ताराप्रातःस्मरणम् Shritarapratahsmaranam

प्रातः स्मरामि भवतारिणि तारिणीं त्वांमन्दस्मितां त्रिनयनां घननीलवर्णाम् ।कर्त्रीकपालोत्पलखड्गधर्त्रींधात्रीं सुरासुरनृणामखिलेश्वरीं च ॥ १॥

prātaḥ smarāmi bhavatāriṇi tāriṇīṃ tvāṃmandasmitāṃ trinayanāṃ ghananīlavarṇām |kartrīkapālotpalakhaḍgadhartrīṃdhātrīṃ surāsuranṛṇāmakhileśvarīṃ ca || 1||

प्रातः स्मरामि खर्वामपवर्गदात्रीमक्षोभ्यशम्भुसहितामहिभूषणाढ्याम् ।प्रत्यर्पिताङ्घ्रशिववक्षसि सुप्रसन्नांभक्तार्तिभयवारणकर्मदक्षाम् ॥ २॥

prātaḥ smarāmi kharvāmapavargadātrīmakṣobhyaśambhusahitāmahibhūṣaṇāḍhyām |pratyarpitāṅghraśivavakṣasi suprasannāṃbhaktārtibhayavāraṇakarmadakṣām || 2||

प्रातः स्मरामि षट्कोणत्रिकोणगेहांवस्वारधरणीगृहशोभमानाम् ।शक्रादिसुरसङ्घसुसेव्यमानामानन्दकन्दां पञ्चार्णवीं ताम् ॥ ३॥

prātaḥ smarāmi ṣaṭkoṇatrikoṇagehāṃvasvāradharaṇīgṛhaśobhamānām |śakrādisurasaṅghasusevyamānāmānandakandāṃ pañcārṇavīṃ tām || 3||

प्रातर्नमामि नृकरोटिविशालमालांहालाविघूर्णिततरां सुत्रिनेत्रजालाम् ।व्याघ्राम्बरावृतकटीतटभासमानांजाड्यापहां त्वरितसिद्धिप्रदां परेशीम् ॥ ४॥

prātarnamāmi nṛkaroṭiviśālamālāṃhālāvighūrṇitatarāṃ sutrinetrajālām |vyāghrāmbarāvṛtakaṭītaṭabhāsamānāṃjāḍyāpahāṃ tvaritasiddhipradāṃ pareśīm || 4||

प्रातर्भजामि भवतापविनाशिकाम्बांसद्यः समृद्धिनिधिबुद्धिप्रकाशिकां च ।ज्वलच्चितामध्यगतातिघोरांदंष्ट्राकरालामपि भक्तपालाम् ॥ ५॥

prātarbhajāmi bhavatāpavināśikāmbāṃsadyaḥ samṛddhinidhibuddhiprakāśikāṃ ca |jvalaccitāmadhyagatātighorāṃdaṃṣṭrākarālāmapi bhaktapālām || 5||

यः श्लोकपञ्चकमिदं पठति प्रभातेतारां स्मरन्प्रतिदिनं भुविभारहाराम् ।विद्याविभूतिसुखशान्तियशांस्यवाप्यसोऽन्ते प्रयाति सालोक्यपदं जनन्याः ॥ ६॥

yaḥ ślokapañcakamidaṃ paṭhati prabhātetārāṃ smaranpratidinaṃ bhuvibhārahārām |vidyāvibhūtisukhaśāntiyaśāṃsyavāpyaso'nte prayāti sālokyapadaṃ jananyāḥ || 6||

इति श्रीताराप्रातःस्मरणं सम्पूर्णम् ।

iti śrītārāprātaḥsmaraṇaṃ sampūrṇam |