सप्तबुद्धस्तोत्रम् Saptabuddha Stotram

उत्पन्नो वन्धुमत्यां नृपतिवरकुले यो विपश्यीतिनाम्नायस्याशीतिसहस्राण्यमरनरगुरोरायुरासीद् गतानाम् ।येन प्राप्तं जिनत्वं दशबलबलिना पोतलावृक्षमूलेतं वन्दे ज्ञानवारि प्रणमितसकलं क्लेशवह्निं जिनेन्द्रम् ॥ १॥

utpanno vandhumatyāṃ nṛpativarakule yo vipaśyītināmnāyasyāśītisahasrāṇyamaranaragurorāyurāsīd gatānām |yena prāptaṃ jinatvaṃ daśabalabalinā potalāvṛkṣamūletaṃ vande jñānavāri praṇamitasakalaṃ kleśavahniṃ jinendram || 1||

वंशे पृथ्वीश्वराणां महति पुरवरे यः प्रजातोऽरूणाक्षोवर्षाणामायुरासीत् सकलगुणनिधेर्यस्य सप्तायुतानाम् ।संप्राप्ता येन बोधिः परहितपटुना पुण्डरीकस्य मूलेतं वन्दे ज्ञानराशिं शिखिनमृषिवरं प्राप्तसंसारपारम् ॥ २॥

vaṃśe pṛthvīśvarāṇāṃ mahati puravare yaḥ prajāto'rūṇākṣovarṣāṇāmāyurāsīt sakalaguṇanidheryasya saptāyutānām |saṃprāptā yena bodhiḥ parahitapaṭunā puṇḍarīkasya mūletaṃ vande jñānarāśiṃ śikhinamṛṣivaraṃ prāptasaṃsārapāram || 2||

यो जातो नोपमायां सुप्रथितयशसामन्वये पार्थिवानामायुः षष्टिसहस्रादभवदुरुमतेर्यस्य संवत्सराणाम् ।जित्वा क्लेशानशेषानमृतमधिगतं येन शालस्य मूलेतं वन्दे धर्मराजं भुवनहितकरं विश्वभूनामधेयम् ॥ ३॥

yo jāto nopamāyāṃ suprathitayaśasāmanvaye pārthivānāmāyuḥ ṣaṣṭisahasrādabhavadurumateryasya saṃvatsarāṇām |jitvā kleśānaśeṣānamṛtamadhigataṃ yena śālasya mūletaṃ vande dharmarājaṃ bhuvanahitakaraṃ viśvabhūnāmadheyam || 3||

क्षेमावत्यां प्रजातो मनुजपतिसमे यो वशी विप्रवंशेआयुर्वर्षायुतानि प्रवरगुणनिधेरष्टचत्वारि चैव ।जैनेन्द्रं येन लब्धं त्रिभववधकरं ज्ञानखड्गेश्वरेणवन्देऽहं सिंहकायं सुगतमनुपमं ककुप्छन्दं मुनीन्द्रम् ॥ ४॥

kṣemāvatyāṃ prajāto manujapatisame yo vaśī vipravaṃśeāyurvarṣāyutāni pravaraguṇanidheraṣṭacatvāri caiva |jainendraṃ yena labdhaṃ tribhavavadhakaraṃ jñānakhaḍgeśvareṇavande'haṃ siṃhakāyaṃ sugatamanupamaṃ kakupchandaṃ munīndram || 4||

शोभावत्यां द्विजानां नरपतिमहिते योऽन्वये संप्रसूतस्तस्यामायुः सहस्राण्यतिशयवपुषस्त्रिंशदेवं बभूव ।बुद्धत्वं येन रत्नाचलवरगुरुणौदुम्बरे प्राप्तमासीद्तं वन्दे शासितारं कनकमुनिमृषिं ध्वस्तमोहान्धकारम् ॥ ५॥

śobhāvatyāṃ dvijānāṃ narapatimahite yo'nvaye saṃprasūtastasyāmāyuḥ sahasrāṇyatiśayavapuṣastriṃśadevaṃ babhūva |buddhatvaṃ yena ratnācalavaraguruṇaudumbare prāptamāsīdtaṃ vande śāsitāraṃ kanakamunimṛṣiṃ dhvastamohāndhakāram || 5||

वाराणस्यां कृषीशक्षितिपतिमहिते विप्रवंशेऽभिजातोयस्यामायुः सहस्राण्यतिशयमहितं विंशतिर्वत्सराणाम् ।येन न्यग्रोधमूले त्रिभवजलनिधिः पोषितो दिव्यगत्यातं वन्दे वन्दनीयं मुनिवरमनघं काश्यपं लोकनाथम् ॥ ६॥

vārāṇasyāṃ kṛṣīśakṣitipatimahite vipravaṃśe'bhijātoyasyāmāyuḥ sahasrāṇyatiśayamahitaṃ viṃśatirvatsarāṇām |yena nyagrodhamūle tribhavajalanidhiḥ poṣito divyagatyātaṃ vande vandanīyaṃ munivaramanaghaṃ kāśyapaṃ lokanātham || 6||

यो जातः श्रीविशाले कपिलपुरवरे शाक्यराजेन्द्रवंशेयस्यासीदायुरेकंशतमिह शरदां सर्वलोकैकबन्धोः ।निर्गत्याश्वत्थमूले नमुचिमपि सताऽनुत्तरा येन बोधिस्तं वन्दे शाक्यसिंहं सुरनरनमितं बुद्धमादित्यबन्धुम् ॥ ७॥

yo jātaḥ śrīviśāle kapilapuravare śākyarājendravaṃśeyasyāsīdāyurekaṃśatamiha śaradāṃ sarvalokaikabandhoḥ |nirgatyāśvatthamūle namucimapi satā'nuttarā yena bodhistaṃ vande śākyasiṃhaṃ suranaranamitaṃ buddhamādityabandhum || 7||

जातिं विप्रेतिवंशे नृपवरमहिते केतुमत्यां गृहीत्वाबुद्धत्वं येन लब्धमतिगुणनिधिना नागवृक्षस्य मूले ।अष्टावब्दायुतानि क्षपितभगवतो भावि यस्याग्रमायुर्वन्दे मैत्रेयनाथं तुषितपुरवरे भाविनं लोकनाथम् ॥ ८॥

jātiṃ vipretivaṃśe nṛpavaramahite ketumatyāṃ gṛhītvābuddhatvaṃ yena labdhamatiguṇanidhinā nāgavṛkṣasya mūle |aṣṭāvabdāyutāni kṣapitabhagavato bhāvi yasyāgramāyurvande maitreyanāthaṃ tuṣitapuravare bhāvinaṃ lokanātham || 8||

स्तुत्वा वै सप्तबुद्धान् सकलमुपगतान् सप्तसप्तार्कभासोमैत्रेयं च स्तुवन् वै तुषितपुरगतं भाविनं लोकनाथम् ।यत्पुण्यं संप्रसूतं शुभगतिफलदं देहिनामेव सर्वंछित्वा सङ्क्लेशपाशान् मुनय इव चरन् निर्वृतिं स प्रयातु ॥ ९॥

stutvā vai saptabuddhān sakalamupagatān saptasaptārkabhāsomaitreyaṃ ca stuvan vai tuṣitapuragataṃ bhāvinaṃ lokanātham |yatpuṇyaṃ saṃprasūtaṃ śubhagatiphaladaṃ dehināmeva sarvaṃchitvā saṅkleśapāśān munaya iva caran nirvṛtiṃ sa prayātu || 9||

इति श्रीसप्तबुद्धस्तोत्रं सम्पूर्णम् ॥

iti śrīsaptabuddhastotraṃ sampūrṇam ||