नृसिंहैकादशी Nrisimhaikadashi

(अखण्डपादयात्रिणा मेलुकोटे अरैयरदासेन उपासिता)नृसिंहमूर्ते बहुसिंहमूर्ते प्रह्लादरक्षार्थ सुलक्ष्यमूर्ते ।हिरण्य दुर्हृत् प्रविदारिमूर्ते मनो मदीयं भव विश्वमूर्ते ॥ १॥

(akhaṇḍapādayātriṇā melukoṭe araiyaradāsena upāsitā)nṛsiṃhamūrte bahusiṃhamūrte prahlādarakṣārtha sulakṣyamūrte |hiraṇya durhṛt pravidārimūrte mano madīyaṃ bhava viśvamūrte || 1||

सन्तापशान्तिं कुरु योगमूर्ते योगस्य शक्तिं दिश सर्वमूर्ते ।सर्वेषु भक्तिं भर भक्तमूर्ते । भक्तिं सदा वर्धय लोकपूर्ते ॥ २॥

santāpaśāntiṃ kuru yogamūrte yogasya śaktiṃ diśa sarvamūrte |sarveṣu bhaktiṃ bhara bhaktamūrte | bhaktiṃ sadā vardhaya lokapūrte || 2||

पुन्नागचाम्पेयमहासुगन्धे सुदीर्घ हङ्गर दृढकाष्ठपूते ।पातालगाहि प्रबिलप्रखाते सन्तोषतो ध्यायसि नागपूते ॥ ३॥

punnāgacāmpeyamahāsugandhe sudīrgha haṅgara dṛḍhakāṣṭhapūte |pātālagāhi prabilaprakhāte santoṣato dhyāyasi nāgapūte || 3||

परां हि भक्तिं त्वनुसन्ततां हरे ततोऽपि काष्ठां परमां च भक्तिगाम् ।त्वमेव मे साधय साधनं त्वं त्वत् पारतन्त्र्ये त्वभिषिक्तकोऽहम् ॥ ४॥

parāṃ hi bhaktiṃ tvanusantatāṃ hare tato'pi kāṣṭhāṃ paramāṃ ca bhaktigām |tvameva me sādhaya sādhanaṃ tvaṃ tvat pāratantrye tvabhiṣiktako'ham || 4||

वाणिज्ये रुचिरस्ति सर्वजनतास्वेवं च राज्ये भ्रमःस्वार्थस्याऽऽर्जनमेव मुख्यमधुना नेतृत्वलोभस्तथा ।लोभाधीनमिदं हि सर्वपतनं पापं नराणां हरेलोभाच्च्यावय वर्तयाद्य सुपथे सर्वोदयेऽकण्टके ॥ ५॥

vāṇijye rucirasti sarvajanatāsvevaṃ ca rājye bhramaḥsvārthasyā''rjanameva mukhyamadhunā netṛtvalobhastathā |lobhādhīnamidaṃ hi sarvapatanaṃ pāpaṃ narāṇāṃ harelobhāccyāvaya vartayādya supathe sarvodaye'kaṇṭake || 5||

प्रह्लादबालान् विरचय्य साधून् सदासमस्तानमलानभीरुन् ।त्वदीयविद्योर्जितवैभवांस्तान् त्वदीयगानाऽभिमुखान् कुरु त्वम् ॥ ६॥

prahlādabālān viracayya sādhūn sadāsamastānamalānabhīrun |tvadīyavidyorjitavaibhavāṃstān tvadīyagānā'bhimukhān kuru tvam || 6||

बालशिक्षाप्रवीण त्वं बालशिक्षारतो भव ।सर्वत्र वर्धमानां च नीतिबाहिरतां हर ॥ ७॥

bālaśikṣāpravīṇa tvaṃ bālaśikṣārato bhava |sarvatra vardhamānāṃ ca nītibāhiratāṃ hara || 7||

स्वधर्मनिरतान् बालान् स्वधर्मैकरुचींस्तथा ।स्वधर्मे निधने शक्तान् नृसिंह कुरु तान् भवान् ॥ ८॥

svadharmaniratān bālān svadharmaikarucīṃstathā |svadharme nidhane śaktān nṛsiṃha kuru tān bhavān || 8||

योगाऽऽसनस्थो हि विराजते भवान् जिह्वां प्रसार्यापि च राजसे महन् ।हिरण्यपक्षं ननु कोपवह्निना मनोविपचाऽऽस्व समत्वयुक्तः ॥ ९॥

yogā''sanastho hi virājate bhavān jihvāṃ prasāryāpi ca rājase mahan |hiraṇyapakṣaṃ nanu kopavahninā manovipacā''sva samatvayuktaḥ || 9||

राज्येषणात्यागिन एव लोकान् तथैव यूनश्च भवत् प्रकामान् ।त्वदीय चित्रार्पितचित्तवृत्तीन् हिरण्यविद्याविमुखान् द्रुतं कुरु ॥ १०॥

rājyeṣaṇātyāgina eva lokān tathaiva yūnaśca bhavat prakāmān |tvadīya citrārpitacittavṛttīn hiraṇyavidyāvimukhān drutaṃ kuru || 10||

सर्वेषु धीरक्तिमये प्रचोदय संसारबन्धे प्ररुचिं प्रमोचय ।त्वदीयसेवार्थमिदं समस्तं श्रीमन् नृसिंहाऽचिरात् कुरु त्वम् ॥ ११॥

sarveṣu dhīraktimaye pracodaya saṃsārabandhe praruciṃ pramocaya |tvadīyasevārthamidaṃ samastaṃ śrīman nṛsiṃhā'cirāt kuru tvam || 11||

नृसिंहैकादशीमेनां यः पठेत् भक्तिभाग्यवान् ।सर्वसन्तापमुक्तोऽसौ मनः प्रह्लादमृच्छति ॥ १२॥

nṛsiṃhaikādaśīmenāṃ yaḥ paṭhet bhaktibhāgyavān |sarvasantāpamukto'sau manaḥ prahlādamṛcchati || 12||

इति नृसिंहैकादशी सम्पूर्णा ।

iti nṛsiṃhaikādaśī sampūrṇā |