कमलाकमलात्मिकाध्यानम् Shrikamala Kamalatmika Dhyanam

कान्त्या काञ्चनसन्निभां हिमगिरिप्रख्यैश्चतुर्भिर्गजैःहस्तोत्क्षिप्तहिरण्मयामृतघटैरासिच्यमानां श्रियम् ।बिभ्राणां वरमब्जयुग्ममभयं हस्तैः किरीटोज्ज्वलांक्षौमाबद्ध नितम्बबिम्बललितां वन्देऽरविन्दस्थिताम् ॥ १॥

kāntyā kāñcanasannibhāṃ himagiriprakhyaiścaturbhirgajaiḥhastotkṣiptahiraṇmayāmṛtaghaṭairāsicyamānāṃ śriyam |bibhrāṇāṃ varamabjayugmamabhayaṃ hastaiḥ kirīṭojjvalāṃkṣaumābaddha nitambabimbalalitāṃ vande'ravindasthitām || 1||

माणिक्यप्रतिमप्रभां हिमनिभैस्तुङ्गैश्चतुर्भिर्गजैःहस्ताग्राहितरत्नकुम्भसलिलैरासिच्यमानां मुदा ।हस्ताब्जैर्वरदानमम्बुजयुगाभीतीर्दधानां हरेःकान्तां काङ्क्षितपारिजातलतिकां वन्दे सरोजासनाम् ॥ २॥

māṇikyapratimaprabhāṃ himanibhaistuṅgaiścaturbhirgajaiḥhastāgrāhitaratnakumbhasalilairāsicyamānāṃ mudā |hastābjairvaradānamambujayugābhītīrdadhānāṃ hareḥkāntāṃ kāṅkṣitapārijātalatikāṃ vande sarojāsanām || 2||

आसीना सरसीरुहेस्मितमुखी हस्ताम्बुजैर्बिभ्रतीदानं पद्मयुगाभये च वपुषा सौदामिनीसन्निभा ।मुक्ताहारविराजमानपृथुलोत्तुङ्गस्तनोद्भासिनीपायाद्वः कमला कटाक्षविभवैरानन्दयन्ती हरिम् ॥ ३॥

āsīnā sarasīruhesmitamukhī hastāmbujairbibhratīdānaṃ padmayugābhaye ca vapuṣā saudāminīsannibhā |muktāhāravirājamānapṛthulottuṅgastanodbhāsinīpāyādvaḥ kamalā kaṭākṣavibhavairānandayantī harim || 3||

सिन्दूरारुणकान्तिमब्जवसतिं सौन्दर्यवारान्निधिंकोटीराङ्गदहारकुण्डलकटीसूत्रादिभिर्भूषिताम् ।हस्ताब्जैर्वसुपत्रमब्जयुगलादर्शौ वहन्तीं परांआवीतां परिचारिकाभिरनिशं सेवे प्रियां शार्ङ्गिणः ॥ ४॥

sindūrāruṇakāntimabjavasatiṃ saundaryavārānnidhiṃkoṭīrāṅgadahārakuṇḍalakaṭīsūtrādibhirbhūṣitām |hastābjairvasupatramabjayugalādarśau vahantīṃ parāṃāvītāṃ paricārikābhiraniśaṃ seve priyāṃ śārṅgiṇaḥ || 4||

बालार्कद्युतिमिन्दुखण्डविलसत्कोटीरहारोज्ज्वलांरत्नाकल्पविभूषितां कुचनतां शालेः करैर्मञ्जरीम् ।पद्मं कौस्तुभरत्नमप्यविरतं सम्बिभ्रतीं सस्मितांफुल्लाम्भोजविलोचनत्रययुतां वन्दे परां देवताम् ॥ ५॥

bālārkadyutimindukhaṇḍavilasatkoṭīrahārojjvalāṃratnākalpavibhūṣitāṃ kucanatāṃ śāleḥ karairmañjarīm |padmaṃ kaustubharatnamapyavirataṃ sambibhratīṃ sasmitāṃphullāmbhojavilocanatrayayutāṃ vande parāṃ devatām || 5||

इति श्रीकमला कमलात्मिका ध्यानम् ॥

iti śrīkamalā kamalātmikā dhyānam ||