वद्रीची मरीचीततिररुणसमीचीनरोचिर्विचिन्त्या ॥ ८०॥

rundhantīvāribandhūnadhirudhiradhunībandhubandhūkamūrterākṛṣyāśānuviśvāḥ svayamapi yugapadyojayantīva bhānti |dvaitaṃ dyāvāpṛthivyordalayitumudayanmāṃsalānīcavīciḥviśvadrīcī marīcītatiraruṇasamīcīnarocirvicintyā || 80||

अस्थानद्वारि तिष्ठन् असुरवरहृदो दारुणायैकनिष्टक्रोधः श्रीपृष्ठनिष्ठप्रततफणबृहद्दीर्घपृष्ठस्थविष्ठः ।प्रह्लादाप्तप्रतिष्ठः प्रबलदनुजनुःसैन्यविन्यस्तनिष्ठःपायाद्देवो वसिष्ठप्रभवभवनुतो देवगोष्ठीगरिष्ठः ॥ ८१॥

asthānadvāri tiṣṭhan asuravarahṛdo dāruṇāyaikaniṣṭakrodhaḥ śrīpṛṣṭhaniṣṭhapratataphaṇabṛhaddīrghapṛṣṭhasthaviṣṭhaḥ |prahlādāptapratiṣṭhaḥ prabaladanujanuḥsainyavinyastaniṣṭhaḥpāyāddevo vasiṣṭhaprabhavabhavanuto devagoṣṭhīgariṣṭhaḥ || 81||

दन्तेभ्यः पाणिजेभ्यस्तुहिनगुभगिनीस्तोमलेखासुहृद्भयोनो बिभ्यत्यब्धिशब्दश्रवणपरवशाघोरगम्भीरघोषात् ।और्वज्वालालतायाः कणकुसुमहृदप्युग्रजिह्वालतायायस्याङ्के निर्विशङ्कं जयति जलाधिजा सैष देवोऽवताद्वः ॥ ८२॥

dantebhyaḥ pāṇijebhyastuhinagubhaginīstomalekhāsuhṛdbhayono bibhyatyabdhiśabdaśravaṇaparavaśāghoragambhīraghoṣāt |aurvajvālālatāyāḥ kaṇakusumahṛdapyugrajihvālatāyāyasyāṅke nirviśaṅkaṃ jayati jalādhijā saiṣa devo'vatādvaḥ || 82||

एष ब्रह्माण्डभाण्डामितविततवपुः सज्जनस्वान्तदेशेस्वच्छन्दामन्दलीलो विषयसमुदयाकुञ्चितत्त्वाञ्चितेऽपि ।काष्ठाकैवल्यलक्ष्म्या जगति कतिपयैः कल्मिभिः कार्यदृष्टयादेवः श्रीमान् नृसिंहोऽवतु परममहानप्यणोरप्यणीयान् ॥ ८३॥

eṣa brahmāṇḍabhāṇḍāmitavitatavapuḥ sajjanasvāntadeśesvacchandāmandalīlo viṣayasamudayākuñcitattvāñcite'pi |kāṣṭhākaivalyalakṣmyā jagati katipayaiḥ kalmibhiḥ kāryadṛṣṭayādevaḥ śrīmān nṛsiṃho'vatu paramamahānapyaṇorapyaṇīyān || 83||

उच्चैर्घुष्टप्रहृष्टत्रिदशगणघनश्लाघनाघूर्णनोद्यन्मूर्धाधोध्वस्तपुष्पस्तबकविकसितैस्तारकाचक्रवालैः ।दृष्टोरः पाटरुष्टिस्फुटविकटसटाकम्पसम्पत्तिचक्रच्छिन्नैराच्छादिताङ्गच्छलनृहरितनुर्यच्छताद्वाञ्छितं नः ॥ ८४॥

uccairghuṣṭaprahṛṣṭatridaśagaṇaghanaślāghanāghūrṇanodyanmūrdhādhodhvastapuṣpastabakavikasitaistārakācakravālaiḥ |dṛṣṭoraḥ pāṭaruṣṭisphuṭavikaṭasaṭākampasampatticakracchinnairācchāditāṅgacchalanṛharitanuryacchatādvāñchitaṃ naḥ || 84||

आभातीतेन्दुधामासदरिदरकरः सर्वमानव्यमाभृत्कायोदारस्सदारोचितदशनखरः कोऽपि तत्त्वाधिकारी ।आभातीतेन्दुधामा सदरि करः सर्वदा नव्यमाभृ (सदर)त्कायोदारः सदारोचितदशनखरः कोऽपि तत्त्वाधिकारी ॥ ८५॥

ābhātītendudhāmāsadaridarakaraḥ sarvamānavyamābhṛtkāyodārassadārocitadaśanakharaḥ ko'pi tattvādhikārī |ābhātītendudhāmā sadari karaḥ sarvadā navyamābhṛ (sadara)tkāyodāraḥ sadārocitadaśanakharaḥ ko'pi tattvādhikārī || 85||

तिष्ठन्नम्भोजपृष्ठे जलनिधिजनुषो रोचिषा राजमानोविद्युज्ज्वालाकलापोज्ज्वलविपुलसटाकीर्णविस्तीर्णवक्त्रः ।जान्वोर्विन्यस्तहस्तः कटितटविवलद्योगपट्टस्फुटश्रीभाजोः शङ्खारिधारी जयति नरवपुश्चित्रपारोन्द्रवक्त्रः ॥ ८६॥

tiṣṭhannambhojapṛṣṭhe jalanidhijanuṣo rociṣā rājamānovidyujjvālākalāpojjvalavipulasaṭākīrṇavistīrṇavaktraḥ |jānvorvinyastahastaḥ kaṭitaṭavivaladyogapaṭṭasphuṭaśrībhājoḥ śaṅkhāridhārī jayati naravapuścitrapārondravaktraḥ || 86||

पातूरःपीठपट्टाश्रितजलधिजनिर्योगपट्टाभिरामोदैत्योरःपाटकट्टारकखरनखरो भ्राजदट्टाट्टघोषः ।संसारक्लेशहट्टापहरणमहिमा यो हृदट्टाधिवासीभक्तानां देवभट्टारककलितनुतिः पीतपट्टांशुकः सः ॥ ८७॥

pātūraḥpīṭhapaṭṭāśritajaladhijaniryogapaṭṭābhirāmodaityoraḥpāṭakaṭṭārakakharanakharo bhrājadaṭṭāṭṭaghoṣaḥ |saṃsārakleśahaṭṭāpaharaṇamahimā yo hṛdaṭṭādhivāsībhaktānāṃ devabhaṭṭārakakalitanutiḥ pītapaṭṭāṃśukaḥ saḥ || 87||

सत्रासत्राणर्त्री रिपुसुतविपदः साधु नाना धुनानामारामाराजिवक्षा नखविदलितदुष्टासुरा भासुराभा ।सामासामादिगीता निजपदकमलालम्बतारावताराभीमाभीमार्थदक्षा तनुरवतु सुधा भानुमालानुमाला ॥ ८८॥

satrāsatrāṇartrī ripusutavipadaḥ sādhu nānā dhunānāmārāmārājivakṣā nakhavidalitaduṣṭāsurā bhāsurābhā |sāmāsāmādigītā nijapadakamalālambatārāvatārābhīmābhīmārthadakṣā tanuravatu sudhā bhānumālānumālā || 88||

प्राप्ता मुद्राविले शेन परममहता येन यः सन्तरण्याकारां पृथ्वीं दधानो वरभुजगवरत्रासरक्षां विभाति ।गाङ्गश्रीशोभमानां स्वतनुमवतु नः शं खलूच्चैर्महिम्नापारावारप्रभावः स नृहरिरपरा यस्य मैनीह मूर्तिः ॥ ८९॥

prāptā mudrāvile śena paramamahatā yena yaḥ santaraṇyākārāṃ pṛthvīṃ dadhāno varabhujagavaratrāsarakṣāṃ vibhāti |gāṅgaśrīśobhamānāṃ svatanumavatu naḥ śaṃ khalūccairmahimnāpārāvāraprabhāvaḥ sa nṛhariraparā yasya mainīha mūrtiḥ || 89||

ज्यायस्याभासमाना भवति न तनुरुट्छालिनी यारिराजीश्यामा क्षीरोदनीरोच्छ्वसनकुशलिनी या कृतोद्वृत्तपाता ।हन्यान्मूर्तिर्हरेः सा दुरितमतिबला काच्छपी नाम मात्रातिक्रान्ता दीर्घपृष्ठं परमपि दधती मान्दरश्रीनिधानम् ॥ ९०॥

jyāyasyābhāsamānā bhavati na tanuruṭchālinī yārirājīśyāmā kṣīrodanīrocchvasanakuśalinī yā kṛtodvṛttapātā |hanyānmūrtirhareḥ sā duritamatibalā kācchapī nāma mātrātikrāntā dīrghapṛṣṭhaṃ paramapi dadhatī māndaraśrīnidhānam || 90||

देहो यस्याम्बुवाहोपलसितरुचिभृद्यः सरस्वत्युपास्यःपातालक्ष्माखरांशुप्रतिमनखगणो यो हिरण्याक्षजेता ।यो नन्दोल्लासकान्तो विलसति बहुलोमावली यस्य धाम्निश्रेयो दद्यात् स देवो निजजनमहसे लब्धभूदारभावः ॥ ९१॥

deho yasyāmbuvāhopalasitarucibhṛdyaḥ sarasvatyupāsyaḥpātālakṣmākharāṃśupratimanakhagaṇo yo hiraṇyākṣajetā |yo nandollāsakānto vilasati bahulomāvalī yasya dhāmniśreyo dadyāt sa devo nijajanamahase labdhabhūdārabhāvaḥ || 91||

उद्यत्प्रह्लादसम्पन्नखरकररुचिः सर्वदा राजदन्तश्रीधारी योरिधा रास्त्रन्थरविवरणो योऽनुरज्यद्रसज्ञः (?) । (योरिदा)चिल्लीलास्याधिकारी विकसिततनुरुट्केसरी कोऽपि लोकेकल्याणं स स्वतुल्यः प्रणयतु परितोऽलङ्क्रियाभासमानः ॥ ९२॥

udyatprahlādasampannakharakararuciḥ sarvadā rājadantaśrīdhārī yoridhā rāstrantharavivaraṇo yo'nurajyadrasajñaḥ (?) | (yoridā)cillīlāsyādhikārī vikasitatanuruṭkesarī ko'pi lokekalyāṇaṃ sa svatulyaḥ praṇayatu parito'laṅkriyābhāsamānaḥ || 92||

लोकप्रह्लादसद्भाद्रपदजनमतिप्रोल्लसद्येवकार्यायासाराम्भोदधानध्वनिविभववती चुम्बितार्काक्षमाला ।कौपीनप्रीतधात्रीवलनियमलयालोकहर्षप्रकाशाशुक्लाक्षी स्फोटभीमा हरितनुरवताद्वामनी चाधिका सा ॥ ९३॥

lokaprahlādasadbhādrapadajanamatiprollasadyevakāryāyāsārāmbhodadhānadhvanivibhavavatī cumbitārkākṣamālā |kaupīnaprītadhātrīvalaniyamalayālokaharṣaprakāśāśuklākṣī sphoṭabhīmā haritanuravatādvāmanī cādhikā sā || 93||

प्रस्वापद्वर्धनीया शशिदरपरशुभ्राजिता दानवार्यापारीचर्यादितक्ष्मोपकृतिगुरुमहादेवशास्त्राधिकारा ।भार्गव्याभासमाना हृदि मम बहुशोकार्तिवीर्याविरास्तांमूर्ति देवस्य कापि प्रतिदिनमविताम्नायशैलीमुखश्रीः ॥ ९४॥

prasvāpadvardhanīyā śaśidaraparaśubhrājitā dānavāryāpārīcaryāditakṣmopakṛtigurumahādevaśāstrādhikārā |bhārgavyābhāsamānā hṛdi mama bahuśokārtivīryāvirāstāṃmūrti devasya kāpi pratidinamavitāmnāyaśailīmukhaśrīḥ || 94||

यो गाधेयाग्निनेत्री गतदुरितशतानन्दसूर्या च ताराभर्तुर्लक्ष्मीं दधाराह्रियत किल ययाप्युच्चकैरावणश्रीः ।या वैदेह्याप्तभीतिक्षयकरमहिमा साधु सा राघवीतिख्याता मूर्तिर्हरेर्नो वसतु हृदि पराभूतमायाकुरङ्गा ॥ ९५॥

yo gādheyāgninetrī gataduritaśatānandasūryā ca tārābharturlakṣmīṃ dadhārāhriyata kila yayāpyuccakairāvaṇaśrīḥ |yā vaidehyāptabhītikṣayakaramahimā sādhu sā rāghavītikhyātā mūrtirharerno vasatu hṛdi parābhūtamāyākuraṅgā || 95||

योऽभूत् सन्तापसक्ता लवनखरघटाहारिहस्तो यदीयासच्चक्रे सूतमृत्युङ्करणकुशलता सूर्यजाकर्षशीलः ।यश्चेतोहारिहालाहलभृति बहलप्रीतिरुत्तालकेतुःप्रेयो वृन्दावनः कौरवगुरुरभितः श्रीहरी रक्षतां नः ॥ ९६॥

yo'bhūt santāpasaktā lavanakharaghaṭāhārihasto yadīyāsaccakre sūtamṛtyuṅkaraṇakuśalatā sūryajākarṣaśīlaḥ |yaścetohārihālāhalabhṛti bahalaprītiruttālaketuḥpreyo vṛndāvanaḥ kauravagururabhitaḥ śrīharī rakṣatāṃ naḥ || 96||

प्रत्यक्षादिप्रमाणोनभिमतपरलोकप्रहर्षो नयज्ञेप्रह्लादे चान्तनिष्ठे घृणयति घृणिमाल्यच्छविद्योतितो यः ।सर्वेषां मूलहेतुः किल यदभिमतो भावहावप्रसिद्धःसंसारादुद्धरेन्मां कपटहरितनुः शुद्धबुद्धस्वरूपः ॥ ९७॥

pratyakṣādipramāṇonabhimataparalokapraharṣo nayajñeprahlāde cāntaniṣṭhe ghṛṇayati ghṛṇimālyacchavidyotito yaḥ |sarveṣāṃ mūlahetuḥ kila yadabhimato bhāvahāvaprasiddhaḥsaṃsārāduddharenmāṃ kapaṭaharitanuḥ śuddhabuddhasvarūpaḥ || 97||

सार्धं दुष्टैः प्रवृद्धैः कलियुगमलहृत्सिन्धुजारोहशालीयोऽभूद्येवाधिराजप्रणयवशतया लब्धजन्मानुकारः ।संसारे सत्यधर्मा चरणपरवशो यः कृपाणां समुद्रःदेवोऽभूद्रोगहन्ता भवतु नरहरिर्भास्वदन्तः प्रकाशः ॥ ९८॥

sārdhaṃ duṣṭaiḥ pravṛddhaiḥ kaliyugamalahṛtsindhujārohaśālīyo'bhūdyevādhirājapraṇayavaśatayā labdhajanmānukāraḥ |saṃsāre satyadharmā caraṇaparavaśo yaḥ kṛpāṇāṃ samudraḥdevo'bhūdrogahantā bhavatu naraharirbhāsvadantaḥ prakāśaḥ || 98||

दैत्यानां कालदण्डः स्फुरतु हृदि हरेश्चण्डलाङ्गूलदण्डःशक्रश्रीलास्यदण्डः स्वजनघनकृपाकेतनोल्लासदण्डः ।आपद्गोषण्डदण्डः सुरपुरतरुणीत्रासभाण्डौघदण्डःस्वर्लोकच्छत्रदण्डस्त्रिपुरनिजजनुर्घोषणातोद्यदण्डः ॥ ९९॥

daityānāṃ kāladaṇḍaḥ sphuratu hṛdi hareścaṇḍalāṅgūladaṇḍaḥśakraśrīlāsyadaṇḍaḥ svajanaghanakṛpāketanollāsadaṇḍaḥ |āpadgoṣaṇḍadaṇḍaḥ surapurataruṇītrāsabhāṇḍaughadaṇḍaḥsvarlokacchatradaṇḍastripuranijajanurghoṣaṇātodyadaṇḍaḥ || 99||

स्वर्गे संसर्गवत्या दितितनुजभुजा वीर्यलक्ष्मीयुवत्याःप्रोदस्तं किन्नु दस्ता कलितकचकुलं क्ष्मातले पातनाय ।क्रोधश्रीबाहुदण्डं वलयितसितरुङ्मण्डलं तत्प्रचण्डंचेतो ब्रह्माण्डकेतोः स्मरहरिवपुषो वालहस्तप्रकाण्डं (?) ॥ १००॥

svarge saṃsargavatyā dititanujabhujā vīryalakṣmīyuvatyāḥprodastaṃ kinnu dastā kalitakacakulaṃ kṣmātale pātanāya |krodhaśrībāhudaṇḍaṃ valayitasitaruṅmaṇḍalaṃ tatpracaṇḍaṃceto brahmāṇḍaketoḥ smaraharivapuṣo vālahastaprakāṇḍaṃ (?) || 100||

ऊष्माकूष्माण्डषण्डो दयतु हृदि न ते यातु नो यातुनो भीःप्रेताः के तावदष्टौ त्यजत मयि महाभैरवा वैरवार्ताम् ।रुष्टत्वेतेन दुष्टग्रहगणगणनाकालकङ्कालसम्पत्सम्पन्ना ते मदास्यं मदायितुमुदभून्मापयन्नारसिंहं (?) ॥ १०१॥

ūṣmākūṣmāṇḍaṣaṇḍo dayatu hṛdi na te yātu no yātuno bhīḥpretāḥ ke tāvadaṣṭau tyajata mayi mahābhairavā vairavārtām |ruṣṭatvetena duṣṭagrahagaṇagaṇanākālakaṅkālasampatsampannā te madāsyaṃ madāyitumudabhūnmāpayannārasiṃhaṃ (?) || 101||

क्षिपं सर्पापसर्प व्रज वनगजते विद्रव छिद्रदेशादद्रेर्निर्गच्छ तुच्छद्रविण न हि मदादच्छभल्ल प्रयच्छ ।मा सिंह त्रास रंहः शरभ सरभसं याहि शार्दूल दूरादाह्वा जिह्वाञ्चलं नश्वपलयति यतश्चित्रपञ्चास्यमूर्तेः (?) ॥ १०२॥

kṣipaṃ sarpāpasarpa vraja vanagajate vidrava chidradeśādadrernirgaccha tucchadraviṇa na hi madādacchabhalla prayaccha |mā siṃha trāsa raṃhaḥ śarabha sarabhasaṃ yāhi śārdūla dūrādāhvā jihvāñcalaṃ naśvapalayati yataścitrapañcāsyamūrteḥ (?) || 102||

कश्चित् कौत्सववंशकैरववनीप्राकाशराकापतिःकृत्वा मर्त्यहरेरमर्त्यकलितां श्लोकैः शतैर्मौक्तिकैः ।मालां दूषणदूरणाय गुणवद्विज्ञानशाणार्चितां (दूषणदारणाय)सत्कण्ठार्पणतो जगाम परमानन्दं स गङ्गाधरः ॥ १०३॥

kaścit kautsavavaṃśakairavavanīprākāśarākāpatiḥkṛtvā martyahareramartyakalitāṃ ślokaiḥ śatairmauktikaiḥ |mālāṃ dūṣaṇadūraṇāya guṇavadvijñānaśāṇārcitāṃ (dūṣaṇadāraṇāya)satkaṇṭhārpaṇato jagāma paramānandaṃ sa gaṅgādharaḥ || 103||

इति श्रीनृसिंहशतकं सम्पूर्णम् ।

iti śrīnṛsiṃhaśatakaṃ sampūrṇam |