षोडशीशतनामस्तोत्रम् Shrishodashishatanamastotram

भृगुरुवाचचतुर्वक्त्र जगन्नाथ स्तोत्रं वद मयि प्रभो ।यस्यानुष्ठानमात्रेण नरो भक्तिमवाप्नुयात् ॥ १॥

bhṛguruvācacaturvaktra jagannātha stotraṃ vada mayi prabho |yasyānuṣṭhānamātreṇa naro bhaktimavāpnuyāt || 1||

ब्रह्मोवाचसहस्रनाम्नामाकृष्य नाम्नामष्टोत्तरं शतम् ।गुह्याद्गुह्यतरं गुह्यं सुन्दर्याः परिकीर्तितम् ॥ २॥

brahmovācasahasranāmnāmākṛṣya nāmnāmaṣṭottaraṃ śatam |guhyādguhyataraṃ guhyaṃ sundaryāḥ parikīrtitam || 2||

अस्य श्रीषोडश्यष्टोत्तरशतनामस्तोत्रस्य शम्भुरृषिःअनुष्टुप् छन्दः श्रीषोडशी देवता धर्मार्थकाममोक्षसिद्धयेविनियोगः ॥ॐ त्रिपुरा षोडशी माता त्र्यक्षरा त्रितया त्रयी ।सुन्दरी सुमुखी सेव्या सामवेदपरायणा ॥ ३॥

asya śrīṣoḍaśyaṣṭottaraśatanāmastotrasya śambhurṛṣiḥanuṣṭup chandaḥ śrīṣoḍaśī devatā dharmārthakāmamokṣasiddhayeviniyogaḥ ||oṃ tripurā ṣoḍaśī mātā tryakṣarā tritayā trayī |sundarī sumukhī sevyā sāmavedaparāyaṇā || 3||

शारदा शब्दनिलया सागरा सरिदम्बरा ।शुद्धा शुद्धतनुस्साध्वी शिवध्यानपरायणा ॥ ४॥

śāradā śabdanilayā sāgarā saridambarā |śuddhā śuddhatanussādhvī śivadhyānaparāyaṇā || 4||

स्वामिनी शम्भुवनिता शाम्भवी च सरस्वती ।समुद्रमथिनी शीघ्रगामिनी शीघ्रसिद्धिदा ॥ ५॥

svāminī śambhuvanitā śāmbhavī ca sarasvatī |samudramathinī śīghragāminī śīghrasiddhidā || 5||

साधुसेव्या साधुगम्या साधुसन्तुष्टमानसा ।खट्वाङ्गधारिणी खर्वा खड्गखर्परधारिणी ॥ ६॥

sādhusevyā sādhugamyā sādhusantuṣṭamānasā |khaṭvāṅgadhāriṇī kharvā khaḍgakharparadhāriṇī || 6||

षड्वर्गभावरहिता षड्वर्गपरिचारिका ।षड्वर्गा च षडङ्गा च षोढा षोडशवार्षिकी ॥ ७॥

ṣaḍvargabhāvarahitā ṣaḍvargaparicārikā |ṣaḍvargā ca ṣaḍaṅgā ca ṣoḍhā ṣoḍaśavārṣikī || 7||

क्रतुरूपा क्रतुमयी ऋभुक्षक्रतुमण्डिता ।कवर्गादि पवर्गान्ता अन्तस्थानन्तरूपिणी ॥ ८॥

kraturūpā kratumayī ṛbhukṣakratumaṇḍitā |kavargādi pavargāntā antasthānantarūpiṇī || 8||

अकाराकाररहिता कालमृत्युजरापहा ।तन्वी तत्त्वेश्वरी तारा त्रिवर्षा ज्ञानरूपिणी ॥ ९॥

akārākārarahitā kālamṛtyujarāpahā |tanvī tattveśvarī tārā trivarṣā jñānarūpiṇī || 9||

काली कराली कामेशी छाया संज्ञाप्यरुन्धती ।निर्विकल्पा महावेगा महोत्साहा महोदरी ॥ १०॥

kālī karālī kāmeśī chāyā saṃjñāpyarundhatī |nirvikalpā mahāvegā mahotsāhā mahodarī || 10||

मेघा बलाका विमला विमलज्ञानदायिनी ।गौरी वसुन्धरा गोप्त्री गवाम्पतिनिषेविता ॥ ११॥

meghā balākā vimalā vimalajñānadāyinī |gaurī vasundharā goptrī gavāmpatiniṣevitā || 11||

भगाङ्गा भगरूपा च भक्तिभावपरायणा ।छिन्नमस्ता महाधूमा तथा धूम्रविभूषणा ॥ १२॥

bhagāṅgā bhagarūpā ca bhaktibhāvaparāyaṇā |chinnamastā mahādhūmā tathā dhūmravibhūṣaṇā || 12||

धर्मकर्मादि रहिता धर्मकर्मपरायणा ।सीता मातङ्गिनी मेधा मधुदैत्यविनाशिनी ॥ १३॥

dharmakarmādi rahitā dharmakarmaparāyaṇā |sītā mātaṅginī medhā madhudaityavināśinī || 13||

भैरवी भुवना माताऽभयदा भवसुन्दरी ।भावुका बगला कृत्या बाला त्रिपुरसुन्दरी ॥ १४॥

bhairavī bhuvanā mātā'bhayadā bhavasundarī |bhāvukā bagalā kṛtyā bālā tripurasundarī || 14||

रोहिणी रेवती रम्या रम्भा रावणवन्दिता ।शतयज्ञमयी सत्त्वा शतक्रतुवरप्रदा ॥ १५॥

rohiṇī revatī ramyā rambhā rāvaṇavanditā |śatayajñamayī sattvā śatakratuvarapradā || 15||

शतचन्द्रानना देवी सहस्रादित्यसन्निभा ।सोमसूर्याग्निनयना व्याघ्रचर्माम्बरावृता ॥ १६॥

śatacandrānanā devī sahasrādityasannibhā |somasūryāgninayanā vyāghracarmāmbarāvṛtā || 16||

अर्धेन्दुधारिणी मत्ता मदिरा मदिरेक्षणा ।इति ते कथितं गोप्यं नाम्नामष्टोत्तरं शतम् ॥ १७॥

ardhendudhāriṇī mattā madirā madirekṣaṇā |iti te kathitaṃ gopyaṃ nāmnāmaṣṭottaraṃ śatam || 17||

सुन्दर्याः सर्वदं सेव्यं महापातकनाशनम् ।गोपनीयं गोपनीयं गोपनीयं कलौ युगे ॥ १८॥

sundaryāḥ sarvadaṃ sevyaṃ mahāpātakanāśanam |gopanīyaṃ gopanīyaṃ gopanīyaṃ kalau yuge || 18||

सहस्रनामपाठस्य फलं यद्वै प्रकीर्तितम् ।तस्मात्कोटिगुणं पुण्यं स्तवस्यास्य प्रकीर्तनात् ॥ १९॥

sahasranāmapāṭhasya phalaṃ yadvai prakīrtitam |tasmātkoṭiguṇaṃ puṇyaṃ stavasyāsya prakīrtanāt || 19||

पठेत्सदा भक्तियुतो नरो यो निशीथकालेऽप्यरुणोदये वा ।प्रदोषकाले नवमीदिनेऽथवा लभेत भोगान्परमाद्भुतान्प्रियान् ॥ २०॥

paṭhetsadā bhaktiyuto naro yo niśīthakāle'pyaruṇodaye vā |pradoṣakāle navamīdine'thavā labheta bhogānparamādbhutānpriyān || 20||

इति ब्रह्मयामले पूर्वखण्डे षोडश्यष्टोत्तरशतनामस्तोत्रं समाप्तम् ॥

iti brahmayāmale pūrvakhaṇḍe ṣoḍaśyaṣṭottaraśatanāmastotraṃ samāptam ||