नृसिंहभुजङ्गप्रयातस्तोत्रम् १ Nrisimhabhujangaprayatastotram

वेदशैलगतअजोमेशदेवं रजोत्कर्षवद्भूद्रजोत्कर्षवद्भूद्रजोद्धूतभेदम् ।द्विजाधीशभेदं रजोपालहेतिं भजे वेदशैलस्फुरन्नारसिंहम् ॥ १॥

vedaśailagataajomeśadevaṃ rajotkarṣavadbhūdrajotkarṣavadbhūdrajoddhūtabhedam |dvijādhīśabhedaṃ rajopālahetiṃ bhaje vedaśailasphurannārasiṃham || 1||

हिरण्याक्षरक्षोवरेण्याग्रजन्मस्थिरक्रूरवक्षोहरप्रौढदक्षम् ।भृतश्रीनखाग्रं परश्रीसुखोग्रं भजे वेदशैलस्फुरन्नारसिंहम् ॥ २॥

hiraṇyākṣarakṣovareṇyāgrajanmasthirakrūravakṣoharaprauḍhadakṣam |bhṛtaśrīnakhāgraṃ paraśrīsukhograṃ bhaje vedaśailasphurannārasiṃham || 2||

निजारम्भशुम्भद्भुजास्तम्भडम्भद्दृढाङ्गस्रवद्रक्तसंयुक्तभूतम् ।निजाघावनोद्वेललीलानुभूतं भजे वेदशैलस्फुरन्नारसिंहम् ॥ ३॥

nijārambhaśumbhadbhujāstambhaḍambhaddṛḍhāṅgasravadraktasaṃyuktabhūtam |nijāghāvanodvelalīlānubhūtaṃ bhaje vedaśailasphurannārasiṃham || 3||

वटुर्जन्यजास्यं स्फुटालोलघाटीसटाझूटमृत्युर्बहिर्गानशौर्यम् ।घटोद्भूतपद्भूद्धटस्तूयमानं भजे वेदशैलस्फुरन्नारसिंहम् ॥ ४॥

vaṭurjanyajāsyaṃ sphuṭālolaghāṭīsaṭājhūṭamṛtyurbahirgānaśauryam |ghaṭodbhūtapadbhūddhaṭastūyamānaṃ bhaje vedaśailasphurannārasiṃham || 4||

पिनाक्युत्तमाङ्गं स्वनद्भङ्गरङ्गं ध्रुवाकाशरङ्गं जनश्रीपदाङ्गम् ।पिनाकिन्यराजप्रशस्तस्तरस्तं भजे वेदशैलस्फुरन्नारसिंहम् ॥ ५॥

pinākyuttamāṅgaṃ svanadbhaṅgaraṅgaṃ dhruvākāśaraṅgaṃ janaśrīpadāṅgam |pinākinyarājapraśastastarastaṃ bhaje vedaśailasphurannārasiṃham || 5||

इति वेदशैलगतं नृसिंहभुजङ्गप्रयातस्तोत्रं सम्पूर्णम् ।

iti vedaśailagataṃ nṛsiṃhabhujaṅgaprayātastotraṃ sampūrṇam |