कल्किस्तवः अथवा दशावतारस्तवः २ Kalkistavah Or Dashavatarastavah

श्रीगणेशाय नमः ।राजान ऊचुः । गद्यानि । जय जय निजमाययाकल्पिताशेषविशेषकल्पनापरिणामजलाप्लुतलोकत्रयोपकारणमाकलयमनुमनिशम्यपूरितमविजनाविजनाविर्भूतमहामीनशरीर त्वंनिजकृतधर्मसेतुसंरक्षणकृतावतारः ॥ १॥पुनरिह जलधिमथनादृतदेवदानवगणानांमन्दराचलानयनव्याकुलितानां साहाय्येनादृतचित्तः ।पर्वतोद्धरणामृतप्राशनरचनावतारः कूर्माकारः प्रसीदपरेश त्वं दीननृपाणाम् ॥ २॥पुनरिह दितिजबलपरिलंघितवासवसूदनादृतजितभुवनपराक्रमहिरण्याक्षनिधनपृथिव्युद्धरणसङ्कल्पाभिनिवेशेन धृतकोलावतार पाहि नः ॥ ३॥पुनरिह त्रिभुवनजयिनो महाबलपराक्रमस्यहिरण्यकश्यपोरर्दितानां देववराणां भयभीतानांकल्याणाय दितिसुतवधप्रेप्सुर्ब्रह्मणो वरदानादवध्यस्त नशस्त्रास्त्रारात्रिदिवास्वर्गमर्त्यपातालतलेदेवगन्धर्वकिन्नरनरनागैरिति विचिन्त्य नरहरिरूपेणनखाग्रभिन्नोरुं दष्टदन्तच्छदं त्यक्तासुं कृतवानसि ॥ ४॥पुनरिह त्रिजगज्जयिनो बलेः सत्रे शक्रानुजो बटुवामनोदैत्यसंमोहनाय त्रिपदभूमियाञ्चाच्छलेनविश्वकायस्तदुत्सृष्टजलसंस्पर्शविवृद्धमनोऽभिलाषस्त्वंभूतले बलेर्दौवारिकत्वमङ्गीकृतमुचितं दानफलम् ॥ ५॥पुनरिह हैहयादिनृपाणाममितबलपराक्रमाणांनानामदोल्लंघितमर्यादावर्त्मनां निधनाय भृगुवंशजोजामदग्न्यः पितृहोमधेनुहरणप्रवृद्धमन्युवशात्त्रिःसप्तकृत्वो निःक्षत्रियां पृथिवीं कृतवानसिपरशुरामावतारः ॥ ६॥पुनरिह पुलस्त्यवंशावतंसस्य विश्रवसः पुत्रस्यनिशाचरस्य रावणस्य लोकत्रयतापनस्य निधनमुररीकृत्यरविकुलजातदशरथात्मजो विश्वामित्रादस्त्राण्युपलभ्य वनेसीताहरणवशात्प्रवृद्धमन्युनाऽम्बुधिंवानरैर्निबध्यसगणं दशकन्धरं हतवानसि रामावतारः ॥ ७॥पुनरिह यदुकुलजलधिकलानिधिःसकलसुरगणसेवितपादारविन्दद्वन्द्वोविविधदानवदैत्यदलनलोकत्रयदुरिततापनो वसुदेवात्मजोकृष्णावतारो बलभद्रस्त्वमसि ॥ ८॥पुनरिह विधिकृतवेदधर्मानुष्ठानविहितनानादर्शनसंघृणःसंसारकर्मत्यागविधिना ब्रह्माभासविलासचातुरींप्रकृतिविमाननामसम्पादयन् बुद्धावतारस्त्वमसि ॥ ९॥अधुना कलिकुलनाशावतारो बौद्धपाषण्डम्लेंच्छादीनां चवेदधर्मसेतुपरिपालनाय कृतावतारः कल्किरूपेणास्मान्स्त्रीत्वनिरयादुद्धृतवानसि तवानुकम्पां किमिह कथयाम् ॥ १०॥क्व ते ब्रह्मादीनामविजितविलासावतरणं क्व नःकामवामाकलितमृगतृष्णार्तमनसाम् सुदुष्प्राप्यंयुष्मच्चरणजलजालोकनमिदं कृपापारावारःप्रमुदितदृशाऽऽश्वासय निजान् ॥ ११॥इति श्रीकल्किपुराणेऽनुभागवते भविष्ये द्वितीयांशेनृपकृतकल्किस्तव सम्पूर्णः ॥

śrīgaṇeśāya namaḥ |rājāna ūcuḥ | gadyāni | jaya jaya nijamāyayākalpitāśeṣaviśeṣakalpanāpariṇāmajalāplutalokatrayopakāraṇamākalayamanumaniśamyapūritamavijanāvijanāvirbhūtamahāmīnaśarīra tvaṃnijakṛtadharmasetusaṃrakṣaṇakṛtāvatāraḥ || 1||punariha jaladhimathanādṛtadevadānavagaṇānāṃmandarācalānayanavyākulitānāṃ sāhāyyenādṛtacittaḥ |parvatoddharaṇāmṛtaprāśanaracanāvatāraḥ kūrmākāraḥ prasīdapareśa tvaṃ dīnanṛpāṇām || 2||punariha ditijabalaparilaṃghitavāsavasūdanādṛtajitabhuvanaparākramahiraṇyākṣanidhanapṛthivyuddharaṇasaṅkalpābhiniveśena dhṛtakolāvatāra pāhi naḥ || 3||punariha tribhuvanajayino mahābalaparākramasyahiraṇyakaśyaporarditānāṃ devavarāṇāṃ bhayabhītānāṃkalyāṇāya ditisutavadhaprepsurbrahmaṇo varadānādavadhyasta naśastrāstrārātridivāsvargamartyapātālataledevagandharvakinnaranaranāgairiti vicintya naraharirūpeṇanakhāgrabhinnoruṃ daṣṭadantacchadaṃ tyaktāsuṃ kṛtavānasi || 4||punariha trijagajjayino baleḥ satre śakrānujo baṭuvāmanodaityasaṃmohanāya tripadabhūmiyāñcācchalenaviśvakāyastadutsṛṣṭajalasaṃsparśavivṛddhamano'bhilāṣastvaṃbhūtale balerdauvārikatvamaṅgīkṛtamucitaṃ dānaphalam || 5||punariha haihayādinṛpāṇāmamitabalaparākramāṇāṃnānāmadollaṃghitamaryādāvartmanāṃ nidhanāya bhṛguvaṃśajojāmadagnyaḥ pitṛhomadhenuharaṇapravṛddhamanyuvaśāttriḥsaptakṛtvo niḥkṣatriyāṃ pṛthivīṃ kṛtavānasiparaśurāmāvatāraḥ || 6||punariha pulastyavaṃśāvataṃsasya viśravasaḥ putrasyaniśācarasya rāvaṇasya lokatrayatāpanasya nidhanamurarīkṛtyaravikulajātadaśarathātmajo viśvāmitrādastrāṇyupalabhya vanesītāharaṇavaśātpravṛddhamanyunā'mbudhiṃvānarairnibadhyasagaṇaṃ daśakandharaṃ hatavānasi rāmāvatāraḥ || 7||punariha yadukulajaladhikalānidhiḥsakalasuragaṇasevitapādāravindadvandvovividhadānavadaityadalanalokatrayaduritatāpano vasudevātmajokṛṣṇāvatāro balabhadrastvamasi || 8||punariha vidhikṛtavedadharmānuṣṭhānavihitanānādarśanasaṃghṛṇaḥsaṃsārakarmatyāgavidhinā brahmābhāsavilāsacāturīṃprakṛtivimānanāmasampādayan buddhāvatārastvamasi || 9||adhunā kalikulanāśāvatāro bauddhapāṣaṇḍamleṃcchādīnāṃ cavedadharmasetuparipālanāya kṛtāvatāraḥ kalkirūpeṇāsmānstrītvanirayāduddhṛtavānasi tavānukampāṃ kimiha kathayām || 10||kva te brahmādīnāmavijitavilāsāvataraṇaṃ kva naḥkāmavāmākalitamṛgatṛṣṇārtamanasām suduṣprāpyaṃyuṣmaccaraṇajalajālokanamidaṃ kṛpāpārāvāraḥpramuditadṛśā''śvāsaya nijān || 11||iti śrīkalkipurāṇe'nubhāgavate bhaviṣye dvitīyāṃśenṛpakṛtakalkistava sampūrṇaḥ ||