दशावतारस्तुतिः १ In Praise of Vishnu in His Ten Incarnations

प्रोष्ठीशविग्रह सुनिष्ठीवनोद्धत विशिष्टाम्बुचारिजलधेकोष्ठान्तराहितविचेष्टागमौघ परमेष्ठीडित त्वमवमाम् ।प्रेष्ठार्कसूनुमनुचेष्ठार्थमात्मविदतीष्टो युगान्तसमयेस्थेष्ठात्मशृङ्गधृतकाष्ठाम्बुवाहन वराष्टापदप्रभतनो ॥ १॥

proṣṭhīśavigraha suniṣṭhīvanoddhata viśiṣṭāmbucārijaladhekoṣṭhāntarāhitaviceṣṭāgamaugha parameṣṭhīḍita tvamavamām |preṣṭhārkasūnumanuceṣṭhārthamātmavidatīṣṭo yugāntasamayestheṣṭhātmaśṛṅgadhṛtakāṣṭhāmbuvāhana varāṣṭāpadaprabhatano || 1||

खण्डीभवद्बहुळडिण्डीरजृम्भण सुचण्डी कृतो दधि महाकाण्डाति चित्र गति शौण्डाद्य हैमरद भाण्डा प्रमेय चरित ।चण्डाश्वकण्ठमद शुण्डाल दुर्हृदय गण्डा भिखण्डाकर दोश्चण्डा मरेशहय तुण्डाकृते दृशमखण्डामलं प्रदिश मे ॥ २॥

khaṇḍībhavadbahuḷaḍiṇḍīrajṛmbhaṇa sucaṇḍī kṛto dadhi mahākāṇḍāti citra gati śauṇḍādya haimarada bhāṇḍā prameya carita |caṇḍāśvakaṇṭhamada śuṇḍāla durhṛdaya gaṇḍā bhikhaṇḍākara doścaṇḍā mareśahaya tuṇḍākṛte dṛśamakhaṇḍāmalaṃ pradiśa me || 2||

कूर्माकृते त्ववतु नर्मात्म पृष्ठधृत भर्मात्म मन्दर गिरेधर्मावलम्बन सुधर्मासदाकलितशर्मा सुधावितरणात् ।दुर्मान राहुमुख दुर्मायि दानवसुमर्माभिभेदन पटोधर्मार्क कान्ति वर वर्मा भवान् भुवन निर्माण धूत विकृतिः ॥ ३॥

kūrmākṛte tvavatu narmātma pṛṣṭhadhṛta bharmātma mandara giredharmāvalambana sudharmāsadākalitaśarmā sudhāvitaraṇāt |durmāna rāhumukha durmāyi dānavasumarmābhibhedana paṭodharmārka kānti vara varmā bhavān bhuvana nirmāṇa dhūta vikṛtiḥ || 3||

धन्वन्तरेऽङ्गरुचि धन्वन्तरेऽरितरु धन्वन्स्तरीभवसुधाभान्वन्तरावसथ मन्वन्तराधिकृत तन्वन्तरौषधनिधे ।दन्वन्तरङ्गशुगुदन्वन्तमाजिषु वितन्वन्ममाब्धि तनयासून्वन्तकात्महृदतन्वरावयव तन्वन्तरार्तिजलधौ ॥ ४॥

dhanvantare'ṅgaruci dhanvantare'ritaru dhanvanstarībhavasudhābhānvantarāvasatha manvantarādhikṛta tanvantarauṣadhanidhe |danvantaraṅgaśugudanvantamājiṣu vitanvanmamābdhi tanayāsūnvantakātmahṛdatanvarāvayava tanvantarārtijaladhau || 4||

या क्षीरवार्धिमथनाक्षीणदर्पदितिजाक्षोभितामरगणापेक्षाप्तयेऽजनि वलक्षांषुबिम्बजिदतीक्ष्णालकावृतमुखी ।सूक्ष्मावलग्नवसनाक्षेपकृत्कुच कटाक्षाक्षमीकृतमनोदीक्षासुराहृतसुधाक्षाणिनोऽवतुसु रूक्षेक्षणाद्धरितनुः ॥ ५॥

yā kṣīravārdhimathanākṣīṇadarpaditijākṣobhitāmaragaṇāpekṣāptaye'jani valakṣāṃṣubimbajidatīkṣṇālakāvṛtamukhī |sūkṣmāvalagnavasanākṣepakṛtkuca kaṭākṣākṣamīkṛtamanodīkṣāsurāhṛtasudhākṣāṇino'vatusu rūkṣekṣaṇāddharitanuḥ || 5||

शिक्षादियुङ्निगम दीक्षासुलक्षण परिक्षाक्षमाविधिसतीदाक्षायणी क्षमति साक्षाद्रमापिनय दाक्षेपवीक्षणविधौ ।प्रेक्षाक्षिलोभकरलाक्षार सोक्षित पदाक्षेपलक्षितधरासाऽक्षारितात्मतनु भूक्षारकारिनिटिलाक्षाक्षमानवतु नः ॥ ६॥

śikṣādiyuṅnigama dīkṣāsulakṣaṇa parikṣākṣamāvidhisatīdākṣāyaṇī kṣamati sākṣādramāpinaya dākṣepavīkṣaṇavidhau |prekṣākṣilobhakaralākṣāra sokṣita padākṣepalakṣitadharāsā'kṣāritātmatanu bhūkṣārakāriniṭilākṣākṣamānavatu naḥ || 6||

नीलाम्बुदाभशुभ शीलाद्रिदेहधर खेलाघृतोधधिधुनीशैलादियुक्त निखिलेला कटाद्यसुर तूलाटवीदहन ते ।कोलाकृते जलधि कालाचलावयव नीलाब्जदंष्ट्र धरणीलीलास्पदोरुतर मूलाशियोगिवर जालाभिवन्दित नमः ॥ ७॥

nīlāmbudābhaśubha śīlādridehadhara khelāghṛtodhadhidhunīśailādiyukta nikhilelā kaṭādyasura tūlāṭavīdahana te |kolākṛte jaladhi kālācalāvayava nīlābjadaṃṣṭra dharaṇīlīlāspadorutara mūlāśiyogivara jālābhivandita namaḥ || 7||

दम्भोलितीक्ष्णनख सम्भेदितेन्द्ररिपु कुम्भीन्द्र पाहि कृपयास्तम्भार्भ कासहनडिम्भाय दत्तवर गम्भीरनाद नृहरे ।अंभोधिजानुसरणांभोजभूपवनकुम्भीनसेशखगराट्कुम्भीन्द्रकृत्तिधर जम्भारिषण्मुखमुखांभोरुहाभिनुत माम् ॥ ८॥

dambholitīkṣṇanakha sambheditendraripu kumbhīndra pāhi kṛpayāstambhārbha kāsahanaḍimbhāya dattavara gambhīranāda nṛhare |aṃbhodhijānusaraṇāṃbhojabhūpavanakumbhīnaseśakhagarāṭkumbhīndrakṛttidhara jambhāriṣaṇmukhamukhāṃbhoruhābhinuta mām || 8||

पिङ्गाक्ष विक्रम तुरङ्गादि सैन्य चतुरङ्गा वलिप्त दनुजासाङ्गाध्वरस्थ बलि साङ्गावपात हृषिताङ्गा मरालिनुत ते ।शृङ्गारपादनख तुङ्गाग्रभिन्न कन काङ्गाण्डपत्तितटिनीतुङ्गाति मङ्गल तरङ्गाभिभूत भज काङ्गाघ वामन नमः ॥ ९॥

piṅgākṣa vikrama turaṅgādi sainya caturaṅgā valipta danujāsāṅgādhvarastha bali sāṅgāvapāta hṛṣitāṅgā marālinuta te |śṛṅgārapādanakha tuṅgāgrabhinna kana kāṅgāṇḍapattitaṭinītuṅgāti maṅgala taraṅgābhibhūta bhaja kāṅgāgha vāmana namaḥ || 9||

ध्यानार्ह वामनतनोनाथ पाहि यजमाना सुरेशवसुधादानाय याचनिक लीनार्थवाग्वशितनानासदस्यदनुज ।मीनाङ्कनिर्मलनिशानाथकोटिलसमानात्म मौञ्जिगुण कौपीनाच्छसूत्रपदयानातपत्रकरकानम्यदण्डवरभृत् ॥ १०॥

dhyānārha vāmanatanonātha pāhi yajamānā sureśavasudhādānāya yācanika līnārthavāgvaśitanānāsadasyadanuja |mīnāṅkanirmalaniśānāthakoṭilasamānātma mauñjiguṇa kaupīnācchasūtrapadayānātapatrakarakānamyadaṇḍavarabhṛt || 10||

धैर्याम्बुधे परशुचर्याधिकृत्तखलवर्यावनीश्वर महाशौर्याभिभूत कृतवीर्यात्मजातभुजवीर्यावलेपनिकर ।भार्यापराधकुपितार्याज्ञयागलितनार्यात्मसूगलतरोकार्यापराधमविचार्यार्यमौघजयिवीर्यामिता मयि दया ॥ ११॥

dhairyāmbudhe paraśucaryādhikṛttakhalavaryāvanīśvara mahāśauryābhibhūta kṛtavīryātmajātabhujavīryāvalepanikara |bhāryāparādhakupitāryājñayāgalitanāryātmasūgalatarokāryāparādhamavicāryāryamaughajayivīryāmitā mayi dayā || 11||

श्रीरामलक्ष्मणशुकाराम भूरवतुगौरामलामितमहोहारामरस्तुत यशोरामकान्तिसुत नोरामनोरथहर ।स्वारामवर्यरिपु वीरामयार्धिकर चीरामलावृतकटेस्वाराम दर्शनजमारामयागतसुघोरामनोरमलब्धकलह ॥ १२॥

śrīrāmalakṣmaṇaśukārāma bhūravatugaurāmalāmitamahohārāmarastuta yaśorāmakāntisuta norāmanorathahara |svārāmavaryaripu vīrāmayārdhikara cīrāmalāvṛtakaṭesvārāma darśanajamārāmayāgatasughorāmanoramalabdhakalaha || 12||

श्रीकेशवप्रदिशनाकेश जातकपिलोकेश भग्नरविभूतोकेतरार्तिहरणाकेवलार्तसुखधीकेकिकालजलद ।साकेतनाथवरपाकेरमुख्यसुत कोकेन भक्तिमतुलाम्राकेन्दु बिम्बमुख काकेक्षणापह हृशीकेश तेऽङ्घ्रिकमले ॥ १३॥

śrīkeśavapradiśanākeśa jātakapilokeśa bhagnaravibhūtoketarārtiharaṇākevalārtasukhadhīkekikālajalada |sāketanāthavarapākeramukhyasuta kokena bhaktimatulāmrākendu bimbamukha kākekṣaṇāpaha hṛśīkeśa te'ṅghrikamale || 13||

रामे नृणां हृदभिरामेनराशिकुलभीमे मनोऽद्यरमताम्गोमेदिनीजयितपोऽमेयगाधिसुतकामेनिविष्ट मनसि ।श्यामे सदा त्वयि जितामेयतापसजरामे गताधिकसमेभीमेशचापदलनामेयशौर्यजितवामेक्षणे विजयिनि ॥ १४॥

rāme nṛṇāṃ hṛdabhirāmenarāśikulabhīme mano'dyaramatāmgomedinījayitapo'meyagādhisutakāmeniviṣṭa manasi |śyāme sadā tvayi jitāmeyatāpasajarāme gatādhikasamebhīmeśacāpadalanāmeyaśauryajitavāmekṣaṇe vijayini || 14||

कान्तारगेहखलकान्तारटद्वदन कान्तालकान्तकशरम्कान्तारयाम्बुजनिकान्तान्ववायविधुकान्ताश्मभादिपहरे ।कान्तालिलोलदलकान्ताभिशोभितिलकान्ताभवन्तमनुसाकान्तानुयानजित कान्तारदुर्गकटकान्ता रमात्ववतु माम् ॥ १५॥

kāntāragehakhalakāntāraṭadvadana kāntālakāntakaśaramkāntārayāmbujanikāntānvavāyavidhukāntāśmabhādipahare |kāntāliloladalakāntābhiśobhitilakāntābhavantamanusākāntānuyānajita kāntāradurgakaṭakāntā ramātvavatu mām || 15||

दान्तं दशाननसुतान्तं धरामधिवसन्तं प्रचण्डतपसाक्लान्तं समेत्य विपिनान्तं त्ववाप यमनन्तं तपस्विपटलम् ।यान्तं भवारतिभयान्तं ममाशु भगवन्तं भरेण भजतात्स्वान्तं सवारिदनुजान्तं धराधरनिशान्तं स तापसवरम् ॥ १६॥

dāntaṃ daśānanasutāntaṃ dharāmadhivasantaṃ pracaṇḍatapasāklāntaṃ sametya vipināntaṃ tvavāpa yamanantaṃ tapasvipaṭalam |yāntaṃ bhavāratibhayāntaṃ mamāśu bhagavantaṃ bhareṇa bhajatātsvāntaṃ savāridanujāntaṃ dharādharaniśāntaṃ sa tāpasavaram || 16||

शम्पाभचापलवकंपास्तशत्रुबलसम्पादितामितयशाःशं पादतामरससम्पातिनोऽलमनुकम्पारसेन दिश मे ।सम्पातिपक्षिसहजं पापिरावणहतं पावनं यदकृथाःत्वं पापकूपपतितं पाहि मां तदपि पम्पासरस्तटचर ॥ १७॥

śampābhacāpalavakaṃpāstaśatrubalasampāditāmitayaśāḥśaṃ pādatāmarasasampātino'lamanukampārasena diśa me |sampātipakṣisahajaṃ pāpirāvaṇahataṃ pāvanaṃ yadakṛthāḥtvaṃ pāpakūpapatitaṃ pāhi māṃ tadapi pampāsarastaṭacara || 17||

लोलाक्ष्यपेक्षितसुलीलाकुरङ्गवधखेलाकुतूहलगतेस्वालापभूमिजनिबालापहार्यनुजपालाद्य भो जयजय ।बालाग्निदग्धपुरशालानिलात्मजनिफालात्तपत्तलरजोनीलाङ्गदादिकपिमालाकृतालिपथमूलाभ्यतीतजलधे ॥ १८॥

lolākṣyapekṣitasulīlākuraṅgavadhakhelākutūhalagatesvālāpabhūmijanibālāpahāryanujapālādya bho jayajaya |bālāgnidagdhapuraśālānilātmajaniphālāttapattalarajonīlāṅgadādikapimālākṛtālipathamūlābhyatītajaladhe || 18||

तूणीरकार्मुक कृपाणीकिणाङ्कभुजपाणीरविप्रतिमभाःक्षोणिधरालिनिभघोणीमुखादिघनवेणीसुरक्षणकरः ।शोणिभवन्नयन कोणीजिताम्बुनिधिपाणीरितार्हणमणिश्रेणीवृताङ्घ्रिरिह वाणीशसूनुवरवाणीस्तुतो विजयते ॥ १९॥

tūṇīrakārmuka kṛpāṇīkiṇāṅkabhujapāṇīravipratimabhāḥkṣoṇidharālinibhaghoṇīmukhādighanaveṇīsurakṣaṇakaraḥ |śoṇibhavannayana koṇījitāmbunidhipāṇīritārhaṇamaṇiśreṇīvṛtāṅghririha vāṇīśasūnuvaravāṇīstuto vijayate || 19||

हुङ्कारपूर्वमथ टङ्कारनादमतिपङ्कावधार्यचलितालङ्काशिलोच्चयविशङ्कापतद्भिदुर शङ्काऽऽस यस्य धनुषः ।लङ्काधिपोऽमनुत यं कालरात्रिमिव शङ्काशताकुलधियातं कालदण्डशतसङ्काशकार्मुकशराङ्कान्वितं भज हरिम् ॥ २०॥

huṅkārapūrvamatha ṭaṅkāranādamatipaṅkāvadhāryacalitālaṅkāśiloccayaviśaṅkāpatadbhidura śaṅkā''sa yasya dhanuṣaḥ |laṅkādhipo'manuta yaṃ kālarātrimiva śaṅkāśatākuladhiyātaṃ kāladaṇḍaśatasaṅkāśakārmukaśarāṅkānvitaṃ bhaja harim || 20||

धीमानमेयतनुधामार्तमङ्गळदनामा रमाकमलभूकामारिपन्नगपकामाहिवैरिगुरुसोमादिवन्द्यमहिमा ।स्थेमादिनापगतसीमावतात्सखलसामाजरावणरिपूरामाभिदो हरिरभौमाकृतिः प्रतनसामादिवेदविषयः ॥ २१॥

dhīmānameyatanudhāmārtamaṅgaḷadanāmā ramākamalabhūkāmāripannagapakāmāhivairigurusomādivandyamahimā |sthemādināpagatasīmāvatātsakhalasāmājarāvaṇaripūrāmābhido harirabhaumākṛtiḥ pratanasāmādivedaviṣayaḥ || 21||

दोषात्मभूवशतुराषाडतिक्रमजदोषात्मभर्तृवचसापाषाणभूतमुनियोषावरात्मतनुवेषादिदायिचरणः ।नैषादयोषिदशुभेषाकृदण्डजनिदोषाचरादिशुभदोदोषाग्रजन्ममृतिशोषापहोऽवतु सुदोषाङ्घ्रिजातहननात् ॥ २२॥

doṣātmabhūvaśaturāṣāḍatikramajadoṣātmabhartṛvacasāpāṣāṇabhūtamuniyoṣāvarātmatanuveṣādidāyicaraṇaḥ |naiṣādayoṣidaśubheṣākṛdaṇḍajanidoṣācarādiśubhadodoṣāgrajanmamṛtiśoṣāpaho'vatu sudoṣāṅghrijātahananāt || 22||

वृन्दावनस्थपशुवृन्दावनं विनुतवृन्दारकैकशरणम्नन्दात्मजं निहतनिन्दाकृदासुरजनं दामबद्धजठरम् ।वन्दामहे वयममन्दावदातरुचिमान्दाक्षकारिवदनम्कुन्दालिदन्तमुत कन्दासितप्रभतनुं दावराक्षसहरम् ॥ २३॥

vṛndāvanasthapaśuvṛndāvanaṃ vinutavṛndārakaikaśaraṇamnandātmajaṃ nihatanindākṛdāsurajanaṃ dāmabaddhajaṭharam |vandāmahe vayamamandāvadātarucimāndākṣakārivadanamkundālidantamuta kandāsitaprabhatanuṃ dāvarākṣasaharam || 23||

गोपालकोत्सवकृतापारभक्ष्यरससूपान्नलोपकुपिताशापालयापितलयापाम्बुदालिसलिलापायधारितगिरे ।स्वापाङ्गदर्शनज तापाङ्गरागयुतगोपाङ्गनांशुकहृतिव्यापारशौण्ड विविधापायतस्त्वमव गोपारिजातहरण ॥ २४॥

gopālakotsavakṛtāpārabhakṣyarasasūpānnalopakupitāśāpālayāpitalayāpāmbudālisalilāpāyadhāritagire |svāpāṅgadarśanaja tāpāṅgarāgayutagopāṅganāṃśukahṛtivyāpāraśauṇḍa vividhāpāyatastvamava gopārijātaharaṇa || 24||

कंसादिकासदवतंसावनीपतिविहिंसाकृतात्मजनुषम्संसारभूतमिह संसारबद्धमनसं सारचित्सुखतनुम् ।संसाधयन्तमनिशं सात्त्विकव्रजमहं सादरं बत भजेहंसादितापसरिरंसास्पदं परमहंसादिवन्द्यचरणम् ॥ २५॥

kaṃsādikāsadavataṃsāvanīpativihiṃsākṛtātmajanuṣamsaṃsārabhūtamiha saṃsārabaddhamanasaṃ sāracitsukhatanum |saṃsādhayantamaniśaṃ sāttvikavrajamahaṃ sādaraṃ bata bhajehaṃsāditāpasariraṃsāspadaṃ paramahaṃsādivandyacaraṇam || 25||

राजीवनेत्र विदुराजीव मामवतु राजीवकेतनवशम्वाजीभपत्तिनृपराजीरथान्वितजराजीवगर्वशमन ।वाजीशवाह सितवाजीश दैत्यतनुवाजीशभेदकरदोःजाजीकदम्बनवराजीवमुख्यसुमराजीसुवासितशिरः ॥ २६॥

rājīvanetra vidurājīva māmavatu rājīvaketanavaśamvājībhapattinṛparājīrathānvitajarājīvagarvaśamana |vājīśavāha sitavājīśa daityatanuvājīśabhedakaradoḥjājīkadambanavarājīvamukhyasumarājīsuvāsitaśiraḥ || 26||

कालीहृदावसथकालीयकुण्डलिपकालीस्थपादनखराव्यालीनवांशुकरवालीगणारुणितकालीरुचे जय जय ।केलीलवापहृतकालीशदत्तवरनालीकदृप्तदितिभूचूलीकगोपमहिलालीतनूघुसृणधूलीकणाङ्कहृदय ॥ २७॥

kālīhṛdāvasathakālīyakuṇḍalipakālīsthapādanakharāvyālīnavāṃśukaravālīgaṇāruṇitakālīruce jaya jaya |kelīlavāpahṛtakālīśadattavaranālīkadṛptaditibhūcūlīkagopamahilālītanūghusṛṇadhūlīkaṇāṅkahṛdaya || 27||

कृष्णादिपाण्डुसुतकृष्णामनःप्रचुरतृष्णासुतृप्तिक रवाक्कृष्णाङ्कपालिरत कृष्णाभिधाघहर कृष्णादिषण्महिळ भोः ।पुष्णातु मामजित निष्णातवार्धिमुदनुष्णांशुमण्डल हरेजिष्णो गिरीन्द्रधर विष्णो वृषावरज धृष्णो भवान्करुणया ॥ २८॥

kṛṣṇādipāṇḍusutakṛṣṇāmanaḥpracuratṛṣṇāsutṛptika ravākkṛṣṇāṅkapālirata kṛṣṇābhidhāghahara kṛṣṇādiṣaṇmahiḷa bhoḥ |puṣṇātu māmajita niṣṇātavārdhimudanuṣṇāṃśumaṇḍala harejiṣṇo girīndradhara viṣṇo vṛṣāvaraja dhṛṣṇo bhavānkaruṇayā || 28||

रामाशिरोमणिधरामासमेत बलरामानुजाभिध रतिम्व्योमासुरान्तकर ते मारतात दिश मे माधवाङ्घ्रिकमले ।कामार्तभौमपुररामावलीप्रणयवामाक्षिपीततनुभाभीमाहिनाथमुखवैमानिकाभिनुत भीमाभिवन्द्यचरण ॥ २९॥

rāmāśiromaṇidharāmāsameta balarāmānujābhidha ratimvyomāsurāntakara te māratāta diśa me mādhavāṅghrikamale |kāmārtabhaumapurarāmāvalīpraṇayavāmākṣipītatanubhābhīmāhināthamukhavaimānikābhinuta bhīmābhivandyacaraṇa || 29||

सक्ष्वेळभक्ष्यभयदाक्षिश्रवोगणजलाक्षेपपाशयमनम्लाक्षागृहज्वलनरक्षोहिडिम्बबकभैक्षान्नपूर्वविपदः ।अक्षानुबन्धभवरूक्षाक्षरश्रवणसाक्षान्महिष्यवमतीकक्षानुयानमधमक्ष्मापसेवनमभीक्ष्णापहासमसताम् ॥ ३०॥

sakṣveḷabhakṣyabhayadākṣiśravogaṇajalākṣepapāśayamanamlākṣāgṛhajvalanarakṣohiḍimbabakabhaikṣānnapūrvavipadaḥ |akṣānubandhabhavarūkṣākṣaraśravaṇasākṣānmahiṣyavamatīkakṣānuyānamadhamakṣmāpasevanamabhīkṣṇāpahāsamasatām || 30||

चक्षाण एव निजपक्षाग्रभूदशशताक्षात्मजादिसुहृदामाक्षेपकारिकुनृपाक्षौहिणीशतबलाक्षोभदीक्षितमनाः ।तार्क्ष्यासिचापशरतीक्ष्णारिपूर्वनिजलक्ष्माणि चाप्यगणयन्वृक्षालयध्वजरिरक्षाकरो जयति लक्ष्मीपतिर्यदुपतिः ॥ ३१॥

cakṣāṇa eva nijapakṣāgrabhūdaśaśatākṣātmajādisuhṛdāmākṣepakārikunṛpākṣauhiṇīśatabalākṣobhadīkṣitamanāḥ |tārkṣyāsicāpaśaratīkṣṇāripūrvanijalakṣmāṇi cāpyagaṇayanvṛkṣālayadhvajarirakṣākaro jayati lakṣmīpatiryadupatiḥ || 31||

बुद्धावतार कविबद्धानुकम्प कुरु बद्धाञ्जलौ मयि दयाम्शौद्धोदनिप्रमुखसैद्धान्तिकासुगमबौद्धागमप्रणयन ।क्रुद्धाहितासुहृतिसिद्धासिखेटधर शुद्धाश्वयान कमलाशुद्धान्त मां रुचिपिनद्धाखिलाङ्ग निजमद्धाव कल्क्यभिध भोः ॥ ३२॥

buddhāvatāra kavibaddhānukampa kuru baddhāñjalau mayi dayāmśauddhodanipramukhasaiddhāntikāsugamabauddhāgamapraṇayana |kruddhāhitāsuhṛtisiddhāsikheṭadhara śuddhāśvayāna kamalāśuddhānta māṃ rucipinaddhākhilāṅga nijamaddhāva kalkyabhidha bhoḥ || 32||

सारङ्गकृत्तिधरसारङ्गवारिधर सारङ्गराजवरदासारं गदारितरसारं गतात्ममदसारं गतौषधबलम् ।सारङ्गवत्कुसुमसारं गतं च तव सारङ्गमाङ्घ्रियुगलम्सारङ्गवर्णमपसारं गताब्जमदसारं गदिंस्त्वमव माम् ॥ ३३॥

sāraṅgakṛttidharasāraṅgavāridhara sāraṅgarājavaradāsāraṃ gadāritarasāraṃ gatātmamadasāraṃ gatauṣadhabalam |sāraṅgavatkusumasāraṃ gataṃ ca tava sāraṅgamāṅghriyugalamsāraṅgavarṇamapasāraṃ gatābjamadasāraṃ gadiṃstvamava mām || 33||

ग्रीवास्यवाहतनुदेवाण्डजादिदशभावाभिरामचरितम्भावातिभव्यशुभधीवादिराजयतिभूवाग्विलासनिलयम् ।श्रीवागधीशमुखदेवाभिनम्यहरिसेवार्चनेषु पठतामावास एव भवितावाग्भवेतरसुरावासलोकनिकरे ॥ ३४॥

grīvāsyavāhatanudevāṇḍajādidaśabhāvābhirāmacaritambhāvātibhavyaśubhadhīvādirājayatibhūvāgvilāsanilayam |śrīvāgadhīśamukhadevābhinamyaharisevārcaneṣu paṭhatāmāvāsa eva bhavitāvāgbhavetarasurāvāsalokanikare || 34||

इति श्रीमद्वादिराजपूज्यचरण विरचितंश्रीदशावतारस्तुतिः सम्पूर्णम्भारतीरमणमुख्यप्राणान्तर्गत श्रीकृष्णार्पणमस्तु

iti śrīmadvādirājapūjyacaraṇa viracitaṃśrīdaśāvatārastutiḥ sampūrṇambhāratīramaṇamukhyaprāṇāntargata śrīkṛṣṇārpaṇamastu