ताराध्यानम् Shritaradhyanam

१\। विश्वव्यापकवारिमध्यविलसच्छ्वेताम्बुजन्मस्थिताम् ।कर्त्रीखड्गकपालनीलनलिनैः राजत्करां नीलभाम् ॥काञ्चीकुण्डलहारकङ्कणलसत्केयूरमञ्जीरकाम् ।आप्तैर्नागवरैर्विभूषिततनुं चारक्तनेत्रत्रयाम् ॥पिङ्गैकाग्रजटां लसत्सुरसनां दंष्ट्राकरालाननाम् ।हस्तैश्चापि वरं कटौ विदधतीं श्वेतास्थिपट्टालिकाम् ॥अक्षेभ्येण विराजमानशिरसं स्मेराननाम्भोरुहाम् ।तारं शावहृदासनां दृढकुचामम्बां त्रिलोक्यां भजे ॥ २\। श्वेताम्बरां शारदचन्द्रकान्तिं सद्भूषणां चन्द्रकलावतंसाम् ।कर्त्रीकपालान्वितपादपद्मां तारां त्रिनेत्रां प्रभजेऽखिलर्द्ध्यै ॥ ३\। प्रत्यालीढपदार्पिताङ्घ्रिशवहृद्घोराट्टहासा परा ।खड्गेन्दीवरकर्त्रिखर्परभुजा हुङ्कारबीजोद्भवा ॥खर्वा नीलविशालपिङ्गलजटाजूटैकनागैर्युता ।जाड्यं न्यस्य कपालके त्रिजगतां हन्त्युग्रतारा स्वयम् ॥ ४\। सात्त्विकमूर्तिध्यानम् ॥श्वेताम्बराढ्यां हंसस्थां मुक्ताभरणभूषिताम् ।चतुर्वक्त्रामष्टभुजैर्दधानां कुण्डिकाम्बुजे ॥वराभये पाशशक्ती अक्षस्रक्पुष्पमालिके ।शब्दपाथोनिधेर्मध्ये तारां स्थितिकरीं भजे ॥ ५\। राजसमूर्तिध्यानम् ॥रक्ताम्बरां रक्तसिंहासनस्थां हेमभूषिताम् ।एकवक्त्रां वेदसङ्ख्यैर्भुजैः सम्बिभ्रतीं क्रमात् ॥अक्षमालां पानपात्रमभयं वरमुत्तमम् ।श्वेतद्वीपस्थितां वन्दे तारां स्थितिपरायणाम् ॥ ६\। तामसमूर्तिध्यानम् ॥कृष्णाम्बराढ्यां नौसंस्थामस्थ्याभरणभूषिताम् ।नववक्त्रां भुजैरष्टादशभिर्दधतीं वरम् ॥अभयं परशुं दर्वीं खड्गं पाशुपतं हलम् ।भिन्दिं शूलं च मुसलं कर्त्रीं शक्तिं त्रिशीर्षकम् ॥संहारास्त्रं वज्रपाशौ खट्वाङ्गं गदया सह ।रक्ताम्भोधौ स्थितां वन्दे देवीं संहारकारिणीम् ॥

1\| viśvavyāpakavārimadhyavilasacchvetāmbujanmasthitām |kartrīkhaḍgakapālanīlanalinaiḥ rājatkarāṃ nīlabhām ||kāñcīkuṇḍalahārakaṅkaṇalasatkeyūramañjīrakām |āptairnāgavarairvibhūṣitatanuṃ cāraktanetratrayām ||piṅgaikāgrajaṭāṃ lasatsurasanāṃ daṃṣṭrākarālānanām |hastaiścāpi varaṃ kaṭau vidadhatīṃ śvetāsthipaṭṭālikām ||akṣebhyeṇa virājamānaśirasaṃ smerānanāmbhoruhām |tāraṃ śāvahṛdāsanāṃ dṛḍhakucāmambāṃ trilokyāṃ bhaje || 2\| śvetāmbarāṃ śāradacandrakāntiṃ sadbhūṣaṇāṃ candrakalāvataṃsām |kartrīkapālānvitapādapadmāṃ tārāṃ trinetrāṃ prabhaje'khilarddhyai || 3\| pratyālīḍhapadārpitāṅghriśavahṛdghorāṭṭahāsā parā |khaḍgendīvarakartrikharparabhujā huṅkārabījodbhavā ||kharvā nīlaviśālapiṅgalajaṭājūṭaikanāgairyutā |jāḍyaṃ nyasya kapālake trijagatāṃ hantyugratārā svayam || 4\| sāttvikamūrtidhyānam ||śvetāmbarāḍhyāṃ haṃsasthāṃ muktābharaṇabhūṣitām |caturvaktrāmaṣṭabhujairdadhānāṃ kuṇḍikāmbuje ||varābhaye pāśaśaktī akṣasrakpuṣpamālike |śabdapāthonidhermadhye tārāṃ sthitikarīṃ bhaje || 5\| rājasamūrtidhyānam ||raktāmbarāṃ raktasiṃhāsanasthāṃ hemabhūṣitām |ekavaktrāṃ vedasaṅkhyairbhujaiḥ sambibhratīṃ kramāt ||akṣamālāṃ pānapātramabhayaṃ varamuttamam |śvetadvīpasthitāṃ vande tārāṃ sthitiparāyaṇām || 6\| tāmasamūrtidhyānam ||kṛṣṇāmbarāḍhyāṃ nausaṃsthāmasthyābharaṇabhūṣitām |navavaktrāṃ bhujairaṣṭādaśabhirdadhatīṃ varam ||abhayaṃ paraśuṃ darvīṃ khaḍgaṃ pāśupataṃ halam |bhindiṃ śūlaṃ ca musalaṃ kartrīṃ śaktiṃ triśīrṣakam ||saṃhārāstraṃ vajrapāśau khaṭvāṅgaṃ gadayā saha |raktāmbhodhau sthitāṃ vande devīṃ saṃhārakāriṇīm ||

इति श्रीताराध्यानम् ॥

iti śrītārādhyānam ||