नृसिंहप्रातःस्मरणम् Shri Nrisimha Pratahsmaranam

प्रातःस्मरामि नृहरिं च अनन्तमाद्यंलक्ष्याश्रिताङ्गममलं सुरसङ्घबन्धम् ।यत्पादनिर्गतजलं जलमूर्ध्निधारीश्रीशङ्करेण सततं दुरितापहारि ॥ १॥

prātaḥsmarāmi nṛhariṃ ca anantamādyaṃlakṣyāśritāṅgamamalaṃ surasaṅghabandham |yatpādanirgatajalaṃ jalamūrdhnidhārīśrīśaṅkareṇa satataṃ duritāpahāri || 1||

प्रातःस्मरामि भुवनत्रयपालनाथस्तम्भं हिरण्यकशिपोः प्रविदारणाय ।भित्वा नखैरजनि येन तमार्तबन्धुंप्रह्लादरक्षणपरं करुणैकसिन्धुम् ॥ २॥

prātaḥsmarāmi bhuvanatrayapālanāthastambhaṃ hiraṇyakaśipoḥ pravidāraṇāya |bhitvā nakhairajani yena tamārtabandhuṃprahlādarakṣaṇaparaṃ karuṇaikasindhum || 2||

प्रातःस्मरामि फणिराजफणातपत्रंपीताम्बरं त्रिनयनं कृतसच्चरित्रम् ।चक्रं च शङ्खममलाब्जदादधानंदौर्भिः सुवर्णमणिभूषणराजमानम् ॥ ३॥

prātaḥsmarāmi phaṇirājaphaṇātapatraṃpītāmbaraṃ trinayanaṃ kṛtasaccaritram |cakraṃ ca śaṅkhamamalābjadādadhānaṃdaurbhiḥ suvarṇamaṇibhūṣaṇarājamānam || 3||

प्रातःस्मरामि सितकण्ठमपापशीलंक्षीरब्धिमध्यनिलयं हृतशत्रुजालम् ।ब्रह्मात्मजादि मुनिभिः स्तुतमुग्ररूपंनारायणं मुररिपुं विविधस्वरूपम् ॥ ४॥

prātaḥsmarāmi sitakaṇṭhamapāpaśīlaṃkṣīrabdhimadhyanilayaṃ hṛtaśatrujālam |brahmātmajādi munibhiḥ stutamugrarūpaṃnārāyaṇaṃ muraripuṃ vividhasvarūpam || 4||

प्रातःस्मरामि धृतदैत्यवरान्त्रमालंदीर्घस्वरप्रचकितारिव लोकजालम् ।घोरास्यलोलरसनं हरिमाप्तकामंश्वासानिलक्षुभितवारिनिधि प्रकामम् ॥ ५॥

prātaḥsmarāmi dhṛtadaityavarāntramālaṃdīrghasvarapracakitāriva lokajālam |ghorāsyalolarasanaṃ harimāptakāmaṃśvāsānilakṣubhitavārinidhi prakāmam || 5||

यः श्लोकपञ्चकमिदं प्रातर्नित्यं पठेन्नरः ।तस्मै नरहरिः सर्वं मनोभिष्टं प्रयच्छति ॥ ६॥

yaḥ ślokapañcakamidaṃ prātarnityaṃ paṭhennaraḥ |tasmai narahariḥ sarvaṃ manobhiṣṭaṃ prayacchati || 6||

इति श्रीनृसिंह प्रातःस्मरणं सम्पूर्णम् ।

iti śrīnṛsiṃha prātaḥsmaraṇaṃ sampūrṇam |